رواية مهلكتي من جزء 1 : 18

الجزء الرابع (الحلقه التاسعه ) ( إن ماوريتك !) ❤ ❤

غير.مصرح.بنشر.القصة.الإ.معرفه.الكاتب.او.الناشر
................
ف الحلقه السابقه :_
لوكا : غريبه مع ان صحابك بيخرجوا يعنى انا مفكره انهم بيخرجوا معاك
احمد : انهى صحاب
لوكا : البنات ! اللى دايما بلاقيهم معاك
احمد : اه بيخرجوا مع بعض كل يوم
لوكا : احححم مش دايما بيكونوا خارجين مع بعض
احمد : ازاى
لوكا : يعنى مثلا انا اعرف سلمى وفريده واعرف ان سلمى بتخرج احيانا مع واحد صاحبنا هنا
احمد : ( بيبصلها وبيرفع حاجبه ) بتخرج معاه فين وامتى ؟؟
غير.مصرح.بنشر.القصة.الإ.معرفه.الكاتب.او.الناشر
..................(التاسعه ) ❤
لوكا : يعنى بيخرجوا يسهروا اخرهم من كم يوم . مع صاحبنا ده اللى اسمه وائل اكيد عارفه وكانت واقفه معاه النهارده
احمد : اهاااااااا بجد ؟
لوكا : اه
احمد : ( بيبص بعييييييييد على اخر نظره بالصدفه بيلاقى اللى اسمه وائل واقف وباصص عليهم من بعيد .... واحمد بيعمل انه مش واخد باله )
لوكا : هى بنوته حلوه الصراحه وروحها حلوه
احمد : اه فعلا ! ( بيوزن الامور ف دماغه ) قوليلى بقي انتى اسمك ايه ؟
لوكا : انا اسمى ماليكا وبيقولولى لوكا
احمد : طيب انا اقولك ايه طيب ؟
لوكا : ههههههههههههه ياكبير انت تقول اللى يعجبك
احمد : هههههههههههه ه هه ههههههههههههه مش للدرجادى . المهم يعنى فطرتى ولا لسا
لوكا : فطرت تخاطيف كده بس لو هتعزمنى اكل معاك هفطر تانى
احمد : ههههههههههه خلاص اشطا . ثوانى اطلبلك سندويتشين .. بطاطس ها ؟
لوكا : اللى تشوفه يا باشا
غير.مصرح.بنشر.القصة.الإ.معرفه.الكاتب.او.الناشر
.........
وائل : ايه ياض البت قعدت عماله تضحك مع الواد
سامح : هههههههههههههه انا خايف يكون هو اللى شقطها ..
وائل : مين ماليكا ؟ لا ياعم دى عمرها ماتقع الوقعه دى
سامح : هههههههههههههه طب اسكت والله تبقى امها دعيالها . طب ياريت تلضم معاه
وائل : عليا النعمه انا مامستريحلك انت وهى ياولاد الجزمه
غير.مصرح.بنشر.القصة.الإ.معرفه.الكاتب.او.الناشر
.................
احمد : فيه ايه بتبصيلى كده ليه ؟
لوكا : مش عارفه بس انت عكس كل حاجه سمعتها عنك
احمد : على حسب سمعتى من مين . لو سمعتى من حد بيحبنى هيقولك حاجات كتير عنى وعن بطولاتى وامجادى ههههههههههههههه لو سمعتى من حد بيكرهنى هيفطس فيا .. ها بقي سمعتى مين وقال ايه
لوكا : مش النظريه بس اللى كلمنى عنك كان تقريبا متضايق منك او حاجه بيقول انك مثلا واد تنك شايف نفسه طماع كل همه مصلحته .. لكن والله مافيش كده انت روحك حلوه ماشاء الله
احمد : بصي يا ماليكا . ماتحكميش على حد بالسمع ولا حتى بالنظر .. احكمي بالعشره وبالمواقف وماتظلميش حد معاك سواء مباشر او غير مباشر
لوكا : يعنى ايه غير مباشر
احمد : امممممم يعنى مثلا لو اضطريتى تحت اى ظرف من الظروف انك تكونى شريكه ف ظلم انسان بأى شكل . حتى لو مثلا قررتى انك تنقليله صورة غير واضحه او صوره مغلوطه او حتى كدبه .. وبالتالى عارفه ان الشخص ده اللى انتى بلغتيه الرساله دى ممكن ينضر او يضر نفسه .. صح ؟
لوكا : ( بتبص باستغراب ) صح
احمد : تمام ... وبعدين شعرك حلو اوى على فكره واستايلك كمان . وانا مبسوط بالكم دقيقه اللى قعدت معاكى فيهم دول بجد
لوكا : ( ساكته ) احممد !
