زوجي محنتي!

الجزء 69

_ اويلي اش جاك هاد الليلة !
_ حبيبي شوية ؟!
_ يالاه !!!
_ بستو وحطيت راسو على صدري كيشي بيبي هو غير مخرج عينيه .. كنمسح عليه علا شعروا : نعس نعس ... راه هادا غير حمار الليل ضربك... نعس ..
_ لواه ضبع الليل ... باينلك برهوش أنا..
_ اويلي مالي علا حالتي.. لهلا ينعسوليك ...درت لجيهة لوخزا ... زوينة هادي كالس يتفشش عليا ..رجع هو لبلاصتو ..ما بغاش يديني نعاس بالفضول كندور كنلقاه كيشوف فسقف ويفكر .. كيتنهد .. او يمسح على صدرو مهموم وما بغاش النعاس يديه ... نطقها بصوت مبحوح ؛ مخنوق
نضت لعندو مفزوعة الصراحة حيت بانلي ماشي تلهيه ... شي حاجا داراه ... قربت لعندو كنمسحلو دمعة نزلات لا إرادياً من عينيه ...حضنتو وترميت عليه .. : مالك ا حبيبي مالك ..خوي قلبك عليا .. شنو كيضرك...
هو مكالي كرشي عليه خاف نتقسح حيت كنت ناعسا عليها عندو ...هو : عنداك .... دورني لجهة المعاكسة ليه وجرني بين رجليه حضني بقوة كبيرة حسيت بيه خشاني بين ضلوعو ..بحالا خايف مني نهرب أو نخليه ...معنقني محتويني بجهد كيشم فريحتي من جيهة عنقي ويتنهد .. أنا زاد خوفي ودرت لعندو كنمسحليه ونبوسو فكل وجهوا ..نتطمأن عليه حيت خلعني ..مكيجاوبنيش غير ساكت وكيتأمل فتفاصيل وجهي ويمسح علا عويناتي ويبوسهم..عانقنا بعضنا ومين شفتو مخنوق معصب محطم غير مع راسو لهاد الدرجة بوحدو غير ما جاه قلبوو مزير خايف يفقدني هادا مكيرددلي فودني أنه بلا بيا والو .. نضت درتلو خاطروا ...نخرجو فينما بغا يشم لهواء ويرتاح ...حيت حسيت بيه عارفاه باش كيحس تخوف من المستقبل حيت ألي ما داز لينا قليل ... ناد لوا عليه كشكول كيلبس فسبرديلتو الرياضية كان باقي الضلام ..هو : بلاما تبدلي راه مكاين حد فهاد الوقت زيدون أنمشيو فسيارتي ..لبست تا أنا سبرديلتي حيت هي ألي تجي مع هاد الكيطمة..ياسين دارلي طربوش أو جمع فيه شعري بلا حجاب أصلاً دنيا خاوية برا ... ولوا على أعنقي كاشكول... هز تجاكيطتو سوكور ... وخرجنا خارجة تابعاه كنشطح السميقليل ديال البرد ...هو وقفني خاشي النص فوجهوا فداك الكشكول جاء كي نينجا هه : ديريها عاد يالاه ...
_ شناهي ...
_ ديك ألي مشطحاك..
_ ما فيا والو ...غير لبرد ههه ...
