زوجي محنتي!

الجزء 79

وخرجت للقصر مره اخرى سيارة ياسين هنا بتاسمت .. مع أن هاد المره النظرات ألي كان مستقسداني غير طبيعية زيادةً على ذلك الوجوه الجديدة ألي كتدور عندنا فدار ..للأسف كنت معرية شعري فحضره الرجال معرفة شكون هاد الناس ، لهذا انصرفت بسرعة فتجاه بيتي حاطا كفي على خصلات شعري زعما راني مغطياه هه ... حتا كنسمع صوت ياسين من الدروج كيهدر بالفرنسية .. غواتو لاقصى درجة .. كانت باينة عليه العصبية ياك لاباس ؟ تقدمت ..
_ هو عاض على فكو عينيه حمرين وكيتنفس بسرعة صدرو كيطلع ويهبط شاد على يديه بعصبية : شتي لا نتي لا هوما كتخلعوني ..المخير فيكم يواجهني .. أنا ما بقا عندي دخل فشركة علاش باقيين تبعيني ..لا لا ...ما بقاش عندي ألحق فوالو فيها حتا من 25 فالمية من الأسهم صافي تنازلت عليه حقي ما بقيتش باغيه ... داكشي علاش الدائن ما عندو مياخد مني دابا ..وموضوع إفلاس الشركة هداك شغلكم نتوما حلوه ياك أنا بعتلكم كولشي ...ياك نصيبي ولا من حقك نتي .. حلي مشكلتك مع رشيد .. هو ألي باقي شريك معاكم .. أما أنا ما عندكم ماتصورو مني ...
رجعت بلور كنسنت عليهم فنفس الوقت ركبني الخوف ..هو : شتي كون لقيتوني مسالي ليكم أنوريكم شكون هو ياسين ... خسارة ما بالله تا ندمكم واحد واحد.. ما خايف من حد ولي فجهدكم ديروه...
وزدح التليفون علا لفراش مشا تقابل مع السرجم كينفس الغضب ديالو .. كيشم الهواء النقي القادم من الخارج ... كيطلع النفس بسرعة كبيرة ...توجهت ليه بشوية نتدارك معاه الموقف ... حس بيا ودار شاف فيا شحال طلعني وهبطني وقلب عينيه : شنو كديري نتيا هنايا عطي الراحة لراسك ..شدي بلاصة وحدة ...
_ أنا بتردد كنشوف فيه من بعيد : طلعت غير نبدل عليا ... وبغيت نبقا فبيتي لهيه كتشدني لخنقه ، أو سيروم كمل الصبح ونتا قلتيلي ما بقيتش محتاجاه ... ياسين مالك ؟ شكون قلقك ؟ ( قربت لعندو وشديتليه فيديه كندورلو وجهوا لعندي ) واش ديك المرا ؟ شنو بغات منك ..
_ الصمت..
_ كندلعو..كنحاول نخفف عليه حيت حاسا بيه مزير فقسوه الله ياخد فيهم ألحق : شوف فيا ا حبيبي ، باش كنشوفك مقلق كنزيد نتأزم ، شنو بغات منك بنت الحرام ..أنا كنت عارفاها مغتخليكش لاصقا فيك الحماره لوخرا ..حيت معطيتيهاش قيمة ورفدتيها باينة حرفتها خطافة رجال لاصقة فراجل مزوج .. أنا مفهمتش هاد نوع دنسا ستغفر الله ... آح كون نرجع زمان بلور كو دربتلها نتفة نهار شفتها معاك..
_ بتاسم : بهاد الكرش هه ، ماشي علا ود هادشي مالي بنتليك مرا تطمع فيا ... ولله تنوريها شغلها ، دابا هي ماراضياش مين خويت بيها درتها بيها ..عطيتها أمل أني غنكمل الشراكة معاها حيت بعت غير النص ..ومن بعد سمحت فنص لاخر حيت فكل الأحوال الشركة غتفلس وخا درنا محاولات إنقاد يعني غنخسر نخسر ادن لاش غنكمل معاهم .. ومنها نوقفها عند حدها حيت دوك التصرفات البهلوانية فاهمهم و حافض العيلات ...
_ شنو كانت كتحرش بيك ..
