زوجي محنتي!

الجزء 9

شوية دارتلي واحد لقضية فراسي طن ...علاش مازال ما وقع بيناتنا والو .... يكون هو مزعمش عليا تنولفوو زعما همم .... علاش أنا منبداش ...نيت دابا ليل غيرجع غيرجع باش ينعس ... نضت وقاديت حالتي مزيان ... لبست شوميز غزالة هاد المره ماشي بحال ديك لموصيبة ديال ول البارح ..مستورة شوية ب- بنوارها فالغوز الفاتح ..ودرت المكياج قليل ...باش منبانش شوهة حيت مكنتقنوش ...طلقت شعري حيت كنت مصوباه او درت عطر ريحتو هادئة وانثوية ما مثيراش بزاف ...وكلصت فالفراش كنتسناه على أحر من الجمر
شفتو تعطل ثاني ..طليت دغيا من الشرجم ما بانليش ..ولكن طنوبلتو باقا يعني راه دخل للدار ...جريت لبلاصتي...شوية كنسمع خطوات كيقربو من الباب وأنا قلبي غير ما كيزيد يخفق وكلي كنغزل أكيد هو .. تحل الباب ...وفعلا كان ياسين...اوه أخيراً.. فالأول تفاجئ ولكن من بعد بتاسم إبتسامة خفيفة ونفس الوقت شريرة ...سد الباب بساروت ...وبدا كيقرب ... أنا كنترعد ياربي تعاوني ..كيف غادي نتصرف معاه عمر شي راجل ما قرب مني..واش نتجاوب معاه أو لا نخليه يدير كلشي للحضة ندمت بزاف حيت كانت خالعاني ردت فعلوا و فنفس الوقت خايفا منو ...... جا نودني من لفراش ..أنا عينيا غير فالأرض ما قادراش نهزهم فيه ..شدني من كتافي وقربني لعندو بزاف ..هبط راسو لعند راسي وقالي في ودني ( هادي ألي عمرك تحلمي بيها ) و بتاسم .
*قالها بكل بساطة وتلقائية ... وكيبتاسم من لفوق كأنه كينتاقم أو كيقصد يعذبني ... طلقني و دخل للحمام كيسفر و عاجبو الحال .. طحت للأرض ..طحت ودموعي فعيني ...كلامو نزل عليا كي الرصاص الذايب وحرق قلبي ...جرحني من أعماق أعماق قلبي ..مسني فكرامتي وكبريائي ....حسيت براسي كيشي شرويطة خانزة مارداش يقيسها أو انني جرثومة قدامو ... أخيب حاجة فدنيا أنك تسلمي راسك لراجل او يرفضك... علاش دار هاكا مين ما باغينش علاش تزوجني ؟؟ شنو درت ليه !! الموت كان أفضل مية مرة ولا نسمع هاد الكلام ...أول مرة كنتهان بهاد الطريقة ....وكنتعامل بهاد القسوه ... بقيت مليوحة فالارض ودموعي شلال مبغاش يحبس ...أما هو كان كدوش ولى على بالو بحال ديما ...خرج لابس حوايج الدار .... ناشط بالأحرى فرحان ... خرج سد عليا كما العادة ... أما أنا باقا منهاره وكلي كنرجف مازال متقبلت الصدمة ....ما حسيت براسي تا سترت حالتي ... او جبدت دوك سوارت ألي كنت مخبياهم أو حليت الباب ...خرجت كنقلب عليه وحالتي حالة ...غنواجهو ...آه غنواجهو ...أنا إنسان وماشي حيوان باش يعاملني هاكا ...لحسن الحظ ماكنش بعيد ...بانلي فالمكتب ديالو شاد الحاسوب ..دخلت او زدحت الباب علا أحر من جهدي ...
أنا(كنغوت ) : علاش تزوجتيني ؟ دوي
*قلتها بكل ثقة وولا على بالي..هاد المره ماخيفاش منو وخا يطرا ألي بغا يطرا ... شكون بغا يكون كاع ...
هو ناد وضرب علا لبيرو وتاجه لجيهتي بواحد السرعة ..أنا رجعت بلور تا لصقت مع الحيط ...
ياسين (كيغوت على حر من جهدو ) : آآآآش كديري نتي هنا ..ياك قتلك ما تخرجيش ...وشكون حل عليك ؟
أنا : ما سوقكش فيا ، قولي علاش تزوجتيني إلا كنتي أتعاملني بحال الكلبة ...مين ما باغينيش لاش تقدمتي ليا ....عطا الله ألي يتمناني ...
ياسين: غاتسكتي ولا والله ....
أنا : شنو يلاه ..شغادي تقدر دير ... من جيتي ونتا حابسني وكتمسح فيا رجليك ....عد بالك الناس جفاف وعبيد عندك ... كتعدا غير على الدراوش ....كيسحبليك ماكينش ألي يحميني ... ولا مقطوعة من شجرة ...
ياسين : شيماء سكتي !!!... جمعي داك الدركوم ورجعي للبيت بسلام ....راني معصب وما باغيش نغلط فيك
أنا : لا آ سيدي ما ساكتاش ... طلقني آه طلقني بغيت نرجع لبلادي .... نموت وما نعيش كلكلبة ومدلوله معاك..بزاف عليك الرجولة.... يا شماتة ديال الرجال ...يا النمس ...
ياسين : عرفتي شنو دابا عاد غدي نعاملك كلكلبة ديال بصح...هانا أنوريك
*ياسين : بغيتي غير الجنس ..أنا غنبردك ليوم ....
جمع معايا بطرشة هاد المره أقوا من ألي فاتت تا رعفت... حيدلي درتي ،وَلْوَا شعري بين يدو او بقا جارني للبيت ....أنا كنضرب فيه ..كنحاول نحيد يديه ولكن والو .. كنغوت ربي ألي خلقني ولكن تقول كاينا غير أنا وياه فلفيلا ....كاع الخدم ألي كنت كنشوفهم ما بقاوش بانوليا ... دخلني ورماني علا الأرض وحالتي حالة منتوفة وكلي دمايات ..سد علينا لباب و بدا كيحيد فحوايجو....
أنا : والله وتقربلي ولا تمسني تا نفضحك..
ياسين :ههههههه شنو غتقولي للناس راجلي غتاصبني ، ياك نتي ألي باغا هادشي ... نتي جنيتي علا راسك
أنا : واش نتا مريض ، واش شويه معا راسك ؟ عارف راسك شنو نوي تدير ...
ياسين : عارف اننا غندوزو هاد الليلة زوينة .....
أنا نضت كنجري ندخل فديك دخيله ونسد عليا حيت هي أملي لوحيد ..لكن هو كان أسرع من شدني ورماني بكل قوة هاد المره فوق لفراش ....كيحيدلي فحوايجي بكل همجية ..تحول من ياسين إلى وحش ما كيرحمش ... فوقما كنحاول نقاوموو كيضربني.... غتاصبني آه بنسبة ليا ها إغتصاب..حيت عاملني بعنف كأنني عاهرة ، ما رحمنيش ..كنغوت ونبكي لكن كان شادلي فمي بيد و ليد لوخرا جامع بها يدي بجوج ..حاكمني ...بقا هكاك معايا تطلع الصبح ..الليل كامل وأنا مكرفسه... كنتألم ونغوت وما كاينش اللي يعتقني ...مين سالا ناض ومشا لدوش وهو فرحان كيسفر تاني ...وخلاني أنا في حالة يرثى لها

