Si Malakas at si Pabebe - BxB (COMPLETED)

#SMASP 46: Mahal Ko O Mahal Ako

"Ang sarap nitong sisig oh. Tikman mo." Sabi ni Mickey sabay subo sa akin ng sisig. Halaaaa. Hindi ako sanay.

"Ako rin patikim." Pagsingit ni Terrence.

"Oh!" Kunot noong sabi ni Mickey sabay iniabot ang tinidor kay Terrence.

"Ayyy! Kala ko susubuan din ako. Hahaha. Char!" Pagbibiro nito.

"Tara na! Uwi na tayo! Anong oras na rin oh." Pagyaya ko kay Mickey.

"Mamaya pa kami eh. Tara hatid ko na kayo." Sabi ni Mickey.

Pagkatapos ayusin ang mga gamit ay naglakad na kami palabas ng lugar na iyon.

"Ayan ayan! Parahin mo te!" Sabi ko kay Terrence nang may dumaang jeep na pauwi samin.

"Bye Mickey. Salamat ah!" Paalam ni bakla dito bago kami sumakay ng jeep.

"Sige sige. Ingat kayo ha!" Paalam din nito. Napakabadboy talaga tingnan.Parang laging makikipagsuntukan eh.

Umandar ng kaunti ang jeep at huminto pagkalagpas ng stoplight. Siguro ay mag-pupuno pa. Obvious naman na wala ng pasahero. Madaling araw na kaya! Kaloka to si kuyang driver.

"Ang hot ni Mickey no! Bagay kayo te!" Pagkausap nito sakin.

"Bagay daw. Eh inaaurahan mo nga! Hahaha." -Ako.

"Ang pogi kasi sis. Hahaha. Pero realtalk te. Mukhang tinamaan talaga sayo ang isang mokong na yun." -Terrence

"Ehhh. Ewan ko lang. Bahala na te!" Sabi ko.

"Anong ewan mo lang. Eh kitang kita naman na gusto ka nun. Why not give him a chance." Seryosong sabi nito habang may kinakalkal sa bag. "Bayad po. Dalawang Pretty." Sabay sabi nito sa driver.

Nagulat nalang kami ng ilang sandali pa ay sumakay din si Mickey sa jeep. Hingal na hingal. Tumakbo ata. Umupo ito sa harap namin.

"Ohhhh! Uuwi ka na rin?" Tanong ko.

"Hindi. Hahatid kita!" Sagot nito.

"Halaaaa. Ang sweet naman." Pagsingit ni Terrence.

"Syempre. Delikado na umuwi no. Buti ka pa malapit lang. Eh itong si Justine. Sobrang layo." Sagot nito kay Terrence.

Nako. Talaga naman ang isang ito. Feeling ko tuloy babaeng babae ako.

Umandar na ang jeep. Aba dapat lang no. Wala namang sasakay. Saka lampas alas dos na ng madaling araw.

"Para po." Sigaw ni Terrence ng matapat ang jeep sa bababaan niya. "Bye teh! Bye Mickey! Oyyy ingatan mo yang ate ko ha!" Mabilis na sabi nito saka bumaba.

"Oo!" Sagot naman ni Mickey habang lumilipat ng upuan sa tabi ko.

"Anong nararamdaman mo?" Tanong nito sakin.

"Ha? Ano ba namang tanong yan?" Kunot noo kong tanong din.

Pati siya ay nagtaka kung bakit ganun ang tanong niya. Parang gago lang.

"Ahhh. Ano. Ahhh. Ako kasi, masaya ako ngayon. Ikaw? Anong nararamdaman mo?" Pagpapalaiwanag nito.

"Mixed. As in hindi ko alam ang nararamdaman ko. Halo halo. Ngayon masaya ako. Pero pag naiisip ko si John Paul. Parang nalulungkot ako na naiinis."

"Bakit naman?" -Mickey

"Hindi ko nga alam kung pano ipapaliwanag eh. Basta naiinis ako kasi parang he just made me fall inlove. And then ayun! I fell. Tapos biglang pak! Friends lang pala kami. Hanggang dun lang daw. Diba nakakainis?" Paliwanag ko saka ngumiti ng peke.