Unraveling GIO MARFORI (COMPLETED)

Chapter 14

"Meet me tomorrow. I went home yesterday and the day before that at palagi kang wala sa bahay. Malapit na ang wedding ko at wala ka pang isusuot!"

Matapos ilagay ang ilan pang T-shirt sa bag ay tumayo ako at kumuha pa ng ilang damit sa closet.
"Who told you I will attend your wedding?"

"Kenzo, I'm serious!" Pasigaw na sabi nya.

Natawa ako at isinalpak sa bag ang mga kinuhang damit. Nahagip ng tingin ko ang pabango ni Gio sa bedside table.

"Ma, may kasalanan pa ako kay Hera, at hindi rin naman ako kilala ng future husband nyo. So what's the point?"

Kinuha ko iyon at inilagay sa bag.
Hindi pa kami nagka-kausap ni Hera simula nang maghiwalay kami sa restaurant. We are technically dating pero wala na kaming naging pag uusap matapos naming magkita kahit hanggang ngayon ay nasa kanya pa ang kotse ko

"That's why I'm asking you to come here, para makilala ka nila!"

"Pupunta ako bukas. If that will give you a peace of mind. "

"That's not enough. You should start living here with me.."

Natigilan ako.
Narinig ko na yun sa isang tao, pero bakit kapag galing sakanya, hindi ko kayang pumayag?

"I know what you're doing, Kenzo. Stop it for a while and help me with my wedding. I will introduce you to your Tito Miguel and his family."

Napabuntong hininga ako at naupo sa kama.
"Hindi ako titira dun, ma. Kahit anong gawin nyo hindi ako titira sainyo."

Ang ayain nya akong tumira sa bahay ng magiging asawa nya at maging sunud-sunuran sakanila ang pinakahuling bagay na gagawin ko.

"At saan mo balak tumira? Sa bahay ng mga Marfori?"

Isinarado ko ang bag.
Hindi na ako nagulat.
Hindi ko alam kung paano nya nalalaman ang mga ginagawa ko kahit hindi ko naman iyon sinasabi sa kahit na sino.

"Yes." Walang pag aalinlangang sagot ko.

Kahit wala sya sa harap ko ay dama ko ang labis na pagtutol sa paghinga nya.
"I just want to remind you, Kenzo. Don't be like your father! Everything about him and his lover will ruin you!"

"I'm doing this for dad." Kalmadong sabi ko. "And for you."

"Or maybe not. Maybe you're doing this for yourself."

Natahimik ako.
Hindi ko alam kung ano ang ibig nyang sabihin pero alam ko na hindi ko iyon magugustuhan.

"I will tell Hera you're coming tomorrow. Don't disappoint me."

Mabigat akong napabuntong hininga nang maputol na ang tawag.

Ilang sandali rin akong naupo lang sa kama bago tumayo at binitbit na ang bag.

Nagugutom na'ko. Sana naman may pagkain sa bahay ni Gio.