زوجي محنتي!

الجزء 66

غير خرج ياسين نفاجرت بالبكا، بكاء لا ارادي...شهيق ونواح ...بحالة كنت غير كنمثل عليه قبيلة وأنا كنودعو بإبسامة عريضة ..كيف لا و جميع أحاسيسي كلها ملخبطة..بركان في داخلي على وشك الإنفجار ..حاسا براسي مامرتاحاش إحساس مخوفني من الماجي ...حاسا بأن هاد السعادة مؤقته ..شوية بداو يجيوني تهيؤات علا ياسين والعياذ بالله ما نقدرش حتا تندكرها كل ما يتعلق بتلك المباراة الواعدة أراه أسود ..تهيؤات بشأن ولدي كذلك ..الشيء علي جنني كي شي حمقة كالصا نتخايل أشياء لا معقولة فدماغي ونرجع نذكر الله ونستغفر ...حسيت براسي تزاد عليا الحال كتر ونضت ستاعذت من الشيطان الرجيم و بسملت بإسم الله... قريت صور صغيرة علا كرشي حييت تا منها حسيت بيها دراتني شوية ..الإبن كيحس و كيتألم لألم الأم ... توديت وصليت رتلت فيها ايات من الذكر الحكيم الشيء ألي رسخ فنفسيتي نوعاً من لإطمئنان والهدانة...وبدأت أعوذ إلى رشدي رويداً رويداً ...اتحكم بأعصابي ...ونكذب كل التهيؤات ألي كطيحلي فبالي ..شفت فساعه كان يالاه ديك الثلاثة ديال النهار ... مزال الوقت ..الأجواء صافية و النور ساطع فكل ارجاء الغرفة ... ماكين مايدار حتا من الجوع كنت سكتوا مين طلعولي ماكلتي بطبيعة الحال حسب المنظومة الغدائية ألي واصفاهالي لالا الطبيبة كتكون من المملحات ، الخضر، الفواكه ، القشدة ومشتقات الحليب ...أكل كنت كنكرهو ومع ذلك مجبرة ناكلو بزز عليا فاردو عليا ياسين ...وهادي من نهار حملت ماو ليت نحط ففمي كل ما هو دهني وأنا كنمووت فدهنيات والدسم ..توحشت الأكل المغربي والشهيوات التقليدية ..حتا النهار ألي كنحاول نطيب شي حاجة لراسي مشهياها كيصدوني بسباب هذا النظام الغذائي السافل فليذهب إلى الجحيم ...مشهية مريقة بخديرة..طاجين ولا كسكسو مسكي ..آه ياكرشي ..شكون يروي جوعك ... انتبهت لحاسوب ياسين ألي خلاه هنا الملل الملل ..اللهم نشوف شنو فيه ..فتحتوا كان بعلامة المرور ..مافهمتش علاش مسورتو ديما ... درت جميع الكلمات ألي طاحوا علا بالي باش نحل القن ساعا والو ...حتا تفكرت سميتي كيف لا وهو كان من هادي شحال كيستخدمها غير هي ..
حليتو وتصفحت كوكل بالخصوص بحثت فيه كتر عن مواضيع الحمل ونفسية المرأه الحامل بالأخص ولقيت أن هاد التوتر والعصبية حتا التهيؤات شيء عادي فحالتي ..الشيء الي زاد ريحني كتر ما أنا مرتاحة ..طاح علا بالي نحل فايسبوك ياسين الي كان كيحمل فوق 20 رسالة..أثارت انتباهي صورتنا فالبروفايل مين كنا فكازا بنفس العفوية ألي جاتنا سو كيوت .. تصفحت رسائلو كلها بطبيعة الحال وألي كانوا اغلبهم من الجنس اللطيف والتغزل اللامحدود الشيء ألي جعرني وبلوكيتهم كاملين ..عيقو هادوا ..حتا بانتلي رسالة من سيدة غير واضحة فصورة باينا عليها أنها فمتوسط عمرها مغربية ...زوينة مع أن الصورة ما كملاش كذلك ..مسيفطا للياسين : فكر في عرضي...شدني واحد الفضول حماسي لدرجة بغيت نرد عليها ونعرف اشنو كاين ولكن خفت من ردت فعلوا إلا حصلني مع أن مرتو وكيموت عليا مي هو هاكدا مكيحملش ألي يقرب لخصوصياتو ..سديت دغيا وقلبتها أفلام هندية ههه بيني وبينهم زمان ...