Unicode
ရီဝေဝေမူးနောက်နေရာမှ အားတင်း၍ မျက်လုံးတို့ကို ဖွင့်လိုက်ပြီး ဘေဘီ့ကို အရင်ဆုံးရှာမိသည်။သူ့ကို ထိုင်ခုံမှာ လက်ပြန်ကြိုးတုပ်ထားပြီး ပေါင်ပေါ်ဆင့်တင်ထားသည့် အင်္ဂတေပြားတွေ။ထိုကြောင့် ဦးခေါင်းကနာကျင်မှုအပြင် ခြေထောက်ဆီက ပိုပြီးနာကျဉ်ရသည်။
"ဘေဘီ ... ဘေဘီဘယ်မှာလဲ"
ဘေးဘီကိုကြည့်လိုက်တော့ လက်နက်ကိုင်ကာ စောင့်ကြပ်နေရသည့် လူတွေကို သူမေးလိုက်၏။ ထိုစဉ်မှာပဲ Justinက သူ့အနားလျှောက်လာလျက်...
"မင်းရဲ့ချစ်သူကို ရှာနေတာလား"
"Justin ။ ဘေဘီရော သူအခုဘယ်မှာလဲ။ မင်းတို့ သူ့ကို ဘာလုပ်လိုက်ကျလဲ"
"သိပ်လည်းမစိုးရိမ်ပါနဲ့ Daniel King ။ သူမကို ချက်ချင်းမသတ်ပစ်ပါဘူး"
"ဘေဘီ့မှာ ဘာအပြစ်မှမရှိဘူး။သတ်ချင်ရင် ငါ့ကိုသတ်လိုက်"
"လူကိုသတ်မဲ့အစား စိတ်ကို သေအောင်သတ်မှာ Daniel King။မင်းချစ်တဲ့မိန်းမ မင်းရှေ့မှာတင် ဝေဒနာခံစားပြီး မချိမဆံ့သေရမှာကို မင်းကြည့်ရမှာ"
"တောက် မင်း သူမကိုထိစရာမလိုဘူး"
ဘေဘီ့အရိပ်အယောင်တောင် မတွေ့ရသေးသည်မို့ ကြိုးချည်ခံထားသည့်ဆီမှ ရအောင် ရုန်းကန်နေမိသည်။ဘေဘီ ဘယ်ရောက်နေတာလဲ။
"စိတ်လျော့ပါ ။ ချက်ချင်းမသတ်ဘူးလို့ ပြောထားတယ်လေ"
"Justin မင်းငါ့ကိုမကျေနပ်ရင် ငါနဲ့ရှင်းလို့ရတယ်။ သတ်ချင်လည်း သတ်ပစ်လိုက်။အေး ဘေဘီ့ကိုတော့ လက်ဖျားနဲ့တောင်ထိဖို့မကြိုးစားနဲ့"
"မကျေနပ်တာလား ... "
Justinက စဉ်းစားသလို လုပ်ပြီး အင်္ဂတေပြား တစ်ချပ်ကို ထပ်တင်၏။
"နာသလား Daniel King"
ထိုနာကျင်မှုကို အံကြိတ်ပြီး သည်းခံထားသည်။ တစ်ချိန်က သူ့ရဲ့ လက်အောက်ခံ အဖွဲ့သားဖြစ်တဲ့ Justinဆီက သစ္စာဖောက်ခံရတာပဲ။ အာဏာပိုင် Joeကို သတ်ဖို့စေခိုင်းလိုက်သည့်လူက အခုတော့ သူ့ကိုသတ်မည့်လက်နက်ဖြစ်နေသည်။
YOU ARE READING
Daniel King
Romance"You're my lavender " Daniel King #Mafia#Possessive#Punishment #Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 5.5.2022 (8:00PM) End Date - 17.12.2022 ( 8:17PM) ...