زوجي محنتي!

الجزء 3

شافت فيا ماما او تنهدات وقالت : نتي تعرفي ...خسرات عليا جوج كلمات كيحملو فمعانهم خيبة أمل تجاهي ..عرفا انني خيبة امالها فيا لكن صافي تقهرت ..الحال لوحيد هو نود نخدم تيجيني نصيبي
دازت 15 اليوم اللوله فالعطلة عتابرتها راحة مادرت والو ...أمال ما بقيتش مشيت عندها إلا لا جات عندي ... عرضات عليا لخطبتها لكن رفضت ..و حطيت أعذار مكشوفة ...تقلقات فالأول لكن من بعد تناسات اللموضوع ...او مور خطبتها ما بقيتش نشوفها ..حيت ولات زعما مرة الراجل مكتخرجش هه ..منع عليها كولشي .... بيناتنا غير لفايسبوك ....
مين حسيت براسي رتاحيت او نفسيتي طلقات قررت نبدا نقلب على خدمة ...فالاول ما كنتش موفقة ..لكن من بعد جاب الله ولاد الناس فطريقي وواحد البنت دبراتلي على خدمة فواحد المخبزة مابعيداش بزاف على الدار ..فرحت بزاف وخا المدخول متوسط لكن كوم ميم اللهم لعماش ولا لعما..
بديت فيها ورتاحيت ..خصوصاً الشاف كان شي حاجة فوق دريف ..مقرب بزاف من الخدامة دياولو ...أومقدر دروفنا ومين كنزيدو السوايع كيتهلا فينا ..او لا شات الخير كيسيفطو معانا كان كريم ... الحمدلله الله مخيبنيش ... إن مع العسر يسرا ... وفنفس الوقت لحمل بدا يخفاف علا الوالدة او بداو تنقسو مسؤولياتها ...
تال واحد النهار كنا علا طابلة لعشاء وجاء لماما تليفون النمرة ديال برا.
ماما نادت البيت باش تهدر علا راحتها ..أنا متسوقتش تا خرجات وفوجهها علامات الإستفهام ومنذهلة..
أنا : خبار الخير إن شاء الله ؟؟
ماما : هاذا عمك ألي عيط ؟
أنا : ياك لباس ؟!
ماما : جايين المغرب يدوزو معانا شي يامات ...
أنا : همم هادي ربع سنين عاد تفكرنا دابا
ماما : أنا الصراحة مامرتاحاش للقضية .. كانت نبرة صوتو فشكل او مسولناش تا علا أحوالنا ..دخل نيشان فالموضوع ...
أنا : هااااا وقيلة أيجري علينا ...
ماما : فمك يلحسو كلب ماحنا علا فالك ...
أنا : غير كنضهك هههه اويلي ....
ماما : خصني نوجد او نخملو الدار ... كي غاندير وحنا بجوج خدامين
أنا : لاش آآآآ ختي أنخملوو ... ياك ايجي يطل علينا او من بعد غيشد فلأوتيل بحال ديما ....
ماما : لا غيكلس معانا أو هاد المره جايب معاه ولادوو ....
أنا : همم القضية فيها إن ..المهم خلي لروبو ديالي راح قرب او نباليو بهاد الدار ...فوقاش جايين ؟!ماما : من نهنا سمانة ...
أنا : اوا راح يقدنا الوقت
جمعت الطبلة وغسلت لماعين او مشيت تلاحيت لفراشي كنخمم ... فعمي ألي جاي من بعد غياب طويل .. او بلا سبب .. أكيد غادي يكون أدراري ولادو كبرو ..مشفتهمش من كانو في سن المراهقة كو را ولاو رجال ...عندو ثلاتة تباركالله لكبير فيهم اسمو رشيد مرزن وداخل سوق جواه أيكون كمل دابا 30 عام ..الثاني اسمو محمد دحوكي وضارب الدنيا بركلة تكون عندو دابا هديك 26 عام ...أما أخر العنقود مجهول أمره متعرف منين تشدو اسمو ياسين يلاه كمل 23 عام ... الصراحة وخا كبرو برا ومهم كاورية ولكن متشبتين بتماغربيت ديالهم كيهدرو
ما حسيت تا تغمدو عينيا، كنت درت المنبه على 08:00 حيت خدامة 2*صبح صباح جديد ..صباح غير كل الصباحات معرفتش هاكا حسيت ..ندت ناشطة ليوم أو فرحانة فششكل هه لبست أجمل ما عندي او توجهت لخدمتي بوجه بشوش ومبتهج ...حتا لي خدامين معايا لاحضو هادشي ....داز الصراحة نهار طويل شويا كنتسنى غير فوقاش تجي 06:00 ..عيا معايا الشاف باش نزيد السوايع ليوم لكن وآلو ستأذنت بحجة جايين عندنا ضياف ..وصلت الدار لقيت ماما كتوجد لعشاء الدجاج محمر ريحتو واصلة تال راس الدرب ...او شلايد بكل الأصناف والأنواع ...دخلت دغيا بدلت لبست بيجامة طويلة ، توديت او صليت او جريت نعاونها ...... أما رنا وسلمى لبساتهم ماما كسيوات كتشابهو وقدتلهم حالتهم وشعلاتلهم التلفزة باش يسكتونا....
شوية كنسمعو السوني أنا حماريت او خداريت بقيت فالكوزينة ..حشمت نحل الباب ...ماما هبطات تتجري ...تا كنسمع صوت عمي ..هوما طالعين وأنا غير ما كنزيد نحمار ناري كغندير فن نخبي ويجهي (من طبيعتي كنحشم بزاف خصوصاً أولادو شباب ) فضلت نبقا فالكوينة تيعيطولي ...
تا كنسمع ماما ...حسبت حد ثلاثة ألي ليها ليها خرجت وعينيا فالأرض كانشوف غير مناصص..بانولي جوج رجال مبرككتش فيهم مزيان تقربت كان الشخص الأول عمي .. كالس ومكلس في حجرو رنا وسلمى
عمي :(ناد و عنقني ) أهلاً أهلاً ببنتي ...تبركالله ماشالله كبرات وولات مرا ...ا كدايرا كبرتي شي ؟
أنا : لاباس الحمدلله أعمي الحمدلله على سلامتكم ...
عمي : الله يسلمك ..تبركالله خليتها صغيرة ..طالعة غير لبابها الله يرحمو ... خلوها جدودنا ألي ولد ما مات ...