رواية مهلكتي من جزء 1 : 18

( الحلقه العاشره ) ( سلسله نار ) ❤ ❤

( الحلقه العاشره ) ( سلسله نار ) ❤ ❤
................
( في الحلقه السابقه )
ماركو : لازم اعمل اى حاجه تخليه يوافق يبعلى الارض من تانى ... انت عارف يعنى ايه 50 مليون يورو كانو هيبقوا بتوعى لولا ان المصرى ده دخل واشتراها منى ... تلاقيه كان عارف ان تمنها هيزيد .. هتلاقى بينا خاين هو اللى قاله على اللى هيحصل
جاك : طب والعمل .. كلمه وارفع الفلوس شويه حتى لو هتديله 20 مليون
ماركو : لا .. انا هقولك تعمل ايه هتخليه ييجى زى الكلب يبيع .. ده لازم يتهدد . لازم يشوف حاجه كبيره قصاد عينه تحطمه عشان يسيب الارض ... بتقولى ان ابنه ده هنا صح  . ؟ انا هقولك تعمل ايه ... ؟ ونبقي نلبسها ف اى حد من الجاليه العربيه اللى هنا ...
.................... ( العاشره ) ❤
ام سلمى : مش ناوى تقولى بقي زعلان ومهموم من ايه بقالك كام يوم  . ؟
ابو سلمى : فوق كتفى هم لو جبل مش هيقدر يشيله
ام سلمى : اعوذ بالله .. فيه ايه .  ؟ الشغل فيه حاجه  ؟
ابو سلمى : ياريت كانت تبقي ف الشغل
ام سلمى : فيه ايه يا حبيبى قلقتنى .. مالك فيه ايه . ؟
ابو سلمى : ( بيبصلها ومش عارف يقول ايه ولا يعمل ايه وبيسكت )
ام سلمى : الله !! انت هتسيبنى كده . ؟ لا بجد فيه ايه ؟ بخصوص سلمى يعنى ولا بخصوص ايه بالظبط . قول بجد
ابو سلمى : خايف اقولك مين اللى عمل ف الواد احمد كده تقولى عليا اتجننت . ؟
ام سلمى : ( بتتوتر وبتخاف ) قصدك ايه . ؟ مين هيكون عمل فيه كده . ؟
ابو سلمى : خلينى اتاكد الاول وبعد كده هاجى اقولك .. لان اللى عمل العمله دى حاول يقتله ف المستشفى بردو من وسطينا
ام سلمى : نعم . ؟ انت بتقول ايه . ؟ مين ده . ؟ مين الشخص ده وانا اكل قلبه وكبده بسنانى .. دى بنتى كانت جنبه .. انت تعرف هو مين  ؟
ابو سلمى : خلينى اتاكد الاول وبعد كده هتعرفى ... بس خلينى اتاكد
..................
احمد : لا حلو اوى اننا نيجى نذاكر هنا ف المطعم ... مكان جديد ومافيش قلق خالص
سلمى : ههههههههه اسكت بقا . وبعدين احنا قاعدين جوه لوحدينا مافيش ترابيزات كتير جنبنا .. وبالمره نتغدى او نتعشي واهو قاعدين
احمد : طب تعالى اقعدى جنبي
سلمى : ايوه هو ده الكلام يا مولانا .. صحصح كده معايا عاوزين نذاكر كويس
احمد : مش مرتاحلك ههههههه تاكلى ايه الاول
سلمى : لا اكل مش هقدر . يدوب نشرب بس اى عصير واحنا قاعدين
احمد : م العين دى قبل العين دى ...
...........
سلمى : احمد انا مش فاهمه المساله دى .. الله يخربيت الداين ع المدين حوارتهم كترت هما يستلفوا من بعض فلوس ليه اصلا
احمد : هههههههه معاكى حق .. وحساب صندوق وحساب بنوك ومذكورين وحاجه زباله .. يعنى انا لما اروح اشتغل ف شركه هقولهم من مذكورين
سلمى : هههههههههه انا زهقت . بقالنا ساعتين بنذاكر وبنحل .. نصايه راحه بقي
احمد : تشربي ليمون
سلمى : اشرب ليمون
احمد : عنيا ... لو سمحتى ... لو سمحتتتتى
الويتر : تحت امرك يا فندم
احمد : اتنين شاى بالقرنفل بعد اذنك
سلمى : ( بتضحك بصوت عالى ) الله يخرب عقلك
احمد : مبسوطه يا سلمى . ؟
سلمى : اوى ... بحس بصفاء روح كده وانا قاعده قصاد عينك ياسطا
احمد : بيحط ايده على خده وبيفضل باصصلها )
سلمى : مالك . ؟ ايه البصه القمر دى . ؟
احمد : بحفظ ملامحك ..
