زوجي محنتي!

الجزء 55

رمى داك الكارو ألي فيديه : علاش كتسولي !
بصوت خافت : وآلو !
ياسين : هادا سؤال كيتسأل ...
كنبكي : أنا غليضة بزاف ياك ...مكنعجبكش ..
ياسين : اويلي على حمقة غير كنت كنضحك معاك قبيلا ..
أنا : كنوزن 68 كيلو بزاف ياك ...خصني نقص الماكلة ...ولكن منقدرش ...
ياسين : شيماء ...كتعجبيني كما نتي ..ما باغيك تبدلي فيك وآلو ..غير وكان مكتهتميش براسك ..
أنا : من ناحية آش ..لمكياج هاني كنعملو ...
ياسين : ماعرفتش ولكن حتا اللبس ..لباسك تقليدي بزاف ... وديما جامعا شعرك وأنا كيعجبني..بزاف ديال لحوايج
أنا : مالك علا هاد التناقض ..نتا مكيعجبكش نخرج مزوقة ..
ياسين : كنهدر أنك مكتهتميش براسك معايا ... أكنهدر علا راسي ...أما البشر أكيد مغاديش نخليك تخرجي قدامهم..
أنا : اوا ما عنديش الحوايج ..
ياسين : الله يا ودي ..وديك الخوردة ألي لفوق.
أنا :هدوك حوايج العام ألي فات...ألي كانوا بقاو عندك ..
ياسين : دبا نشريليك ..غير نسافرو وخودي ألي بغيتي ..
أنا : صافي مكنعرفش نختار ..معنديش الذوق فتا حاجة .. مكنعرف ندير والو .أنا هاكا ماشي بحالها ..درب يدو علا الفولون : هادشي ألي ما كنحملش فيك ... شكون جبد دابا هديك... حنا كنهدرو عليك ..ماتبقايش تقارني فراسك معاها ولا مع غيرها ..وأنا مكنبغيكش علا ود جمالك ... متبقايش تشوفي نواقصك ... جاب الجمال دابا لهدرة..أنا بغيتك حيت نتي ...بغيتك روحك بغيت تصرفاتك بغيت جسمك بغيت جمالك كولشي فيك تيهبلني ا شيماء ...كنعشقك حيت نتي هي نتي ..انسانة بنسبالي متميزة علا كولشي .. وتا وحدة ماغتجي بلاصتك ... طال الزمان ولا قصار...وعمرني مغنمل منك ..حيت كل مره كنقيسك فيها كنزيد نتلهف ليك ... ونزيد نبغيك نهار علا نهار ...فما تخافيش مني ..ولا كانوا غير لبنات راني شابعهم ..وعمرني مغادي نشوف فغيرك...عنقتو : أنا عارفا هادشي ا حياتي ...غير بغيت نكون كيف ما بغيتي نتا ومنحشمش بيك
ياسين كيشم فريحتي : كتحمقني أنوثتك .. وكنبغيك كما نتي ممحتاجا تبدلي فراسك والو ..قبيلا كنت بغيت نشد فيك ..ساعا ندمتيني... أجي بعدا ..شكون قالك كتحشمي بيا ..
أنا : ماعرفتش ..ولكن كنحس بعد المرات انني مصدر إحراج ليك ... مع أصدقائك المقربين ..
ياسين : ونتي فين عمرك شفتي صحابي بعدا ...كنعوج ففمي : بغيت نقول الصديقات المقربات ... إستريلا ... من صبح وهي كتشوف فيا بستهزاء ..أجي لهنا علاش سلمتي عليها من الوجه ...
ياسين : شنو فيها ؟!أنا : أها ..حلالٌ عليكم وحرامٌ علينا ..ياك نتا بقا غير تبوس وأنا منبوس ...
ياسين : كتقلبي عليا ياك ...أنا راجل وكنبقا راجل ....نتي لي مرا ...أنا : شهاد الحكرا ..كلنا قدام الله سواسيه كما أنا ما من حقيش ...حتا نتا ما محقكش ...ياسين كضحك : لا من حقي ونتي ما منحقكش...أنا : حكار .. أجي شنو جات دير ديك الصفرة عندنا ياسين : عندها شي شغل مع ماما ..شغل لعيالات ..وحنا مالنا ... أنا : شفتكم كتعاملو عادي ...ما ولات زعما وقعات تا حاجة بناتكم فغيابي ..غير قول والله ما نتقلق..ياسين : ولات فيك الهدرة بزاف ..لا سالينا شحال هادي ...وقررنا أن علاقتنا تسالي بصداقة عوض العداوة ألي ما منها حتا فايدة ...حيت كيبقا واحد نهار واحد المدة دوزنا فيها وقت زوين ...أنا : همم وقت زوين ...( بديت نتمسكن ونرد الصرف ) ..حتا أنا الصراحة قررت تبقا علاقتي مع فؤاد ..علاقة صداقة حيت واحد المره كنا دوزنا تا حنا وقت ... ما جيت نكمل كلامي حتا حسيت بتسمقيلة نزلات عليا لا إرادياً ... حتا دخت .. وحطيت يدي على خدي ... بدا كيضرب فالفولون ويخسر لهدرا : تعاودي تجبديلي داك **** أن ******
شفت وجهي فالمرايا ديال السيارة ولقيتها حمرة نزلوا دموعي وحسيت بالحكرة ...علاش هو ديما يدير ألي بغا ويقول ألي بغا إلا أنا ..حيت هو راجل زعما ... بغيت نحل الباب ..شدو رضخوا علينا بجهد : ما غادا فين ...أخر مره تجبديه ...أنا : بعد مني الحكار بعد ..بغيت نمشي بحالي ...
