رواية مهلكتي من جزء 1 : 18

الجزء الرابع (الحلقه الثالثه ) ( مرمطه وبهدله ) ❤ ❤

................
ف الحلقه السابقه :_
منه : الاكل هنا تحفه . انتو عرفتو المطعم ده ازاى
احمد : من زمان كنا بنيجى هنا من قبل حتى الجامعه
منه : تعرف انى اول مره اشوف عينيك من قريب كده ... ايه ده قشطت حاجبك هههههههههههههههههههههههههه موووووووووووووووووووز شكله حلو ورينى كده ( بتمد ايديها على حاجب احمد وسلمى بتدخل وبتشوف المنظر كده )
.................... ( الثالثه ) ❤
سلمى : يا حلااااااااوه يا ولاااااه
على : ( بيكح ) طيب يا سلمى انا ف الحمام هغسل ايدى وجاي
سلمى : وامشى انت يا على وماتخليش مالك ومصطفى وحسن يطلعوا
........
سلمى : ( بتقعد جنب احمد ) مش تقولوا انكو هتفطروا هنا
احمد : ( بيكح وبيشرق ) انتو جيتو امتى
سلمى : لسا حالا اهو . ايه بتشرق ليه يا حمووو اجيبلك ميه ؟
احمد : ياريت بسرعه
سلمى : طب خد خد اشرب ( بتديله الكوبايه ف وشه ) امسك
احمد : يزيد فضلك يارب متشكر
فريده : يا شوية اندال . طب لما انتو جايين تفطروا ماقولتولناش ليه . ( بتقعد جنب منه )
منه : ايه اللزقه دى انتو جايين تقعدوا ليه ههههههههههههههههه هو الواحد مايعرفش يخلع منكو شويه
سلمى : ( بتبص لاحمد وبتستحلفله وبتوشوشله ) وحياة امى لمورياك
احمد : ( بيوشوشها ) انا ماليش دعوه . هى اللى قالت عاوزه افطر معاك
سلمى : ودينى لمربياك من أول وجديد ....... طيب يا جماعه اطلبولنا فطار بقي عشان احنا كلنا كده بالصلاه ع النبى هنفطر معاكو وعلى حساب الاستاذ ده اللى عامل فيها شهم أوى
احمد : خدى العيال وامشى انا ماممعاييش فلوس تكفى العدد ده كله
سلمى : طب منا قاصده .. وحياة امى لاخليك تغسل المواعين ..... سوسو اتصلى على اميره ومروه قوليلهم اننا بنفطر مع حمو واوصفيلهم المكان .. وانتى يا ديدا اتصلى على اسراء وامانى هاتيهم
احمد : ( بيوشوشها ) ابوس ايد امك بلاش فضايح انا ماممعاييش غير 40 جنيه الله يحرقك
سلمى : هشششش اسكت .. اسكت خالص . بتغيظنى يعنى لما تروح تقعد مع منه لوحدكو ... ماااااااااااااااااشى . يومك اسود النهارده
احمد : هههههههههههههه طيب انا اسف . مش هعمل كده تانى
سلمى : لما اربيك الاول ابقى قول اسف
احمد : ههههههههههه اتربيت والله بما فيه الكفايه . خلاص بقي قومى بينا نمشى
سلمى : لا ! اتصلتو ع البنات يابنتى انتى وهى ولا لا
فريده : اه جايين اهو .... والله زمان يا ولاد بقالنا كتير مافطرناش كلنا سوا كده ولا اتجمعنا
احمد : طيب يا بنانيت انا هسيبكو بقي لانى افتكرت موضوع مهم جدا عندنا ف البيت لازم اعمله .... اتحاسبوا وانا هبقى ادفع الحساب انا للى دفع
سلمى : مين ده ؟ وربنا مانت ماشى وهتقعد تفطر معانا . هى شغلانه
النادل : صباح الخير ! تؤمروا بإيه يا فندم
احمد : سندويتش فول واحد لكل واحد من دول وماتزودش
