زوجي محنتي!

الجزء 76

تحملت كولشي على ودو ..على ود ولادي.. مغيمتوش إلى أعاشو بلا أب مصيرهم بحال مهم .. أنا غادي نكون ليهم كولشي أنا غادي نضحي على ودهم بشبابي ... مازال ما مت أنا باش يعوزو حاجة وأنا فالحياة غنوفرليهم جميع احتياجاتهم بعرق كتافي ماشي هوما أول أو آخر وحدين يعيشوا على تربية أم بوحدها .. جمعت شعري وحيدت داك القفطان قطعتو عليا .... بقيت غير بشورط ديالو ودباردور ..خويت حوايجي كلهم للأرض وجبدت باليزتي ونجمع ولا عرفتي شنو هادو حوايجو والله لا طبعوني خلتهملو كولشي من فلوسو كرهتوا هو وكل ما يتعلق بيه حقدت عليه ... ياسين إسم مبقيتش نطيقوا فحياتي هادي لخرة ليا معاه هنايا ... بقيت غادا وجايا فالبيت كرشي أكتحرقني ولوجع غير مكيزيد مديتهاش فيه دمي كان سخون كيغلي غدي نفاجر شفت حتا شفت وقررت نهدن راسي نفكر كيف غادي نتخلص منو فخطره ومن هاد الحياة ألي هنا ... فرنسا الجحيم هادا ماوليت سميتها ... جبدت صندوق كنخبي فيه كل أشيائي السرية بتخبيه عليه أهمهم لفلوس حيت تعلمت من آخر مره معاه أن دنيا دوارة والزمان لعاب .. ما بقيتش نتيق فيها والسعادة مكتدومش لأني ديما كنتخدع بيها .. وشكوكي صدقوا فمحلهم كيف العادة ... كنت كنجمع دوك الفلوس من الكونط ألي فاتحلي بسميتي كل مره نجبد شي بركة ونخبيها باش شي نهار لا واقفات ماما علا شي حاجا ، مرض الله يستر أو علا ود لبنات خوتي فدراستهم ..حيت ما كنتش باغا نبقا كل مره نتطفل عليه فيها ... سعا هاد لفلوس جاو فمحلهم هوما باش غنسافر نرجع بحالاتي المغرب او نعيش كيف الأول ...ديك الدار ولله لا بقينالو فيها .. أنا غادي نرجع و- ندير كل مافجهدي نخدم ليل ونهار ونعيش حيت عندي علامن ... ماخرجتش من هادشي بوالو تضحيتي ما مشاتش على الفاضي ..ربي جازاني بيهم فلذات أكبادي..حطيت يدي على كرشي : كنواعدكم انني نعيشكم أحسن عيشة .. حتا من هاد الفلوس يقطعهم من النفقة ألي موحالش واش نقبلها .. ديك الساعة علا حساب وضعي.. المهم غادي نردهم عاجلاً أو أجلاً والله السنتيم منو لا عاودت قبلتو ... حيت صافي هادي الاخرة ا ياسين يا موتي يا حياتي ... وأنا كنجمع ساكي باسبوري ووراقي والفلوس كنجبد لبسة نبدل عليا والله هاد الليلة لا دوزتهاليه هنا ... حتا كنسمع الدقان وصوتو ألي وليت نكره نسمعو .. بعدت هو تيغوت عليا من برا نحل ..حتا كشفتو درب الطم سكت سكوت غير مطمئن عرفتو أيهرس ألباب.. ومشيت جريت تخبيت فدوش سديت عليا فيه لمره الثانية ..حتا سمعتوا فعلاً هرسوا بجهد .. زدت تخشيت فراسي سادا عليا داك البيت الززاجي تا هو حتا حسيت بضو تشعل وتحل عليا الباب قدامي ..
كنشير بكل ماملكت من طاقة بأشياء الحمام شمبوانات كيوس طاسات عليه ونغوت : خخخخخررررججج ... خرج الله ياخود فيك ألحق.. سير عند قح***ك ....الله يلقيها ليكم فهاد العواشر كيما خرجتولي علا صحتي الله يخرج عليكم ... الله يحطمكم كما حطمتونيي كما قهرتوني فحياتي الله يقهركم ...عمرني منسامح ليك ... هادي لخرة اى داك الوحش ... نتحمل الضرب التعذيب المعاملة السيئة ونرجع معاك إلا الخيانة ا ياسين إلا هي ... بغيتيها سير عندها تق *** ب معاها ...
أما أنا مغتبقا تصور مني والو لا أنا لا ولادي الخائن وليت نشمئز منك .... وولادي ديلي بوحدي ماعندهمش أب ...عمرك تحلم تشوف كمارتهم ولا كمارتي سالينا صافي ...سمحتليك المره نوبا لألا تانية ولكن عييت نتا ماشي إنسان نتا واحد أناني باغي تملك كلشي و تدير ما بغيتي تتحكم فالأشياء ..ولكن مازال ماتولد الراجل للي يتحكم فيا من غير با الله يرحموا ..شكون نتا من غير الخالق آه ... باغي دير جنحين ، ما غاديش نموت بلا بيك ..حياتي ماشي هي راجل كاينا شحال من حاجة تستاهل نعيش على ودها ...