احمد : نعم ؟
لوكا : لا مافيش .. المهم انا هستأذن بقي وياريت تقبلنى اكون صديقه ليك
احمد : انتى بقيتى صديقه خلاص
لوكا : اه ! ومتشكره كمان مره
احمد : على ايه ؟
لوكا : متشكره وخلاص . عن اذنك
احمد : اتفضلى
غير.مصرح.بنشر.القصة.الإ.معرفه.الكاتب.او.الناشر
...............
وائل : ايه يابنتى عملتى ايه ؟
لوكا : فين شنطتى ؟
سامح : مالك يا بنتى
لوكا : محدش له دعوه بيا لو سمحتو لاحسن ويمين الله اطربقها على نافوخكوا ......
نور : مالك يا لوكتى بس
لوكا : تعالى يا نور معايا مش قادره اسوق
نور : طيب عن اذنكوا
غير.مصرح.بنشر.القصة.الإ.معرفه.الكاتب.او.الناشر
.........
( وائل وسامح بيلفوا وشهم بيلاقوا احمد ف وشهم )
احمد : يا صباح الفل
سامح : اهلا يا ابو حميد اخبارك
احمد : ازيك يا موحا انت ... اهلا بيك يا وائل بيه
وائل : اهلا
احمد : مامعاكش ولاعه يا سامح ؟
سامح : معايا .. اتفضل
احمد : اوبس معلش نسيت انى مابشربش سجاير اصلا ...بس تشكر على كل حال . عن اذنكوا بقي
غير.مصرح.بنشر.القصة.الإ.معرفه.الكاتب.او.الناشر
....................
سامح : احيييييييييه دا الواد علم ع اللى خلفونا علامه بنت ستين كلب
وائل : وبعدين يعنى .. البت زفته دى باعتنا ليه ولا ايه
سامح : منا اتنيلت على عين امى وقولتلك مالكش دعوه بالواد ده .. مش هتسلك معاه ودلوقتى زمانه حطنى ف دماغه انا كمان .. بقولك ايه يا عم وائل انا ماليش مزاج اربي عداوه مع حد وخصوصا الواد ده انا ماشوفتش منه غير كله خير ... انا مروح ياعم
وائل : طب غور ف داهيه انا هتصرف
غير.مصرح.بنشر.القصة.الإ.معرفه.الكاتب.او.الناشر
..............
نور : اهدى بقي يابنتى فيه ايه ؟
لوكا : اول مره يجيلى احساس انى زباله اوى كده يااااااااه
نور : طب اهدى بس وبطلى عياط .. هو الواد ده قالك ايه
لوكا : ولا اى حاجه ... ولا نطق بكلمة واحده وحشه بالعكس ده عرانى قدام نفسي
نور : ازاى بس ؟
لوكا : مش المفروض انى كنت داخله اعرفه بطريقه غير مباشره ان الحيوان اللى اسمه وائل ده مظبط مع سلمى وبيخرج معاها وبيتقابلوا ومعرفش ايه
نور : اه
لوكا : انا بقي لقيته بيسمعنى باستهزاء كأنه بيقول لنفسه قبل ما يقولى انتى كدابه وعينه ماتكسرتش ولا اتوترت ... وقالى بطريقه غير مباشره انك ماينفعش تشتغلى لحساب حد ف أذيه حد تانى والا هتكونى قليله ف نظرك .. ساعتها حسيت انى ضغطى ارتفع مره واحده وحسيت ان وائل ده حيوان وعره رجاله ماينفعش اصلا اكون ف شلته ولا مصاحباه من اساسه .. ايه القرف ده ؟
نور : هههههههههههههه
لوكا : فيه ايه ؟ انتى بتتهببى بتضحكى على ايه انتى كمان
نور : مافيش .. بس شكلك عينك زاغت ع الواد
لوكا : ههههههههههههه صدقينى هو يجبرك فعلا انك تحبيه وتحترميه
عينه صافياااااااه جدا وهادى .. واحححم تقيل ف نفسه كده و
نور : وايه ؟ كملى كملى يا عنيا
لوكا : هههههههههههههه خلاص كده
نور : يابت كملى دنا ما صدقت اشوفك بتتكلمى عن حد كده
لوكا : بصى انا دايما كنت اشوفه ماشى رايح جاى قدامى مع الشله بتاعته او قاعد بيشرب او بيفطر ... كنت كل مره اعدى فيها من قدامهم هو الوحيد اللى كان يبصيلى بصه حلوه كده بكل احترام كأنى ست البنات
بجد كنت بحس انى ست البنات وقتها .. او كأنه بيقولى بعينه ايه الرقه دى او ايه الجمال ده ؟
مش عارفه . النهارده لما قعدت معاه واتكلمت لاول مره حسيت انه مستلقينى جدا او مستنينى انا اقوله اللى جايه اقولهوله .... كأنه عارف انا هقول ايه عشان كده ماتهزش ولا اتأثر ... وكلنا عارفين علاقته بسلمى عامله ازاى .. وسلمى خصوصا
نور : فعلا .... عارفه هند دلوقتى بقت م الشله بتاعتهم ... اقسم بالله بتقولى كلام عنه وعنهم يشيب تقولى يابنتى داحنا كنا مدفونين مع اللى اسمه وائل ده ..