سلمى : وانت لسا مش حافظ ملامحى . ؟
احمد : دى مطبوعه ف قلبى بس مهما ابصلك بحس ف وشك كل مره بحاجه جديده تخلينى اتشد وابرك وافضل متنح وباصصلك
سلمى : ايه ده استنى ..؟ احنا شكلنا رايقين النهارده وهتقولى كلام حلو ولا ايه . ؟ قول انه صح . ؟
احمد : هههههههه ف كل مره ببقي عاوز أهرب منك . بلاقينى بهربلك
حاجه مخليانى مربوط بيك وبقلبك
يمين بالله مافيه يوم واحد عدا عليا من ساعة ما عرفتك الا وبحلم بيك وبشوفك متجسده جايه قدامى ..
عينى ما بتغفل الا لما بلاقيكى نايمه جنبي وباصالى
ماهو مافيش حد بالجمال ده ولا بقلبك ده يابنتى والله
بصى ..!
هى سلسله
سلسله من نار كده اولها ف قلبى واخرها ف قلبك ومتوصلين ومربوطين ومعقودين ببعض ...
واى حد بيحاول يفكها ... بيعقدها اكتر . وبتبت فيك اكتر واكتر
سلمى : مش ممكن السلسله دى تتقطع . ؟
احمد : ممكن ...! بس ف حاله واحده بس . .
سلمى : ايه هى . ؟
احمد : ان حد فينا احنا الاتنين يحاول يفكها ... وانا عن نفسي . ماعنديش استعداد
سلمى : هههههههههههه دنا كل يوم هجيب ولاعه واولع ف السلسله اللى من نار دى عشان تتبت اكتر واكتر ... اسيبك ايه بس . .؟
اسيبك ايه يابن الناس ...
والله العظيم بقت كل امانيا وطموحى ف الحياه دى كلها انى استناك وانت جاى من بره او من شغلك اقلعك هدومك واغسلك رجلك بميه وملح
وارصلك حجر الشيشه بتاعك وارقصلك ههههههههههه
احمد : لا كفايه علينا كده .. قومى بينا نمشي
سلمى : ههههههههههههه هههههههههههههههههه هههههههههههههههههه استنى بس هفهمك .. همووووووووت . ايه الرإكشن اللى وشك خده ده انت تنحت ليه كده .. هموووووت بجد . ؟
احمد : رإكشن ايه ربنا يهدك . دنا سحت على نفسي لما تخيلت
سلمى : هههههههههههههههه
احمد : وطى صوت امك الناس بدات تاخد بالها وتبصلنا
سلمى : ههههههههههههههه مش قادره والله . والله العظيم ما قادره امسك نفسي . اصل وشك عسل اوى وانت باصصلى ومزبهل ومش مصدق اللى بتسمعه
احمد : ربنا يسامحك ع الشحتفه اللى مشحتفهالى دى .. يخربيت كده
.......................
مصطفى : مالك يا ابو الاحسان
حسن : مانمتش كويس . وقايم مفزوع
مصطفى : مفزوع من ايه . ؟
حسن : حلمت حلم ابن جنيه ... قايم مش طايق نفسي . انا كرهت نفسي بسبب الاحلام دى
مصطفى : الله يحرقك يا اخى انت واحلامك .. ومين كان بطل الحلم
حسن : ( بيبصله وبيسكت )
مصطفى : مين يابنى . ؟
حسن : احمد .. وسلمى كانت موجوده .. وابوها وامها ...
مصطفى : وكان الحلم فيه ايه . ؟
حسن : ( بيدمع )
مصطفى : يخربيت دى ليله يا اخى . ياعم اخلص ماتوترنيش انت واحلامك
حسن : سلمى وباباها ومامتها كانو بي...
مصطفى : هااا
حسن : حلمت ان احمد فوق ناطحه سحاب ..... واقف ع السور وفارد دراعاته وطاير م الفرحه .... فجاه رجله اتزلقت وخلاص بيقع .. بس لحق نفسه ومسك ف السور بس كان جسمه اتقل منه ومش عارف يطلع لوحده ... مكان العمليه مضايقه ومش عارف يتعزم ويطلع ...
بعدين جات سلمى ... وكان وراها باباها ومامتها ... تخيلوا عملوا ايه . ؟
مصطفى : ايه . ؟
حسن : مامت سلمى مسكت ايد احمد وبعدته عن السور ووقع زى مشهد الكرتون بتاع الاسد الملك . ابو سيمبا .. بس الغريب ان سلمى وباباها كانو بيتفرجوا من بعيد ...
مصطفى : لا اتطمن .. الحلم مالوش تفسير . هتلاقيك بس كنت متفرج ع الفيلم الكرتون ده قبل ما تنام هههههههههه
حسن : ياريت ... بس ساعتها ماستحملتش ان احمد يقع من المسافه دى كلها وصحيت .. حمدت ربنا انى صحيت وماشوفتوش عمل ايه ولا راح فين . ؟
مصطفى : طب ماعدتش تحكى الحلم ده ... ده تخيلات يا صاحبي . تخيلات
حسن : يارب يا مصطفى تبقي تخيلات
.............
سلمى : سرحان ف ايه . ؟
احمد : ( بيبتسم ) فيك .. تعالى نقعد ع البحر
سلمى : تعالى .. طب ماتيجى نروح عند البيت عندنا ونقعد ف مكاننا
احمد : تعالى .. احنا قربنا
.............
