طوبى الجزء الاول

توضيح

بإذن الله..
بعد القسم الجاي والاخير من جزء 30ينايرحنوقف فترة ماتتعداش تلاته ايام ان شاء الله لمراجعة ماسبق من الاحداث والشخصيات..
لأنكم بعون الله خاشين ع مرحلة مختلفه بعد
"اقحوان وفلة وياسمينه"
اسمها
"جنة طوبى"
وهالمرحله حيتغير فيها ترتيب الشخصيات في الروايه..
وحتتغير بعض الشخصيات او بالمعنى الأوضح حيبان جانب تاني منهم ماكانش واضح بقوة..
وهلبه حاجات تانيه..
علاش المراجعه!؟
لأن في بعض من جماعة في الرز عظام حيبدوا يسألوا اسئلة ويحللوا تحليلات تبين انهم ناسيين اللي فات كله او مش مركزين ع بعض النقاط المهمه والتفاصيل الصغيره اللي مروا عليها مرور الكرام...
المرحلة الجايه تبي قوة قلب..
المرحله الجايه حاسه ان في هلبه حيسيبوا قراية الروايه بسببها...
ولأنها رواية واقعيه بإمتياز مش حتتغير احداثها حتى شويه..
نبي الكل يشوف للروايه بعين مختلفه..
زي بعض الاعمال السينمائيه والتلفزيونيه..
في اللي لما تتفرجوا عليه تشوفوه هكي مليان الوان واجواء حلوة...
وفي اللي الكاميرا متاعه تكون حمرا تحسوا بشي من الكآبه لما تتفرجوا عليها..
اعتبروا الروايه هادي مصورة بالكاميرا الحمرا..
مش زي غيرها من رواياتي نهائي..
واكيد العبرة والعظه هي أهم شي حتطلعوا بيه منها..
وكله بمشيئة الله وتسخيره❤