ရဲရှောင်သည် ရေခဲတမျှ အေးစက်လှသော လေသံဖြင့် ပြောလိုက်ပါတော့သည်။
*****
ဝမ်အာနှင့် ချူးအာတို့ တစ်ယောက်မျက်နှာ တစ်ယောက်လှမ်း၍ ကြည့်လိုက်ကြသည်။ ဘာလုပ်လို့ ဘာကိုင်ရမှန်းလည်း မသိကြတော့ပေ။
ဖန်ဧကရာဇ်၏ စိတ်အား ပျော့သွားအောင် မည်သို့ လုပ်ရမည် ဆိုသည်ကိုလည်း မစဉ်းစား တတ်ကြတော့ပေ။ ကူရာကယ်ရာ မဲ့နေကြချေပြီ။
ထိုအချိန် လင်းဝုရှဲ့မှ -
“ခင်ဗျားအနေနဲ့ အခုချိန် ဘာမှမပြောချင်တော့ဘူးလို့ ထင်ထားတာ၊ ခုနက ကျုပ်တို့ကိုတောင် ပြန်ခိုင်းနေပြီ မဟုတ်လား၊ ဒါပေမယ့် ပိုင်ရှင်းယွဲ့ အကြောင်းလည်း ပြောလိုက်ရော စကားတွေ အများကြီး ပြောလာပါလား။ ခင်ဗျား ကျုပ်တို့ကို ပြန်စေချင်တဲ့ စိတ်ရော ရှိသေးရဲ့လား . . .”
လင်းဝုရှဲ့ ပြုံးလျက် ရှိသည်။
“ကျုပ်ကတော့ တော်တော်ကို စိတ်ဝင်စားသွားမိပြီ။ ဘယ်လောက်လှပပြီး နှလုံးသား ဖြူစင်တဲ့ မိန်းကလေးက ဖန်ဧကရာဇ်ရဲ့ စိတ်ကို ဒီလိုဖြစ်သွားအောင် လုပ်နိုင်တာပါလိမ့်။ သေချာတာတော့ ကျုပ်ကို စိတ်ပျက်စေမှာ မဟုတ်ဘူးပဲ . . .”
ရဲရှောင် အံ့ဩသွားသည်။ ထို့နောက် လင်းဝုရှဲ့အား အင်မတန် အေးစက်လှသည့် အကြည့်မျိုးဖြင့် လှမ်းကြည့်လိုက်သည်။
လင်းဝုရှဲ့မှာမူ ပြုံးလျက်သာ ရှိနေလေသည်။ ခေါင်းတဆတ်ဆတ် ညိတ်လိုက်ပြန်ရင်း -
“ဘာသဘောမှ မဟုတ်ပါဘူးဗျာ၊ ကျုပ်စကားပြောလောကြီးသွားလို့ ဒီအတိုင်း ပြောလိုက်မိတာပါ”
ရဲရှောင်မှ -
“ကိစ္စမရှိပါဘူး။ လောကြီးကြီး မကြီးကြီး ကျုပ်ပြောတာ မှန်မမှန် ဆိုတာကို ခင်ဗျား သိရမှာပါ။ ကျုပ်ဘက်က အလျော့ပေးမှာတော့ မဟုတ်ဘူး . . .”
ထို့နောက် ရဲရှောင်သည် လေးတိလေးကန် အသံမျိုးဖြင့် ဆက်လက်၍ -
“ကဲ . . . ငါ့ကို ဘာနဲ့များ ထပ်ပြီး ခြိမ်းခြောက်ဦးမှာလဲ။ လုပ်လေ . . . ငါပင်ပန်းနေပြီ။ မျက်လုံးတောင် မဖွင့်ချင်တော့ဘူး။ လုပ်ပါ၊ ငါနားထောင်နေတယ်။ မင်းတို့ကို တားမှာ မဟုတ်ဘူး။ မင်းတို့ ပြောစရာရှိတာ ပြောပြီးရင် ပြန်ကြပါတော့။ လင်းပါအိုက အစေခံတွေ အားလုံးကို ပြန်လွှတ်ထားတဲ့အတွက် မင်းတို့ကို ဘာနဲ့မှ ဧည့်ခံပေးနိုင်မှာလည်း မဟုတ်ဘူး . . .”
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
Chapter (490)"ဘယ်တော့မှအလျော့မပေးဘူး"
Start from the beginning