_ أنا لي كنتحرش بلعيالات ماشي لعكس ..
صفاريت : آااها .. وتميت قالبه وجهي مخسراه : واخا ، واخا
هو جرني بحركة معاكسة من اللور هز وجهي لعندو : كنتحرش غير بمرتي حبيبتي ، حبي .. حط شفايفو علا شفايفي كيبوسني فلحظة غمضت عيني كنتدوق القبلة وندوب مشيت معاه ..حتا حليت عيني ودفعتو : مغتدوخنيشي بهاد التحلوين ديالك ... يا المتحرش ..
باراك من البسالة آجي ..شحال أهدي متباوسنا .. حشمت وبديت نتدافع معاه بضحك حتا صدقات بصح وغوت كرشي زيرات علي ألم فظيع كذلك هو خاف : ياك لاباس مالك ... شنو ؟ فين ؟ مالك ؟ جرني بشوية شيئاً فشيء لفراش تكانيي هز رجليا على مخده وسندني على دراعو ..شي وجع الله يستر أحاط بخصري من لتحت بحال ديال الحيض مين كيشدني حتا تعرقت.. هو شد كيعيط دغيا ما عرفتش لمن حتا شديتلو يدو : بلاش صافي مشا ..
_ بنهضة : ياك قتلك متحركيش من فراشك ، خصنا لا بد نوليو ناخدو موعد قبل السفر وخا فحصك البارح ولكن ..
_ لا بلاش ..راح هديك اش سميتها قاتلي ندوزو عندها قبل أنديرو تحاليل بجوج ضاروري باش يكتبوا تشخيص على صحة لي بيبي وتقرير عليا كامل يبعتولهوم هوما .. قاتلي باقي غير لفلوس ..
_ هو نايد تاجه لبلاكار كيجبدلي تبديله : آه لفلوس .. عندي المبلغ صافي ، دبرت علا كولشي ...
_ بديت كنحيد فحوايجي هو كيعاوني : غير رتاحي .. أنا أنكمليك
أنا : أنا عارفة أمشي وقت هاد السؤال ، ولكن غير ..
_ متهدريش دبا .. رتاحي صافي تكاي عطي الراحة لعضامك خصك تاكلي .. راح خليتهم كيوجدوليك فطرتي ياك ...
_ لا طلعت نيشان ... وهو كيطلعلي السروال هز راسو لعندي.. نهض : أوف يا الله ... شيماء عاونيني .. واش غنبقا غير مقابلك ... كلشي مني عييت أوف ... مكنطلب منك والو غير ترتاحي وتهتمي بصحتك ، واش نتي هاملة راسك وأنا غنبقا تابعك .. مكتشوفينيش شحال كنقيل نجري من هنا للهيه ..
_ بعصبية ..نزلوا دموعي لا أراديا : تا واحد مطلب منك تبعني ، أما شفتش لفطور ..
وقف تقايل معايا : أنا خايف عليك مباغيكش تعياي ...عاونيني أنا كنقيل نجري ليل نهار باش تدوز هاد المرحلة على خير وبخير كانطلب منك تعطي غير الراحة لنفسك ، ماعنديش الوقت باش نحك راسي عندنا غير ليوم غدا إن شاء الله ليل غادي نقلعو وقبل غندوزو للعيادة كتفهميني ياك ..من تم نيشان لكلينيك غاتدخلي أتبقاي شهرين حتا لوقت الولادة ...
_ بخوف كنرجف : ونتا ؟
_ أنا معاك ... فين غادي نكون أنبقا معاك ...
_ والخدمة ...
_ ما بقات عندي خدمة حالياً صافي حيدت عليا كولشي ... صافي سدينا داك الموضوع... واعديني أتشدي الأرض متحركيش .. ولماكلة غتجيك فوقتها ..ولا أحسيتي بأي حاجة ولو حريق صغير عيطي لي .. إلا جاوبك شي حد من غيري قولوا ياسين أنا مرتو ..