لوكا : وائل ده ماشي بيبهر الناس بفلوسه .. بيزغلل عيونهم .. لكن انا . ماليكا هانم المصرى اكون ف شلة بنى ادم زي ده ليييييييه وماكونش ف شله واحد زي احمد لييييييه ؟ انا غلطت انى مخدتش رقم احمد اصلا ... بقولك ! انا من دلوقتى مع احمد وشلته ...
نور : وانا معاك
غير.مصرح.بنشر.القصة.الإ.معرفه.الكاتب.او.الناشر
..................
( بعد العصر ف شغل احمد )
الشيف محمد : حمد الله ع السلامه يا فنان اخيرا فكيت الجبس ... البس المريله انت ف الصاله النهارده
احمد : ايه يا شيفنا م الدار للنار ولا ايه . بوراحه علينا طيب هههههههههههههههههه
الشيف محمد : يالا ياض بسرعه ياض عندنا زحمه النهارده وفيه فوج جاي النهارده
احمد : هههههههههههههه هشرفكوا
الشيف محمد : ههههههههههههه المهم مالكش دعوه بالمزز
احمد : عنيا .. دخل عمرو عليهم وانا هتعامل مع الرجاله ههههههههههههههههههههه
الشيف محمد : ههههههههههههههههه يلا يالا امشى يالا
غير.مصرح.بنشر.القصة.الإ.معرفه.الكاتب.او.الناشر
...........................
( بعد نص ساعه )
(احمد بيدخل على اوردر بيلاقى سلمى ومنه قاعدين وعاوزين يراضوه )
احمد : اؤمرى يا فندم انتى وهى
منه : حمو ! بطل بواخه بقي انا اسفه
احمد : خير يا فندم . تطلبوا ايه
سلمى : انا عاوزه جمبرى
منه : وانا عاوزه حاجه على ذوقك
احمد : لو على ذوقى هجيبلك قراميط ياكش تفطسي وانتى بتاكليه واخلص منك
منه : هههههههههههههههههههههه ياخواتى .. المهم ماتزعلش منى والله انا من ساعتها عند سلمى ماروحتش ومتضايقه ومتعكننه اخر عكننه . حقك عليا بقي
احمد : طيب . تؤمرى بإيه ! واخلصى فيه زباين غيرك وفيه فوج مليان مزز جايين دلوقثى
سلمى : بتقول ايه يا روح امك ؟
احمد : أكل عيشى ومش عاوزها تِهب منك ف ام المطعم . اتلمى ابوس ايدك
سلمى : مزز ايه يا ابو مزز اللى جايالك النهارده .. طيب احنا كنا هنمشي اصلا بس عشان خاطر طولة لسانك دى انا قاعده ومرابطه هنا ومش ماشيه غير لما تخلص شغلك كله اصلا
احمد : انا بهزر اصلا .. فوج ايه ومزز ايه . يلا يلا قومى امشو يلا
سلمى : مش ماشيه . وحياة امك منا ماشيه وازعل بقي مايهمنيش
احمد : طب تطفحو ايه القعده هنا بطفح
سلمى : اى حاجه مش فارقه كده كده نفسي انسدت ومش هطفح
احمد : وانتى يابت تاكلى ايه
منه : اى حاجه بردو مش هنتزفت . احنا قاعدينلك ركز ف شغلك وبطل مرقعه
احمد : والله انا ما عارف عملت ايه ف دنيتى عشان ربنا يبلينى البلاوى دى كلها
سلمى : شوف شغلك شوف شغلك ياخويا
غير.مصرح.بنشر.القصة.الإ.معرفه.الكاتب.او.الناشر
...........
