طوبى الجزء الاول

الجزء الخمسون

(مش مسامحه أي وحده تقرا وماتتفاعلش)
#طوبى "أقحوان وفلة وياسمينه"
#جمان_فريد
#الجزء_الخمسون"الماجده1"
《معظم أحداث هذه الرواية حقيقيه》
لو فاتتكم صلاة او خش عليكم وقت صلاة صلوا قبل بعدين اقروا...الصلاة قبل كل شي وكل شي يجي بعدها
وصلوا على الحبيب🌼
#تاج_الذكر
لاإله إله إلا الله وحده لاشريك له له الملك وله الحمد بيده الخير وهو على كل شيء قدير🌸
🚫🚫ملاحظه🚫🚫
اي تعليق عنصري حيتم حظر صاحبه
اي تعليق فيه سخريه ع ثقافه الطوارق حيتم حظر صاحبه
واني هني نكتب في الحوارات باللغه الامازيغيه التارقيه لأعزائي التوارق مش لغيرهم احتراما ليهم وحبا لثقافتهم
نتمنى تكونوا قريتوا هالملاحظه كويس..وشكرا ع تعاونكم مسبق🌸
☕☕☕☕☕☕☕☕☕☕☕☕☕☕☕☕☕
شبحلها بإبتسامه بعدين قال:لما قريت رسالتك سيبت كل شي وجيت..مش عارف علاش تأملت ان حيكون في من وراها شي يفرح..
ابتسمت بأسف وقالت؛ماتبيش تفقد الامل..
رفع حواجبه وقال:نهائي..
نزلت عيونها للسحابه وهي تهز في راسه وع وجهها مازالت قاعده ابتسامة الأسف..
وهو يشوفلها..في داخله كان خايف بس ماباش يبينلها..
وقلبه كان حاس انها جايباته لشي مايفرحش..
قامت عيونه وشافتله بنظرات خلاته يتأكد من احساسه..
سدرة وعيونها مليانات دموع قالت؛ارجوك مهدي..خليني نقول اللي عندي وماتقاطعنيش شن ماسمعت..اعتبرني مهبوله وخودني ع قد عقلي..
تبدلت ملامح وجهه للحده ونظرات عيونه كانت كلها خوف..
حط ايديه ورا ظهره وماقالش كلمه..
سدرة بنبرة تساؤل ممزوجه بالحزن؛تمام؟
هز راسه بدون مايتكلم..
هي نزلت عيونها وخدت نفس بعدين شبحتله وقالت بنبرة ألم:يقولوا البنادم يحس بروحه..يحس بساعته لما تقرب..اني حاستها قربت هلبه..في شي من داخل..في شي مات..اختفي..شي كان يقوي فيا ومخليني واقفه ع رجليا ونقاوم..من غيره حاسه روحي خلاص..معاش نقدر..
هو كان شاد روحه بقوة..كلامها مش قادر يتحمله...
سدرة وهي تشوفله بنظرات الم ورجاء:مهدي..
بلع ريقه من الخوف وهو ساكت...
وهي متابعه تقول بألم:بنأمنك امانه..لو صارت فيا حاجه..طوبى امانه عندك..
ضم شواربه لداخل بقوة ودموعه محبوسات في محجر العين..
نزلوا دموع سدرة وهي تقول:احسبها زي نسرين وخديجه بالله عليك..طوبى قاعده صغيره..تبي من يوقف وراها ويحميها بالله عليك يامهدي خليك وراها بالله عليك..هادي امانتي عندك يامهدي..لو كنت غاليه عليك حق..حافظ عليها..
هو لما يسمع في كلامها حس الى جانب شعور بالخوف..
حس بالإحتقار..
احتقر نفسه لأنه سمح بزواج الجالي من طوبى وهو عارف مشكلة خوه..
وكلام سدرة ليه حمله مسؤوليه أكبر..
سدرة:مهدي.خيرك ساكت؟
غير عيونه عنها بعدين فك ايديه من بعض ولف وعطاها بظهره..ومسح دموعه براحتي ايديه من قبل ماينزلوا..
هي عارفه شن قاعد يدير قالتله:مهدي عارفه روحي نبي نكلفك فوق طاقتك بس ماعنديش ثقه في غيرك بش نأمنه ع اغلى ماعندي بالذات وانها ولت ليكم توا..
نزل ايديه وخدي نفس...بعدين التفت شبحلها وقال بإبتسامه:تمام..بناخدك ع قد عقلك وبنقولك طوبى عندي مش حتكون زي نسرين وخديجه..طوبى حتكون بقيمة سدرة بنتي عندي..
ابتسمت سدرة من بين دموعها..
بلع ريقه وكمل يقول:بس نرجع ونقولك..مش حتموتي قبلي ياسدرة صدقيني..
ردت عليه بإبتسامة أسف...
بعدين مشت من حداه بدون ماتسلم ولاتتكلم..
هو تبعها بعيونه وهي ماشيه..
قعد يشوف فيها وهي تبعد وتبعد..وقلبه يبي يلحقها...
شافها كيف فتحت السحابه وغطت بيها راسها..
حس بقطرات المطر اللي قاعده تنزل عليه..
كانت خفيفه..
وهو قعد يمشي تحتها ويتبع في سدرة اللي قاعده خطواتها تبعد عن خطواته..
والمسافات بينهم قاعدة طويله برغم قربهم من بعض..
وبعيد عنهم..
مازالت العيون الخبيثه تلاحق فيهم..
☘صابرين:ماهو تزوجها وريح روحه..
