رواية مهلكتي من جزء 1 : 18

(الحلقه الثامنه ) ... ( والله ما فيه كده ) ❤

................
ف الحلقه السابقه :_
لمياء : حصل ايه حصل ايه ؟ حد جراله حاجه
احمد : حد جراله حاجه ايه بس يا شيخه جاتكو ستين نصيبه . هى سنه باينه من أولها . غورى
لمياء : ( بتتعصب وبتمشى )
احمد : انت كويس يابنى ؟ جرالك حاجه ؟
مالك : لا الحمد لله انا تمام .. متشكر جدا يا كبير
............. ( الثامنه ) ❤
احمد : مش تخلو بالكو ياعم انت وهو . انتو داخلين جامعه مش داخلين كوتًاب
مالك : ههههههههههههه معاك حق ربك يسترها
احمد : انتو مش اسكندرانيه ... انتو منين
مجدى : القاهره يا باشا
احمد : اجدع ناس .... ف كلية ايه بقي
مالك : تجاره
احمد : طب تعالو تعالو شكلكو تايهين ههههههههههه
مالك : ههههههههههههه الغريب أعمى لو كان بصير بقي معلش
احمد : طيب انتو ساكنين مع حد يعنى ولا هتروحو وتيجو ولا ايه
مالك : والله احنا قولنا نجرب أول يوم كده .. لاننا عاوزين ننقل اصلا ورقنا على القاهره
احمد : ايوه الكلام ده كان من بدرى ف الاجازه مش مع بداية الدراسه ... اخوك أحمد !
مالك : انا مالك ... وده مجدى
احمد : منورين الدنيا
مالك : لا دى منوره بيك وباجدع شعب ف الدنيا
احمد : عينك يا عم مجدى بتبص على ايه انت
مجدى : البنات هنا شكلها حلو اوى يا اخى ايه ده
احمد : ماتحترم نفسك ياض
مجدى : هههههههه شكلى عكيت بقي ها ... وبعدين انت مابتتكلمش اسكندرانى معانا ليه ؟ مش المفروض تقول نحترمو وننزلو ونروحو ونيجو
احمد : ( بيرفع حاجبه ) هى دى فكرتك عن اسكندريه ؟ الله يخربيت التليفزيونات يا اخى . يابنى عادى بنتكلمو زيكو اهو
مالك : ههههههههههههه اهى شوفت .. قولت بنتكلمو مش بنتكلم
احمد : هههههههههههه لا تصدق معاك حق .. نهاركو زي الفل
مالك : بقولك ! الشئون فين ؟
احمد : والله علمى علمك انا بردو لسا اول مره هدخل اهو . تعالو اهو نطأش مع بعض .. فطرتو الاول ؟
مالك : لسا هنجيب سندويتشات من هنا
احمد : طب تعالو . اصحابنا كلهم هناك .. اهو يبقى عيش وملح
مالك : لا ده واجب علينا
احمد : ياعم يابتاع الواجب انت تعالى بس ... ياعم مجدى بصه كمان وهخزقلك عينك
مجدى : ههههههههه اسف يا كبير . رقبتى ملووحه بس
احمد : المره الجايه هلوحهالك بجد
مالك : تعالى بس ناخد صوره الاول مع بعض .
احمد : اه فكرتنى انا كمان عاوز اصور نفسي صوره حلوه كده ... هقعد هنا وانتو دى الشئون هناك اهى . خلصوا وتعالو عشان نروح نفطر
...........
ساره : تعالو تعالو ناخد صوره مع بعض
منه : يلا تعالى
سلمى : يلا بسرعه
فريده : مدو بوزكو انتى وهى ههههههههههههه
سلمى : يخربيوتكو العيال بتبص علينا
منه : مبهورين باللى شايفينه
فريده : لا بصراحه عينى علينا بدرى . ايه شلة المزز دى يا ربي ...... الناس دى بتبص على ايه صحيح
سلمى : هههههههههههههه انتى يابت مالكيش دعوه بحد سيبى اللى يبص يبص يخربيتك
منه : لا داحنا هنربي اى حد يمد عينه ماتقلقيش
ساره : هههههههههههه هنعمل ايه دلوقتى .. هنحضر محاضرات ؟
منه : بزمتك يعنى الشياكه دى والعسليات دى تتبهدل ف زنقة المحاضرات هههههههههههههههه
سلمى : ههههههههه اه اسمعى كلام منه يا ساره احنا مش بتوع محاضرات احنا احنا جايين نغير جو ونشوف الدنيا فيها ايه ونتصور ونروح
مروه : انا جعانه
منه : يا جدعان حد يسكت ام بطن مخرومه دى
فريده : هههههههههههه وربنا شله مجانين . بس وحياة امى شلة مزز مافيش بعد كده . اسكندريه كلها هتتكلم علينا النهارده
سلمى : هههههههههههههه خلاص يا مروه روحى هاتيلنا سندويتشات من هناك بقي وساره هتروح معاك تجيب شاى
ساره : هتقعدو فين ؟
سلمى : هنا . اهو قاعدين جنب الشجر اهو ف الضوليله ههههههههههههههه
منه : بسرعه بقي جوعتينى ربنا ياخدك
..........
