(မင်းက ကမ္ဘာ့ကြောက်စရာ အကောင်းဆုံး မိစ္ဆာအရှင်သခင် တစ်ယောက်ပဲ။ အခုတော့ မင်းက ဝန်မခံချင်ဘူး ဖြစ်နေတယ်။ ကိုယ်လုပ်ခဲ့တာကို ကိုယ်တာဝန် မယူချင်တာလား၊ မင်းကို တော်တော် အထင်သေးသွားမိပြီ . . .)
ဂျိချန်းဖန်သည် အလွန် ဒေါသထွက်လာသည့်အတွက် အရှိန်မြင့်၍ ပျံသန်းရန် ပြင်လိုက်သည်။ ထိုအချိန်တွင် ရုတ်တရက်ဆိုသလိုပင် ကျယ်လောင်သော အသံတစ်သံအား ကြားလိုက်ရသည်။
"ဘုန်း . . ."
အိမ်တစ်လုံး အမိုး ပြိုကျသွားသည့် အသံဖြစ်သည်။ ဂျိချန်းဖန်လည်း ထိုအသံ ထွက်ပေါ်လာရာ နေရာသို့ လှမ်းကြည့်မိလိုက်သောကြောင့် အနက်ရောင်ဝတ်လူအား မျက်ခြေပြတ်သွားလေသည်။
တစ်စုံတစ်ခု မှားယွင်းနေပြီ ဖြစ်ကြောင်း ဂျိချန်းဖန် သိလိုက်သည်။ ထို့ကြောင့် ရပ်တန့်ရန် ကြိုးစားလိုက်သော်လည်း ဓားနှင့် စွမ်းအင်များ ပေါင်းစပ်၍ အရှိန်မြန်စေရန် ပြုလုပ်ထားသောကြောင့် ချက်ချင်း မရပ်တန့်နိုင်ခဲ့ချေ။ အိမ်အချို့အား ကျော်လွန်သွားပြီးမှသာ အရှိန်ရပ်တန့်သွားခဲ့သည်။ ထို့နောက် အနက်ရောင်ဝတ်လူ ပျောက်သွားသည့် နေရာသို့ သွားပြန်သွားကြည့်သောအခါ လမ်းသွယ် ၂ ခုအား တွေ့လိုက်ရလေသည်။
ထိုလမ်းသွယ်များသည် အရှေ့၊ အနောက်၊ တောင်နှင့်မြောက် အရပ်လေးမျက်နှာလုံးအား ဆက်သွယ်ထားသော လမ်းဖြစ်ပြီး လမ်းများ အားလုံးတွင် လူသူ အရိပ်အယောင်ဟူ၍လည်း မတွေ့ရချေ။
အနက်ရောင်ဝတ်လူသည် မည်သည့်လမ်းသို့ ထွက်သွားသည်ကို သူမသိနိုင်တော့ပေ။
လုံးဝ မျက်ခြေပြတ်သွားခဲ့ချေပြီ။
ဂျိချန်းဖန်သည် အတွေ့အကြုံ ရင့်ကျက်သော လူတစ်ဦး ဖြစ်သဖြင့် လှုပ်ရှားမှု တစ်ခုအား မြန်မြန်ဆန်ဆန် ပြုလုပ်လိုက်သည်။ သူ၏ ချီဓာတ်များအား စုစည်း၍ တစ်ချက် အော်ဟစ်လိုက်ပြီးနောက် ဓားထံသို့ စွမ်းအင်များ ပို့လွှတ်လိုက်လေသည်။ ထိုအခါ ဓားမှ အပြာရောင် အလင်းတန်းတစ်ခု ထွက်ပေါ်လာခဲ့ပြီး ထိုဓားနှင့်အတူ ဂျိချန်းဖန်သည် မြေပြင်ထက် အမြင့် ပေ ၁၀၀ ခန့် မြင့်သည် လေထဲသို့ ရောက်ရှိသွားလေသည်။ ထို့နောက် အရပ်လေးမျက်နှာသို့ စူးရဲသော မျက်လုံးအစုံဖြင့် ကြည့်၍ ဝတ်ရုံနက်ဝတ်နှင့်လူအား ခြေရာခံနိုင်ရန် ကြိုးစားလိုက်သည်။
![](https://img.wattpad.com/cover/337660572-288-k401996.jpg)
VOUS LISEZ
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
Chapter - 352"ဆဲဆိုကြခြင်း"
Depuis le début