رواية مهلكتي من جزء 1 : 18

(الحلقه الخامسه ) ... ( أميره ) ❤

................
ف الحلقه السابقه :_
ساره : هقعد انا جنبها ومروه جنبي .. ومنه وسلمى وفريده بقي ف الطرف التانى عشان بتصدعونا رغى ف احداث الفيلم ومش بركز
سلمى : هههههههههه ماشى
...........
( الانوار بتطفى والفيلم بيبدا واحمد بيدخل )
( احمد بييجى يقعد جنب سالى ع طرف الصف وجنبه سالى .. وجنب سالى بالترتيب ساره مروه فريده منه .. وسلمى ع الطرف التانى )
احمد : ها بدأ
سالى : اه ...
............... ( الخامسه ) ❤
ساره : ( بتوشوش مروه ) بت يا ساره الواد اخو البت اللى جنبنا دى شكله واد مز هههههههههههه
مروه : بقولك ايه مش عاوزه عبط
ساره : ههههههههههه وحياة امى زمبؤلك ... حاطط رجل على رجل وماسك ايد اخته . واد برنس كده , ده غير البرفان بتاعه هيخلينى اروح اقوله بحبك ههههههههه بس مش عارفه اشوف وشه . الدنيا ضلمه وهو حاطط ايده على وشه وخده
مروه : اووووف عليك يا ساره .. ما تسيبينى اركز بقي
ساره : طيب
....
سالى : ايه ياعم مالك عمال تضحك ليه
احمد : مافيش ! بس حاسس كده بحاجه حلوه .
......
منه : مالك يابت بتتفرجى وانتى مسهمه ليه كده
سلمى : ههههههههه مش عارفه بس الفيلم حلو
منه : ربنا يشفى
.......
احمد : سولى ! الفيلم قرب نصه يخلص ,,هخرج اشيش بره على ما الاستراحه تيجى ويبدأ الجزء التانى اشطا ؟
سالى : اشطا
احمد : ماتقوميش من هنا
سالى : ماتخافش .. معاك راجل هههههههههه
...........
( النص الاول خلص والانوار اشتغلت )
ساره : ايه ده ؟ انتى لسا قاعده لوحدك انا سامعه حس جنبك
سالى : ههههههههه اه ده اخويا بس خرج يجيب حاجه
ساره : ماشى يا حبيبتى . الفيلم عجبك
سالى : اوى ..دنا اول ما نزل التريلر بتاعه قولت لاخويا لازم ندخله
ساره : اه بجد يستاهل
( سلمى بتبص على الحوار من بعيد ومشدوده بسالى بشكل غريب )
منه : ايه يابت بتبصى للبت دى كده ليه
سلمى : مش عارفه ! بس شكلها حلو اوى ... عيونها شوفتها قبل كده بس معرفش دى عيون مين .. وشها مالوف ليا والله كأنى شوفتها قبل كده كتير
منه : هههههههههه ماتخطرفيش تانى يا روحى ... وركزى عشان الجزء التانى هيبدا اهو
سالى : الجزء التانى هيبدا اهو
ساره : اه ! اخوكى لسا مارجعش
سالى : زمانه جاى
ساره : ماشى
.........
( قدام السينما )
سيف : ايه ده ايه ده ؟ بسيونى بسيونى
احمد : حازم حازم ههههههههههه بتعمل ايه هنا ياض
سيف : جاى اشقط ههههههههههه انت اللى بتعمل ايه
احمد : مع البت سالى اختى جوه بفرجها على فيلم
سيف : البت سولا ؟ عامله ايه البت المزه دى
احمد : جرا ايه يا شيلحف انت هتحلو على اختى يالا ههههههههههه
سيف : اعملكو ايه انتو اللى عيله كلكو مزز من اول انت لغاية اختك الصغننه .... طب وسايبها وبتعمل ايه هنا
احمد : خارج اضربلى حجرين . دماغك مزمزقه .. ماتيجى تشيش معايا
سيف : طب والفيلم ...
احمد : ياعم فيلم مين انا جاى مع البت بس .... اطلبلنا بس حجرين على ما ادخل اقولها انى مستنيها بره
سيف : حبيبى
.............
( جوه السينما )
احمد : بت يا لولا .. انا بره ف القهوه اللى ف الوش دى على طول . عارفاها
سالى : اه .
