طوبى الجزء الاول

تابع

(مش مسامحه أي وحده تقرا وماتتفاعلش)
#طوبى "أقحوان وفلة وياسمينه"
#جمان_فريد
#الجزء_الحادي_والخمسين"اهرجو يناير"
《معظم أحداث هذه الرواية حقيقيه》
لو فاتتكم صلاة او خش عليكم وقت صلاة صلوا قبل بعدين اقروا...الصلاة قبل كل شي وكل شي يجي بعدها
وصلوا على الحبيب🌼
#تاج_الذكر
لاإله إله إلا الله وحده لاشريك له له الملك وله الحمد بيده الخير وهو على كل شيء قدير🌸
🚫🚫ملاحظه🚫🚫
اي تعليق عنصري حيتم حظر صاحبه
اي تعليق فيه سخريه ع ثقافه الطوارق حيتم حظر صاحبه
واني هني نكتب في الحوارات باللغه الامازيغيه التارقيه لأعزائي التوارق مش لغيرهم احتراما ليهم وحبا لثقافتهم
نتمنى تكونوا قريتوا هالملاحظه كويس..وشكرا ع تعاونكم مسبقا🌸
☕☕☕☕☕☕☕☕☕☕☕☕☕☕☕☕☕
"ايوه السلام عليكم"
"وعليكم السلام خوي لطفي"
لطفي حس من صوت الراجل اللي يكلم فيه ان في شي يخوف صاير..
ناض وطلع برا..
لطفي بقلق:صايرتله حاجه!؟
"والله شن بنقولك اليوم الفجر عيالي شافوه من فوق السطح طايح في الجنان خبرونا واضطرينا نقزوله من السور سعفناه والحمد لله قاعد حي لكن في العنايه"
لطفي وهو متألم وقلق ع خوه قال؛علاش في العنايه شن صارله بالزبط؟
"جلطه في الدماغ"
غمض لطفي عيونه بوجع وأسف ع اللي وصله خوه الكبير..
☘ع جية مطيرة بسفرة الفطور وهي تقول..
مطيره:لطفي اهو الفطور..
اشرلها بيده تسكت بعدين فتح عيونه ومشي بيطلع وهو يقول:وين هو؟
مطيرة قعدت واقفه تشبحله بإستغراب لين طلع من الحوش..
الطريقه اللي طلع بيها فهالوقت ويوم جمعه خلا القلق ينتابها..
لفت وخشت داخل..
لاقت فردوس وهي خاشه بسفرة الفطور للصاله..
استغربت وين لقتها خاشة بالسفرة قالت؛علاش وليتي بيها؟
مطيره:بوك اشبح من اتصل بيه وشن قاله خلاه يطلع فيسع..
ع جية سدرة وفي يدها علاقة الخبزة سمعت عمتها شن قالت وبقلق علقت:ان شاء الله خير يارب..!
☘ولطفي طلع بسرعه بسيارته من شارع القهوة...
ع خشة حسين بسيارته شاف عمه وهو يسوق بسرعه استغرب مش عوايده..
من خوفه..طول لحقه..
☘☘☘☘☘
مقعمزين في دارها يشربوا في قهوة جنه...
هو يحكي وهي تسمعله..
عبد الرؤوف بضيق:مافيش فايده فيها طبعها هو هو مش حيتغير..
نبيله:بس معاك انت تغيرت..
عبد الرؤوف قعد ساكت وهو مضايق هلبه..
نبيله:شوف مبروك...انت لو تحبها حق لازم تقبلها بعيوبها مش لازم تغيرها ولاتفرض عليها تكون زي ماانت تبي..
عبد الرؤوف؛طباعها تخوف يانبيله تخوف..ساهل عليها تنسى وتتخلى تفكر في نفسها بس..المهم عندها ترضي روحها بس..
اني بعيني شفت اختها قداش تحبها وتخاف عليها هادي امها مش اختها الأم..الأم هي بس اللي دير هكي..وشوفي بشن كافتها..هادي مافيهاش خير يانبيله..
نبيله:لاأنت هكي ظالم يارؤوف حرام عليك..حاول تفهمها وتفكر هي بشن مرت وشن قاعده تحس..مانبيش نبرر تصرفاتها بالذات تجاه سدره..لكن نبي نعطيها عذر فتمسكها بخوها فرحتها بيه في عيونها تنقرا قرايه..هي تبي تعوض بيه نقص في داخلها وخلاص ماتبي حد يمنعها عنه لأنها ماصدقت لقت الشي اللي يعبي شويه من الفراغ اللي هي تحس بيه..سدرة ممكن تكون امها صح..بس واضح انها ماكانتش قريبه عليها بالشكل الكافي..واضح انها كانت تعامل فيها بشده وماحاولتش تحتويها..لهالسبب هي حست ان سدرة بعيده عنها ع قد ماهي قريبه..وين جي مختار وعرفاته اكثر حست انه قريب عليها ويشبهها وفاهمها ومتقبلها بدون ماينتقدها ويحسسها انها مش كويسه..
عبد الرؤوف بصدمه:يشبهها!!؟...مص.يبه كان طلعت زيه..!
نبيله بإستغراب قالت:علاش هو مش كويس لهالدرجه؟.
عبد الرؤوف:ملامح وجهه بروحهم مايريحوش..تصرفاته كلامه..حاسه ناق.م ع ماليه هلبه..وكأنه ماصدق عطيته فرصه بش يولي..حط يده في فمه وع.ض.ها بندم بعدين قال..اني اني اللي مانعرفش نتصرف..حط يده ع صدغ راسه وقال..هدا وين يغيب ندير هلبه حاجات نندم عليهم بعدين..
نبيله؛معاش تحمل روحك ذنب انت كانت نيتك خير..وكيف ماقلت هو روح وجي لحوش ماليه من قبل ماتاخدها يعني هو ناوي يوليلهم بيك ولابلاك..
تنهد بضيق وقعد ساكت وهو يفكر..
نبيله:المهم توا غرفه ماتزيدش تضغط عليها بش ماتح.تدش بزياده..خليها عليا اني..
شبحلها شويه بعدين هز راسه وناض وهو يقول:باهي نوضي ديريلنا فطور استاحشت فطورك..عيت بطني وهي تجامل في غرفه..
ضحكت وناضت وهي تقول:لاحرام عليك تطييبها امس حلو..
عبد الرؤوف؛ماهو البي خوها متغدي عندنا..
ضيقت نبيله عيونها وقالت:مش عارفه علاش حسيتك ناغر منه مش اكثر..
شبحلها بإمتعاض بعدين مشي طلع من دارها وهو يحرك في راسه يمين ويسار.
لحقاته وهي تضحك عليه...
☘☘☘☘☘
اول ماوصل لطفي للعياده اللي فيها خوه..
نزل يجري خش داخل..
وحسين وراه..خش معاه وهو ينادي فيه..عمي..عمي لطفي..
لطفي قبل ليوصل في الاستعلامات سمع وقف والتفت شافه تفاجئ وهو يقول:حسين!
حسين بقلق:شن في ياعمي لمن جاي هني؟
لطفي ماباش يتكلم..لف ومشي للإستعلامات..
حسين زاد خاف وقدمله وهو يسمع فيه كيف يكلم في ويسأل فيها عن مكان..
عبد المطلب الواعر..
وهي بعد مادورت في المنظومه..