نجاة:لازم كلهم يديروا نسخ احتياط..
صابرين؛من شابه أباه ماظلم..
نجاة بضحكه:جبتيها والله..
صابرين لبست برنوسها وقالت:المطر بتقوا..
لبست نجاة برنوسها وقال:خل نطلعوا للسيارة بسرعه..
وطلعوا الزوز للسيارة وهما يجروا..
لين وصلوا فيها ركبوا وتحركت طول..
☘والمطر زادت قويت..
واستمرت ساعات متواصله..توقف لحظات ونرجع تصب..
وطوبى في حوشها تجهز في الغدي وتحط فيه بتنسيق حلو ع طاولة الأكل...
ع خشة الجالي للحوش..
وين وصل في وسط الحوش حط شنطته ع الكنبه..
وقعد ينادي..
الجالي:طوبى..قلبي..
"في الكوجينه جولي"
ابتسم وخش عليها وهو يقول:مطر خيط من السمي..مانحكيلكش ع الطريق شن صار فيها.
طوبى:قالوا بتستمر يومين تانيات..
قعمز الكرسي وهو يشوف في الغدي:كسكسي العشق.
طوبى بإبتسامه:قلت خل نستفتحوا بحاجه تحبها..
الجالي:ليك ريتون يسلموا..وخدي وقبلها..
وهي ضحكت..
طلق يدها وخدي كاشيك وبدي ياكل..
وهي قعمزت حداه وبدت تاكل..
الجالي وهو ياكل:امم..حبيبتي..
طوبى وهي تاكل:امم؟
الجالي بلع بعدين قال:بنمشوا لحوش العيله العشيه ارفعي معاك شنطة مرات نباتوا غادي..
طوبى:غدوة عندي جامعه..
الجالي:عارف..بس لأن ليا فترة بعيد عن العمل في شغل متراكم بنلهى بيه وطبعا حنضطر نعطل
حبيبي..
طوبى بإبتسامه:مافيش مشكله ربي يعاونك..
الجالي:تسلمي قلبي..وبالكاشيك قص من طرف ملبطن وكلاه بعدين قال...الله الله عليك يامراة انتي فنانه..
طوبى وهي تشوفله بإبتسامه:صحتين..
☘☘☘☘
"نقطع من منبتها كان ماطلعش مسافر هو وياها الايام اللي فاتوا"
مغليه:مسافرين خل يسافروا مادخلناش بيهم اهم شي عت
عندي ان ولدي مرتاح بس..
خديجه؛اني نبي نعرف علاش الدسان؟..خايفين نحسدوهم ولامايبوش يجيبوا هدايا..!؟
مغليه:خليهم في حالهم ياخديجه تربحي سلم بنتي..
ضحكت خديجه وقال:موغي ياخوافه..
مغليه بإنزعاج:مش وقتك برادتك سلم بنتي..
خديجه:قاعده مضايقه من المهدي..
مغليه بضيق:مش غير منه هو..حتى من هداكا عمر تصدقي اسبوع كامل ماريته هو وهديكا واليوم جاني الصبح سلم عليا وهو مستعجل ويقول وراي رحله..
خديجه:ولادك هكي يام مدهولين ورا نساوينهم..
مغليه:اللي اسمها اميمه مش زي مايبان عليها وحده مش ساهله بكل جتها عمتها مرتين وماقالتش تفضلي هدرزي ياعمتي..وتمشي لحوش ماليها وتقعد بالساعات ولاتقول نوقف هالعزوز خمسة دقايق نشوفها..درت كناين غير بإلاسم.
خديجه وجعتها امها واستفزها اللي سمعاته عن اميمه وقعدت تفكر كيف لازم تتصرف معاها..
☘☘☘☘
وأميمه فهالوقت..
في المستشفى تخدم في خدمتها بجد واجتهاد..
تبي تعوض مافاتها وتثبت نفسها بقوة..
بس اللي فاجئها لما جت للمستشفى لقتهم حاطينها في مجموعة الدكتور قصي المسعودي..
وع قد تفاجئت ع قد ماخوفها هالشي..
☘"هدا جدول العمليات اليوم "
اميمه بضيق:هلبه ل9..
:ومرات ل10و ل11 دكتورة اميمه اني طبيبة متخصصه جراحة باطنه..مستقبلا ممكن تباتي..
اميمه هزت راسها وقالت؛مزبوط..
:ديما نقول فيها الزواج اكبر عائق للطبيبه..
"لو اختارت طبيب زيها مش حيكون في ولاعائق بينها وبين المهنه"
ابتسمت اميمه بالغصب وشافت يمينها..
وهو شبحلها وبإبتسامه مستفزة قال:مبروك دكتورة وبالرفاه والبنين والبنات..
ضحكت زميلة اميمه..
واميمه وهي مبتسمه بكبر مصطنع؛الله يبارك فيك وعقبالك دكتور..
قصي وهو يشوفلها بنفس الابتسامه؛شكرا..هيا دكتورة اطلعي من جو الفيلو وخليك في البالطو عندنا تلاته عمليات اليوم..ساعه بس تفصل بين العمليه والتانيه..
اميمه بإبتسامه ثقه:واني مستعده..
رفع حواجبه وقال:حلو..شبح للدكتورة التانيه وقال:دكتور وصفي جي؟
:ايه دكتور...
هز راسه ومشي طلع وهو يقول:تعالي اميمه..
خدت نفس وحاولت تضبط اعصابها ومشت لحقاته..