ساط حتا بان بخارو خارج من الكشكول فسما مع الضبابة والدنيا مضلمة بزاف خشا راسي فاصدروا وجرني معاه .... خرجنا من لباب الوراني باش منفيقو حد..خارجين بسلوتي التام مديرينش لحس .. ياسين فتح سيارتو من بعيد أنا مشيت كنزرب فخطواتي سابقاه ليها ندخل ليها حيت لبرد زاد قرصني غادا كنقفقف ونشطح ...حتا تصدمت بمنظر غريب نوعاً ما مشكك وأنا كنحل الباب عيني خرجوا والحرارة طلعات معايا ...الذهول والإندهاش بان علا وجهي فمي تحل 180 درجة سيلسوس وأنا كنحل الباب ومراقباهم من بعيد كل من فؤاد واستريلا يتبادلان قبل ساخنة شديدة الحراره فهاد البرد القارس ...شادها مع الحيط وخدامين ..ياسين قشعهم وضحك ركب بحالا متفاجئش ...أنا بقيت واقفا حتا عيطلي داخلا مصدومة كنطلل عليهم من الشرجم مازالا كنحنزز ... واخدين راحتهم وعلاش مازال مامشاو يمكن عاد سالات السهرة تكون بيناتهم شي حاجة ... علاقة مثلاً ؟؟
درت لعند لاخر كنتسنا تفسير حيت باينلي فاهم كولشي ...طلق المكيف باش تسخن الطونوبيل ويدفا الجو كتر ... حسيت بالحرارة وحيدت الكاشكول ..الطونوبيلة سخنات بزاف..
ياسين : ديري الصمطة على لكريشة ...مساكن مخليناهمش ينعسو ليوم ...
_ راهم ناعسين أنا حاسا بهم ... ياسين شفتي ألي شفت ...
_ بتاسم وهز راسو
_ عارف شي حاجة ..دوي كاينا شي علاقة ...حتا من نظراتهم قبيلة ما كنتش مطمئنة بجوجهم كيشوفو فبعضهم يتغامزو بجرأة ويضحكوا فوجه بعضهم...مافهمتش استريلا ماعاوداتلي والو ..
_ علاش مهتمة ..وكتسولي شنو علاقتنا حنا ....
_ بغيت نعرف اش واقع فيا الفضول ...
_ ديها فمخك و قيلي عليك الناس ونتي دوك العينين عندك غير تيدورو ...
_ دايرا فيك خير ونايدا حارما راسي من الراحة والنعاس كوراني خامرا ففراشي دابا .. نخرج معاك فهاد نصايص دليل السهيت والموت دلبرد .. باش نفرحك نفاجي عليك نخليك مرتاح ...وزايدها بنفخا...
تميت خارجا نرجع بحالي .. سعا سد السياره : ماعندك فين تمشي ...
بديت كنتشاد معاه حتا غوت عليا بنبرة قاسية كتوحي لعصبية شديدة ...دار فيا حتا قفزني من بلاصتي : أنا ما جايبكش معايا باش تبقاي تصدعيلي راسي ... كلسي تبتي هي هاديك من سمعش حسك ولا (حل الباب ) رجعي صهطي وهنيني من صداعك ... حيت ما نقصني صداع ..
_ أنا : الصمت ... تخشيت فجاكيتي ودمعو عينيا تاني أصلاً كنت علا سبة ...صديت لباب .. حطيت راسي على الزاج هو ديمارا غادي بشوية علا ود الحمل ومخنزر ... دوك الجوج شافونا خارجين وتفاجؤو عاقو براسهم وحصلوا ..حسيت بيهم تحرجوا وأنا كنشوفهم من الزاج ...كنستقصدهم بنظرات الإستفهام ... ياسين غير غادي ..ساد صمت طويل بناتنا ... ملل شديد هو طول الطريق لمعرفة فين أصلاً مكنشوفش علا برا كنلمس علا كرشي ونتأمل فيها رجعاتلي ديك القضية ديال توأم وضحكت من جديد بتاسمت وحسيت بروح رجعات فيا مين حسيت بيهم كتلتين صغيرتين من اللحم مخشية فئحشائي ... وليداتي حبايبي سكيكيرات دياولي ..فليلساتي..فنيكيشات دياولي .. لابد منشوفهم يا ترى شنو غادي يكون جنسهم ... فلحضة نسيت راسي وبديت نغنيلهم بلاما نحس نشيد بالإنجليزية عاقلة عليه من أيام الباك هههه ...هو ألي كنت حافضة ومن طبيعتي كنهبل علا هاد اللغة هي الماده الوحيدة ألي كنت كنرتاح فيها ...ياسين كيكتم الضحكة ومكيبغيش يستسلم يحتافض بصرامة مين كيغوت عليا ولكين مكيقدرش باينا فيه عجبناه ههه أصلاً المنظر ديالي كان مضحك مندامجة معاهم كنطبطب عليهم وننشد بصوت رهيف وناعم ليهوم كلو عامر بنغمات الحنان الحب والأمان رسائل من عندي ليهم باش يحسو بحنين الأم حبها ليهم و كيتجاوبو أنا متاكدة .... حتا نطق بوحدو : فؤاد واستريلا مؤخراً كانوا كيتلاقاو كيتواعدو حيت جمعتهم صدفة..من تما بناو علاقة وعلاما فهمت أنه تقدم ليها ...الله يكمل عليهوم ... فرحت ليهم أنا شخصياً والله ..