احمد : صباح الفل يا شويه متشردين
مصطفى : حبيبى حبيبى ....
مالك : صباح الفل يا شباب
مجدى : صباح الخير
احمد : ده الاخ مالك وده مجدى يا عيال .... شباب قواهريه بس عيال عسليه هههههههههههه واحد منهم كان هيموت بره من شويه
وده مصطفى يا ابو الاملاك وده على وده حسن .. وده جاى غلط معانا
علاء : ههههههههههههههه اخص عليك يا كبير .
مصطفى : اهلا بيكو يا رجاله
احمد : فطرتو ولا لسا
مصطفى : يعنى .. نقنقنا حاجه بسيطه كده . فطرتو انتو ولا لسا
احمد : لسا . اعملو حساب مالك ومجدى معانا بقي عشان هيبقى عيش وملح بداية صحوبيه جدعه من شباب جدعان
مالك : ماتحرمش يا كبير
احمد : حمو ! قولى حمو القريبين منى بس بيقولوهالى
مالك : ههههههههههه تمام يا حمو
على : طيب خليكو بقا وانا هروح اجيب انا الفطار
......
اسراء : ولا يا حموووووووووووووووو التمساحه يالا
احمد : ههههههههههه يخربيتك وبيت البيوت اللى جنب بيتك ههههههههههههههههه ماصدقتش الواد مصطفى لما قالى انك دخلتى تجاره معانا
اسراء : لا بس ايه رايك
ايمان : حموووووش ! لا احنا معاك
اسراء : ازيك يا واد يا مصطفى . مع انى مش بطيقك بس ازيك بردو
مصطفى : ههههههههههههه يلا يا بايره
اسراء : ازيك يا حسووون
حسن : ازيك انتى يا اسراء
احمد : ده مالك ومجدى . اصحابنا
اسراء : اهلا بيكو ... هتفطرونى ايه بقي
احمد : اه . باراشوت اهو ولزقلنا
اسراء : هههههههههههه اخص عليك الف خصيه .. ياواد خليك جنتل يا واد . المفروض شوفت بنوته مزه زى العسل كده واقفه جنبك تعزمها وتفرشلها الارض ورد
احمد : مين يامه ؟ طب امشى .. امشى امشى الله يسهلك
اسراء : هههههههههههههه لسانك ده مش ناوي يتقص منه حته
احمد : هههههههههههههههه لا بلاش لاحسن ابقى شبه ايمان حروفى كلها طايره ... قولى برقوق كده يا ايمان
ايمان : بيقوق
احمد : هههههههههههههههههههه ( بيقع ع الارض ) يخربيت اللدغه بتاعتك دى . هابلانى والله . عسل يا مونمون
ايمان : انا اصياً قولت مش عاوزه اشوف وشك من كتي التييقه
احمد : هههههههههههههههههههههه كتي التييقه ؟ لا خياص مش هتتيق عييكى تانى ههههههههههههههههههههههههه
مالك : هههههههههههههههههههههههه ( اول مره بيضحك من قلبه ضحكه عاليه جدا وبيتسند على احمد من كتر الضحك )
اسراء : ( بتضحك ضحكه رقاصات وبتقعد ع الارض)
احمد : هههههههههههههههههههه يخبييتك يا ايمان ضحكتى الناس عيينا
ايمان : هههههههههههههههههههه ( بتعضه من كتفه ) بس بقي اسكت ..ايحمنى يا اخى
احمد : هيحمك حاضر .... يابنت العضاضه .. دى عضة كلب دى
ايمان : بس بقا .. ايييييه . اتهد شويه
احمد : ( بيسبلها بعنيه وبيبربش كتير فوق تحت ) عاوزانى اتهد ؟ ههون عليك ؟
ايمان : وياااااه
احمد : يا عيون الويااااه
ايمان : ابعد عيونك دى عنى
..
مالك : انا بطنى هتفرقع ياد يا مجدى
مجدى : بطنك هتفرقع ايه بس . هههههههههههههههه الواد ده لقيته فين يابنى
مالك : بقولك ايه انا مش هنقل القاهره خلاص . انا هنا مع الواد ده الاربع سنين . لله الامر هههههههههههههههههههههه
مجدى : وانا معاك هههههههههه احيييييييه ع الضحك
..........