ياسين : شنو زعماء كتهديني ...أنا : بغيت نطلع البيت نرتاح ...ياسين : سمحيلي ..أنا : امسامحاك لا دنيا لا أخيرة ..خليني نمشي ...ياسين : انشوف الضربة ..أنا : بعد يديك ..ما تمسنيش ... بغيت نمشي فيا الجوع ..ياسين كيدورلي وجهي بزز باس الدربة...كيحزرني وأنا غير ما زايدا فيه .. كلصت نتفشش عليه لمدة ..ياسين : نعطيك تسوكي ...
خرجوا عينيا : حلف *_*
ياسين : آه دابا توكدتي ...والله ...
هزيت رأسي الإيجاب وبتاسمت ابتسامة عريضة حتا بانو ضروس ضروسي ..دورت دغيا ساروت وبغيت نديماري ...
ياسين :يييو ييو شوري ..تسناي نخرج منهنا بعدا لشارع و نعطيك ...
غير وصلنا لبلاصة خاوية وراني فين نحط رجلي ...وكيفاش نعمل للفولون ...أنا غير حالا فمي وكنتعلم ببراءة ...
كالسة عند ياسين وشادا لفولون : نود من حدايا بغيت نسوق بوحدي ...
ياسين : وخا باش دخلي بينا فشي شجرة ...منتيقش فيك المتهورة خصني نبقا حادي معاك..
أنا بلهفة : والله تا كنعرف ..وريتيني كيف ندير ..
كانزيد ونحبس نزيد ونحبس ...مره كنكسيري مره كنمشي بشوية ...هه وما زوين السوكان..ياسين مين كيحس بالخطر كينقد الموقف ويخليني نكمل ...عصبتو ..مابغيتش نطلق ليه السوقان ... مردتو وجبتلو بالملل ساعا وأنا مجرجراه ...حتا غوت عليا باش نرجعو ..
أنا : ياسين علمني السوكان..
ياسين : نو نو نو ..باش يطوالوليك الرجلين ما نتيقش فيك ...
ياسين : غترجعي دابا غتمشي نيشان تجمعي حوايجك داكشي لأساسي ..الباقي دابا ناخدليك كولشي ...وجدي راسك وكولي مزيان باش متسدعينيش فطريق ...
أنا : ولكاطو ؟! مغنقطعوهش...
ياسين : رجعي كوليه ..أيكون باقي كيتسناك تا هو ...
أنا: نسلولك ..
ياسين بعصبية : شنو ...
أنا : دابا استريلا علاش باقا كتجي عندكم ...واش باقا علاقتكم مع باها مزيانة ...
ياسين : لا ..كتجي غير على ود ماما صافي .. حيت أصدقاء ...وعندهم جمعية مشتركة
أنا : ولا كتجي على ودك ...الدنيا والزمان ...
خنزر فيا وكمل الطريق : شيماء ... هادة لغيرة البليدة حيديها منك ...
أنا : لبليد هو نتا
ياسين تحليك لفم ..
أنا : بصحتي وراحتي ..زيدوون بلا بلا بلا بلا .. المهم ماسكتش حتا حسيت بياسين هجم عليا بقبلة نارية باش يسكتني ...اندمجنا ونسينا راسنا بوس يما تبوس بوس يما تبوس ..توقف بسيارة .. مع كل قبلة كنترخا ونسا كولشي..نندمج مع ياسين و نعيش فبحر لحياة الزوجية و الأهم من ذلك الحب ألي كيجمعنا .. كل تغزل منو كيحسسني بإعجابو بيا .. كلمات كتأثر على نفسيتي بلايجاب .. وتخلي ثقتي بنفسي تزيد رويداً رويداً ..والأهم أني كل ما نستشعر أحضانو ليا كندوب فيه ونتعمق فأحشاؤو ..كنحس بحمايتو وإهتمامو بيا... أمن وأمان وأنا بين يديه..وأنا معاه مكنخاف من والو ...حيت عارفاه غيحميني من كولشي ويخبيني على كلشي ... كنحس بلألفة والمحبة ألي كتجمعنا رغم كولشي داز علينا ...كملنا وبستو فعنقو .. حطيت راسي على صدرو كنشم فرائحتو الرجولية ..