_ نقزت بملامح البهجة والسرور ألي كانت ضاهرة عليا : حتا أنا والله فرحانة ليهم بزاف وعجبني أنهم نساو الماضي وتطلعوا لبعض هادشي فيه عبرة زوينة ...غير فأول جاتني غريبة وصافي ...شكون كان يقول يتجمعوا واو ...
_ أنا قصدت نعرض عليهم بجوج منهم نبارك ليهم او منها نحتافلو او نفرحو أنهم عندنا توينز ...
_ أحسن ما درتي ... ياسين إيمتا نمشيو لطبيب بجوج بآش نشوفهم وأنا مافهمتش كنت ديما كندير الفحوصات مافهمتش علاش ما قالولي والو ...
_ ماما كانت عارفا من النهارا لول وهي بغات تخليهانا مفاجاءة وأنا كشفتها ههه ...
_ فين حنا دابا ..
_ وسط المدينة تقريباً كاينا واحد الجردة كبيرة نكلسو تما لا ...
نزلنا ياسين لبسني تجاكيطتو حيت البرد بزاف وحتا من الكيطمة قصيرة ..دارلي الطربوش ديالها وجرني بنت كيشي بوكمونة ولا كائنة فضائية نزلات للأرض ... كانت الدنيا بدات تضوى والضو بدا يسطع ... هو رجع جاب واحد الفراشة ديال السياره عندو حطهالينا فوق النبات والربيع الورود دايرين بينا منظر كيشرح الصدر ويطمأن الإنسان ... كنراقبو الشروق ..
كلسنا وهو تكا حط راسو علا فخادي كلانا نراقب تلاشي الظلام وإنتشار نور الصباح نور البهجة التفاؤل والأمل.. مع كل إشراقه صغيرة من الشمس تحس بنوع من الدفء الطمأنينة والسكينة يتلاشا في جميع أنحاء جسدك .. اطلالة يوم جديد وما أجملها من لوحةٍ ساحرة أبدعها الخالق أمهر الفنانين ..إبداع لا مثيل له .. درت نشوف فيه لقيتو كيبتاسم ... مسحتلو على صدرو : مرتاح دابا...
_ ياسين نتا حاس براسك سعيد ؟؟..مرتاح أخيراً زعما لقيتي شنو كنتي باغي ..وصلتي وحققتي كل طموحاتك ؟!
_ تقريباً... من ناحية السعادة أنا فوق فرحان ... لقيت شنو كنت باغي هو نتي ...بديت حياتي مع الإنسانة ألي كنت كنبغي وغنبقا نبغي .. بنيت معاها عائلة وأكثر حاجة مأثرة عليا وعلا هاد الراحة مخلياني نعيش نكدح ونقاوم هاد لحياة هوما ولادنا... كنتسناهم بفارغ فارغ الصبر ...
_ كنلعبلو فلحيتو : ما بقا والو إن شاء الله ...