كانت شي حاجه جديدة دوزت بيها لعشية أفلام كوميدية ،دراميةو رومانسية حتا ستسلمت للنعاس وعلى صوت طرق الباب أفقت ...حليت عيني على صورة غير واضحة ...الضبابة بزاف ..كنمسح فعيني ،نرمش و نتفوه ..كان الضلام طاح ...شي خيال كيقرب مني خيال زوين هادا ...بدات كتضح الرؤيا من جديد ..نفس البنت المزيونة صاحبة القلب الطاهر استريلا ..هاد المره جات على غير العاده أنيقة كتر من القياس ..ريحة عطرها واصلة لعندي ... لابسة كسوه قصيرة بزاف كسوه معيقة شوية حيت فخاضها كلهم بارزين ...جامعة شعرها على شكل كعكة أميرة وصافي .. كيهبلني ستايلها ... حبها لشخصيتها القوية وايمانها ثقتها بنفسها.. خصالها لحميدة انسانة رائعة خصها غير لإسلام ...هاد المره جابتلي معاها كادوا منعندها سبيبيط ديال دراري صغار فنيون ...باركاتلي على حملي ..خطوة جميلة كذلك منها كل مره كتزيد تأكدلي مصداقية روحها المرحة ... حشمت بلاصتي لأني كنت كلي مشعكة معمشة ومقلوبة بريحة النعاس ههه دايخة على الأخير غير كنهز راسي بالإيجاب...كنبان قدامها كيشي بوهالية خصوصاً بديك الكرش ههه ...ستأذنت للحمام كنغسل من ديك الحالة باش نتوكد ..قاديت حالتي وتميت خارجا كنسمع كذلك الهرج بزاف برا .. لقيتها كتجمع فراشي بإبتسامة ..تدخلت باش متعدبش راسها ولكن صداتني بقولها اننا ما بيناتناش هاد الرسميات كاملة.. وهي كتعتابرني صديقتها وعزازيت عليها وخا مكتعرفنيش عن قرب ...حتا من اللباس عوناتني فيه وهاد المره هي ألي ختارتلي بنفسها عندها الذوق ...سروال كحل مع بودي بيض كولو مشبك بوريدات طويل مغطي علا لفخاد وهابط
للحوامل مع سينطا طويلة ديالو فالأحمر مشدودة مور خصري ببابيون ...سبيبيط بلا ...كون ما كنتش دايرا الحجاب أنجي هي هاديك ..غير هو لازم لأن الدنيا علاما سمعت أتكون مخلطة... وهي كديرلي الماكياج ..أنا كنعاودليها علا فترة حملي و داكشي ألي كنحس بيه كنفرغلها ما فئعماقي وأحاسيسي المؤخرة حيت معاها كنحس بشي حد واقف بجني شخصية شفافة وخا نعاولها هضرتنا أتبقا بناتنا واللي زاد شجعني هو تجاوبها معايا وتقديرها تفهمها لشنو بغيت نوصل مع نصائحها ... كلماتها المطمئنة ألي خلاتني نزيد نأمن كتر بهاد الحمل كتهدر كأنها عندها تجربة كبيرة فالحياة عقلها ماشي ديال عمرها مثقفة بزاف لأنها هي الشخصية الوحيدة لحد الآن عارفا كل أسراري ... بقينا هكاك كلصنا كاع شادينها حتيت .. حتا كيتحل علينا الباب...تدفع وخرج راس ياسين كيطلل علينا بتفرنيسة دغيا ختفات مين قشعني أنا وياها فديك الحالة ...كان مخبي شي حاجة مور ضهرو .. عتاذر بزربة ونساحب وهو متعجب ...أنا شفت راسي فالمرايا تبدلت بان عليا واحد السر *_* من بعد لحقنا عليه للتحت متشادين كنهدرو لأن العشاء كان تحط... سولتها على سبب هاد العزيمة المفاجأة لأني براسي ماعارفاش ...قاتلي أن ياسين ألي قتارحها وهو مولاها ...تجمع فيها العائلة والأصدقاء وحتفالاً كذلك بهاد المولود الجديد ...عارض علا كولشي إلا خوتو ... و حنا كنقربو للطابله الكبيرة ألي فسفلي كان محطوط عليها جميع اصناف الأكل منو المغربي والفرنسي ... كولشي مخلط ودايرين عليها الخدم .... حتا كيخرجو عينيا ..حاديا غير ياسين وخايفا من ردت الفعل ..مزيرة على يد استريلا ...