_ ياسين كيقرب لي وفعينيه الغضب الألم الحطام كولشي مجموع ...
_ متقررربشششش .. هزيت موس لحسانة ديال اللحية جبدت الزيزوار على يدي كنهدو باش نقطع شراييني راجعة بلور وهو كيقرب ...
_ نزلاتلو دمعة .. شيماء سمعيني راح منقدرش ...كيشدلي فيدي وأنا كنتجار معاه ...كنتدابز معاه باش نتفك منو ..جمع يدي مور ضهري باش يحيدهالي وأنا كنتجرر ليه فالأرض .مني ليك مني ليك .. بقينا حتا جرحتو فعنقو وساح الدم ... تما توقفت ورميتها من يدي ..هو قلبها ومسح الدم بيديه : نهار قتليك منقدرش نعيش بلا بيك وعايش علا ودك نموت بلا بيك عنيتها ...وكل هادشي ألي كندير حيت خايف عليك ...
_ سكت الخائن الغدار الكذاب ...نتا كتبحت على مصالحك صافي ..أما أنا بنسباليك شيء من أشيائك نهار ألي مليتي منو رميتيه ... كون غير صارحتيني ننساحب من حياتك بهدوء حيت أنا ماشي ثقل تحملوا لا أنا لا ولادي ..ولكن باش تهيني تجرجرني وتمحي كرامتي من الأرض تمسح فيها رجليك هادي ألي منسمحلكش فيها ...
_ هادوك تا هوما ولادي .. ولكن ...
_ خرجت من لحمام وهو تبعني حاط يديه على رقبتو .. أنا : ماكاين ولكن ... الطلاق هو الحل ، سالينا هادي كلمتي ..يا إما طلقني والى نقتل راسي ومعايا هاد الجوج ... حيت لحياة معاك ولات جحيم ... هادا قراري ...
_ بصراخ : تعيشي وتموتي وتبقاي ديالي وهاد الدار عمرك مغتزدمي على بابها هنا غتبقاي ا شيماء
هزيت ساكي وعبايتي بزربة كنجري فتجاه الدروج : اوا منعني إلا قدرتي ...
هو تبعني دغيا شيدني كنتجار معاه وندربليه فاصدروا ونغوت ربي لي خلقني ..كنبركليه على الجرحه ألي فعنقو باش يبعد عليا هو كيحاول يهزني ... حتا ما حسيت براسي و نطقتها ..كلمة حسيت بمغزاها جرحوا ولكن ماكتش كنفكر كما كان جرحوا أكيد هين قدام جرحي .. : عرفتي شنو خطأت نهار ألي رجعت معاك ..كون مشيت مع فؤاد كو راني عايشه هانية حيت هو راجل ..أما نتا غير شماتة ...
ما حسيت حتى ريتم أنفاسو الحارة تصاعدت ، نبضات قلبوا كنسمعها من بعيد ..عينيه حمارو وولا كيسفك مع كان شارب ..جمع معايا تا شفت نجوم ظهر ورعفت تزدحت مع الحيط ..ونزلت للأرض فصدمة ...درب يدو مع المرايا ألي فدروج و هرسها كيبكي : نتي ما عارفاش فاش كنعيش ... كنتقطع كل نهار ونتي قدامي كتدوري..مكنقدرش نقرب ليك حيت فؤادي كيتمزق كل ما كنتفكر أن نهار الولادة كيقرب ... كنتحدا القدرباش تعيشي ..بعت تقريباً كل أملاكي باش نشوف كي ندير نقدك ...خايف عليك بزاف .. طاح للأرض علا ركابيه ..يديه على وجهوا أما أنا غبت ...