_ من ناحية الطموحات ..شحال من حاجة فحياتي باقة متحققاتش ومحالش تحقق ..ماشي ألي بغيناها كنلقاوها .. هادي الحياة ..كتعطي وتاخد ...
_ مثلاً شنو معطاتكش..
_ مثلاً ما كنتش باغي نقرا التدبير والتسيير بتاتاً ..ماشي هدا هو المجال ألي كنت باغي نتبع فحياتي شعبة مملة وقريتها غير حيت شي نهار غادي نترأس مجموعة الشركات دياولنا ... كنت ديما عزيز عليا هاد الشي ديال الفيزياء والكيمياء .. البحوث والعلوم كنت مهووس بكل ما يتعلق بهاد المجال...
عاود مثلاً كان حلم حياتي نطلع لاعب كره القدم مهووس بالكرة ... شائت الأقدار ودخلت للملاكمة حتا هي مزيانا ..تقدري تقولي دايرا بحال الإدمان يعني عمرني نقدر نولي نخرج منها ... ونتي هههه ورينا طموحاتك ههه ..
_ ههههه أودي على طموحات هه ( قاديت راسو فوق فخدي حيت كان معدب وأنا متكية على شجرة ..تما شدينا البلاصة ) ... كنت بغيت نطلع طبيبة ..طبيبة بيطرية حيت كنمووت فالحياوانات أي حاجة كتعلق بيهم كتلهمني ههه غريبة شوية مي والله فعلاً كنحماق عليهم عزازين عليا وحتا من الشعبة ألي كنت متبعاها علوم يعني كيخص هاد الجانب ...
_ ومالك ما كملتيش ...
_ ما كملش الله درت كل ما فجهدي وعاودت عييت طلعلي الدم ونا نحبس تما بديت الخدمة فواحد الباتيسري هه .. الشاف ديالو هو ألي شفتي معاه رسائلي عادي محترمين ...ضريف بزاف وكان تيعاملني بحال بنتو ...وديما كنت كنضرب النص ألي إفلحلوة تماك ههه حصلت ما مره ما جوج هههه
_ هههه شفاره .... شيماء علاش مترجعيش إتقراي إلا كنتي باغا ..أنا نعاونك .. أصلاً مكديري والوا غير الدار والنعاس ..الخمول بزاف ما مزيانلكش ديري شي نشاط ...حتا من لآصال نقيدك فيه إلا بغيتي متبقايش هاكا ... خورجي ضحكي أنا عاطيك الحرية ..
_ لا نتا كتقولي متخرجيش بوحدك ..
_ آه ... أكيد متخرجيش بوحدك... رجلك علا رجل ماما ولا معايا ..قصدت زعما بقاي تخرجي مع ماما .. حتا هي بالعكس ديما كتبغي تجبد معاك هاد الموضوع ..كونو صحابات فغيابي ..
_ وعلاش ماشي بوحدي ...مكثيقش فيا ...
_ كنثيق فيك ولكن فناس لا ...
_ وحتا من استريلا بنت مزيانة بزاف وتصاحبت معايا ...علاش
_ نو نو نو نو بعدي علا سوقها حسن ... كل واحد فحدودو هاد الزمان وراني بزاف ... وماشي أي واحد محل ثقة حتا هي وخا كنعرفها ...
_ بصح نولي نقرا *_* ؟؟؟؟
_ وعلاش لا ... أنا نشوف كيف ندبرها..._ كنلعبلو فشعروا بعيدا حيدتلو الطاقية ونتأمل فسما: ونخدم *_* _ لواه *** ... فين غادي تخدمي ...أنا ألي كنخدم هنا ..._ ولاش غادي نقرا إلا مغاديش نخدم... !!_ حيدليي يدي : خاصاك شي حاجا معايا .. ؟! أنا الراجل وأنا ألي كنصرف.. قصدت تقراي ماشي يطوالو الرجلين ...