( بيلاقوا باباها واقف تحت البيت )
سلمى : احححم بابا واقف تحت البيت .. انا خلاص كده هطلع ولو عرفت تبقي تيجى تقعد معايا شويه ابقي تعالى .. حتى لو بحجه اننا نذاكر
احمد : تعالى بس نروح اسلم عليه
ابو سلمى : ايه ده خلصتوا مذاكره . ؟
سلمى : اه .. اهو لمينا شويه
ابو سلمى : عامل ايه دلوقتى يا ابو حميد
احمد : الحمد لله يا عمى .. كويس الحمد لله ..
ابو سلمى : ماتجهدش نفسك بقي ولا تتحرك حركات مفاجأأه تمام
احمد : تمام .. كله على الله .
ابو سلمى : ساره مش جايه تسهر وتذاكر معاكى النهارده ولا ايه يا لومه . ؟
سلمى : هكلمها لما اطلع
ابو سلمى : طيب يا حبيبتى اطلعى انتى يلا وانا هكلم احمد كلمتين وجاى وراكى
سلمى : سر يعنى ولا ايه
ابو سلمى : هههههههههه سر ايه يا بت .. هتطمن ع الواد
سلمى : مانت اتطمنت اهو وقالك الحمد لله .. ايه الجديد بقي
ابو سلمى : اطلعى يا لمضه حضري العشا مع مامتك عشان هجيب احمد ييجى يتعشي معانا
احمد : لا والله ما هقدر علشان لسا هجيب عشا واروح اتعشي مع امى واخواتى . معلش المره الجايه عشان خاطرى
ابو سلمى : زى ما تحب يا حبيبى .. بس اطلعى يلا يابت انتى .. دانتى لمضه .. انا مش عارف اصحابك مستحملينك ازاى .؟
احمد : بنعانى يا عمى والله هههههههههههه بس اهو مضطرين نستحملها
سلمى : ايوه ايوه .. هتستلمونى بقي انتو الاتنين . بس خلو بالكو انا ليا ودن بتسمع دبة النمله .. هااا . هعرف اتكلمتوا ف ايه . ؟
..........
احمد : خير يا عمى . فيه حاجه . ؟
ابو سلمى : ( باصصله ومابيتكلمش )
احمد : ايه يا عمى فيه حاجه ولا ايه . خير . ؟
ابو سلمى : ماقولتليش ليه .؟ وليه لما النيابه جات سالتك تعرفه ولا لا قولتلهم لا معرفوش ومعرفش مين اللى ضربنى
احمد : ( بتوتر ) ماهو ... ماهو انا فعلا معر
ابو سلمى : انا عارف انك انت عارف هو مين . ؟ وفضلت ساكت كل ده علشان ايه . ؟ وليه ماقولتش للنيابه ولا حتى ليا هو يبقي مين . ؟
ليه يا احمد  . ؟
احمد : يا عمى انا ..... انا .. انا مش عارف حضرتك بتقول ايه وتقصد ايه ؟
ابو سلمى : هتزعلنى منك ليه . ؟ مش قولتلك انك بتفكرنى بنفسي وانا صغير .. وانا مكنتش غبى يا احمد .. انا ابن سوق ولافف وعارف وفاهم ... وقبل كده آمنتك على بنتى وقولتلك خلى بالك منها ... وكنت عارف انك قدها وعارف انك انت الوحيد اللى هتقدر علي بنتى وعلى الدنيا ...
احمد : وانا لسا واقف يا عمى . لسا واقف ومش سايبها
ابو سلمى : سامر اللى عمل فيك كده ؟ ولا ابنه ؟
احمد : ( باصصله وساكت )
ابو سلمى : انا عرفت .. ( بيطلع بيوريله صورته وهو قاعد مع سامر ع الكافيه ) كنت قاعد معاه ليه . ؟
احمد : ( ساكت )
ابو سلمى : قولى بس .. هو ولا ابنه . ؟
احمد : ( ساكت .. وبيبص على الشباك بتاع سلمى من فوق بيلاقى سلمى واقفه ) سلمى واقفه ف شباكهها فوق
ابو سلمى : مين يا احمد . ؟ مين . ؟ مين اللى ضرب عليك وعلى بنتى نار .. مهما كانت الحقيقه مُره لازم اعرف ... خالها ولا ابن خالها اللى كانو عاوزين يموتوها ... وانت ساكت ومش راضى تتكلم علشان خاطر البت . ؟
انت كده بتظلمها .
انت لازم تقولها ان خالها اللى بتحبه هو اللى كان عاوز يموتها
احمد : مش هو ..
ابو سلمى : اومال . ؟
احمد : ابنه ... ابنه اللى عملها
ابو سلمى : ( بيتصدم ومابيتكلمش )
احمد : لو سلمى عرفت بكل ده ياترى هتعمل ايه .؟ وهيبقي تصرفها عامل ازاى . ؟ومدام حضرتك مامت سلمى هتبقي حالتها عامله ازاى . ؟
ابو سلمى : انت تعرف ان فيه حد بعت ممرضه ليك المستشفى عشان تفصل انبوبه الاكسجين .  ؟
احمد : ولسا قدام حضرتك عايش ... ولسا مكتوبلى عمر ..
