The Lost Prodigy

38. Suspect

“She’s the seventh Novitiate who died,” bulong sa akin ni Ella. Kasama ko siya ngayon dito sa Training Ring. Hindi ko sinabi ang nangyari kahapon sa kanya tungkol sa balak na pagpapaalis sa akin sa Stronghold. Instead, I told her that Topher was assigned by the new Head to train me personally. Dahil kung sasabay pa ako sa training naming mga Novitiates, siguradong mapag-iiwanan na ako.

Nasa ikatlong lebel na sila kung saan hinahasa na nila ngayon ang kanilang mga abilidad. Habang ako ay pinapatapos pa lang ang pinakaunang yugto at iyon ay ang Physical Aspect.

Napalunok naman ako nang tuluyan nang naproseso ng aking utak ang sinabi ng aking kaibigan. “Kailan pa nagsimula ito?”

“The first victim’s body was found exactly the day after you fell asleep,” sagot naman ni Ella sa akin at kinutuban na ako kung sino ang taong iyon.

“Si Felix ba iyon?” tanong ko sa kanya at nang lumaki ang mata ni Ella habang hindi makapaniwalang tumingin sa akin ay nakumpirma ko na ang lalaking iyon talaga ang unang biktima.

Napatayo naman si Ella habang iwinawasiwas ang kanyang nanginginig na kamay. She began pacing back and forth and her face turned white when she remembered something.

“May sinabi ka sa akin noon. About sa roommate mo. The night that she cried. She was muttering Felix’s name, right?’

Napatango naman ako sa kanya. Natahimik kaming dalawa. Hindi ko alam ang iniisip ni Ella pero sa akin, isa lang ang nasisiguro ko. Malakas ang hinala kong may alam si Ophelia tungkol dito. I even saw her last night, running away from the park, where the body of our fellow Novitiate was found. Ayaw kong mambintang pero baka may posibilidad na may kinalaman siya sa lahat ng pagpatay.

“Pare-pareho ang mga nangyari sa mga biktima, Blaire. They were literally drained from the inside and out. Parang may kung anong humigop ng buhay sa katawan nila hanggang wala nang matirang hininga. Base sa narinig ko, lahat din sila ay pinutulan ng dila. Whoever was doing the killing planned everything well. Within two months, not a single trace was found. Akala nga namin matitigil na ang pagpatay dahil dalawang linggo na ang nakalipas nang makita ang bangkay ng ikaanim na trainee. But it seemed that the killings are far from over,” mahabang kuwento ni Ella sa akin.

Nanginginig pa rin ang kanyang mga kamay. Hindi lang dahil sa mga nalaman niya pero dahil na rin sa takot. It was obvious that the murderer is targeting Novitiates like us. But why?

“I’m scared, Blaire.”

Umakbay naman ako sa kanya para kahit papaano ay hindi niya maramdamang nag-iisa siya. Kumonti na lang daw kasi kaming mga Novitiates ngayon at minsan ay hindi nakakasama si Gale dahil may kanya-kanya ring mga pinapagawa ang mga Houses nila sa kanilang dalawa.

“You don’t have to, Ella. Basta sundin mo lang ang curfew parati at maging maingat lang sa paligid mo. Instead of being afraid, you must be cautious. Pakiramdaman mo parati ang paligid at huwag magtiwala sa kung sino-sino. Kahit ang mga kapwa nating trainees,” payo ko sa kanya habang nakasandal kami sa isa’t isa.

“Namiss na kita makasama, Blaire! But even though we train separately now, I’m glad that we still have each other’s backs. And I’ll be careful around Ophelia, if that’s the thing that you can’t say directly,” sabi naman ulit ni Ella sa akin.

“Kahit ayaw ko siyang paghinalaan, hindi ko pa rin magawa. She’s really suspicious,” sambit ko kay Ella. Itinaas naman niya ang kanyang hintuturo nang may napagtanto siya ulit.

“Indeed, Blaire! Did you find it weird that the murders started when you’ve been sent to the Healing Camp?”

Napatango na lang ako kay Ella at sinenyasan siyang ipagpatuloy ang gusto niyang sabihin dahil hindi ko pa maintindihan ang gusto niyang iparating.