“ငါပြောစရာ စကားမရှိဘူးလို့ မပြောပါဘူး။ ဒါပေမယ့် မင်းကိုတော့ မပြောဘူး၊ သူတို့ကိုပဲ ပြောရမယ်”
“ငါ့မှာ ပြဿနာလေး တစ်ခုရှိတယ်ကွ။ မိန်းမလှလေးတွေဆို မမောနိုင် မပန်းနိုင် စကားပြောနိုင်တယ်လေ။ ယောကျာ်းတစ်ယောက်ကို ဆိုရင်တော့ အဲဒီယောကျာ်းက မိန်းကလေး တစ်ယောက်ထက် လှနေမယ် ဆိုရင်တောင် ပြောဖို့ စိတ်ပါမှာ မဟုတ်ဘူး။ ဒီကမိန်းမလှလေး ၂ ယောက်ကို ပြောစရာ ရှိတယ် . . .”
ဝမ်အာနှင့် ချူးအာတို့သည် တုန်လှုပ်အံ့ဩသွားကြသည်။
(ဆရာ့မှာ ဒီလိုသူငယ်ချင်း တစ်ယောက် ရှိနေတာလား။ ဒီလူက တော်တော် ယုတ်မာတဲ့ ပုံစံပဲ . . .)
လင်းဝုရှဲ့သည် ကောက်ကျစ်သော အပြုံးများဖြင့် ရယ်မောနေပြန်သည်။
“မလိုအပ်တာတွေ မပြောဘဲ မန်ဝုဇန် အကြောင်းသာ ပြောစမ်းပါ . . .”
သခင်ကြီးဘိုင်မှ ခပ်ပြတ်ပြတ် ပြောလိုက်သည်။
လင်းဝုရှဲ့ ခေါင်းညိတ်လိုက်ကာ -
“အင်း . . . ကောင်းပြီ . . .”
“မင်းတို့ဆရာရဲ့ အကြီးမားဆုံး ရန်သူတော် ပြိုင်ဘက်ကြီး မန်ဝုဇန်က မူလနတ်အဆင့်ကို ကျော်ဖြတ်ပြီး ဗြုန်းစားကြီး မူလသူတော်စင် အဆင့်ကို ရောက်သွားခဲ့တယ်။ ဆိုလိုချင်တာကတော့ ဟားဟား . . . မင်းတို့ဆရာက သူ့ကို အမြဲတမ်း လွှမ်းမိုးနိုင်ခဲ့ပေမယ့် အခုတော့ သူက ပြန်လွှမ်းမိုးလာတော့မှာကို စောင့်နေရတော့မယ်၊ အဲ့ဒီ သတင်းက တော်တော် တုန်လှုပ်စရာ သတင်းပဲလေ မဟုတ်ဘူးလား . . .”
ဝမ်အာနှင့် ချူးအာတို့သည် တုန်လှုပ်အံ့ဩသွားကြသည်။
(မူလနတ်အဆင့် . . . မူလသူတော်စင်အဆင့်တဲ့၊ ဒီအဆင့် ၂ ဆင့်ကြားမှာ မူလနတ်ဘုရားအဆင့် ဆိုတာ ရှိသေးတယ် မဟုတ်လား။ ဘယ်လိုဖြစ်ပြီး ရုတ်တရက် အဆင့် ၂ ဆင့် ခုန်တက်သွားရတာလဲ၊ ကောင်းကင်ဘုံကို ခြေတစ်လှမ်းနဲ့ အရောက်သွားနိုင်လိုက်သလိုပါပဲလား။ သူဘယ်လိုများ လုပ်ခဲ့တာပါလိမ့် . . .)
“ဘယ်လို ဖြစ်နိုင်မှာလဲ . . .”
သခင်ကြီးဘိုင် ဒေါသတကြီး အော်ပြောလိုက်သည်။
أنت تقرأ
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
المغامرةMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
Chapter (438)"လင်းဝုရှဲ့"
ابدأ من البداية