سلمى : ههههههههههههههههههههههه بيحب يهزر هو معلش ! بص حضرتك احنا كام دلوقتى . واحد اتنين تلاته اربعه خمسه .. وفيه خمسه غيرنا جايين كمان 10 دقايق ... ف اعمل 10 فطار ... وماتنساش التظابيط اللى جنبه بقي
النادل : حاضر يا فندم : تؤمروا بحاجه تانيه
سلمى : ياريت لو عصير فريش بقي على ما الفطار يجهز
النادل : تحت امرك ! عن اذنكوا
سلمى : يااااااااااااه يا بناااات والله وحشتونى وخصوصا انتى يا منه
منه : حبيبتى يا سوسو والله . ايه رايكو بقي ف الواد اللى مجننا ده . مره واحده لقيته بيقولى تعالى عاوز افطر معاك
احمد : ( بيكح جامد )
منه : ويقولى تعالى يابت عاوز افطر معاك لوحدنا هههههههههههه
احمد : ( بيكح جامد وهيموت )
منه : ويشدنى من ايدى ويقولى فيه حتة مطعم عسل زيك كده هنا يا منون تعالى
احمد : اسفوخس عليكى الله يحرقك
منه : هههههههههههههههههه الله ! عاوز ايه
فريده : ( متغاظه )
ساره : هههههههههههههههههههههههههه ( بتبص لسلمى )
سلمى : ( مبتسمه ابتسامه صفرا ) وايه تانى يا منون
احمد : مش عاوز نفس . العصير جه اهو وانا هقوم اغسل ايدى وجاى
منه : الله انت مش لسا غاسل ايدك دلوقتى
احمد : خليكى ف حال امك انتى
فريده : هههههههههههههه
......
احمد : الو ! انت فين يا زفت انت وهو
مصطفى : ف الجامعه البنات جولك ولا لسا
احمد : ماتخلنيش اجى اطلع ميتينك يا مصطفى انت كمان اومال هما ايه اللى عرفهم المطعم ده .... المهم انت معاك كام
مصطفى : كام ايه
احمد : فلوس . معاك فلوس اد ايه
مصطفى : معايا 20 جني ...
احمد : 200 عفريت ينططوك ادينى البلوه اللى عندك اللى اسمه مالك
( مصطفى بيكلم مالك بره السماعه : ولا يا مالك قوله انك ممعاكش فلوس الا 10 ولا 15 جني )
مالك : هههههههههههههههههه اصبر ! هات هات
الو ! ايه يا فنان
احمد : معاك فلوس اد ايه يالا
مالك : استنى كده ! معايا 18 جنيه
احمد : طب غور . ادينى على
على : الو !
احمد : معاك فلوس اد ايه يا كلب السكك ووحياة امك لو قولتيلى 10 جنى لنا حاططهالك ف ... ولا بلاش
على : لا والنبى مامعايا 10 جنى . هما 77 جنى بس ههههههههههههههههههههههه
احمد : غور ف داهيه ... ادينى حسن حبيبى . حسن ده روحى روحى
حسن : الو ! ايه يا حب العيال السفله دى مزعلاك ف ايه
احمد : تخيل يا حسن العيال دى مش عاوزه تسلفنى فلوس لغاية اخر النهار
حسن : ايه ده الوطينه والسفاله اللى هما فيها دى .. عاوز كام يا كبير
احمد : انت معاك كام
حسن : بتاع 6 جني كده
احمد : اقفل يا حسن . اقفل بدل ماجى اغتصبك واغتصبهم .. غوروا ف ستين داهيه يا ولاد الكلب لما اشوفكو بس
( العيال كلهم بيفرشوا ع الارض م الضحك )
احمد : الو ! انت فين يابنى انت كمان
احمد 22 : ايه يا كبير احنا ف السكه اهو طالعين م المنصوره
احمد : لسا طالعين م المنصوره ؟ طب اقفل اقفل جاتك داهيه انت كمان
احمد 2 : هههههههههههههه ايه ياعم است....... الواد قفل
عماد : ههههههههههه تلاقيه معكوك عكة محترمه
.....................