احمد : قاعد بره مع سيف لما تخلصى ابقى تعالى على طول
سالى : مش هتتفرج ع الفيلم ؟
احمد : ههههههههه انا بشيش بس وقاعد معاه بتكلم ف موضوع كده
سالى : خلاص ماشى
..............
( بعد انتهاء الفيلم )
احمد : بقولك ايه يا سيف الفيلم زمانه خلص . خليك واقف هنا استنى سالى زمانها طالعه وانا هجيبلها ايس كريم من البقاله اللى هناك دى
سيف : ماتقلقش . روح انت
......
( قدام السينما البنات كلهم خارجين مع بعض وسالى معاهم )
ساره : الفيلم كان تحفه اوى
سلمى : جدا .. انتى ايه رأيك يا مزه يا صغننه
سالى : هههههههههه الفيلم كان جامد وبعدين مزه ايه وانتى موجوده بس
سلمى : لا والله مزه وهتوقفى اسكندريه كلها على رجل لما تكبرى شويه بس
سالى : وحياة النبى انتى اللى هتفضلى موقفاها العمر كله . هو فيه كده ههههههههه
سلمى : انتى جايه مع مين وسايبك لوحدك كده
سالى : مع حمو
سلمى : حمو ! مين حمو ؟
سالى : ده حبيبى
سلمى : ههههههههه انتى بتحبى من دلوقتى يا مفعوصه
سالى : طبعا ... حبيبى واخويا وابويا
سلمى : اها . اخوكى يعنى ؟ .. طب هو فين نسلمك ليه
سالى : ههههههههههههه ماتخافيش ماتخاقيش دنا اتوهك ف اسكندريه .. ع العموم هو قصادنا ع القهوه هناك اهو ( سيف واقف بيشاور لسالى )
سلمى : هو ده اخوك ؟
سالى : لا دا صاحبه ... هتلاقيه هنا ولا هنا
سلمى : طيب ع العموم انا كده اتطمنت عليك .....مع السلامه يا روحى
سالى : مع السلامه يا مزه
............
سيف : ايه يابت كنتى واقفه مع مين
سالى : وانت مالك ياض
سيف : هههههههههههههههه لمضه زى اخوك ... لا كنتى واقفه مع مين صحيح . ايه المزز دول يخربيت كده
سالى : ههههههههههههههه مزز ايه بس شوفتش انت البت اللى كنت واقفه معاها .. حته فراولايه اقسم بالله ههههههههههههه فين حمو
سيف : بيجيبلك ايس كريم ياختى
احمد : ها الفيلم خلص
سالى : ايوه ياعم فاتك انت الفيلم ده
احمد : معلش تتعوض . الافلام جايه كتير وموسم صيف بقي وهتبقى عسل .. يلا نروح ولا ايه الساعه داخله على 12
سالى : ماشى
احمد : جاى ولا قاعد ياض
سيف : لا قاعد شويه لسا
احمد : طيب انا هروح سالى وهنزل ع القهوه بتاعتنا شويه مع العيال زمانهم مستنيينى . ابقى تعالى
سيف : حاضر يا حبيبنا ...
احمد : يلا سلام
............
( شقة سلمى )
ابو سلمى : انتى لسا ماعرفتيش البت دى رسمت الرسمه دى امتى
ام سلمى : لا عيب انت عاوزها تاخد بالها اننا بنفتش ف حاجتها
ابو سلمى : انا مخى هيضرب
انا اللى شايف الواد وانا اللى متفق معاه وجايبه
وهى مشيت وسافرت قبل ما هو ييجى
تبقى عرفته منين
ام سلمى : ياراجل مش اوى كده . الصوره مش شبهه بنسبه كبيره
ابو سلمى : ههههههههههه انتى هتضحكى عليا ولا على نفسك . الرسمه تيبيكال .. ع العموم معاكى حق فعلا ممكن صدفه او حتى ممكن تكون شافته ف حته وقررت ترسمه زى منا شوفته كده ..... اسكتى بنتك جايه
...
سلمى : ايه ده سكتتو ليه لما انا دخلت . هههههههههههه كنتو بتتوددو ف ايه يا حلوين
ام سلمى : ولا بنتودد ولا حاجه يابنتى
سلمى : هههههه اه يبقى كنتو بتحبو ف بعض
ابو سلمى : عيب يابت اختشى
سلمى : ههههههههه بابتى اعترف كنتو بتقولوا ايه
ابو سلمى : كنا بنقول ان ربنا رزقنا بملكة جمال اسكندريه كلها وعاوزين نشوفها عروسه بقي
سلمى : ههههههههههه مستعجلين على ايه بس .لسا بدرى
ابو سلمى : كده كده مافيش جواز غير بعد الجامعه
سلمى : ايوه بقي . ده الكلام
ام سلمى : اتعشيتى ؟
سلمى : اه اتعشيت مع البنات بره
..................