☘☘☘☘
"معقوله بعد سنين هالخدمه والعطاء الممتاز يحولوك احتياط!"
نجاح وهي تغسل في الماعين قالت وهي تحاول تخفف عن نفسها الألم:قدر الله وماشاء فعل..
عواطف:هذا ظلم البشر مش تقدير الله...
نجاح تنهدت وقالت:لعله خير..مرات الخيره في اللي صار..وعسى ان تكرهوا شيئا وهو خير لكم..
عواطف؛والله ماعارفه شن نقولك..ان شاء الله يطلع هكي حق..
نجاح هزت راسها وهي تقول:هكي بإذن الله هكي...
☘☘☘☘
في الحوش اللي مقابلهم..
تحديدا المعمل اللي يخدموا فيه صفيه ومطيره وفردوس..
حداهم الكازنات معبيه وطايب اللي فيها ويراجوا امتى يجوا صحاب الطلبيه ياخدوا..
بس فهالأثناء كان صاير حديث مخلي مطيره تتكلم بإنفعال..
مطيره:اين خير بيجي من واحد شري غضب والديه بلاش..تعرفي كان نيته صافيه وجي نادم تراهو مشي لبوه اول واحد..
صفيه؛باهي من قال مش خايف يجي لبوه طول مايقبلاش ومرات تصير بينهم دوة تعب لطفي دخل خواته واسطه بش يسهل عليه الموقف..
فردوس:قلت هكي حتى اني..بس بعدين وين نتفكر اسلوبه وطريقه كلامه مانحساش واحد نادم...نحسه ناقم..
مطيره؛زيه زي هالكلبه غرفه..مهما بانوا كويسين يقعد فيهم شي مش مزبوط من داخل..حقودين مساميم..معقوله هكي تقابل اختها بعد اللي داراته..اختها اللي ترعش عليها و صارت فيها وتقلب الدنيا قلب..تخليها ترقد وهي تبكي وترعشها وتزيدها مرض ع مرضها..
ونزلوا دموعها والعبرة خانقتها وهي تقول..قداش البنادم جاحد ياناس الباهي اللي ديما يعطي وماياخدش مايلقاش من يقدره..
والكي اللي كل شي مش كويس فيه تلقيهم يتمسحوله ويدوروا في رضاه...
فردوس:دنيا مسخه ياعمتي..
مطيرة:مش الدنيا اللي مسخه يابنتي البشر هما اللي مسخين...
رن تليفون صفيه..
طول ردت عليه وقالت؛ايوه السلام عليكم....تمام تو نبدوا نسقوا..
هما طول ناضوا يسخنوا..
وهي بعد نهت المكالمه قالت:شكلهم حصلوا من وين يجوا...
مطيره:هي بسرعه حببي بالقرفه..
صفيه؛حاضر...
☘وفي الشقه اللي فوقهم..
كانت مشتده راقده وهي تسمع في القرآن من اذاعة السعوديه للقرآن..
جتها مروة تشوف فيها..
تحسست جبهتها بش تشوف كان عندها حراره ولالا..
لقتها طبيعيه غطتها كويس بعدين ولت للدار..
شويه وجت تاله وفي يدها شنطتها شافتها لقتها راقده..
قعمزت حداها..
وطلعت كتاباتها وكراساتها وبدت تقرا...
وصفاء طلعت من دارها بعد كانت تقرا سألت تاله وقالت؛راقده حنينه؟.
تاله شبحتلها وهزت راسها بإيجاب..
هزت صفاء راسها بعدين قالت:تشربي سحلب..
تاله؛ايه
مشت صفاء طول للكوجينه وهي تقول؛تمام..
☘وامهم في المركز متاعها كانت تخدم
ع عروسة محضر..
بعد كملت شغلها عليها..
:الله يبارك في ايدياتك...
فايزة بإبتسامه؛حتى القالب غالب..
:تسلمي حبيبتي...
وشويه وجو اهل العروسه وروحوا بيها..
وفايزة بدت توتي في روحها بش تروح وهي توصي في البنت اللي تشد بعدها باقي اليوم؛يوم الخميس فل مانبيش فيه زياده..
:تمام مدام..
فايزة:قولي للعاملات يوم الخميس بإذن الله ندفعلهم معاشاتهم وفوقها مكافآه اشتغلوا هلبه الاسبوعين الاخيرات..
بفرح قالت؛ربي يزيدك ويباركلك..
فايزة بإبتسامه؛حقكم...سلام..
ومشت وهي تقول للعاملات:سلام صبايا..
كلهم ردوا عليها؛سلام..
☘هي طلعت من المركز وركبت الدروج بعدين طلعت لسيارتها..
استغربت لما شافت واحد واقف حدا كان عاطي بالظهر.
قدمتله وهي مستغربه..
هو سمعت صوت طقة الكندرة متاعها التفت طول..
لما شافات بدت ع وجهها ملامح الكره تلقائيا..
اماهو بإبتسامه فيها شي من الارتباك قال:كيف حالك فايزة..
فايزة قعدت تشبحله بنظرات كره بدون ماتتكلم..
هو زاد ارتبك وقال:ليا ساعه نراجي فيك..
هي مررت نظرها عليه من فوق لتحت..بعدين مشت بتفتح باب السيارة..
هوشد الباب وقال:بالله عليك فايزة ماتصديني..يعلم الله بحاجتي ماليا غيرك يافايزة..
شبحتله بنفس النظرات وعيونها معبيات دموع..
بعدين ركبت السيارة وجبدت الباب بقوة..
