အဘိုးကြီး၏ မျက်လုံးများသည် စူးရှလျက် ရှိပြီး သွေးအေးရက်စက်တော့မည့်အသွင်ကို ဆောင်လျက် ရှိသည်။ ထို့ပြင် ရင်ထဲတွင် တောက်လောင်နေသည့် ဒေါသမီးများကြောင့် သွက်သွက်ခါအောင် ရူးသွပ်သွားတော့မည့်ပုံပင် ပေါက်နေလေသည်။
အဘိုးကြီးသာမက ကျန်သော လူများသည်လည်း သွေးများ ပွက်ပွက်ဆူမတတ်ပင် ဒေါသထွက်နေကြသည်။
ဝမ်အာသည် သူတို့၏ ဒေါသမီးများအား ဆွသွားခဲ့သည် မဟုတ်ပါလား။
အဆုံးစွန်သော ဒေါသများ ပေါက်ကွဲထွက်အောင် လုပ်သွားခဲ့ခြင်း ဖြစ်သည်။
မစဉ်းစားမဆင်ခြင်ဘဲ ဒေါသအလျောက် ပြုလုပ်လိုက်သော ကိစ္စများသည် သွေးချောင်းစီးစရာ ကိစ္စများသာ ဖြစ်လာပေလိမ့်မည်။ သူတို့၏ ပစ်မှတ် မည်သူပင် ဖြစ်နေစေကာမူ ထိုပစ်မှတ်အား သနားညှာတာမှု အလျဉ်းရှိတော့မည် မဟုတ်ချေ။
. . .
နေရောင်ဂိုဏ်းထံမှ ထွက်လာပြီးနောက် ဝမ်အာသည် ကြယ်ရောင်ဂိုဏ်း ရှိရာသို့ ရောက်လာခဲ့ပြန်သည်။ နေရောင်ဂိုဏ်း ကဲ့သို့ပင် ကြယ်ရောင်ဂိုဏ်းအား ဒေါသထွက်အောင် ပြုလုပ်ခဲ့ပြန်သည်။ မာန်မဲ၍ သတိပေးမှုများလည်း ပြုလုပ်ခဲ့သည်။
ထို့ကြောင့် ကြယ်ရောင်ဂိုဏ်းမှ လူများသည်လည်း ပေါက်ကွဲထွက်ခါနီး မီးတောင်များကဲ့သို့ပင် ဒေါသများ ထွက်သွားကြသည်။
ထိုကဲ့သို့ တို့မီးရှို့မီး လုပ်ခဲ့ပြီးနောက် ဝမ်အာသည် လုံးဝ ပျောက်ကွယ်သွားပါတော့သည်။
. . .
ဂိုဏ်းကြီး ၂ ခုစလုံးရှိ လူများ၏ ရင်ထဲတွင် ဒေါသများဖြင့် ပြည့်နှက်နေကြသည်။
အကယ်၍ ဝမ်အာဘက်မှ ထိုထက်ပို၍ ဖိနှိပ်မှုမျိုး လုပ်ခဲ့မည် ဆိုပါက ဂိုဏ်းကြီး ၂ ခုအနေဖြင့် မည်သည့်အရာကိုမျှ ပြုလုပ်ရဲတော့မည် မဟုတ်ချေ။ မုန်တိုင်းအိမ်တော်အား ကြောက်ရွံ့ကြသည့်အတွက် ငြိမ်ကုတ်သွားကြမည်သာ ဖြစ်သည်။ သို့သော် ဝမ်အာသည် ဂိုဏ်းကြီးများအား ဒေါသထွက်စေရုံသာ ပြုလုပ်ခဲ့လေသည်။
ဂိုဏ်းကြီးနှစ်ခုထံသို့ သွားပြီးနောက် ဝမ်အာသည် နေရာအသစ်တစ်ခုထံသို့ သွားရောက်ခဲ့သည်။
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
Chapter - 343"လျှို့ဝှက်မြေပုံ"
Start from the beginning