احمد : منورين يا حبايب قلبي منورين
سلمى : ده نورك يا حمو والله ... اقعد يلا الاكل جه اهو .. شكله يفتح النفس
احمد : لو سمحت يا هندسه ياريت تحضرلى الفاتوره بس عشان بحب اشوف الحساب قبل الاكل عشان نفسي تتفتح
النادل : ههههههه حاضر تحت امرك
...
سلمى : كل يا حمو مابتاكلش ليه
منه : كل يا احمد انت عمال تقولى جعان ونفسك مفتوحه
احمد : انسدت .. هو حد يعرفكو ونفسه تفضل مفتوحه ربع ساعه على بعض ... جبت الفاتوره يا باشا ؟
النادل : اه يا فندم اتفضل
احمد : بيشوف الحساب 2400 جنيه ( بيكح وبيشرق ) الحقينى يا سلمى ميه بسرعه هموووت
سلمى : الف سلامه عليك يا غالي . اتفضل
احمد : شكرا يا هندسه شكرا .
..............
مصطفى : وحياة امى انا متخيل المنظر بتاعه دلوقتى
على : يانهار اسود على سلمى . دا وشها كان بيطلع نار واحنا راكبين ف العربيه ورايحين . البت دى اقسم بالله جبروووووووت . تشوفوها تقولوا حلوه وعسوله بس جبروت اقسم بدينى وهتعكها على نافوخه النهارده ههههههههههههه بس بصراحه يستاهل
مالك : ههههههههههههههه احمد قرر يلعب بالنار ومع اكتر انسانه بتحبه ف الدنيا وبتغير عليه من الهوا الطاير ... امبارح بطحته ف راسه النهارده الله اعلم ممكن يحصل ايه
مصطفى : انا الوحيد اللى متطمن وعارف ان احمد هيطلع منها وهياخد الموضوع لحسابه ومش هيغلب
على : خلاص اراهنك انها هتتعك على نافوخه النهارده هههههههههههههه
مالك : وانا مع على
حسن : وانا مع على
مصطفى : خلاص وانا مراهنكو انه هيطلع منها وهتتقلب لصالحه كمان وهيقلب الترابيزه
.............................
ساره : قاعد بتفكر ف ايه يا حمو
احمد : عاوزه ايه انتى كمان
ساره : هههههههههه الله . اتكلم مش متعودين منك على السكوت ده
احمد : اهو بفكر
فريده : بتفكر ف ايه بقي
اميره : ولا يا احممممممد اطلبلى عصير تانى
احمد : هاتلها يابنى عصير تانى ماحنا بنعلف ف بهايم
( صريخ ضحك من البنات كلهم وبالاخص سلمى . بتضحك ضحك فظيع من المنظر )
احمد : قومى يابت انتى وهى على جامعتكو يلا مش طفحتوا .. يلا مش عاوز حد هنا
سلمى : طب نشرب الشاى طيب
احمد : مافيش شاى هنشربه هناك يلا قومى
فريده : ايه ده ومش جاى معانا ولا ايه
احمد : 5 دقايق وهحصلكوا اكون شطبت الدنيا
سلمى : ههههههههه دنيا ايه ما يلا ياعم قوم
احمد : اسبقينى يا سلمى انتى والبنات . يلا
...........
احمد : حسابك كام يا هندسه
النادل : 2400 ولو مامعاكش خلى عليا لغاية ما تجيب فلوس وتيجى
احمد : هههههههههههههههههه انت كده عملت معايا اللى محدش عمله من صحابي
النادل : ههههههههههههههه لا منا بفهم الصراحه وعارف انك اتعكيت واتدبست ف العزومه دى صح
احمد : صح وزى مانت عارف ماينفعش ناخد من بنت فلوس
النادل : جدع والله ... خلاص والله بس عشان خاطرى تجيب فلوس قبل الساعه 4 عشان بقفل الشيفت بتاعى وماينفعش اسلم فلوسى ناقصه
احمد : ساعة زمن بالكتير وهتلاقي الفلوس عندك .... دى بطاقتى اهى خليها معاك
النادل : ياحبيبى ولاد الناس مش محتاجين بطايق تضمنهم ... ماتتأخرش بس
احمد : اسمك ايه
النادل : اخوك علاء ف تالته هندسه
احمد : ليك صاحب دلوقتى ف اولى تجاره اسمه احمد
علاء : حبيبى !