هو بدي يترجى فيها ويقول:يافايزة ولد خوك مريض ياخد في الكيماوي تعرفي الجرعه الوحده بكم يافايزة..
وفايزة تسمع فيه شن يقول وتتفكر في هديكا الليله اللي لايمكن تنساها...
تتفكر في كل اللي مرت بيه معاهم..بالذات مع خوها الكبير اللي واقف يترجا فيها تسمعله..
هي طول شغلت السيارة وتحركت بسرعه...
وهو قعد يجري وراها وينادي:فايزة يافايزة بالله عليك يافايزة..
وهي تشوفله من المرايه كيف قعد يجري بعدين وقف وحط ايديه ع عيونه..
زادت سرعة السرعه وهي تبكي بصمت وتمسح في دموعها..
عايشه حالة صراع في نفسها بين شعور الشفقه ع خوها..وبين حقدها الكبير عليه..
طول الطريق كانت عايشه حالة هالصراع .
لين خشت شارع القهوة وسيارتها درست قدام حوش لطفي..
نزلت من السيارة وهي تجري لان المطر كانت تصب..
وقفت تحت المظله اللي فيها قرميد احمر فوق الباب الخارجي وقعدت دق عليه..
~~~~~~~
وهي تبكي كانت تحكي وتقول:حاسه قلبي قاعد واجعني لتوا ع اللي درته..بس وين نتفكر اللي داره فيا واللي مريت بيه في حياتي ننقم عليه هو وخوته اكثر..
تنهدت سدرة وقالت:طبيعي اللي صاير فيك شراده..قلبك الطيب مش حيهنيك ومتأكده انك حدوري عليه بش تساعديه..شوفي شراده انتي ربي حطك في اختبارين..
الاول لما عرفتي ان امك في دار العجزة طول نجحتي فيه الاختبار ومشيتي خديتي امك وقعدت تعاني ولامرة فكرتي في اللي داراته فيك...وتوا جاب خوك في طريقك..خوك اللي ظلمك وكان يبي ياكل حقك جابه وهو في اضعف في حالاته  ليك وانتي في اقوى حالاتك...يبي يشوف حتشكري نعمه عليك ولالا..
فايزة بتساؤل:نشكره!؟
سدرة:ايه تشكريه..لما تجبري نفسك ديري شي انتي كارهتيه وربي يحبه..لوجهه هو بس..وربك يحب العفو ويحب العبد الرحيم هلبه..تفكري قصة سيدنا يوسف ع خوته..مادارش عليها ربك سورة كامله من فراغ..وفي النهايه قال..
¤فإن الله لايضيع اجر المحسنين¤
مسحت فايزة دموعها وقالت:باهي انتي علاش ماسامحتيش مختار!؟
ابتسمت بأسف وقالت:ممكن مانسامحاش لين نموت..لكن لو كان بحاجتي حق مستحيل نخليه...
☘روحت فايزة لشقتها..
وهي راكبه الدروج كانت تفكر في كل شي وكلام سدرة قاعد يدور في عقلها..
وصلت في الباب..
انفتح وطلعت صفاء وهي تقول بقلق: ماما وينك هدا كله!؟شفت سيارتك ليهت وقت واقفه قدام حوش جدو لطفي نحساب صارتلك حاجه..
مسحت فايزة ع خدها وقالت:كنت عندك خالتك سدرة
صفاء:شن حالها..
فايزة:كويسه الحمد لله..هي خشي..
صفاء:حنينه ناضت بكري شويه وتراجي فيك امتى تخشي بالشكلاطه..
غمضت عيونها وهي عاقده ع حواجبها وقالت؛يييه..نسيتها بكل..
صفاء:باهي خليك هني شويه بس..
ومشت صفاء خشت داخل وهي تشوف لحناها كيف تتفرج ع كتاب تاله متاع الانجليزي ع الرسومات اللي فيه وتسأل فيها هادي شنو..وهديكا شنو..
خشت للكوجينه للحظات..
بعدين طلعت منها وهي مدرقه حاجه ورا ظهرها..
مشتده قامت راسها وقالت؛امك فايزة وينها؟نبي الشكلاطه توا..
صفاء بإبتسامه:توا راكبه الدورج بنمشي نفتحلها الباب..
فرحت مشتده فرحة اطفال...
وصفاء مشت بسرعه للباب..
طلعت لأمها وقالت:دسيها في شنطك..
خدت فايزة لوح الشكولاته الخالي من السكر وحطاته في شنطتها..
خشت صفاء وهي خشت بعدها وسكرت الباب..
سبقتها صفاء لوسط الحوش وهي تقول:اهي جت فايزة...
صفقت مشتده بفرحه..
ع خشة فايزة وهي تضحك قالت:شن جو ياشوشو..
مشتده؛هيا نبي الشكلاطه وينها..
طلعتها فايزة وهي مبتسمه من الشنطه وجتها بيها وقالت:اهيا..
خدتها مشتده بسرعه وبدت تفتح فيها..
وفايزة شافت لصفاء وقالت؛دايرة سحلب..
صفاء:ايه..
فايزة:تمام نبدل ونصلي بعدين نقعمزوا نشربوه مع بعض..
صفاء:تمام..
مشت لدارها وهي تقول:مروة وين
سمعتها مروة وردت عليها من الدار
وهي تقول..
"نقرا في الدار ماما"
فايزة بعد ماسمعتها خشت دارها وسكرت عليها الباب ورجعت تفكر في اللي صار معاها اليوم..
☘☘☘☘☘
الساعه7:30بعد المغرب..