_ فين غادي عوتاني .. ياسين أنا محتاجك ..شنو هاد الأشغال ألي كتخليك تغيب ياك فضيتي كولشي ؟
_ الكومبا
_ اينا كومبا لا لا .. ياك نساحبتي ... ولا البارح الليل كامل غايب وليوم وغتبقا ديما.. ديما كتخليني فالوقت لي محتاجاك فيه ، حشومة ليك غادي تلعب مع راسك وأنا فهاد الحالة.. واش محاسش بيا
_ واش أكنبانلك فرحان ( كيشير بيديه لفمو ) واش كنضحك ؟؟ شوفيني واش كنضحك ... ما حاسش بيك ؟ وشنو كندير أنا دابا تسحابليك غادي لخاطري حيت محتاج لفلوس ... ما بقات عندي تا ريال تا مدخول خليتلهم كولشي .. كنفكر لمن بعد ، مور لولادة إن شاء الله المصاريف كتكتر الدراري.. كاع داكشي ألي كنملك حالياً من غير ألي تخليت عليه غندفعو فعلاجك ، الطياره الأوطيل لهيه ديالي زيدي عليه الدواء ... فلوس الكومبا محتاجهم ولا ربحتها راه فوق بخير على الاقل ندخر لفلوس حتا نلقا حل من بعد ..
_ علاش متسلفش ...
_ بتاسم بستهزاء : واو فكرة رائعة .. وباش غنردهم من بعد..
_ من داك الحل ألي غتلقا من بعد كما قلتي والله أعلم ...
_ لا ... الفلوس نجيبها من عرق كتافي ..أنا ماشي طلاب..
_ سميتو سلف
_ عندي كيف كيف ..
_ ولبارح فين كنتي غابر عوتاني ولا تا هي الكومبا ؟
_ بضحك : ما سوقكش ...ديها فكرشك ..
_ تكيت بلاستي جارا لعندي الصينية كنشرب كاس العصير حيت كانوا طلعونا الماكلة : أصلاً عمرك درتيلي حساب ..
_ هو كيبدل حوايجو: ما عندك فين دخلي فهادشي ..
كنمدغ ونهدر معاه بصوت خافت : علاش ؟ علاش ديما هاد الغموض كولشي من لتحت لتحت.. أنا مرتك ومن حقي نعرف كل تحركاتك ...خصك تعرف أني كنخاف عليك كما كتخاف عليا ، حيت ديما سكوتك مكيبشرش بالخير ...كتكون موراه شي حاجة وما خفي اعضم ..
_ هو كيوجد ساكو على الأغلب الليلة هاد الكومبا المسعودة ألي ما عرفت كيف خرجاتلينا تا هي .. وكل شوية يطلل كيتسنا شي حد واقيله ... مشطون بالو : شكون هادوك لي برا ( كيهدر مع راسو ) صفر لدوك رجال لي كنت شفت على الأغلب موظفين لأن لباسهم كيوحي لهادشي .. شاف فيه واحد وكمل طريقو بإشارة من ايزايلا ... الشيء الي أثار إستغراب ياسين بدا كيزرب باش يتبعهم سعا ركبوا مشاو ما لحقش عليهم ... أنا كنطلل على الكل من النافذة القريبة لفراشي ..ياسين كيسول ماماه باستغراب كبير ... حوار طويل دار بيناتهم مسمعتوش حتا قشعاتني هيا ولوحاتلي بيديها بإبتسامة ..بادلتها نفس التلويحة ..كتسول ياسين عليا باينا .. بجوجهم كيشوفو فيا ويدويو ، على الأغلب الموضوع على صحتي حتا طلع هو لعندي شاد تيليفوني مخنزر كيقلب فيه ..خسر لهدرة : ز...ل
كلس علا الفوطاي كيفكر شحال عينيه كيدورو هنا ولهيه ..ما حسيت براسي تا قربت لحداه كنمسحلو على شعروا : صارحني عفاك شكون كيلاحقك ؟ واش ديك المرا كتهدك بشي حاجة ؟ مالك ا ياسين صارحني را هاكا كتزيد تكمل عليا، كنتعذب قلبي كيتقطع عليك ..
_ كيمسح علا رسو بعصبية ويتنهد مشوش بزاف : دخت ولله تا دخت غنحماق .. ما عرفتش واش نوقف هادشي كامل نسيفطك مع ماما بوحدكم ونخرج فبوهم طول وعرض ..دبى كيشوفوني كنتهرب عدبالهم خايف أما أنا لمخير فيهم نقتل بوه..كون غير لقاوني مسالي