رواية مهلكتي من جزء 1 : 18

(الحلقه السادسه ) ... ( كده كتير والله ) ❤

................
ف الحلقه السابقه :_
اميره : ( بتبصيله ونسيت نفسها )
طاهر : طب والنبى يابو حميد ابعتلنا حد يجيب حاجه ساقعه للانسه اميره بنت محمود بيه
احمد : عيونى يا حاج
طاهر : واخبار دكتور محمود ايه بقي يا بنتى
اميره : بتقول ايه يا حاج
............ ( السادسه ) ❤
طاهر : بقولك اخبار الدكتور محمود ايه
اميره : اها ! بخير الحمد لله
طاهر : يارب دايما . عن اذنك يا حبيبتى هرد ع التليفون بس
اميره : اه طبعا خد راحتك يا حاج .. ( بتبص على احمد بره وهو بيشتغل وبيتكلم مع عبد الله )
عبد الله : ايه يا حبيبنا هتيجى تفطر معانا جوه ؟
احمد : لا انا هخرج اشربلى كوبايه شاى ع القهوه اللى بره
عبد الله : هههههههههههه و حجر معسل مش كده
احمد : وطى صوتك يخربيتك هتفضحنا
عبد الله : هههه ايه ده انت خايف من مين
احمد : مش خايف بس الحاج هيسمع يا عم ومش عاوزه يعرف
عبد الله : هو انت بتخاف من الحاج
احمد : ههههههههه يا عبد الله مش موضوع خوف . بس ده كان صاحب ابويا وكان بيحبه وانا عارف . احترامه واجب . واللى كنت بعمله مع ابويا وخوفى عليه وعلى زعله لازم اعمله مع اللى من ريحته .... فهمتنى ؟
عبد الله . فاهمك يا مولانا ... طيب انا هدخل افطر العمال بقي \
احمد : ماشى وانا هدخل استاذن الحاج
..........
( احمد بيدخل المكتب لطاهر واميره )
احمد : صباح الخير يا استاذه العصير جه
اميره : هه !
طاهر : اه يا بو حميد ..
احمد : طيب يا حاج انا هسـتأذنك بس هشرب كوبايه شاى ع القهوه بره على ما العمال تفطر
طاهر : ماشى يا ابو حميد
اميره : طيب انا هستأذن بقا يا حاج . ومتشكره جدا على العصير
طاهر : ماتقوليش كده انتى وابوك على راسي من فوق .. طيب تحبى نوصلك مكان ولا حاجه
اميره : لا لا معايا عربيتى
طاهر : طيب ربنا يحرسك . معاها يا حمو والنبى وصلها لعربيتها عشان ماتتخبطش ف حاجه بس وهى خارجه
احمد : عيونى يا حاج ... هروح انا
طاهر : خلاص تمام . وصلها وروح
احمد : اتفضلى يا انسه
......
( اميره عاوزه تفتح كلام مع احمد بأى شكل ومش عارفه وعماله تكح )
احمد : ايه اجيبلك ميه ؟
اميره : ياريت ! مش عارفه فيه حاجه دخلت ف زورى
احمد : لا الف سلامه ... ثوانى اجيبلك ازازه ميه م البقاله دى
...
احمد : اتفضلى
اميره : متشكره جدا يا ......
احمد : ايه بقيتى احسن ؟
اميره : اه الحمد لله يا .....
احمد : ( بيرفع حاجبه ) هو فيه ايه ؟ ما الحاج جوه عمال يقول يا احمد ويا حمو ويا ابو حميد بقاله ساعه وربع
اميره : هههههههههههههههه هههههههههههههه ( ضحكه عاليه )
احمد : صباح الفل ...عن اذنك بقي
.............
( اخر النهار )
( فريده بتتصل على اميره تقولها انهم خارجين )
فريده : انتى يا اترانه انتى ...
اميره : كنت نايمه ! عاوزه ايه
فريده : خارجين النهارده جايه معانا ولا زي اليومين اللى فاتو عندك مشاوير
اميره : لا خارجه معاكو . هتروحو فين النهارده
فريده : هنروح نتعشي ف مطعم حلو ع البحر سلمى ومنه عارفينه ونتمشى شويه ع الكورنيش ونيجى
اميره : خلاص اشطا .. على امتى بقي
فريده : كمان ساعه كده ولا حاجه
اميره : اجيلكو بعربيتى ؟
فريده : لا مش عاوزين خيله . احنا هنعدى عليك
اميره : اشطا
.......