الضي هرب ع الشارع كله بسبب المطر..
في حوش شنيبه كان الجالي يشغل في المولد..
ولما ولع شغل ضي الحوش والمطحن والقهوة..
كانت طوبى مقعمزة مع عزوزتها وحماتها في الصاله.
لما ولع عليهم الضي..
مغليه قالت:الله ينور عليه وليدي..
ابتسمت طوبى..
وخديجه قالت:هيا طوبى ياحلوة نوضي ديريلنا قهيوه وحطيلنا من المبروشه..وبالمرة ديري عشي..
مغليه:لالالا راجي تكمل هالسبوع وبعده تاخد دورها..وصيت نضال يجيب من برا الليله..
طوبى ناضت وهي تقول بإبتسامه:ربي يحفظك عمتي ويطول في عمرك..
ع خشة الجالي سمع دعائها ابتسم..
خديجه؛ماتفرحيش بيها يام مش لله راهو..
الجالي:ترا صليلنا ع النبي خديجه..
طوبى:عليه الصلاة والسلام عارفتها تبصر..
خديجه:سلمها ننوستنا..
ابتسمت طوبى مجامله وقالت:شويه وتجيكم القهوة.
ومشت طلعت من حداهم..
مغليه بهمس:اشش جالي..تعالى..
هو طول جاها وقعمز حداها وقال:نعم..
مغليه:شن حالها معاك؟
ابتسم وخدي يد امه وباسها بعدين قال...ربي مايحرمني منك ع هالموازة..
ابتسمت خديجه تعجبا..
مغليه بإبتسامه:هاه ريت مش قتلك..تتفكر..
باس راس امه وضمها لحضنه وهو يقول:ربي يخليكم ليا الزوز..
خديجه؛قصدك الثلاته..
فنص فيها..
ومغليه تباعدت عنه وشبحت لبنتها وقالت بإستغراب:من هي  الثالثه!؟
والجالي يفنص في خديجه..
هي ضحكت وقالت:اني يام..مش اني اللي اقترحتها..
مغليه بضحكه:ايه صح..
وهو قعد يشوف لخديجه بإمتعاض..
وهي تبتسم بإستفزاز وترقص في حواجبها..
🌼وطوبى في الكوجينه توتي في القهوة..
وتقص في المبروشه...
شويه وطلعت للجنان وهي دور فيه..بالك عندهم فل..
بس مالقتش..
تنهدت وولت خشت داخل..
جهزت السفرة ومشت طلعتها...
☘☘☘☘☘
والتارقي طلع سفرة القهوة متاعه من الكوجينه وهو شاد البيلا في يده..
وصل لدار وخش..
وقعمز بيها...
فجأة دق باب الحوش..
عبد القيوم:اللي جا هذى بنشده بش نكسد معاه في هالظلام..
وناض ومشي للباب..
فتحه لقي قدامه ربيع..
عبد القيوم:في وقتك القهوة ترجى فيك..
ربيع بضحكه:مش قايل لا..بس قبلها نبي نعلقلك خيط المولد..
عبد القيوم بإبتسامه:تمام...
☘وضوت شقة عبد القيوم من المولد متاع مطعم ربيع..
بعدين خشله وقعمزوا يشربوا قهوة ويهدرزوا...
🍃حط فنجان القهوة بعد كمله وضم ايديه لبعض وقال:تارقي..
عبد القيوم حط البكرج ع الكانون وهو يقول:نعم؟
ربيع:لو مثلا..عندك حد يعز عليك هلبه تمام..والحد صايره معاه حاجه هو مايعرفهاش لكن لكن انت تعرفها..
عبد القيوم:مافهمتش وضح اكثر..
ربيع مرر نظره قدام وهو يفكر بعدين قال:يعني صايرتله خيانه هو ماعنداش بيها علم..
عبد القيوم؛وانت تعرفها..فهمت..
ربيع:ايه صدفه...يعني شن دير في هالحاله بش تخليه يعرف..
عبد القيوم ربع ايديه وضيق عيونه وهو يشوف للفراغ ويفكر..
وربيع يراجي في رده..
تنهد عبد القيوم وشبحله بعدين قال:هو لو كنت مكانك نفكر واجد ونشوف شن يترتب عليها معرفته بالحاجه هذي..
مرات العواقب تكون وخيمه..
ربيع:الحق اني ماندورش في روحي شن مايصير معاي..هو اللي واجعني مايستاهلش اللي صاير فيه..
عبد القيوم:وانا نقصد العواقب اللي بترجع عليها هي..
ربيع فنص وقال:من هي؟!
اشر عليه بيده وقال:اللي تحكي عنها..
ربيع:تو اني حددت شن يكون؟
عبد القيوم بضحكه:لا..بس واضحه يعني..
ربيع:باهي فوت توا ووضحلي معنى كلامك..
فرد ايديه وحطهم ع رجليه وقال:يقولك في حاجات الغفله عنها خير من معرفتها..مرات لويعرف الشخص اللي تحكي عنه تصيرله مشاكل كبيره مايقدرش يطلع منها..يخش دوامه تغرقه في مصايب مالها حد..الغفله عنها تدفع ضرر اكبر..
ربيع:حيرتني اكثر مااني محتار..
عبد القيوم:استفتي قلبك كان مش هاينه عليك عدي قوللها..
ربيع بإمتعاض:عبدو!..
ضحك وقال:تمام تمام..بس ننصحك نصيحه اخيره لو قررت تخبر لازم يكون عندك دليل قوي...
