The First Kiss of My Last Lover | Complete

Kabanata 18: Did

Kabanata 18

Did

Nang nakauwi na ako ay kinewento ko kay Natalia ang mga nangyare kanina. Of course, tungkol lamang iyon sa pageant. Hindi ko isinali ang paglapit ng mukha ni Craigan at syempre pati ang naganap na gulo. Nag hilamos muna ako at tinali ang buhok bago dumiretso sa bahay.

"Totoo? Sumali ka sa pageant para lang ibigay sakin y-yung tuition fee?" Naguguluhang tanong ni Natalia at siya naman ngayon ang tumatanggi sakin.

"Oo. Sayang rin iyon. Wala naman akong kilalang mabibigyan. Sayang ang dalawang taon mo Natalia, kung tatangihan mo lang."

"E, kasi, e. Hindi mo na kailangan bumawi. Hindi naman kita sinisingil!" Pag tatanggi pa niya." At kaya mo ba rumampa sa harapan? Pala-kaibigan ka pero, hindi ko inakalang kaya mo sila harapin lahat?"

Natigilan ako. Gusto ko mag mura. Halos nga kanina manlamig ako dahil sa kahihiyan nang nasa akin ang atensyon, paano pa kung sa harapan mismo? Kailangan ko na ba talaga kaya napagdesisyunan ko kaagad iyon? Pumayag ako ng hindi gaanong napagisipan.

"W-wala namang masama kung susubukan ko hindi ba?" Wala sa sarili kong dahilan. "Subukan lang natin. Malay mo, 'tong bagay na 'to malaking maitutulong. Sayang rin iyon at nakaperma na ako sa offer."

Bumuntong hininga siya at tumayo. Lumapit siya sakin, pinagmasdan ako at ngumiti sakin na parang nababasa kung ano nasa mga mata ko, ngumiti ako nang pabalik at bigla niya akong niyakap.

"Susuportahan kita. Wag mo 'to gawin para sakin. Gawin mo 'to para sayo. Alam kong kaya mo 'to dahil pangarap mo." Bulong niya at kumalas saking yakap.

Napaluha ako dahil sa mainit niyang yakap. At last, may nararamdaman akong nag susuporta sakin at minamahal. Kaya hindi masisi ni Natalia bakit ko nagawa ang bagay na iyon sa kanya.

"Kapatid mo na ako kaya't dapat ako ang gumagawa ng paraan." Tumawa siya. "Kailan ba yon? Sigaraduhin mong makakanood ako."

"Oo naman. Wala pa naman binalita kung kelan. Kinakabahan ako dahil may voting pang magaganap. At paano kung hindi ako napili?"

"E kasi wag mo munang isipin ang bagay na iyan. Paano ka makakapag focus kung iyan ang una mong pinapairal?"

Kinagat ko ang aking labi. Nakita kong napatalon si Natalia dahil sa sunod sunod na katok. Halos ako, wala na maramdaman dahil daming naiisip. Umatras ako at marahan niyang binuksan ang pinto.

Nakita ko si Tita Nira nakasimangot na bumungad samin.

"Ma!" Gulat na sabi ni Natalia.

Hindi pa alam ni Tita ang tungkol don sa pageant. Dahil nasa labas siyang naglalaro at hindi niya naman ako pinapansin kaya't dire diretso ako nag tungo rito.

"Natalia. Ayusin mo na ang mesa. At yung garahe, pakibilisan dahil maglalaro pa kami bukas." Masungit na sabi ni tita Nira. Sumulyap sakin si Natalia at ngumiti bilang pag paalam bago lumabas ng pinto. Nanatili parin ron si tita Nira at kinalibutan nang hindi siya sumunod.

Aaktong tatalikod na sana ngunit nag salita siya. "Saan ka nag ta-trabaho?"

"Sa Coffeehouse po, tita." Pilit kinalma ang tono kahit natatakot ako sa kanya. Dumiretso na siya sa loob at marahang sinara ang pinto kaya't napaatras ako ng isang beses.

"Ano trabaho mo don?"

"Waitress po." Gusto ko na lamang dumiretso sa banyo at iyon ang gawing dahilan para makatakas sa kanya. Ngunit di ko magawa dahil nakulong ako sa kanya, dahil sa bawat sulyap niya at may pagbabanta.