( ف المطعم بالليل )
اميره : بنات انا عاوزه اسألكو سؤال كده صغنن بس وحياة صحوبيتنا المتشرده دى تجاوبونى بصراحه
سلمى : ما تخلصى يا نيله انتى ايه الدخله الطويله دى
اميره : وانتى رأيك بالخصوص هيريحنى يا سوسو
سلمى : طب ها عاوزه تاخدى رأينا ف ايه ؟
اميره : هو انا حلوه ؟
سلمى : هههههههه مزه طبعا وبياض ايه وجسم ايه . اساسا اساسا احنا شلتنا دى مابنصاحبش غير المزز . يابنتى احنا شله معروفه ف اسكندريه وحياتك ولسا لما ندخل الجامعه داحنا هنخربوها هههههههههه
اميره : اومال هو ماكنش شايف الكلام ده ليه ؟
سلمى : هو مين ؟
منه : هو مين يابت ؟
ساره ومروه وفريده : مين ؟
اميره : حتة واد شوفته النهارده عضلات ايه وعيون ايه وشخصيه ايه هههههههههههه وخفة دم ايه
منه : حيلك حيلك يامه انتى بتتكلمى عن مين
اميره : هههههههههههه النهارده كنت رايحه اوصل شيك لمقاول حديد كان عامل شغل للمستشفى بتاعة بابا
منه : حلو ! وبعدين ؟
اميره : دخلت وقعدت واديتله الشيك والراجل اصر الصراحه انى لازم اشرب حاجه
منه : وبعدين
اميره : نده على حد يجيبلى عصير او حاجه ... كان فيه واد شغال بيشيل حديد وبيرفع وبيشيل وبيحط وكان لابس بادى كات دراعاته كلها باينه
هو اللى طلبلى العصير
منه : شيال ؟
فريده : استنى بس يا منه خليها تكمل
اميره : مش شيال هو بيشتغل عنده ... وانا ماشيه كان هو ماشى رايح يقعد ع القهوه اللى قصاد شغله وصاحب الشغل قاله وصلها لعربيتها
4 دقايق ماشيه جنبه انا اللى بحاول افتح معاه كلام ومش عارفه هههههههههههههه
عماله اتلهوج واخد نفسي واكح عشان يكلمنى لغاية ما قالى اجيبلك ميه ولا ايه
بس الغريبه يعنى انه ماحاولش يبصلى ولا يكلمنى ولا يبدى اعجابه الشديد بيا ولا بعربيتى ولا ولا ولا باللى بنشوفه
منه : هههههههههه ممكن تكون نمره عاملها عشان يوقعك
اميره : ياريت ! بس ربنا يحميه . انا احتمال اروح هناك تانى هههههههههههه
منه : هههههههههه مش بتقولى كانت اخر دفعه من الفلوس . هتروحى بحجة ايه بقي
اميره : مش عارفه . بس اكيد لازم اروح انشالله اروح اسلم ع الحاج صاحب الشغل
سلمى : هههههههههههههه عيال خفيفه اقسم بالله . دنا كنت لسا بقول مزز البلد وشلتنا ومعرفش ايه . تفضحونا كده
منه : اسكتى انتى والنبى يا ابله سلمى لما نشوفك هتعملى ايه لما تحبي وتقعى على بوزك
سلمى : لو نفس اللى رسمته يبقى احب اقولكو انى هبقى انيل منكو ع الاخر هههههههههههه
اميره : طب ما ترسمي اللى بقولك عليه ده والنبى يا سوسو بما انك رسامه كده ههههههههههههههه
سلمى : طب ما تصوريه اسهل من غير ما ياخد باله ...
اميره : اصوره ازاى . ثم ان التليفونات يدوب تصور نفسها بالعافيه ... احنا لسا ف زمن النوكيا يا ماما .. هههههههههه لما ربنا يأذن بقي ويعملولنا تليفونات فيها كاميرات حلوه . لكن دلوقتى عاوزاكى ترسميه
سلمى : انشالله .. اوصفيه طيب
اميره : بصى يا ستى
عيونه عسليه ...لما كان واقف ف الشمس كانت مدهبه وخفيفه
لما مشينا وروحنا للضل كانت عسلي .. ولا كأنك بتبصى لبطاطا معسله من جوه هههههههههههههه
منه : ههههههههههه احم احم . ايه حكاية العيون العسليه دى . كملى كملى
اميره : ماشاء الله طويل اوى . مفتول العضلات كده
مسمسم سمسمة تهلك قلبك
دمه خفيف بقي بمراحل
سلمى : ههههههههه سبحان الله ...