ولو كان ليا عمرين فوق عمرى هفضل احمي سلمى .. هحميها من كل شر . ومن كل ظلم .. ومن كل نار ..
ياعمى انا راضي ..
( بيبدا صوته يعلى بانهيار )
انا راضي .. والله العظيم راضى طالما اخرة المشوار ده كوشه تجمعنى بيها وانا قدها ... اكون قدها هى . قد طيبتها وقد براءتها
بنتك ماتستاهلش تتوجع ولا تستاهل تعيش لحظه واحده فيها عياط ..
اقولها ايه . ؟ اقولها ان ابن خالك هو اللى ضربنى بالنار وانتى جنبي .وكانت الطلقه لا قدر الله تيجى فيك . ؟
طيب اقولها ايه . ؟اقولها ان خالها ذات نفسه وابنه .كتفونى وبهدلونى وفضلوا يشقوا ف لحمى وعضمى علشان ابعد عنها ... ؟
طب بعد كده ..؟ هفصلها عن عالمها ليه .  ؟
انا مش جاى اهد .. انا جاى ابنى .. جاى احمى
جاى اقويها .. جاى اسندها ....
بعد حضرتك طبعا ...
سلمى ماينفعش تزعل .. لو عرفت هتزعل .. ولو زعلت هتعيط ..
ولو عيطت انا اللى هموت ..
ورحمة ابويا ماليا نقط ضعف ف حياتى دى كلها تِما غير دموعها ..
ماينفعش تعيط .. ماينفعش
وحضرتك ماينفعش تقول لمامتها حاجه ..
ماتخليش العلاقه تنجرح بينكو وبين بعض ..
خلينا نبنى يا عمى .. مانهدش
وانا بعرف اخد حقى وحقها ... ومش مفرط فيه .. مش مفرط ف حقها
ابو سلمى : ودلوقتى . ؟ المفروض انا اعمل ايه .  ؟
المفروض اعمل ايه لما اسمعك بتقولى الكلام ده وبتحذرنى من خال بنتى وابنه ...
احمد : ولا حاجه .. انا خلصت الحكايه .. وماعدتش هتشوفوه تانى نهائي
ابو سلمى : هتعمل ايه  ؟
احمد : انا عملت خلاص ..والباب ده انا قفلته
ابو سلمى : ( بيبص لاحمد بانبهار كالعاده .... بيحضنه )
احمد : ( بيعيط وهو بيتكلم ) اتطمن على بنتك ..
ابو سلمى : ( بيبتسم ) اعظم قرار خدته ف حياتى .. يوم ما مديت ايدى ف ايدك وآمنتك ع بنت الكلب اللى فوق دى
احمد : ( بيبتسم وبيضحك وبيبص على الشباك فوق بيلاقى سلمى واقفه هتموت وتعرف هما بيرغوا ف ايه ) بزمة حضرتك هو فيه دلال كده . ؟
ابو سلمى : وللللد . احترم نفسك . انت بتتكلم عن بنتى .. يلا امشي روح اتعشي مع مامتك واخواتك وسلملى عليهم
احمد : ههههههههه حاضر .. تصبح على خير .. ربنا معاك بقي . هتاكل دماغك ومش هتسيبك الا لما تعرف كنا بنتكلم ف ايه
ابو سلمى : دنا شايل هم زنها من دلوقتى . انا شكلى هرجع الشركه
احمد : وانا هقفل تليفونى خلاص كده هههههههههههه تصبح على خير يا عمى
ابو سلمى : وانت من اهل الخير .. ف رعاية الله
...............
سلمى : بابتى يا بابتى يا بابتى
ابو سلمى : بقولك ايه . انا جعان سيينى اكل . مامتك عامله اكل ايه
سلمى : استنى بس اكل ايه دلوقتى .. اقعد بس ارتاح كده ... اخلع بس الجاكيت القمر ده .. ياخواتى قمممممر بابتى قمممر
ابو سلمى : والنبى ايه . ؟ انتى جايه تصيعى عليا انا
سلمى : امممممم عيييب . عيب الالفاظ دى .. ايه تصيعى ومعرفش ايه والكلام ده .. هعملك احلى عشا لاحلى بابى ف الدنيا . مامى ف المطبخ وجايه اصلا اهى .. المهم
ابو سلمى : عاوزه ايه  ؟ عاوزه ايه
سلمى : سلامتك يا روح قلبى ... ( بتبوسه من خده ) ها بقي
ابو سلمى : ها ايه . ؟
سلمى : انت عارف وانا عارف .. ها بقي .. يلا
ابو سلمى : مش فاهم بردو .. ها ايه  . ؟
سلمى : وبعدين بقي ف بابى اللى شكلى هعضه ده .. قولى ياحبيبى يا روحى كنت بتقول ايه انت واحمد كل ده . وكل شويه تبصولى وانا واقفه ف الشباك .. هاا .. قول انا سامعه . استنى اما استربع وانا قاعده .. يلا سمعنى
ابو سلمى : مافيش .. كنت بقوله عامل ايه ؟ وليه محاولش يأجل الامتحان عشان يلحق يذاكر و
سلمى : هااااا و ايه . ؟ انا عاوزه اللى بعد و دى
ابو سلمى : قولتله يطلع يتعشى معانا بس هو قال هيتعشي مع مامته واخواته ... انا شامم ريحة المسقعه اللى مامتك عاملاها هتطلع من نافوخى
سلمى : مسقعه . ؟ طب ايه رأيك بقي ان مافيش عشا ... وهدخل اكب المسقعه اللى فرحان بيها دى ..
