နင်ဘီလျူ ရဲရှောင်အား ကြည့်ရင်း ပြန်ဖြေလိုက်သည်။
ရဲရှောင် မျက်မှောက်ကြုတ်လျက် -
“ခင်ဗျားက ကျုပ်အပေါ် ဘာအကြွေးတင်နေတာလဲ . . .”
ထို့နောက် ရုတ်တရက် တစ်စုံတစ်ခုအား သတိရသွားသည့်ဟန်ဖြင့် -
“အင်း . . . ဟုတ်တယ်။ အခု ခင်ဗျားအကူအညီကို ပြန်ယူရတော့မှာပဲ . . .”
နင်ဘီလျူသည် တည်ငြိမ်သော အကြည့်များဖြင့် ရဲရှောင်အား ကြည့်ရင်း -
“ဘယ်လိုအရာဖြစ်ဖြစ်၊ ဘယ်အချိန်ဖြစ်ဖြစ်၊ ငါ့အသက် သေဆိုရင်တောင် သေပေးလို့ရတယ် . . ."
ရဲရှောင် အသက်ပြင်း တစ်ချက် ရှူသွင်းလိုက်ကာ -
“ကောင်းပြီ . . .”
“အခု အခြေအနေတွေက ရှုပ်ထွေးနေတယ်။ ခင်ဗျားလိုလူ ကျုပ်ဘက် ရှိတော့ ကျုပ်အတွက် ခံသာသေးတာပေါ့ . . .”
တကယ်လက်တွေ့တွင်လည်း ရဲရှောင်အနေဖြင့် နင်ဘီလျူအား မြင်တွေ့လိုက်ရသည့်အတွက် မိမိကိုယ်ကို ပို၍ ယုံကြည်မှု ရှိလာသည့်အလား ခံစားလိုက်ရသည်။
နင်ဘီလျူသည် အရိပ်ပြ အကောင်မြင်သောသူ တစ်ဦးဖြစ်သည်။
ထို့နောက် ရဲရှောင်တို့သည် အိမ်သို့ ပြန်လာခဲ့ကြသည်။
ရဲရှောင်သည် အကြံအစည်တစ်ခုအား အကောင်အထည်ဖော်ရန် ကြိုးစားနေခြင်းပင် ဖြစ်ပါတော့သည်။
. . .
ထိုနေ့ညမှာပင် ဝမ်အာသည် မြို့၏ အရှေ့ပိုင်းသို့ ရောက်လာခဲ့သည်။
“နေရောင်ဂိုဏ်းကလူတွေ . . . မြန်မြန်ထွက်လာခဲ့ကြစမ်း . . .”
ဝမ်အာ၏ အသံသည် ချိုသာသော်လည်း သြဇာလွှမ်းမိုးမှု အပြည့်ပါဝင်လျက် ရှိသည်။
သူမ၏ အသံအား ကြားလိုက်ရသောအခါ အိမ်ထဲမှ အရည်ရှည်ရှည် ဗလတောင့်တောင့် လူတစ်ဦးသည် ဒေါကြီးမောကြီးဖြင့် -
“ဘယ်ကခွေးမ ရောက်လာတာလဲ။ ငါတို့ကိုများ ဒီလို ပြောရဲသေးတယ်။ နေရောင်ဂိုဏ်းကို ဘာထင်နေလဲ။ အခုပဲ လည်ပင်းပြတ်ပြီမှတ် . . .”
![](https://img.wattpad.com/cover/337660572-288-k401996.jpg)
YOU ARE READING
မိုးကောင်းကင်အောက်မှကလဲ့စား (အတွဲ ၂) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
Chapter - 341"ဝမ်အာရောက်လာခြင်း"
Start from the beginning