မိန်းကလေး ၂ ဦးလည်း တပြိုင်နက်တည်း ခေါင်းညိတ်လိုက်ကြသည်။
“ဟုတ်တယ် . . . ကောင်းကင်ဆန့်ကျင်ဆေးလုံး လိုချင်တာပဲ။ ထူးခြားအစွမ်းထက် အဆင့်ပေါ့။ ဒါမှသာ ကျွန်မတို့ နတ်ဘုရားအပြစ်ဒဏ် သက်ရောက်မှုကို ခံနိုင်မှာ . . .”
ရဲရှောင် တခဏမျှ စဉ်းစားလိုက်ပြီးနောက် -
“တကယ်တော့ ကျုပ်ကို ဒါတွေလာပြီး ပြောနေစရာ မလိုပါဘူး။ မင်းတို့ဆရာနဲ့ ငါနဲ့ အပေးအယူ လုပ်ထားပြီးသားပါ။ သူ့အတွက် ဒီဆေးလုံးကို လုပ်ပေးမှာပဲလေ။ ငါ့စိတ်ထဲမှာ ရှိပြီးသားပါ။ သတ်မှတ်ရက် မတိုင်ခင် ပြီးအောင် လုပ်ပေးမယ် . . .”
ချူးအာမှ လေးကန်သော လေသံဖြင့် -
“ကျွန်မတို့ ဆရာက ရှင့်ကို လုံးဝယုံကြည်ပါတယ်။ ဒါပေမယ့် အခြေအနေတွေက ပြောင်းလဲသွားပြီ။ ဆရာနဲ့ရှင်နဲ့ အပေးအယူ လုပ်ထားတုန်းက ကျွန်မတို့ ဒီကနေ ထွက်သွားဖို့ အစီအစဉ် မရှိသေးဘူး။ နောက်ပြီး လိုတာကလည်း တစ်လုံးလောက်ပဲလေ။ အခုတော့ အဲဒီလို မဟုတ်တော့ဘူး . . .”
ရဲရှောင် တုန်လှုပ်သွားဟန်ဖြင့် -
“မင်းတို့က ပိုလိုချင်နေတာလား . . .”
ဝမ်အာ မျက်မှောင်ကြုတ်လျက် -
“ဟုတ်ပါတယ် . . .”
“ကျွန်မတို့ဆရာ ပြန်ကောင်းလာဖို့ပဲ ဆိုရင်တော့ ၁ လုံးပဲ လိုမှာပေါ့။ ၂ လုံးဆို စိတ်ချရတဲ့ အနေအထားလောက် ရောက်ပြီ။ ဒါပေမယ့် သူ့ရဲ့ အစွမ်းတွေ ပြန်ရလာဖို့ ဆိုရင်တော့ အလုံး ၂၀ တောင် လောက်မှာမဟုတ်ဘူး။ နောက်ပြီး ကျွန်မတို့ ၂ ယောက်အတွက်လည်း နည်းနည်းလိုသေးတယ်။ အခု ကျွန်မတို့ လိုနေတာ အလုံး ၅၀ ကျော်လောက်ပဲ . . .”
“အလုံး ၅၀ . . .”
ရဲရှောင် တအံ့တဩ ရေရွတ်လိုက်မိကာ ချက်ချင်းဆိုသလို မတ်တတ်ရပ်လိုက်ရင်း -
“မိန်းကလေးတို့ . . . မင်းတို့ငါ့ကို နောက်နေကြတာလား . . .”
မိန်းကလေး ၂ ဦး၏ လေးနက်တည်ကြည်သော မျက်နှာအမူအယာအား မြင်တွေ့လိုက်ရသောအခါ နောက်နေသည် မဟုတ်မှန်း ရဲရှောင် သဘောပေါက်သွားသည်။ အမှန်တကယ်ကိုပင် အလုံး ၅၀ ကျော် လိုချင်နေကြခြင်း ဖြစ်သည်။
![](https://img.wattpad.com/cover/337660572-288-k401996.jpg)
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
Chapter (487)"ရှင့်အကူအညီလိုတယ်"
Start from the beginning