احمد : سلام يا غالي
...............
مالك : ايه يا بنات اومال فين أحمد
سلمى : هههههههههههههه زمانه جاى بس ماتستناهوش دلوقتى وراه غسيل اطباق
مصطفى : هههههههههه وربنا عيال فاقده عملتوا ايه ف الواد
منه : هههههههههههههههههههههههه يا نهارى دنا ضحكت ضحك بس واد عسل والله ربنا يخليهولنا هههههههههههههههههههههههه
ساره : كل ما افتكر شكله وهو بيكح .. سلمى افترت عليه جامد
اميره : هههههههههههههههههه ده الغالي يا جماعه الغاااااااااااالي ...
سلمى : طبعا ده الغالي بتاعنا كلنا ولازم نكرموه
احمد : صباح الفل يا حلوين .. طلبتوا الشاى
سلمى : ( بتبص لاحمد ومكسوفه وبتضحك )
منه : داحنا قولنا هنتأخر
مالك : اححححححم ( مكسوف ) طيب انا هخلع انا هروح اعمل كم حاجه كده وجاي
مصطفى : خدنى معاك يا ابو الاملاك
حسن : اححححححححححم وانا معاكو
على : يعنى هو انا يعنى اللى هفضل . خدونى معاكو هههههههههههههههههه
سلمى : اححححم وانا كمان
احمد : حد منكو يا شوية كلاب يجيبلنا الشاى .. وعليا النعمه من نعمة ربى اى كلب ولا كلبه فيكو هيمشى لنا مطلع روحه هنا وسط الجامعه عشان انا على اخرى
مالك : هجيب الشاى انا
مصطفى : وانا همسك معاه الكوبايات
على : وانا هفرش المكان اللى هنقعد فيه
حسن : وانا هكنسلك الحته هههههههه
سلمى : وانا هرصلك حجر شيشه معتبر كده يروق دمك
منه : وانا هرقصلكو هههههههههههههههههههههههههه
فريده : جرب نار الغيره . وقولى . قولى
ساره : هههههههههههههههههههههه بقا بزمتك ونور عينك هتلاقى شله زى دى فين يا أخى يخربيت دى ايام حلوه بنعيشها
احمد : ايام حلوه ايه جاتكو نصيبه كلكو تاخدكوا ... اطلعو المحاضره انتو وانا هعمل مشوار كده وجاي كمان نص ساعه
سلمى : اجى معاك ؟
احمد : لا ! مش عاوز حد
سلمى : ماشى
............
احمد : الو !
عمرو : ايه يا فنان
احمد : بقولك هو الشيف طارق هناك دلوقتى
عمرو : اه زمانه وصل ليه
احمد : مافيش . هيقبضنا امتى ياعم النهارده 29 اهو
عمرو : بعد بكره
احمد : لا مافيش بعد بكره انا عاوز اقبض النهارده ضرورى
عمرو : خلاص روح كلمه هو مش هيمانع يعنى عادى ف بيتها . ماهو بيحبك يا عم
احمد : قر بقي
................
( بعد ساعه )
علاء : انت جبت الفلوس بسرعه كده ليه هو انا هطير يابنى
احمد : ههههههههههههه معلش . حركة الجدعنه بتاعتك دى لازم اكون جدع وقدها وخوفت اتأخر عليك واحرجك ف الفلوس
علاء : ف بيتها والله يا ابو حميد ... وتحت امرك ف اى وقت
احمد : حبيبى ! عن اذنك بقي عشان ورايا حسب عاوز اصفيه مع الكلاب اللى عملوا فيا كده
علاء : ههههههههههه ربنا معاك
.....................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020