ابو سلمى : ( بيضحك بصوت عالى وبياخدها تحت ايده وبيعضها ف ايديها )
مخلف حتة عسل يا ولاد .. ايه ده . ؟ ايه القمر ده يخربيت كده
ام سلمى : الله الله ايه الروقان ده كله يا ناس ... مابنشوفش الحاجات دى يعنى . ؟ ولا كل الدلع لسلمى وبس
......................
( ع القهوه )
احمد : ايه ياسطا قاعد لوحدك ليه ؟
حسن : مستنيك
احمد : خير فيه حاجه ولا ايه ؟
حسن : انت كويس . ؟
احمد : اه . مالك يالا
حسن : مافيش والله بس حابب اتطمن عليك واشوف ناوى على ايه يا احمد
احمد : ربك يعدلها ..
حسن : ورحمة ابوك تعيشلك بقا يومين يا احمد
احمد : وانا كنت عملت ايه يا حسن
حسن : معملتش حاجه بس بحلفك تهدى وماتنويش على حاجه .. عيش بقا وانسي اللى فات
احمد : انسي ايه . ؟ قولى انت انسي ايه . ؟
حسن : تنسي الضرب والاهانه وقرف الدنيا اللى حصل ف السنتين اللى فاتو وتعيش لامك واخواتك ... ماتوجعش قلوبهم عليك
احمد : وانت كنت شايفنى عملت ايه يا حسن ..
عملت انا ايه للدنيا غير كل كرامه رسمتهم لنفسي وقولت اعيش كافى غيرى شرى وعايش .. مش عاوز غير عيون بنى ادمه تفضل جنبي لغايه ما اكبر ..
الدنيا داست على وشى ووجعتنى بدل المره ألف ..
عملت ايه . ؟
مكنتش بعمل اى حاجه غير انى بقف على حيلى من تانى واقولها هاتى اللى عندك انا قدك خمسين مره ..
كل ده علشانها يا حسن ...
علشانها ..
انا مستحمل علشانها .. ولو قادر ف انا قادر علشانها هى ..
مش عاوز حاجه م الدنيا غيرها هى ..
تيجى الدنيا تستكترها عليا .. اعمل ايه . ؟
عشان غلبان يعنى اطاطي واقولها خديها اتفضلى . ؟
هو انا مش من حقى امد ايدى واخد اللى محتاجه يا حسن . ؟
انا يمكن اكون محيلتيش نجمه اقدمهالها
ولا حيلتى برج عالى اسكنها فيه
محيلتيش غير قلبي ودراعى
قلبي عشان يحبها ودراعى عشان يحميها ..
قولى انت ( ف عينه دامعه واقفه مابتنزلش )
قولى اعمل ايه . ؟ اسيبها لمجرد انى غلبان ومش قد الدنيا . ؟
ولا اعافر واقف ف وش الدنيا باللى فيها علشان خاطررها . ؟
اللى هتقوله دلوقتى انا هعمل بيه ... بجد . . لانى واثق ف كلامك وقلبك
قولى دلوقتى عاوزنى اعمل ايه . ؟
حسن : ( بيبصله بانبهار )
انا لغاية 10 دقايق فاتوا كنت بقول عليك انك مجنون
وواقف بطولك ف وسط نار وعاوز ألحقك منها خوفا عليك
ودلوقتى اكتشفت انك الوحيد اللى صح من وسطينا
انت الوحيد اللى صح ....
انا ف ضهرك .. دوس وانا معاك .. كلنا معاك
.............
ام احمد : انت جيت يا ابا . ؟
احمد : اه يا قلبي . البنات فين . ؟
ام احمد : جوه بيلعبوا .. مستنيينك علشان تتعشي معانا
احمد : طيب يلا
ام احمد : استنى عاوزاك ف كلمتين
احمد : يامه مش هزعلك يامه خلاص
ام احمد : ( بتبتسم ) لا يانن عين امك ... مش ده اللى هكلمك فيه
احمد : اومال ايه .  ؟
ام احمد : لما قعدت مع نفسي كده افتكرت كلمه لابوك قالهالى زمان
قالى عباد الشمس بيفضل باصص للسما ف وش الشمس من ساعة ما تطلع لغاية ما تغيب ....