منه : هههههههههههه ولا حول ولا قوة الا بالله
ساره : وحسبى الله هههههههههههههه عقدتو امى .. انا هاجى معاكى بكره يابت اشوف توم كروز بتاعك ده والله شكله هيبقى شبه عمك يا بوز الاخص انتى
اميره : ههههههههههه بعينك . محدش فيكو هيشوفه
سلمى : طب يلا عاوزه اتمشي ع الكورنيش شويه اشم شوية هوا
...............
( ع القهوه )
احمد : ما تيجو يا عيال نلعب كوره ع البحر شويه
مصطفى : يلا ياعم انا صدرى كركب اصلا .
على : خلاص هرن ع الواد سماره يجبب الفرقه بتاعته ويقابلونا هناك
احمد : بس وحياة امك خليه يجيب فرقه زى الناس بدل الهطل اللى بيجيبهم على طول عاوزين نجرى شويه ..
مصطفى : ههههههههههه طب والله انا بروح العب عشان اضحك شويه مش عشان اجرى
احمد : بس يالا اقعد ساكت ...... فيه حتة ينفع نلعب فيها النهارده مكانها حلو وهادى .. كانت جنب الشغلانه اللى اشتغلتها من فتره ... تعالو
................
( البنات ع الكورنيش )
منه : الجو النهارده حلو
سلمى : اه
ساره : تاكلوا غزل بنات
سلمى : الله ! بموووت فيه . هاتيلنا هاتيلنا
فريده : سوسو ! ماتجيبى عربيتك نوقفها عند بيتكو ونتمشى ع الكورنيش عندك فيو تحفه ومش زحمه كده
سلمى : تمام . يلا
..........
( الشباب وهما بيلعبو جنب الملعب اللى جنب بيت سلمى )
احمد : وحياة امك يا مصطفى لو ما عدلت رجل امك دى ولعبت زى الناس لنا راميك ف البحر ده . ابو شكلك دى رابع جون تضيعه يابن الهبله
مصطفى : عليا النعمه هتلاقى فلافيو قدامك دلوقتى
احمد : ياعم اجرى
سماره : ايه يا مولانا ... فريقك مخسع النهارده هتتغلب ولا ايه
احمد : وانا من امتى اتغلبت منك يا سمسم .. بس انا بلعب ف فريق مكسحين
سماره : ههههههههه اجيبلك حد من عندى يساعدك طيب . هتشيل الليله النهارده شكلك
احمد : يا عمى منا ياما شيلتك ... بس قابل وقعد معازيمك بقي يا عم الحاج .. الماتش كام كام
سماره : تلاته واحد . وقدامك لسا 10 دقايق
احمد : طب ورينى اللى عندك ..... عليا النعمه يابن الكلب انت وهو لو ما لعبتو زى الناس لنا مطلع ميتينكو كلكو ...
على : ماتقلقش ... انا وحسن ورا .. وخليك انت ف النص وارمى الكلب ده قدام خليه لوحده
احمد : سامع يا كلب ؟
مصطفى : سامع ياعم سامع . ناولنى انت بس وعٍد الاجوان
.............
( البنات قدام عمارة سلمى )
فريده : الساعه كام ف ايدك يا مروه
مروه : 10 ونص
منه : لسا بدرى .. انتو عارفين نفسي ف ايه
سلمى : تعالو نتمشى بس وقولى نفسك ف ايه واحنا ماشيين
منه : نفسي اشيش ههههههههههههههه
اميره : ههههههههههههه دماغك مفوته طول عمرك يا منون
منه : وماتفوتش ليه ده احلى حاجه فيها انها مفوته
سلمى : اه مانتى جارانى معاكى للفوتان ده ومش عارفه هتودينى على فين
منه : يابت انتى حبيبتى يا نفوت سوا يا نتوب سوا هههههههههههههههه
ساره : من امتى العيال بتيجى تلعب كوره قدامكو كده يا سلمى ههههههههههه
سلمى : مش عارفه بس ساعات بييجو يلعبوا كده كل كم يوم شويه وهيمشو
ساره : ما تيجو نتفرج
سلمى : ههههههههههه يابت هيعاكسونا واحتمال يتحرشو انتى مش شايفه اللى احنا عاملينه ف نفسنا
منه : هههههههههههههه طب والله لا تيجى . تعالو تعالو
....................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020