*خلاني غارقا فدماياتي ... وغير مصدومة فهادشي ألي كيوقعلي .... ماعرفتش شنو لغلطة ألي درت فحياتي باش نتعاقب هاكا .... واخا نكون قاتلة روح ..ندمت على اللحضة ألي قررت نواجهو بها ..كون بقيت ساكتة طول عمري حسنلي من هاد العقاب ...هاد العقاب ألي دمرني وقضى عليا ..خلاني إنسان بلا روح ...ما تعاملش معايا هاد المره كلكلبة ولكن كلعاهرة ...بنت الهوى ...تعامل معايا بهمجية وحيوانية ..وإغتاصبني بكل ما يملك من قوة ..كأنه يثأر ...
بانلي ايزار حدايا ...حاولت نجرو عليا حيت كنت عريانة ... أما الحيوان لاخور (اه حيوان بزاف عليه لقب إنسان ) دوش او بدل عليه وهبط يفطر كأنه ما واقع والو ....وناشط من لفوق ... أنا نضت ..كنتمشى بزز ..مشيت للحمام ... باش نخوي عليا للماء ...بانلي راسي فالمرايا ..حالتي حاله ..لحمي كولو زرق والدم فوجهي ... او عيني منفوخة بزاف بسباب واحد ضربة كانت جات فيا مين كنت كانحاول نقاوم ... نفجرت بالبكاء ...بكيت علا حالتي والراجل اللي بلاني بيه الله ...كون كنت نعرفو هاكا نفضل نموت وما نقبلش بيه .... بكيت حتا ما قدني وفشيت قلبي .... بكيت بجهد أو متسوقتش يسمع ألي بغا يسمع ....من اليوم حلفت لا بقيتها معاه ..مستحيل نكمل معاه ،، هاد الذئب البشري مشي طبيعي ...مستحيل يكون إنسان ..الحيوان وكيحن
*دوشت ولحمي كلو كيضرني لكن ماشي كتر من قلبي وكبريائي ألي فقدتو ..النزيف من التحت ما بغاش يحبس تا شداتني الدوخة ...خرجت بزربة ولبست عليا بيجامة ... درت فوطة صحية ... ومشيت نحل الباب ..لكن سد عليا عوتاني ... قلبت علا سوارت لوخرين ملقيتهمش أكيد داهوم ....طال الإنتظار وتا حد ما جا عندي الضهر طلع وأنا باقا بوحدي في داك البيت غنحماق ... طليت من الشرجم ما بنتليش طنوبلتوو أكيد خرج ... حاولت بشتى الطرق نحل داك المصيبة ديال الباب ولكن والو حاسا براسي فحبس عمرني غنخرج منو ... كنت كنتمنى نلقا غير شي تيليفون نقدر نعيط بيه لشي حد من المغرب ماما أو عمي ..ماكيهمش لمهم نعاودلهم علا اش جرا فيا ..نعاودلهم علا اش دار فيا ولدهم ... ولدهم ألي وليت نحس من جيهتو بكره وحقد عميق ..وليت كنشمأز منو ومن ريحتو ألي فوقما ندور نشمها فلحمي ألي عفتو .... بقيت علا هاد الحالة غادا جايا حتا ما حسيت براسي طحت سخفت وتا واحد ما جايبلي لخبار ..لكن ماشي بسباب الأعصاب ...بسباب النزيف القوي ألي ما كنتش حاسا به بقوة الفقصة