( سلمى بتدخل اوضتها قبل ما تغير هدومها بتقعد على السرير وبتركن ضهرها على شباك السرير وبتبص للرسمه وبتكلم نفسها )
سلمى : ايه بقي ؟ انت حكايتك ايه ؟ انت مين ياعم ؟ مش عارفه كنت حاساك قريب منى النهارده .... انت عفريت ولا ايه بس ؟ النهارده شوفت عيون تشبه عيونك . عيون بنوته صغننه .. مش عارفه والله هتعمل فيا ايه ؟ ( بتسيب الرسمه جنبها على السرير وبتقوم تغير هدومها )
.................
( ع القهوه )
مصطفى : ايه خرجت البت اختك
احمد : اه ! شويه شاى يا كريم والنبى
كريم : عيونى
احمد : اه ياعم خرجتها ..
مصطفى : ربنا يكرمك يابنى . اخبار الشغل معاك ايه
احمد : اهى ماشيه ! عم طاهر بيحايلنى ههههههههههههههه بيشتغلنى عشان اكمل تعليم وادخل الجامعه
حسن : انت عيل بايخ يالا وقفلت منك والله على الحوار ده
احمد : ده قرار يا حسن ومش هرجع فيه .. والنهارده هحسمه مع امى عشان مش عاوز افضل متعلق ولا افضل معلقها
مصطفى : امك مش هترضي
احمد : هقنعها .. هقنعها عشان مش هينفع اشوفها بتمد ايديها اكتر للناس من كده
................
( بيت احمد )
احمد : سهرانين لسا
سالى : اه
ام احمد : ايه يا حبيبى مال عينك
احمد : مافيش حمرا شويه .. قومى يا سالى اعملى شاى على ما اكلم ماما ف حاجه
سالى : حاجة ايه
احمد : قومى يابت
سالى : هههههههههههههه
ام احمد : خير يا حبيبى
احمد : احححم ! أمه انتى عارفه ان مافيش باليد حيله دلوقتى
وعايشين دلوقتى على حس الكم جنيه اللى بجيبهم . لغاية ما ربنا يكرمنى واخلص تعليم واشوفلى سفريه هنا ولا هنا
ام احمد : ربنا يحلها من عنده يا صغيرى
احمد : طيب ربنا بعت الحل وقدامنا
ام احمد : حل ايه
احمد : احححم ! انا مش داخل الجامعه
كفايه لغاية كده علام .. هما يعنى اللى اتعلمو خدوا ايه ماهما قاعدين معانا ع القهاوى
دلوقتى اى مصاريف يحتاجها البيت والبنات هما أولى بيها
ام احمد : اممممممم ! وايه تانى ؟
احمد : ايه مش مقتنعه
ام احمد : تعالى يا حبيبى قرب
احمد : ايوه
ام احمد : بص !
انا مستعده ابيع نفسي لاخر عمرى عشان خاطرك انت واخواتك
ماعنديش اغلى ولا اجمل منكو ف حياتى
عشان كده انا هعتبر نفسي ماسمعتش منك الكلام اللى قولته ده
عشان لو قولته او فتحته تانى من بعيد او من قريب لانت ابنى ولا اعرفك
احمد : ايه يا حاجه الكلام الكبير ده
ام احمد : انت فاكرنى بهزر ؟ ورحمة ابوك ف قبره لو ما سمعت الكلام وشيلت الفكره المهببه دى من دماغك لنا متبريه منك
ولاااه
انت راجلنا وحبيبنا اه لكن هتفضل طول عمرك الصغير بتاعى ... والوحيده اللى تقدر تمشى كلامها عليك وتضربك بالجزمه ...
فاهم ولا مش فاهم ؟ انت كبرت ع الضرب والا كان زمانى رزعتك قلم دلوقتى
احمد : ههههههههههههههه ياستى اسمعى بس
ام احمد : انت عاوز تعلى عليا الضغط وتموتنى صح
احمد : ياباى . ايه الكلام ده . ما خلاص بقي
ام : طب خلاص اسكت ومش عاوزه كتر كلام ف الموضوع ده لاحسن انا حلفت برحمة ابوك
احمد : طيب
ام احمد : انا قايمه انام
احمد : تصبحى على خير يا حبيبتى
...............
