لست هوارية

الثلاثون

#لست_هوارية

#فصل٣٠

ــــــــــــــــــــــــــــــــ

توقف قطار السكة الحديدية امام مقعده الحديدي، كان يجلس يتابع ما يحدث بصمت من قبل عمال السكك الحديدية، تحركت القاطرة تجر ورائها عربات القطار، ليبدأ كل قطار في تبديل مساره والعودة مرة اخري في طريقهما الي المحافظات الـ٧ لجنوب مصر(الصعيد).

قلبه يتراقص فرحًا، ومحياه تنطق سعادتًا، يجهل المجهول فهو لا يعلم عن اسرته شيئًا سوى انه له اخًا توأم….

وضع راحة يديه اعلي فخذته، فصمته طال، اود محادثته فها هو صديق الطفولة يرحل عنه ولا يعلم الي متي سيدوم هذا الرحيل، انتبه عمار لـ لمسته الهادئة، رمقه برفق بابتسامة انكسار فرغم سعادته بلقاء اهله الا وانه سيشتاق لذلك الصديق الوفي، طالعة بابتسامة ليقول:

-بتفكر في ايه خليك معايا شويه الحبة الصغيرين دول يمكن يكون أخر لقاء.

هتف بسرعة ليقول:

-ليه بتقول كده مش وعدتني تزورني…

رمقه بهدوء ليردف بتأكيد:

-باذن الله مش بعيد تلاقيني بكرة احصلك..

قهقه بشدة علي مداعبته ليقول بهدوء:

-ياريت بس اعملها انت…

ربت علي كتفيه ليقول بتأكيد:

-باذن الله اول اجازه ليا هجيلك..

هتف بتأكيد:

-باذن الله…

رمقه بهدوء متسائلًا:

-مالك ياعمار من ساعة مرجعت من شقتك وانت متغير، اوعي تكون البنت دي كلمتك تاني..

نظر للارض ليردف بحزن:

-انا مشفتهاش بس عرفت من واحد جارنا ان بيتهم اتحرق وهما في المستشفي..

اردف شريف بأسف ليقول:

-لا حول ولا قوة الا بالله، ربنا يشفيهم، اللهم لا شماته.

هز رأسه تاكيدًا علي حديثه، ليكمل شريف حديثة قائلًا:

-اسمع ياعمار اظن ان اللي اتعرضتله ده درس كافي ليك، طول عمرنا من ايام المدرسة وانت طيب وعلي نياتك وبتصاحب وتكلم اي حد، انا عارف انك اجتماعي وبتحب الناس لكن ياصاحبي مش كل الناس زي بعض في ناس بتبقي لابسة اقنعة تداري بيها وساخة قلوبهم، وفي ناس اقنعتهم بتقع منهم، وناس تفضل لابساه طول العمر، مش معني كلامي اني بنصحك انك متتخلطش بحد، لا طبعا الاعتزال مش الحل لكن خير الامور الوسط يعني لا تصاحب اي حد وخلاص ولا تقفل علي نفسك البيبان…

هز رأسه بالموافقة دليل علي فهمه لمقصد صديقه، صفارة علت من احد القطارات معلنًا عن بدأ رحلتها، استقام عمار عن مقعده وهكذا شريف يحتضن كل منهما الأخر عناقًا حارًا معبرين فيه عن مدي اشتياقهم لبعض، ابتعد عنه يلوح له عمار بعدما صعد درجات القطار بهدوء حامل حقيبة سفر صغيرة…..