تنهد ربيع وهز راسه بعدين قال:يصير خير يصير خير..ابتسم وقال..شن رايك توا في وجبة مشاوي مشكله؟..
عبد القيوم :لابارك الله فيك ياغالي..انا عشاي تعرفه كباية اللبن وكم تمرة..
ربيع:اكسره روتين الشيابين متاعك هدا..
عبد القيوم:نسكر فيه مرات بمكرونه جاريه ورز جاري..
ربيع:لاكسرته والله!
ضحك عبد القيوم ..
ربيع:تعالى هني درت لمحلات ومطاحن الشارع كلهم لوحات بأسمائهم الا اني..مدرعنه من هلنا. ..
قعد يضحك عبد القيوم..
رببع:كل يوم نقول اهو اليوم يجي يفاجئني بوحده لكن شي شي..
هدا عبد القيوم ضحك وقال:تبي الصراحه اسم المطعم متاعك صامت....
ربيع:نغيره يعني!؟لاوالله ماني مغيره..
عبد القيوم بإبتسامه:باهي عندي فكرة سمحه تعجبك..
شن رايك نكتبلك ع لوحه حديث شريف..
اللي قال فيه الرسول اللهم صل وسلم عليه.. "من أكَلَ طَعامًا فقال: الحمدُ للهِ الذي أطعَمَني هذا الطَّعامَ ورَزَقَنيه من غيرِ حولٍ مِنِّي ولاقوة..غفر له ماتقدم من ذنبه وماتأخر"
تعلقها في مكان يكون محط نظر الزباين.
اللي يحقها بعد يكمل ماكلته يدعي هالدعاء..تخيل الحسنات اللي يجنك من وراهم..
ربيع بإبتسامه:حلو حاجه مميزة..خلاص توكل على الله..
عبد القيوم:تم من الليله نبدالك فيها..
ربيع:تعرف لومنك نديره مشروع شوف قداش تكسب من وراه بالذات بعد مالقصه ولت موضة..والله خيرلك من الخدمه في شركه الكهرباء مرتبك منها تصرفه ع صحتك من ورا دعي الناس..
قعد يضحك عبد القيوم وهو يقول:حطيتها في راسي..
ربيع:فكر فيها كويس..ناض وهو يقول بنجيب العشي وجاي..حط سبابته ع فمه وهو يقول..اص..ولاكلمه..ولاحرف..ولانفس..
عبد القيوم ضحك بيأس وقال:باهي عدي ياسيدي..
ابتسم ربيع ومشي طلع من الشقه...
تبدلت ملامح ابتسامته للحيره وهو يفكر في موضوع نسرين وكلام عبد القيوم...
☘☘☘☘☘
الساعه 9:30ليلا..
روحت اميمه من المستشفى..
خشت بسيارتها للقراج..
بعدين نزلت منها وهي تقول:خل نخشلهم نهدرز عليهم شويه ونركب..ع خاطر عمر بس..
ومشت بالسيف لحوش العيله..
لقت الباب مردود..
دقت وخشت..
حولت من رجليها وقعدت تمشي بحذر..
لين وصلت في الصاله خشت عليهم وقالت:السلام عليكم..
مغليه وخديجه بملامح وجه متجهمه:وعليكم السلام..
اما طوبى ناضتلها طول ومشت سلمت عليها..
طوبى:ميمو..
اميمه؛بيبو حبيبتي ليك وحشه..
طوبى:ليك اكثر..
بعدوا عن بعض واميمه تقول:وينك معاش بنتي..
خديجه:اللي يسمع يقول ديما وانتي لوطا..
التفتت طوبى شبحت لخديجه واميمه تشوفلها..
ع خشة الجالي قال:السلام عليكم..
اميمه وهي تشوف لخديجه:وعليكم السلام..
مغليه:تعالي جاي قصدك هدا وين روحتي انتي..
الجالي وقف قريب عليهم وقعد يشوف لأميمه وهو عاقد حواجبه..
وطوبى تشوف لأميمه بقلق..
اميمه:ايه توا تم دوامي..
خديجه بصدمه؛انتي قصدك تخدمي لهالوقت!؟
اميمه:مش حاجه غريبه اني دكتورة وهادي طبيعة خدمتي..
مغليه:لامعليشي الشي هدا مايمشيش عندنا..
اميمه وهي تحاول تحافظ ع ثباتها وثقتها بنفسها قالت:عمر ماعنداش مشكله عمتي..
ناضت خديجه وهي تقول:تماروا في بعضكم انتم ولاشنو..درست عليك مرت المهدي!؟
🍃ع خشة نضال ومحمد بالعشي..
توجهوا للصاله..
محمد لما سمع اسم امه وقف في مكانه حط الحاجات ع تركينه...
ونضال يشوفله..
اميمه:تو شن دخلها عيشه حني امتى ريناها ولاقعمزنا معاها..
خديجه:ايوه هي هادي وانتي تماروا في العافن ع العفن..
هني خش محمد وهو معصب قال:كان نعرف شن دايرتلك عيشه ياعمتي اللي حاطه راسك من راسها..
شبحوله كلهم..
وخديجه بضحكه متهكمه قالت:كملت..
الجالي:دوة نساوين هادي مادخلكش بيها..
محمد:مدام الدوة على امي دخلي فيها ونص..
نضال:محمد تعالى..
محمد شبح لخديجه وقال:راهو نشوفوا في كل شي ونسمعوا في كل شي وفاهمين كل شي بس نطنشوا...