فى درب الحياة الطويل..عشت كأي أنثى من صغري آكل اشرب ألعب ادرس ..لم أذق طعم المعاناة غير الفقر ..ولا طالما تأملت مستقبلاً وردياً يعوضني عن كل شيء ...أصل فيه إلى كل ما نسجته من أحلام كبرت معي في داخلي ..لأجد نفسي أخيراً أمام لن أقول هذه المره لعبة القدر ...انما أمام تداخلات ومعاكسات في علاقتي معه ..كيف يعقل ؟ لهذه الدرجة يكره القدر علاقتانا ..كل مره عائق.. كل مره صدمة ، كل مره قضية جديدة ..عكس ..يتمحور ليعذبنا نحن الإثنان من جديد ..لا نصدق نفسنا أخيراً اننا وجدنا الراحة الأبدية السعادة ، الإطمئنان ،السلام ، والحنين الأسري ... لندخل في متاهات تلعب بحياوتينا وتفاجئنا بأن العذاب والألم لم ينتهي بعد ... كنت متشوقة أن أصبح أم ولا زلت..أم محبة لأبنائها.. لبنو بطنها ..كنت ساحميهم سأحبهم، سأهتم بهم ..بكل ما يخصهم... حلم أي فتاة نسجت أحلام الأمومة لأنها شيء جميل ...هاه ولكن نسيت أني لست سوى شيماء.. جبين لم يكتب له السعاده ولن يكتب..تطفلت على أحلام غيري ونسيت من أكون أنا ؟ اللعبة هذه المره خطيرة غير كل ما لعبته بي الحياة سابقاً ..هي حياتي: ثمن وجودي ..كل ما أملك ...حياة حافضت عليها لحد الآن ..لا يؤسفني أنها في الشك قد تنتهي فأنا لست إلى بقايا إنسان يتظاهر أنه على قيدها ...كل ما يؤلمني أني قد لا ارى ابنائي ...طفلاي !! قد لا المس يداهما أبداً ...قد لا أراه هو مجدداً ..قد اغادر أرحل بهدوء في صمت .كما جئت يوماً قبل 22 سنة من حياتي ..يوم فرح فيه الكل بمجيئي أولهم أبي بما أني أول مولودة بينهما ...ثمرة حب صادق بين أبواي ... تمنيت في لحظة لو لم يكن لي وجود من الأول ...لو لم أخلق لكانت الأمور ستكون على خير ...
حليت عيني على الكل بستثنائه هو .. كان الضو طلع ديال النهار .. أنا فبيت ماشي ديالي على ما أظن ديال حماتي .. تلفت كان الكل داير بيا حتى القليل من الخدم .. واقفين علا راسي ورامين إبتسامة كتوحي أني على خير فيدي السيروم .. وشخص يفحصني دكتور مع الطبيبة الخاصة بي..طلعت التنفس بجهد وهبطتو حاولوا يهدروا معايا ما جاوبت حتا واحد ..عيطو على ازابيلا لبرا نداولها يتحدثوا معاها بخصوصي ..طال الحديث والأسف ...رعشة وبكاء يملآن وجهها ..بتاسمت بستهزأ فنفس الوقت غرغرو عينيا لهاد الدرجة لوضع سيئ ...حطيت يدي على كرشي كنبكي فصمت..درت علا جنبي وسديت ودني باش منسمعش هضرتهم لي غير مكتزيد تئلمني تغصني وتقضي عليا لا أريد أن أعرف نسبة نجاتي الضعيفة ...لا أريد أن أسمع ...حتا لاحظت ظل كبير كيقرب مني ... كلس من ورايا .. مادرتش لعندو.
يد كبيرة تحطات على كتفي كتمسح عليه بحنان هدوء وحب ... صوت تسلل إلى أعماق أعماقي بحال أول مره سمعتوا إلا ماخانتنيش الذاكرة قبل عامين لأول مره تلاقات عيونا فبعضها وحنا فسن الرشد .. جعلني أشعر برعشةٍ غريبة تسري في جميع أنحاء جسدي...صوت الحب إن صح القول الهوس في العشق وهو كيمسح علا يدي ويبوسها .. فنفس الوقت كيحاول ما أمكن يتماسك راسو ويبين راسو قوي : كنت فرحان ...غنطير بالفرحة لأني واخيراً غادي نخلف معاك نتي البنت ألي حلمت بيها من أول نهار شفتك تعلقت بيك ...حلم كنت حلمتو يوم أننا نعيشو فهناء راحة .. كأي جوج ختارو يكملوا حياتهم مع بعضياتهم ،نشؤ عائلة بسيطة نكونو فيها زوج زوجة ،أب أم ،جد جدة أسرة سعيدة .. لكن هادشي عمرني كنت نبغيه ولا نرضا يوقع لو كنت عارف أن الثمن يقدر يكون حياتك .. كنت نفضل عمرني نشوف ولادي كيف دائماً كنت كنتمنى ..كون اعرفت نرجع الزمن بالوراء وعمركي تحملي ...نهار سقت الخبار تصدمت تمنيت الموت قبل منسمع هاد الهدرة أصلاً كنت حاس ..كاع هاد السعادة تكتاب لينا فالأخير ..اننا أخيراً رتاحينا مع بعضنا تهنينا من كل هاد المشاكل ..( أنا خشيت راسي فالمخدة كنبكي بحرقة.. ما قدراش نشوف فيه..نشوف فعينيه لأني غنستسلم ).. ما تيقتش راسي حتا عشت كأي إنسان طبيعي أخيراً .. نهار ألي خرجنا فليل قلبي كان تيقولي أن هادشي مغاديش يدوم ... حاس ..حتا تأكدت كل أحاسيسي لي كنت كنرفضها ..كنت غادي نحماق تحطمت نهار أخر لقاء كان عندي مع الطبيبة اللي متابعة الحمل ديالك ...داك نهار إلا عقلتي ما بتش فدار كنحاول نستوعب ونفهم ...