[Unicode]
ချစ်လို့ လွမ်းလို့ သူ့အနမ်းတွေနဲ့နေချင်လို့"
[Episode - 33]
ထမင်းစားခန်းကျယ်ကြီးထဲသူမတို့အားလုံးရောက်ကြတော့ ဒေါ်စောယုမြင့်မိုရ်ကသတင်းကိုပြုံးကြိုကာသူမနံဘေးလာထိုင်ခိုင်း၏။ သတင်းခေါင်းငြိမ့်ပြပြီးသွားထိုင်ပြီးတဲ့အထိ ဦးစူးရှကသတင်းကိုမကြည့်ပါ။
"မြေးကထိုင်လေ"
သူ့အဘွားပြောမှအင်တင်တင်နှင့်ဝင်ထိုင်တော့ဦးရာဇမြင့်မိုရ်၏နံဘေးမှာဖြစ်သည်။ သတင်းတို့နေရာကျသွားမှကိုနေနိုင်ကဝင်လာကာ သူ့ဘွားအေပါးကိုသွားနမ်းပြီးဘာတွေပြောသလဲမသိ...
"အေ မေကြီးစိတ်ပူနေမယ် အိမ်စောစောပြန်နော်"
"ဟုတ်ကဲ့ပါဘွားရဲ့"
ကိုနေနိုင်ကခပ်သုတ်သုတ်ပြန်ထွက်သွား၏။
"ဒီကလေးနှယ်ဘွားအေမျက်နှာကြာကြာမကြည့်ဘူးပြန်ပြီ အစောကြီးရောက်ချလာလို့ဘာများမှတ်တယ် လမ်းကြုံဝင်တာတဲ့လေ အဟွန်း"
မဟုတ်တာလုပ်ထားလို့အစ်ကိုဖြစ်သူကိုကြောက်ပြီးပြန်သွားတာကိုတော့သတင်းနှင့်ဦးစူးရှသာသိပါသည်။
"မြေးမလေး"
"ဟုတ်ကဲ့ဘွားဘွား"
သူမပြန်ထူးလိုက်တာကိုဒေါ်စောယုမြင့်မိုရ်ကသဘောကျသွားပုံပေါ်သည်။ ပြုံးနေရက်ကကိုပိုချိုမြသည့်အပြုံးမျိုးပြံုးလိုက်ကာ...
"မင်္ဂလာရက်သတ်မှတ်ပြီးသွားရင် မြေးတို့လက်ထပ်ပွဲအတွက်ဘွားပြင်ဆင်ထားတာလေးတွေသိထားပြီးသားမို့လား"
"ဟုတ် ဦးစူးရှပြောပြပါတယ်"
"ဘယ်လိုဦးစူးရှတဲ့ ဟုတ်လား"
ဒေါ်စောယုမြင့်မိုရ်၏မျက်ခုံးနှစ်ဖက်မြင့်တက်သွားသလို သူ့သားဖြစ်သူကိုလည်းတိုင်တည်သလိုပြော၏။
"သားကြီးရေ မင့်သားတော့ဦးအရွယ်ရောက်ပြီထင်ပါတယ် ဒါကြောင့်စောစောစီးစီးအိမ်ထောင်ပြုခိုင်းတာလူကြီးတွေက"
ဦးရာဇမြင့်မိုရ်ကလည်းသူ့အမေစကားကြောင့်ပြုံးတုံ့တုံ့။ ကင်းကတော့မရယ်မပြုံးနှင့်သူ့ရှေ့ကကော်ဖီခွက်ကိုသာငုံ့သောက်နေ၏။ သတင်းကတော့မနေတတ်မထိုင်တတ်ဖြစ်သွားကာ ဖြေရှင်းသည်။
YOU ARE READING
ချစ်လို့ လွမ်းလို့ သူ့အနမ်းတွေနဲ့နေချင်လို့(Completed)
Romance[Unicode + Zawgyi] Genre: Romance, Action Total Episodes: 70 Start date: ? End date: 2.9.23 IT company ရဲ့ CEO တစ်ယောက်ဖြစ်တဲ့ စူးရှလေးနက်နဲ့... ကွန်ပျူတာတက္ကသိုလ်ကျောင်းသူ မြတ်ပန်းသတင်း... သူတို့နှစ်ယောက်ရဲ့ စတင်တွေ့ဆုံခဲ့ကတည်းကတိုက်ဆိုင်မှုတွေနဲ့...