هو وحق الرب المعبود حتا هو ....آش كيدير هنا وعلاش ومال ياسين ما دار والو بل كيضحك معاه كاع ..اش هادشي واش كنحلم ...كنمسح عيني ،نغمدهم ونولي نحلهم ... ياسين وفؤاد كيتراشقو كيضحكوا كاع ... الأعداء اصبحوا أصدقاء .متى ولماذا ..وامتا رجع ..وشنو باغي منا ..ياكما شي ريحة مؤامره جديدة ...ياسين متكي على باب الزاج ديال الجرده كيهدر معاه شوية شوية يتعانقوا عناق رجولي ويطبطب علا ضهرو بجهد بغيت نقول يضرب بديك الخباطات ألي عندو ...ضحكوا باسل ..غير متبعاهم بعينيا بصدمة كبيرة ..حالة فمي ... جراني استريلا معاها باش نكلسو حتا حسيت بيه جرني معاه ياسين ..جارني وكيضحك : كلسي حدايا ...
_ تنترتليه من يدو..مخرجا فيه عينيا : شنو كيعني هاد الشي ا ياسين..شنو ..
جرني للهيه بوحدنا ..معنقني من اللور كيلمس علا كيرشي ..فرحان بزاف على غير العادة :ولدي لباس ..._ كنهدر معاك ..._ وأنا كنهدر معاه ماشي معاك ... _ علاش فؤاد بضبط علاش ، لاياش كتخطط عوتاني ..._ كيحك وجهوا علا كتفي : نساي الماضي صافي ... عيشي معايا الحاضر ..كداز نهارك .. ( طولها) توحشتك بزاااااف...._ بعصبية : البارح كتقاتلو وليوم كتعانقو ..فهم تسطا ..زيدون فوقاش رجع ... واقيلا مازال ماتايقش فيا بخصوص هداك الموضوع ..سولو وتهنا يالاه ..كنحلفليك ما قاسنيش..._ دورني لعندو و حط راسو علا راسي مبتاسم ..لسقني علا الحيط : الهبيلة أنا تايق فيك ما محتاجا تبرري ليا والو ..مآمن أنك نقية ( كيبوسني قبلة حاره من الفم ) .._ دفعتو : وشنو السر مور هاد الصداقة الغامضة ..._ ماعرفتش جمعاتنا الصدفة مؤخراً لأنه رجع ستقر هنا ففرانسا .. درنا وتلاقينا من بعد بطلب منو باش متبقاش هاد العداوة علا والو ...دوينا وحلينا كل شي ... وكتاشفت أنه إنسان مزيان ماعنديش صحاب بزاف ودرتو من صحابي ...ونيت باش نفهم مرتي لحبيبة أني نسيت كولشي ..وأني متيقها فكرت أن هادشي يقدر يسعدك ..._ كنخشي راسي فكرشو كيف العادة ..كنضربلو علا صدرو ونخبط : الحقير لاخر بقا تعلم ... _ باس كرشي : شنو درتو ليوما ؟؟_ تنحرك فراسي ونلعبلو فلحيتو الصغيرة يلاه منبتا : كلينا ، تفرجنا ونعسنا...ياسين : توحشتكم بجوج ...(كيقيسها و مخسر سيفتو ) شيماء كرشك كبيرة بزاف علا لوقت لحالي..يلاه ربع شهور ... ( هز حاجب ) ..ياكما مكتحضريش للحصص الطبية ..شيماء : لا والله مكنفلت ولا حصة وكل مره كندير الفحص ... حالتي طبيعية 100 فال-100 _ وا هي ولدنا أيطلع ضخم هههه عنقتو كنتبحلس عليه : غير يكون كيشبهليك..وليد بحالك ..ياسين صغيور _ حتا أنا باغي باغيها تكون بحالك شيماءة صغيورة ...شفنا فبعضنا كندحكو ..هو : ألي منك أنا باغيه ولد أو بنت ...تكون غير صحتو كاملة ..._ ما عندو مايوقعلو .. وياالله نمشيو راه تعطلنا...جرني : فين هاربة ههه ، ولا لسقني مع الحيط كيهبط فراسو لعندي وحال فمو هاجم ...خشا فمي ففمو . ...كيبوس ، يمص ويعض يبلع فريقي..فمو مجخلط وجخلطني معاه ..أنا غير مراقباه وكنضحك هههه ... : ممممم ترساي مممم جمعت فمي وخليتو يمص فيه حتا شحف...مسحلي كاع الزينة ألي كنت دايرا ... رونلي حوايجي كاملين وحتا من حوايجو ... بعد وبدا يقاد ، جارني وكيمص فشنايفو كيمسحهم...أنا غير كنضحك وجاراه : تسنا وا تسنا هههه...