الجالي:علاش كان ماطنشت شن بدير!..
طوبى التفتت للجالي وقالت:جالي صل ع النبي..
الجالي:عليه الصلاة والسلام..محمد اطلع احسنلك..
مغليه؛خلاص سكروا ع الموضوع خلاص اللي تبي تجي اهو الحوش مفتوح اللي مش جايه بسلامتها..
محمد:تمام ياحناي..بس امي طلعوها من دوتكم وحساباتكم خلوا المراة في حالها..
مغليه بتعجب:وشن تشوف فينا درنالها!؟
خديجه:يكون في علمك لولاي اني امك ماكانتش تحلم تخشله الحوش هدا..
اميمه وطوبى شبحولها بحده..
خديجه؛اني اللي جبتها وخليتها كنتنا تأملت فيها خير وطلعت اكبر غالطه حتى انتم ربتكم ع السم والحقد..
محمد:عمتي رجاءا اعرفي شن طلعي من فمك..
طوبى:محمد اطلع..
الجالي جاه وقال:اطلع ياقليل الادب والربايه اطلع تعلي في صوتك ع حناك وعمتك قريب تاكلهم ياتافه..
شبح لعمه مطولا بعدين قال:متربي الحمد لله ولاعندي في العيب ولا اللف والدوران والكذب..
كلهم استغربوا رده...
والجالي ردة فعله كانت نابعه من خوف لأن حس ان محمد عارف حاجه من كلامها..
طول صفع محمد ع وجهه صفعه..
صدمت الكل...
وخلت مغليه تنوض تجري من مكانها وهي تقول:لا يالجالي علاش هكي..
محمد شبح لطوبى بإبتسامه أسف وهو شاد وجهه بعدين مشي طلع..
ونضال حط العشي ع الارض وطلع وراه..
الجالي بغضب؛حيوان قليل رباية..
ومشي طلع من حداهم وطوبى تلحق فيه بنظراتها المصدومه وكلها خوف..
اميمه لخديجه:لوسلمنا وقعمزنا هدرزنا عادي مش كان خير من اللي صار توا؟
خديجه؛مانيش راده عليها يام انتي ردي عصابي بتفلت..
مغليه وهي ترعش:خلاص بري اركبي لشقتك اركبي...
اميمه هزت راسها وقالت:حاضر..
ومشت طلعت من حداهم وهي تمشي بعصبيه..
خديجه:حني اللي حطينا اللفع في شلامتنا..
طوبى شبحتلها وعقدت حواجبها..
مغليه:طوبى بنتي مش عليك الكلام بري شوفي راجلك سلم بنتي..
غير طوبى عيونها عن خديجه وقالت:حاضر...ومشت طلعت من حداهم حتى هي..
مغليه:حتى انتي روحي ياخديجه وفوتي يومين ولاتلاته بعدين تعالي..ع خاطري بنتي..
خدت نفس بعدين قالت:حاضر يام ع خاطرك بس..ع خاطرك..
ومشت طلعت خدت عبايتها ووشاحها لبستهم ومشت طلعت من الحوش..
ومغليه قعدت مقعمزة تترقب في الصاله وكلها خوف من عواقب الصفعه اللي خداها من عمه الجالي..
☘الجالي اللي خشت عليه مرته لقاته مقعمز ع الكرسي ورا مكتبه وهو يشبح في الفراغ وملامح العصبيه باديه على وجهه..
سكرت الباب ومشت قعمزت ع السرير وهي تقول:جالي..
الجالي رفع يده وقال:بالله عليك طوبى اسكتي مانبي نسمع شي..
طوبى:نبي نفهم شن اللي خلاك تتصرف هكي!؟.
الجالي بشي من الانفعال:طوبى خليني في حالي توا مانبيش نفصل عليك ونقول كلام خي.
هي تنهدت وقالت:براحتك..
بعدين ناضت ومشت بتطلع..
"خليك"
التفتت شبحتله .
لقاته يشوفلها بنظرات احتياج..
ولت مشتله..
وصلت وحطت يدها ع شعره وقعدت تمسح عليه وهي تقول بهدوء وعتب لطيف:مفروض تفهمته وحاولت تحتوي الموقف..
الجالي؛طول لسانه وقلل ادبه ع اللي اكبر شن متوقعه ندير معاه؟
نزلت يدها وحطتها ع كتفه وقالت:تتفهمه اللي كانوا يتكلموا عليها هادي امه ياجالي حط نفسك مكانه شن كنت حدير..
الجالي:هو مفروض يتعلم مايخشش في دوة النساوين غدوة امه وعمته يولوا لبعض عادي وهو موقفه يقعد ماينمسحش..
طوبى:برضو حنقولك معذور..هادي امه...ومافي حد يرضى ع امه..
تنهد الجالي وقعد ساكت..
طوبى:محمد يحبك هلبه ويعتبر فيك قدوة..امه قالت طموحه يولي مهندس زيك انت قالت انت اللي حببته في الهندسه..
عيون الجالي لمعوا بالدموع وهو يسمع في كلامها..
طوبى شدت راسها بإيديها وقربت منه وقبلت جبينه..
وهوغمض عيونه..وحس بأن اعصابه ارتخت في لحظه..
بعدت عنه وقالت:نديرلك طاسة فليه تروق اعصابك شي..
هز راسه بالموافقه..
هي ابتسمت وقالت؛شويه وتكون عندك..
لما جت بتمشي شد الجالي يدها بقوة..
شبحتله..
وهو قعد يشوفلها بحب وخوف:معاش نقدر نعيش من غيرك..
