Unicode
"အိ ...သားက အဲဒီသဘောမျိုးနဲ့ပြောတာမှမဟုတ်တာ။နေ့လည်စာလေး အတူတူစားချင်လို့ကို"
အိခနဲငိုချလိုက်တဲ့အသံက အရှေ့ကိုဆက်လှမ်းရမဲ့ ကျေးရဲ့ခြေလှမ်းတို့ကို အလိုလိုရပ်တန့်သွားစေသည်။ငိုနေတယ်...ဘယ်လိုကောင်လေးပါလိမ့်။
"သူငယ်ချင်းမရှိလို့ အားငယ်နေတာ။ ကျောင်းပြောင်းလာတဲ့လူမို့ ဘယ်သူကမှလည်း အဖက်မလုပ်ဘူး။မမ ကိုမြင်မြင်ချင်း ကိုယ့်မေမေလိုပဲခံစားရလို့ မုန့်အတူစားဖို့ခေါ်မိတာပါ ... "
သူပြောလာတဲ့စကားက ကျေးကိုပြုံးမိစေသည်။ နောက်ပြန်လှည့်ကာ ထိုကောင်လေးအရှေ့ကိုသွားလိုက်တော့ ကောင်လေးက ခေါင်းကိုငုံ့ထား၏။လက်နှစ်ဖက်ကို အချင်းချင်းဆုပ်ကိုင်ကာ ပခုံးကတလှုပ်လှုပ်နဲ့ဖြစ်နေတာမို့ စိတ်မကောင်းဖြစ်သွားရသည်။
"ကောင်လေး။ငိုနေတာလား"
"မြင်ရဲ့သားနဲ့ ထပ်မမေးနဲ့ ရှက်တယ်"
"အဟား တကယ်ပါပဲ။မရှက်ဘူးလား မင်း ဟိုမှာ တစ်ခန်းလုံးမင်းကိုကြည့်နေပြီ"
"ဟင် !! "
အထိတ်တလန့်နဲ့ဘေးကိုကြည့်လိုက်ပေမဲ့ အခန်းထဲမှာဘယ်သူကမှရှိမနေပါ။ သူလာလာချင်းတုန်းကရှိနေတဲ့ အယ်မီတောင်မှ အခုရှိမနေတော့ဘူး။ပြုံးစိစိနဲ့သူ့ကိုကြည့်နေတဲ့ မမသေးသေးလေးရယ်...သူရယ်သာ အခန်းထဲမှာကျန်နေခဲ့ပါသည်။
"လူကိုလိမ်နေတယ်"
"မင်းငိုတာချစ်စရာလေးကို။ကဲပါ မငိုနဲ့တော့။ တို့ကမင်းကိုစတာ"
"မမကိုမနှောင့်ယှက်ချင်ပါဘူး။သားက သူငယ်ချင်းရချင်ယုံပါ"
"သူငယ်ချင်းဖြစ်ချင်ရင် သားလို့မပြောနဲ့လေ။ မဟုတ်မှ မင်းကတို့က တကယ်ကြီး မင်းရဲ့မေမေလို့စိတ်ထင်နေတာလား"
"ဟုတ်"
"အဟင်းး...မင်းကတကယ်တခြားကောင်လေးတွေနဲ့မတူဘူး။ဒါပေမဲ့နော် သူငယ်ချင်းတွေက သားလို့မပြောဘူးကောင်လေး"
အခုထိပြုံးနေဆဲ မမသေးသေးလေးကြောင့် Daniel Kingခေါင်းညိတ်လိုက်သည်။
YOU ARE READING
Daniel King
Romance"You're my lavender " Daniel King #Mafia#Possessive#Punishment #Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 5.5.2022 (8:00PM) End Date - 17.12.2022 ( 8:17PM) ...