( احمد 2 قاعد مع عماد ف الشقه بتاعتهم )
عماد : مالك ياض مكتئب ليه
احمد 22 : مافيش ياعم بس حصلت حاجه النهارده كده وكنت عاوز اقول ل.....
عماد : حاجة ايه وتقول لمين
احمد 2 : لا ماتشغلش بالك مافيش حاجه
غير.مصرح.بنشر.القصة.الإ.معرفه.الكاتب.او.الناشر
......................
( بعد ربع ساعه )
احمد : اتفضلى انتى وهى طاجنين جمبرى اهو معمولين وصايه
سلمى : مش واكله
احمد : بلاش عبط وكلى . مافيش حد جاى انا كنت بغيظكو
سلمى : طب احلف
احمد : وال نبايىروةىتالتبالتبل مافيه حد جاي
سلمى : بتقول ايه انت بقولك احلف
احمد : انتى ماسمعتنيش ؟ بقولك وال نتنبيانتبوسيةبىي مافيه حد جاى
منه : هههههههههههههه يلا يا سلمى ناكل ونمشى
سلمى : مع انى مش مستريحالك بس ماشى . هناكل ونقوم نمشى عشان هنخرج كلنا النهارده
احمد : كلنا اللى هو مين
سلمى : احنا كده ومعانا ساره وفريده واميره
احمد : والشباب
سلمى : مره تانيه بقي
الشيف محمد : بقولك ايه يا ابو حميد بسرعه بقي عشان الفوج اللى عليه الكلام وصلوا خد معاك زياد
احمد : ربنا يكرمك يا شيف محمد حاضر
سلمى : ( بتتعدل وبتسيب المعلقه وبتقوم )
احمد : والنبى مانتى قايمه من مكانك اهدى وصلى ع النبى . امسكيها يا منه
منه : منه هتخلص عليك هى كمان
احمد : طيب نهدى بقي ثوانى وجاى
غير.مصرح.بنشر.القصة.الإ.معرفه.الكاتب.او.الناشر
............
( فوج سياحى من ايطاليا ومعاهم 3 بنات من مصر غير 2 مرشدين )
احمد : كومو ستاى ؟ بينا ؟
الطلاينه : بينا جراتسي
سمر : لو سمحت فيه اكل ايطالي هنا .. اسباجيتى والحركات بتاعتهم
احمد : فيه يا فندم كل حاجه ولو مافيش نجيبلهم
سمر : ههههه ميرسي لذوقك
احمد : بس انا عاوز نجيبلهم أسماك هما زمانهم زهقانين من الاكل الايطالي
سمر : اهم قدامك اهو اتعامل معاهم
غير.مصرح.بنشر.القصة.الإ.معرفه.الكاتب.او.الناشر
...........
( بيعدى من قدام سلمى بيلاقيها شايطه )
سلمى : اقوم اجيبلك رقمها ؟
احمد : بس بقي بس .. كملو اكلكو من سكات ههههههههههههههههههه ( بيسيبهم وبيدخل المطبخ يودى الاوردر للمطبخ )
غير.مصرح.بنشر.القصة.الإ.معرفه.الكاتب.او.الناشر
........
سلمى : انا ضغطى عمال يزيد يا منه وبعدين
منه : معاكى حق ده مقضيها مرقعه هنا ف المطعم ده من ورانا
سلمى : لا انا مش قادره لأ استنى ... انا بعرف اتكلم ايطالي ( بتقوم وبتروح للفوج الايطالي وبتقعد معاهم )
...........
احمد : ايه اومال سلمى راحت على فين
منه : هههههههههههههه عند الجماعه مش واخد بالك ولا ايه
احمد : واخد بالى من مين . جماعه ايه فين صحيح
منه : ههههههههههههه هناك اهى
احمد : احييييييه هى بتعمل ايه معاهم دى . ايه شغل الجنان ده اما اروح اشوف الحكايه
غير.مصرح.بنشر.القصة.الإ.معرفه.الكاتب.او.الناشر
.........