ابتسمت وقالت؛ولااني..
وفكت يده منه وهي تقول: شويه وجايه..
ومشت طلعت من حداه..
وهو عيونه قعدت معلقه في الباب اللي سكراته وراها...
☘☘☘☘
في نفس الوقت..
بعد ماطلع محمد من الحوش وهو معصب ومتألم..
لحقه نضال وشده من كتفه وجي قدامه وقال:عمك يضربك ويضرب عليك..
محمد:خل يضرب ياعم ماعنديش مشكله..بس يفوتوها يخلوها في حالها..
ومشي وخلاه..
ونضال واقف يشوفله بضيق..
بعدين غير عيونه عنه ومشي خش لقهوته...
☘ومحمد قعد يمشي وهو يفكر في اللي صار..
ندم ع اسلوبه اللي كلم بيه حناه وعمته..
بس ماندمش ع الكلام اللي قال للجالي ع قد ماوجعاته طوبى..
وهو طالع من الشارع..
شبح يساره..
شاف مجموعه ولاد اعمارهم ماتفوتش 14 سنه واقفين مع بعض يجربوا في الدخان ومنهم محمد ولد خديجه..
ناداته بصوت عالي:محمد..
محمد لما شافه خاف..
ومشاله طول..
وصل فيه وقال؛نعم..
محمد المهدي:المرة هادي بندير روحي ماشفت شي مرة لعمك اشرف وانت تعرف اشرف كويس..
قعد محمد الصيد يشوفله بنظرات خوف..
محمد المهدي:تحرك روح للحوش..
طول مشي وخش للشارع وولد خاله تبعه بعيونه لين درق من قدامهم..
رجع شاف للولاد اللي كان معاهم لقاهم يشبحوله..
وهو بادلهم النظرات الحاده..
شويه وتباعدوا...
ومحمد بعيونه معاهم...
☘☘☘☘☘
"اهو رقمه توا انفتح حضرته كان مسافر مع لعبته"
صابرين شربت من العصير بعدين قالت:الجالي بادي يحبها..
نجاة قعدت تشبحلها بحده..
صابرين؛ماتشبحليش هكي واضح هلبه..بس انتي مايقدرش يستغنى عنك وقبل قتلك علاش..
نجاة:الجالي يحبني اني..هديكا لعبه جديده مش اكثر يلعب لين يمل منها ويجيني..
صابرين:كله كلام لو ماقدرتيش تربطيه بيك بقوة..او...وسكتت..
نجاة:او شني كملي؟
صابرين:تخلي لعبته ع قولتك تكرهه..كان كرهاته حتنفر منه وكان نفرت منه حتى هو حينفر منها ويجيك انتي ومعاش يسيبك بكل..
نجاة:وكيف نخليها تكرهه نمشي نقوللها اني مرته؟!
صابرين:لا..تخليها تعرف سره المدفون..
نجاة قعدت تفكر في كلامها..
صابرين:تعرف من غير ماتقوليلها.
نجاة:كيف؟
حطت الطاسه ع الطاوله وربعت ايديها وحطتهم علي الطاوله وهي تقول؛نقولك كيف..
☘☘☘☘
وطوبى خشت ع الجالي بالفليه..
وهو خدي الطاسه وقال:جعان حبيبي..
طوبى؛حاضر تو نديرلك عشي..بس تبي حاجه معينه..
الجالي:اي شي من ايديك انتي..ان شاء الله سم سقوطري..
ضحكت وهي تقول:بعيد السو...
ومشت طلعت من الدار...
وهو تنهد من قلبه..
بعدين ناض ومش الزيانه..
خدي عطرها ومشي للسرير..
حط طاسة الفليه ع الكامدينو..
واتكي ع السرير..
بعدين فتح شيشة عطرها وحط ع انفه وغمض عيونه وهو يشم فيه..
☘☘☘☘
فهالوقت..
كان المهدي خوه واقف بسيارته في مكان وهو يتفكر في اللقاء اللي صار بينه وبين سدرة..
《 هادي امانتي عندك يامهدي..لو كنت غاليه عليك حق..حافظ عليه》
تنهد بألم..
بعدين قام تليفونه..
وخش ع الفيس ومنه لحسابها..
لقاها مغيرة الاسم
من "الماجده ياسمينه" ل "الماجده"بس..
والكنيه.."ياسمين عتيق"
ابتسم ودموعه في عيونه..
بعدين قعد يشوف شن نزلت اخر مرة..
كان فيديو لصدام حسين..
يقول فيه شعر...
ضحك وقال:النساوين العاديات يعجبهم مغني ولاممثل..
لكن هي صدام حسين..ابتسم وقال..كيف يبوا قلبي ينساك ويحب غيرك مش عارف..كيف تبيني نسمعك تتكلمي ع الموت وتربطي نفسك ليه وتبي نتقبل وناخد ع قد عقلك..
واثقه هلبه اني حنكمل في الدنيا من بعدك وانتي تأمني فيا اختك!تي اني ميت قاعد يتنفس بعد ماتفارقنا بالحي..كيف تبيني نعيش لو فرقك عني الموت..!
قام عيونه وشبح القدام بنظرات كلها حزن..
تبدلت فجاة لملامح غضب..
لما شاف حامد راجل نسرين مدرس قدام عمارة مشبوهه...
المهدي:جي وقت الحساب يابونسيب
شبح لتليفونه وحط ع رقم ما..
واتصل بيه طول...

#الماجده
#طوبى

...يتبع...