عينه مابتتكسرش ولا بيبص لتحت غير لما شمسه تغيب ..
قولتله معناها ايه الجمله دى
قالى وهو بيشاور عليك وانت نايم على رجله ...
قالى لما الواد ده يكبر سيبيه يطير ...
يشوف دنيته طالما انا وانتى محيلتناش حاجه نوريهاله ..
ماتقصيش ريشه ولا تحكميه بغلبنا
هيطلع عفى .. والله هيطلع عفى وهيطوع الدنيا اللى كاسرانا دى من زمان
لما تلاقيه ف ضيقه قويه يا ام احمد
ولما تلاقيه زعلان اسمعيه
ولما تلاقيه مقصوص جناحه خيطيله جناح تانى
واوعى ف يوم تخافى عليه
لنا ... ولا انتى .. ولا الدنيا دى كلها هنقدر نأذيه بحاجه وربه مش عاوز .
ولا هنقدر ننفعه بحاجه وربه مش عاوز ...
امشي وراه ... الواد دماغه حلوه
وخليه ف كتفك
احمد : ( بيسمع وبيدمع )
ام احمد : عشان كده بقولك انا اسفه يابنى انى قولتلك ابعد عن سلمى ...
اللى انت شايفه اعمله يا احمد ... ربك وحده هو الحارس
احمد : ( بيبوس دماغها )
ربنا وحده هو الحارس يا ام احمد ...
سلمى تستاهل والله يامه ... ( عينه بتنزل دموعها ) والله العظيم تلاته تستاهل .. شوية كلاب عاوزين يستفردوا بيها
وابوها مش دايملها ...
وربنا مسببنى انا كسبب انى اقف جنبها ...
انا كل ما بفكر ف الحكايه بلاقى ان فعلا ... انا وهى مختارناش بعض .. احنا لقينا بعض ..
ام احمد : ( بتبوسه من شعره ) الحب هلك قلبك يابن الجزمه
احمد : هههههههههههههه هو انا شتمتك بامك علشان تشتمينى بامى . ؟
..............
( اخر يوم امتحان )
منه : اخيرا خلصنا . انا كنت زهقت
احمد : انا مش عارف احنا خارجين م الامتحان ده مبسوطين ازاى وانتوا كلكوا كده محدش فيكو كان مذاكر
فريده : دى روحك يا مولانا ههههههههههه عاوزين نحتفل بقي بنهاية الامتحانات القذره دى
سلمى : تعالوا نخرج نتعشي النهارده ف اى مكان
مالك : لا معلش انا راجع مصر بقا كفايه عليا كده ...
سلمى : ماتخليك يومين ياعم
مالك : لا معلش ... امى رايحه تكشف كده ورايح معاها وكنت مأجل كل حاجه لغاية ما اخلص امتحانات
احمد 2 : واانا وعماد ورانا شغل ف البلد اد كده ... ماتيجو كلكوا تقضوا معانا يومين تلاته ف البلد
احمد : ان شاء الله هنيجى ... العيش البلدى بتاعكوا بقي يبقي جاهز على شوية بط وفراريج هههههه
احمد2 : جاهزه من دلوقتى .. وقت ما تنووا ابقوا بلغونى . يلا اشوفكو كمان اسبوعين يا احلى شله ف الدنيا
............
منه : حمو ! بما اننا لوحدنا دلوقتى انا وانت وفريده ولومه وساره .. ماتحكيلنا ايه اللى حصل معاك من بداية السنه دى
احمد : تانى يا منه ؟ منا قولتلكو خلاص انسوا الموضوع وعيشوا حياتكو الجايه مش مهم ايه اللى حصل . المهم اللى هيحصل
فريده : بس تصدق ياواد يا احمد اننا طلعنا كلنا بنحبك اوى
احمد : ماهو الحب ده لايق عليكو يا ديدا .. انتوا تستاهلوا كل حاجه حلوه
سلمى : هنبتدى نغنى بقي احترموا نفسيكو
احمد : ههههههههه شرانيه والله البت دى .. اسكتى يابت
سلمى : بت ف عينك . وانتى يا حلوه انتى وهى بطلوا محن شويه
احمد : عاجبكوا كده . ؟ جبتولنا الكلام .. المهم يلا كل واحده على بيتها ارتاحوا شويه وبالليل هبقي اتصل عليكو نشوف هنخرج فين . ؟ ولا مش عاوزه تخرجى معانا يا انسه سلمى
سلمى : وانتوا تقدروا تخرجو من غيرى ولا ايه  ؟ يلا ياض امشي ياض
احمد : بس انا عارف هعزمكوا فين . ؟
سلمى : فين . ؟
احمد : ف المطعم الجديد .. همسك اول يوم شغل ليا هناك النهارده ... كنت روحت من كم يوم ولما قبلونى قولتلهم انى هخلص امتحانات يوم الخميس وممكن اشتغل اول يوم يوم الخميس قالولى ماشي .. والنهارده الساعه 6 همسك اول يوم .. ادعولى بقي
سلمى : بججججد . ؟ والله خبر كويس خلاص احنا اول زباين هنقعد عندك يا مولانا .. بس هندفع الحساب . يعنى ماتجيش تقولنا لا وعلى حسابي والكلام ده .. ولما تبقي تستقر ف الشغل كده ابقي اعزمنا يا عم احنا موافقين
احمد : تعالوا بس وماتشيلوش هم .. هبقي اكلمك يا سلمى اوصفلك العنوان بالظبط .هو قريب من هنا .. اشطا
منه : طول عمرك اشطا يا اشطا
سلمى : ( بتمسكها بتعضها من كتفها ) احترمى نفسك يا محنو
منه : هههههههههههه ابو شكلك رمه
............