أنا : ماعرفتش شنو درت فحياتي باش ربي جازاني بيك ...
ياسين : حنا بجوج محضوضين ..ونستاهلو بعضياتنا...عمرنا غادي نتفارقو ا شيماء يوقع ألي يوقع.. عمرني غادي نسمح فيك ..( حضني ليه كيشي طفل صغير وحط راسو علا راسي كيبوس فيديا بجوج ) ...نتي هي حياتي ..نتي هي الشخص الوحيد ألي علا ودها نقدر ندير أي حاجة ... نتي عمري روحي ..تتقاس منك شعره نهبل ... باغي نحميك باغي نخبيك علا كولشي نغطييك ونعيش غير أنا وياك فعالمنا الخاص بوحدنا ...نعيشك كيشي أميرة.. مستاعد نفديك بروحي ومانتردد ولا لحظة نقتل علا ودك سمعتيني ...(خشا راسي فصدرو) كنبغييك كنبغيك حيت نتي هي نتي ... كنبغي كلشي فيك فكل حلاتك ..فكل تصرفاتك.. كتفتنيني كتخليني بلا عقل ... (ضحك ) والله مابقيت نعرف راسي وأنا معاك ...عمرني تخايلت نبغي شي واحد لهاد الدرجة ...
نزلوا دموعي لا إرادياً كنبكي فصمت ..ونمسح دغيا باش مايشوفنيش ..كنخبي وجهي فصدرو ولكن حس بيا ...وهزلي راسي كيمسحليي دموعي متخوف : مالك ... ما فرحاناش ...
أنا : لافرحانة
ياسين : وعلاش كتبكي ..أنا : قلبي كيدرني ا ياسين ...تخلع وحط يديه على قلبي تيقلب : اويلي ..واش بزاف نديك لطبيب ..فين كيدرك أنا : مقبوط عليا بزاف... حاسا أن هاد الفرحة ألي حنا فيها مغتدومش ...خايفا نخسرك ..تعجب : شكتخربقي ...علاش مغتدومش ...كنبكي بغصة : ماعرفتش خايفا ا ياسين ..خايفا نخسرك من جديد.. ما نقدرش نتفارق عليك مازال ..اهيء اهيء
ياسين : علا هبيلة ..وشكون قاليك غادي نتفارقو.. حنا دائماً وأبداً غادي نعيشو مع بعضنا نكبرو مع بعضنا نشرفو مع بعضنا ..نكبرو وليداتنا.. ما يفرقنا إلا الموت سمعتيني ...نهار منجيش عندك نكون ميت شديتلو فمو الله يحفضك ليا ويطوليك عمرك ...ولكن خايفا من هاد السفر ..قلبي تيقولي أن مافيهش خير ..وأنا عمرني خبت أ ياسين ..عمرني حاسا بشي حاجا غتوقع ...
ياسين شدلي وجهي وقربوا لعندي كيشوف فعيني : ما غيوقع والو ...غنسافرو ونعيشو حياتنا غنتسراو وندورو ...نفرحو نشطوا ... نضحكو ..من ليوم ماكاينش لبكا أو الحزن كاين غير أنا ونتي غادي نخليو كولشي مورانا ونبداو..صافي متافقين ...عنقتو : متافقين.. ياسين : ونودي كلسي فلمقعد حدايا خليني نسوك علا خاطري ...أنا : ما بغيتش ..خليني حداك ..ياسين : ألي بغيتي ..غير هزي رجلك عند رجلي ..باش نقدر نحط رجلي ..تخشيت فيه ...وبدا يديني نعاس ..أما هو كمل السوقان حيت كنا بعدنا ... كنغمد عيوني ونحلهم ..بزز حتا بانلي بائع متجول كيبيع الصوفا دازين عليه ...غوت غوتة وحدة ..ياسين وقف مخلوع مرعوب : آش واقع ..أنا : هاديك ولا نتلواليك هنا ...ياسين : طيرتيها مني ...أنا : طلع لبينكا نمشي نشري ليا وليك..ياسين : مالكي كتوحمي ... هداك راه غير لمرض ..ماعرفت باش مساوبين داك لعجب ...بنبرة مستهزئة : أوه عارفينك عشتي فلعز ومكدوقش داكشي ...ولكن أنا راه من صغري وكنمووت عليها ...ياسين كيجبد لفلوس : أنا غنمشي ناخدليك ...الهيشة غير كتسرطي...كندوق ونتبنن طريق كاملة : ممممم ..تدوق والله تا زوين ...علا حسابي ...ياسين : ماعنديش مع داكشي ... نودي عليا راه وصلنا ...