မိုးကောင်းကင်အောက် မှ ကလဲ့စား
Chapter – 355
“ကမ္ဘာ့ရန်”
အရက်၏ အရောင်မှာ အလွန်လှပပြီး ပယင်းရောင်ကဲ့သို့ အဆင်းရှိ၏။ ထို့ပြင် ခွက်အတွင်းရှိ အရက်၏ ရနံ့သည် ပတ်ဝန်းကျင် တစ်ခုလုံးအား ဖုံးလွှမ်းထားလေသည်။
အရက်၏ သင်းပျံ့သည့် ရနံ့ကြောင့် အပြင်ဘက်တွင် ရပ်စောင့်နေကြသော လုပ်ကြံသတ်ဖြတ်ရေးသမား ၅ ဦးသည် တံတွေးများသာ မျိုချနေကြရသည်။
ထိုအရည်အသွေး ကောင်းလှသည့် အရက်အား တစ်ခွက်တစ်ဖလားခန့် မြည်းစမ်းကြည့်ချင် နေမိကြသည်။ မြင်ရပေမယ့် မကြင်ရသည့် သူတို့ ၅ ဦး၏ အဖြစ်သည် အနုနည်းဖြင့် ညှင်းပန်းနှိပ်စက်ခံနေရသည်နှင့်ပင် တူနေပါသေးသည်။
အနန္တသူတော်စင်သည် အရက်သောက်ရန် အခွင့်အရေး ရသခိုက် တစ်ခွက်ပြီးတစ်ခွက် အားရပါးရ သောက်နေလေသည်။ အရက်ဝင်လာသည်နှင့်အမျှ တဖြည်းဖြည်းဖြင့် လေပေါ် လမ်းလျှောက်နေရသည့်အလား ခံစားလာရသည်။ ထို့ပြင် မိမိကိုယ်ကို ယခင်ကထက် များစွာ ငယ်ရွယ်နုပျိုလာသကဲ့သို့လည်း ခံစားလိုက်ရသည်။ မြင်မြင်သမျှ အရာအားလုံး လှပနေသကဲ့သို့ ခံစားနေရပြီး ကမ္ဘာလောကကြီး တစ်ခုလုံးသည်လည်း ငြိမ်းချမ်းသာယာနေသည့်အလား ခံစားနေရပြန်သည်။ ယခုကဲ့သို့ အေးအေးလူလူဖြင့် အရက်သောက်နေရခြင်းသည် လုပ်ကြံသတ်ဖြတ်ရေးသမား တစ်ဦးအတွက် ရတောင့်ရခဲ အခွင့်အရေးတစ်ခုပင် ဖြစ်သည်။
ထို့ကြောင့် နှစ်ခြိုက်စွာ အရသာခံ၍ သောက်သုံးနေလေသည်။
ခေါင်းဆောင်တစ်ဦး ဖြစ်သည့်တိုင် တစ်နှစ်မှတစ်ခါ သောက်ရသည့် အခွင့်အရေး ဖြစ်သည့်အတွက် အရာအားလုံး မေ့လျော့ထားကာ အပူပင် ကင်းမဲ့စွာဖြင့် သောက်စားလျက် ရှိသည်။
အရက်ကြောင့် သူ၏ စိတ်တစ်ခုလုံး ပေါ့ပါးနေသကဲ့သို့ ခံစားနေရပြီး အလိုလို ပျော်ရွှင်နေမိသည်။
ထိုကဲ့သို့ လောကစည်းစိမ်အား အပြည့်အဝ ခံစားနေစဉ် အပြင်ဘက်မှ ကျယ်လောင်စွာ အော်ဟစ်လိုက်သည့် အသံနက်ကြီးအား ရုတ်တရက် ကြားလိုက်ရသည်။
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...