( ف البيت )
ام احمد : مالك يا واد قاعد مسهم وعمال تبتسم كل شويه ليه . ؟
احمد : امه اقعدى عاوز اقولك حاجه
ام احمد : خير يا قلب امك
احمد : اححححم .. انا قررت وبكامل قواى العقليه انى اقول لسلمى انى بحبك
ام احمد : ( بتضحك وبتبتسم ) وانت كل ده مكنتش قولتلها . ؟
احمد : هههههههههههه لا .. تخيلى ماقولتهاش غير مرتين .. مره وانا فاقد الذاكره ومره قبل ما .... قبل اللى حصل ما يحصل
ام احمد : وناوى تعملها ازاى بقي
احمد : هقولهالها وسط اصحابنا وزمايلنا وقدام اصحابنا البنات . عشان الدنيا كلها تعرف انها بقت تخصنى وملزومه منى ... وانا هخلص جامعتى وهسافر اروح اشوف موضوع الفلوس بتاعة ابويا اللى هناك وممكن ارفع ع الشركه هناك قضيه وهنكسبها لانى كلمت كذا حد وقالى انك بس ترفع ف مكتب العمل قضيه هتكسبها لانك الوريث ..... وسنه ولا اتنين هنحت ف الصخر لغاية ما ربنا يكرمنى واجى افتح مشروع ولا افتح مطعم صغير على قدى لغاية ما اكبره
ام احمد : ( مبسوطه بابنها جدااااا وعنيها بتخونها وبتدمع ) اد كده بتحبها ياواد يا حمو
احمد : ( بيضحك ) وهو انا الخرشمه اللى بتحصلى دى بسبب مين  . ؟بس كله فداها يا ستى .. المهم دلوقتى بس احجزها واطلع للدنيا لسانى واقولها انها تخصنى .... وانا بعون الله هقدر اشتريلها نجمه م السما زى ما هى تستحق
ام احمد : اعمل اللى يريحك يا قلبي .. انا معاك وف ضهرك
احمد : شوفتى اهى بترن .... بنت حلال . هتسالنى وتقولى رايح المطعم امتى
ام احمد : طب اديهانى اكلمها انا
احمد : اشمعنى
ام احمد : هات يا رخم ارد انا عليها
سلمى : الو ... ايه يا احمد انت نايم لسا ولا ايه
ام احمد : اه لسا نايم . ؟
سلمى : طنط . ؟ ازى حضرتك انا ... انا كنت بتطمن على احمد
ام احمد : ابقي تعالى يا جزمه عاوزه ابوسك واحضنك .. وحشتينى يا ندله
سلمى : ( بتفرح وبتتبسط ) ايه ده ههههههههههه الغزاله رايقه النهارده ولا ايه . ؟
ام احمد : وماتروقش ليه وانا الوحيده اللى عارفه المفاجاه اللى ابنى عاملهالك
سلمى : ايه . ؟ مفاجأه ايه
احمد : ( بيشد التليفون من ايد امه ) هو فيه ايه .؟ هما الستات كلهم كده مجانين .. هاتى ياستى التليفون ده
ام احمد : هههههههههههه هعملك حاجه تاكلها قبل ما تنزل على شغلك
سلمى : احممممد .. احممممد .. حموووووو .... حموووووشه .... يا مومو
احمد : خير
سلمى : حمو يا حمو ياللى هتقولى مفاجأه ايه يا حمو
احمد : مفاجاه ايه . لا دى امى اتجننت معلش .. هى كده من ساعة منا طلعت م المستشفى وهى مش مظبوطه هبقي اروح اكشف عليها معلش
ام احمد : ( واقفه ف المطبخ هلكانه م الضحك على شكل ابنها )
سلمى : قلبي يا قلبي .. مفاجاه ايه انا ممكن البس واجيلك دلوقتى . انطق انطططططق واخلص
احمد : يابنتى لا مفاجأه ولا حاجه ... المهم هتيجو المطعم امتى . ؟ انا هاكل حاجه كده والبس وانزل
سلمى : ياعم مطعم ايه دلوقتى .. ماتخلص وتقول مفاجاه ايه .. وحياة امى وامك هلبس واجيلك . انت عارفنى ...؟
احمد : طيب ماتخليها ف وقتها احسن
سلمى : وقتها ده اللى هو امتى . ؟
احمد : النهارده ... النهارده لما نخلص سهرتنا واصحابنا كلهم جنبنا ومعانا هتلاقينى بعمل المفاجاه ... تمام ؟ ؟ ؟
سلمى : هو انا مش عارفه هصبر ازاى بس طالما لاخر السهره تمام .. وربنا يصبرنى
............