( بالليل )
سالى : حمو ! انت نمت
احمد : لا .. مانمتيش ليه ؟
سالى : انت قولتلى البت اللى بتحلم بيها لون عيونها ايه
احمد : ايه اللى فكرك بيها دى دلوقتى
سالى : ههههههههههههههه شوفت حتة بت النهارده ف السيما . ايه ده ؟
احمد : ههههههههههههههه انتى كنتى رايحه تعاكسي البنات ولا ايه . نامى يا حلوه
سالى : هههههههههههههههههه تصبح على خير
...........
( بيت سلمى )
ام سلمى : ايه بالك مشغول بإيه ؟
ابو سلمى : اقعدى بس عاوزك
ام سلمى : خير يا حبيبى
ابو سلمى : قوليلى !
انتى كأم ! تقبلى تجوزى بنتك الوحيده لمين
ام سلمى : لراجل يحبها ويحتويها
ابو سلمى : برافو عليك . اول حاجه قولتيها ايه ؟ راجل
طيب لو اتقدم ل بنتك واحد زى الواد اللى شوفناه ده وزى حاتم ابن سليم . توافقى على مين
ام سلمى : انت بتقارن مين بمين . مانت بنفسك قولت مافيش مقارنه
عارف !
انا بحمد ربنا انك ماطلعتش من الطبقه الارستقراطيه اللى مش هاممهم غير شكلهم الاجتماعى او الفلوس وبس
وهمك الاول والاخير هو مصلحة بنتك وبيتك
ابو سلمى : ههههههههههه مانتى عارفه انا كنت ايه قبل ما اعمل الثروه دى كلها
كنت جرسون ف كافيه . وواحده واحده ربنا كرمنى وعملت كل ده
انا من الناس الغلابه وطالع منهم
اه عايش دلوقتى ف احلى مناطق ف مصر
بغير ل بنتى كل سنه عربيه
بتطلع كل كم شهر رحله لاوروبا وامريكا
المستوى الاجتماعى اللى احنا عايشين وسطيه دلوقتى ناس كبيره اوى وليا علاقات بالسلطه ونواحيها
ده حقها وحقك انكو تعيشو ف خيرى
لكن ف نفس الوقت مانسيتش اصلى ولا عمرى هنساه
عشان كده انا بدور لبنتى على واحد يكون عاوزها هى مش عاوز فلوسها ولا فلوس ابوها ....بفكر ف حاجه كده هعملها .. ولو نفعت يبقى ربنا بيحب سلمى بنتك وحابب ليها الخير كله
ام سلمى : حاجة ايه
ابو سلمى : بكره تعرفى
............
( شغل أحمد )
اميره ( صاحبة سلمى ) : صباح الخير يا حاج
طاهر : صباح الفل يا بنتى ... انتى بنت الدكتور محمود ؟
اميره : اه يا حاج . هو باعتلك الشيك ده
طاهر : وجايباه بنفسك ليه بس وتعبتى نفسك ههههههههههههههههههههه
اميره : هههههههههههههه لا انا كنت رايحه عند صاحبتى وهو قالى أعدى عليك اديلك الشيك ده
طاهر : ماشى يا حبيبتى متشكر . تشربي ايه بس
اميره : لا لا متشكره انا قولت اجيب لحضرتك الشيك ده بس
طاهر : لا والله لا يمكن انتى عاوزه محمود بيه ياكل وشنا ولا ايه ده ممكن يفضحنى ههههههههههههه ها سخن ولا بارد
اميره : خلاص اى حاجه خليها بارد
طاهر : بس كده ؟ عيونى ... يا عبد الله ... عبد الله .. يا عبببببببد الله
احمد ( بيتكلم من بعيد وهو بيشيل حديد وبينقله ) : عاوز ايه من عبد الله يا حاج طاهر . عبد الله بيجيب فطار للعمال
اميره : ( بتبصيله ونسيت نفسها )
طاهر : طب والنبى يابو حميد ابعتلنا حد يجيب حاجه ساقعه للانسه اميره بنت محمود بيه
احمد : عيونى يا حاج
طاهر : واخبار دكتور محمود ايه بقي يا بنتى
اميره : بتقول ايه يا حاج
..........................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020