سلمى : ايه يا ست مروه ساعه بتجيبى أكل
مروه : زحمه يابت اعمل ايه يعنى
منه : حطيتى مايونيز على كله
مروه : اه ماعدا بتاع سلمى
سلمى : طيب كويس انك فاكره .. لو كنتى حطيتى ماكنتش كلته .. هتجيبى الشاى يا ساره
ساره : اه بس لما ناكل الاول عشان مانبهدلش الدنيا
.........
احمد : بالهنا يا رجالتنا ... ازودلك حاجه يا اسراء انتى وايمان
اسراء : اه شويه كبده بقي
احمد : يابنتى هتودى خدودك دى فين بعد كده . لظلظلت ومحدش قادر عليها
اسراء : ههههههههههههه بس ياض
احمد : فيه حتة مايونيزه على بؤك يا ايمان
ايمان : تسيم يا حمو
احمد : الهى تسيمى انتى يايب
اسراء : ههههههههههههههههه ما تبس بقا الله يخربيتك
احمد : وانت بقا يا مجدى حكايتك ايه بقي .. بما اننا عرفنا حكاية مالك .. ايه اللى حدفك علينا
مجدى : هههههههههههههههه بقولك ايه . انت متعود تستلم كل اللى حواليك كده ولا ايه
اسراء : لا ده عادى عادى يا استاذ مجدى هههههههههههه
احمد : مين ياختى ؟ استاذ مين ده . بزمتك انا راضى زمتك . ده منظر استاذ ؟
مالك : ههههههههههههههه انا عليا النعمه ما قادر اكمل السندويتش من كتر الضحك . ارحم اللى خلفونا بقي
مجدى : يابنى انت عاوز مننا ايه يابنى .. ياعم كنت سيبت الواد تهفه العربيه ولا نتزنب ام التزنيبه دى ههههههههههههه عيب بقا كده
احمد : هههههههههههه المهم هتعملو ايه هتسكنو فين ولا حكايتكو ايه
مالك : بص ! احنا كنا ناويين اننا نيجى كل اسبوع مره كده ولا حاجه اهو نشوف الوضع ونتابع الاخبار
احمد : هو انت هتتفرج على ماتش . دى محاضرات
مالك : هنشوفلنا شقه ايجارها حلو كده قريبه اهو نكون مع الشله الحلوه دى
احمد : مصاريف عليكو يابنى
مالك : ههههههههههه متيسره الحمد لله ... اللى قدامك ده معاه املاك اااد كده
مجدى : بالظبط . وانا بردو عن.....
احمد : ياعم اسكت بلاش كدب بقي دانت شكلك متشرد
مالك : هههههههههه
مجدى : الله انت حاطط نقرك من نقرى ليه ياض انت
احمد : هههههههههههههه هو كده ... انا قايم اجيبلكو شاى بقي
مالك : اجى معاك
احمد : لا لا خليكو كملو اكل
...........
سلمى : قومى يا ساره هاتيلنا الشاى بقي
ساره : عيونى
...........
( قدام الكافيه احمد واقف وساره جايه من وراه وفيه زحمه كتير اوى )
ساره : ( بتخبط على ضهر احمد ) لو سمحت ! ممكن تطلبلى بس معاك 5 شاى
احمد : ( بيلتفت ويبصلها ) هههههههههههه ياخواتى .. انتى جايه مع مين يا عروسه
ساره : ههههههههههههه ايه ده انا زميلتكو هنا على فكره وف سنه اولى . عيب يا جماعه حافظو على بريستيجى شويه
احمد : ههههههههههههههه معلش افتكرتك شبطانه مع حد من اخواتك . عاوزه ايه
ساره : عاوزه ايه ف ايه
احمد : هو ايه اللى عاوزاه ايه ف ايه . بقولك عاوزه ايه انتى من الكافتيريا
ساره : اه . شاى . عاوزه شاي
احمد : كم كوبايه
ساره : وحياة النبى ما فاكره ..... اه خمسه .. خمسه هما اه منه وفريده ومروه وسلمى وانا .. خمسه
احمد : طيب وانتى هتاخدى الكلام ده كله لوحدك ازاى .. ما تنادى على حد منهم يشيل معاك
ساره : لا انت اطلبلى بس وانا هتصرف
احمد : ماشى
ساره : معلش تعبتك معايا .... احححم هو انت ف كلية ايه
احمد : لسا سنه اولى
ساره : سنه اولى ايه
احمد : 5 يا حب شاي لوحدهم وانا هاتلى ال 8 بتوعى 4 و 4
ساره : بقول لحضرتك انت سنه اولى ايه ؟
احمد : تجاره
ساره : بجججججججججد
احمد : هو ايه اصله ده ؟ انا طلبتلك الحاجه ابقى خديها انا ماشي .اقفلى بؤك ده
ساره : هههههههههههههههه ...
.................
ساره : قومى معايا كده انتى وهى هههههههههه
..............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020