ام سلمى : مالك يا بابا
ابو سلمى : مافيش .. عندى شوية لعبكه كده ف الشغل
ام سلمى : بسبب ايه . ؟
ابو سلمى : بسبب الواد الكلب اللى جه اتبلى علينا وقال ان منتجاتنا مغشوشه ورفع قضيه .... بس مش ده اللى قارفنى .. لان فيه ناس م الوزاره جم وخدوا عينات من منتجاتنا وكل حاجه تمام .. اللى قالقنى حاجه تانيه خالص
ام سلمى : حاجه ايه . ؟
ابو سلمى : حسين عبد الخالق كان كلمنى من فتره كده على سلمى لابنه سليم وانا اديته الطرشه بالمفهوم كده ...
بس حاسس ان كل اللى بيحصل ده بسببه ...
وزكريا بلغنى وقالى ان حسين مش هيسيبك . مسنود هو ابن الكلب من فوق وممكن يقرفنى ...
ام سلمى : طيب وانت علاقاتك فين توقفه عند حده الكلب ده
ابو سلمى : علاقات ايه .. ده مع الناس الكبار ده وبكلمه منه ممكن يوقفلى حياتى وهو واخد الموضوع عند ...
جالى اشعار م الضرايب انى لازم اقدم التقرير بتاعى ف مده اقصاها 60 يوم ... ودى اول مره تيجى لان طول عمرى بدفع الضرايب ف ميعادها وبما يرضى الله ... معنى كده ان فيه قرف هيحصل ...
ام سلمى : وبعدين . ؟
ابو سلمى : ولا قبلين .. ماتشغليش بالك . ياما الدنيا بتحدف
..................
احمد : ايه ده . ؟ اومال فين باقيتكو . ؟
سلمى : لا احنا الاربعه كده تمام ... محدش م الشباب جاى . ؟
احمد : لا مش جايين .. وراهم فرح ههههههههه رايحين يباركو لواحد معرفه
سلمى : وانت مش رايح . ؟
احمد : هروحله اخر اليوم اباركله ع الواقف .. المهم .. تاكلوا ايه . ؟
منه : اظن بعد سنه ونص عشره يابا عارف كل واحده فينا بتاكل ايه . ؟
احمد : ياسلام .. احلى اكل عشان خاطركو وعشان عيونك يا منه
سلمى : ( بتبصله بقرف )
احمد : احححم . وعيونك ياسلمى وعيونك يا سرسور انتى وديدا ... ثوانى
...........
سلمى : ثوانى وجايه يا بنات رايحه الحمام
.......
سلمى : ( بتشده من شعره وهو واقف وشه لمطبخ المطعم ) احترم نفسك عشان مطربقهاش عليك من بدرى ماشي . 
احمد : ( بيبصلها وساكت )
سلمى : ( بتسيبه وبترجع لترابيزتها )
.............
( ع الكورنيش ف قعده صحاب .. احمد وسلمى ومنه وساره وفريده )
منه : الا صحيح يا حمو .. عاوزه اسألك سؤال ف الاستخوبس كده بما اننا بقالنا زمان ماتجمعناش احنا الخمسه كده
احمد : خير .. بقلق انا من اسئلتك
منه : لا هو خير ... انت تحب البنت اللى هتتجوزها تكون عامله ازاى ويكون يومها ويومك ف البيت عامل ازاى .؟ يعنى تفضلوا ترغوا وكده وتحبوا ف بعض ولا تخرجوا ولا تعملوا ايه
احمد : ( بيضحك بشكل رهيب كأنه افتكر حاجه )
سلمى : ايه ده ماله ده . ؟ مالك ياعم هو السؤال صعب اوى كده . جاوب ع البت ؟
احمد : ( عمال يضحك ومش قادر يوقف ضحكه )
فريده : رغم ان ضحكتك حلوه ومابنصدق انك تضحك بس انت كده مجنون ياعم ههههههههه فيه ايه اخلص
ساره : ههههههههههه لا انا عاوزه اسمع ضحكته خلوه يضحك ...
سلمى : ياعم جاوب على سؤال منه . انا كمان نفسي اعرف الاجابه
احمد : الاول انا عاوزها تستنانى وانا راجع من شغلى .. تقلعنى هدومى وتدلكلى رجلى ف ميه وملح وترصلى حجر شيشه كده معتبر وترقصلى
سلمى : ( بتضحك بصوت عالى )
احمد : ( بينام ع الارض وبيضحك بشكل رهيب )
منه : ايه ده . ؟ إلحقى يا فريده انتى وساره .. سلمى اتلسعت زى صاحبكوا
احمد وسلمى مع بعض : ههههههههههههههه انا بطنى وجعتنى
..............
يتبع
سلسله من نار ... بس الموجه شكلها شديده