( احمد بيقرب منهم بيلاقي سلمى بتضحك مع البنات المصريه )
سمر : ايه يا عمنا الاكل تمام
احمد : ايه ؟
سمر : هههههههه بقولك كله تمام ولا ايه
احمد : اه ! هتاكلى هنا يا استاذه معاهم ولا ايه
سمر : هههههههههه اه هاتلها أكلها هنا معانا دى عزمتنا على جوله ف شركة باباها
سلمى : ( بتطلعله سانها ف الخباثه )
احمد : ( ف سره ) يابنت الجزمه )
( بنوته ايطاليه بتاخد بالها من سلمى واحمد واللى بينهم ) ايا أموووووووورى
احمد : نعم ؟ بتقولى ايه انتى كمان
سلمى : هههههههههههههههههههههههههههههههههه
سمر : بتقول "انه الحب " هههههههههههههههههههه بتتكلم عن مين دى
احمد : طب عن اذنكوا
غير.مصرح.بنشر.القصة.الإ.معرفه.الكاتب.او.الناشر
...................
( ف المطبخ قدام الشيفات اللى موجودين سلمى بتيجى ورا احمد وبتكلمه قدامهم )
سلمى : انت مش ناوى تتظبط ؟
احمد : نعم يا استاذه عاوزه ايه حضرتك ؟
سلمى : بلا حضرتى بلا بتاع . اتعدل واتظبط بدل ما اعدلك انا
الشيفات : ( ضحك من المنظر واستغراب )
احمد : طب اتفضلى حضرتك على ترابيزتك عيب كده بقي اللى بيحصل
سلمى : ادينى رايحه اما نشوف اخرتها ف اللى بيحصل
غير.مصرح.بنشر.القصة.الإ.معرفه.الكاتب.او.الناشر
..............
( بعد ربع ساعه احمد بينزل الاكل على ترابيه الطلاينه وبيح معاهم وسلمى عينيها عليه )
سمر : هههههههههههههههههه ( بصوت عالى ) انت عسل اوى
شهد : ههههههههههههههههههههه يخربيت كده انا هبدا احب اسكندريه بسببك
.............
سلمى لاااااه دول زودوها أوى انا قايمه اروح اطربقها فوق دماغه ودماغ اللى خلفوه
منه : يابت استنى . طب خدينى معاك
غير.مصرح.بنشر.القصة.الإ.معرفه.الكاتب.او.الناشر
......................
سلمى : ممكن افهم ايه اللى بيتم هنا عشان ده مكان أكل مش مكان مرقعه
احمد : ( بيبص ل سمر وشهد وبيضحك ) متأسف ! عن اذنكوا
غير.مصرح.بنشر.القصة.الإ.معرفه.الكاتب.او.الناشر
................
شهد : بسسسس لو سمحتى يا سلمى
سلمى : خير يا انسه شهد
شهد : معلش ثانيه واحده .. ازيك يا قمر ؟
منه : كويسه الحمد لله خير
شهد : لا خير مافيش حاجه بس كنا هنمشي بس وواحده معانا ف الفوج عاوزه تكلمك وتسلم عليك وتقولك حاجه
سلمى : طيب اتفضلى جايه معاك
غير.مصرح.بنشر.القصة.الإ.معرفه.الكاتب.او.الناشر
..........
سمر : اهى وصلت اهى يا جماعه
سلمى : فيه ايه انا مش فاهمه حاجه
شهد : هههههههههههههههه حبيبك فهمنا وفهمهم ان حبيبته قاعده ف المطعم وغيرانه وقالنا عاوزنا نطلع عينيها ونضايقها ههههههههههههههه وكل الضحك بتاع النهارده ده كنا متفقين عليه
سلمى : بتتكلمى جد ؟
سمر : ههههههههههههههههههههههههه اه والله لو بتتكلمى ايطالي كلميهم واساليهم حتى واحده منهم بتقول لايقين على بعض
سلمى : ( بتبتسم ) ماشى متشكره جدا واسفه لو كنت قليت ادبي شويه
سمر : هههههههه لا ده حقك .. بقولك ايه خلى بالك منه العين عليه
( احمد واقف بعيد وماسك بطنه م الضحك وبيبص لسلمى )
سلمى : ( بتشاورله بايديها ) إن ماوريتك !
غير.مصرح.بنشر.القصة.الإ.معرفه.الكاتب.او.الناشر
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020