رواية مهلكتي من جزء 1 : 18

الجزء_التانى (الحلقه الحاديه عشر ) ( هتعملى فيا ايييييه ) ❤ ❤

................
ف الحلقه السابقه :_
سلمى : احححم لا حضرتك انا الممرضه بس كنت برتب الاوضه هو ف الحمام وطلب منى ارد .. اقوله مين لما يرجع
احمد : ( بيبلع ريقه )
لمياء : طيب متشكره جدا يا ...
سلمى : منى .. اسمى منى
لمياء : ماشى يا منى قوليله لمياء بنت دكتور سعد اللى كانت عندك من شويه .. بتطمن بس خليه يكلمنى اول ما يرجع اتطمن عليه
................. ( الحاديه عشر ) ❤
سلمى : وقف العربيه وإركن
احمد : ليه طيب
سلمى : بقولك وقف
احمد : اااااااه يا دراعى مش قادر يا سوسو
سلمى : دلوقتى بقيت سوسو !
احمد : طول عمرك سوسو
سلمى : طب وقف
احمد : استنى بس احنا قربنا نوصل
سلمى : بقولك وقف . عاوزه اشم هوا ع البحر شويه
احمد : طيب ماشى اهو
......
( سلمى بتنزل م العربيه وبتروح توقف قصاد البحر وبتعيط )
احمد : ( بينزل وبيروحلها ) سلمى !
سلمى : ( مابتردش عليه وبتعيط )
احمد : احيييييييه انتى بتعيطى ؟ طب اسكتى بقي ( بيمسك دراعها وبيقربها منه )
ماتعيطيش يا سلمى قولتلك
يابت قولتلك انى ماليش نقط ضعف ف الكون ده كله غير دموعك دى والله
سلمى : احمد !
احمد : يا عيونه
سلمى : البت دى كانت عاوزه منك ايه وعرفت رقمك ازاى
احمد : طب تعالى اقعدى هحكيلك
سلمى : قول يا احمد
احمد : هههههههههه ( بيمسح دموعها بايده )
والله العظيم اول مره اشوفها النهارده
لقيتها جايه بتقولى حمد الله ع السلامه وزعلت لما عرفت والكلام ده
انا اساسا ماكنتش عارف هى مين ولا عرفت توصللى ازاى
لقيتها بتشرحلى وبتقولى انها اللى كانت هتخبط مالك
سلمى : وبيعمل ايه الاسكارف بتاعها عندك
احمد : معرفش .. صدقينى معرفش ممكن تكون هى اللى شالته وحطيته ونسيته
سلمى : لا دا ماتنساش .. ده اتحط بالايد مكانه عشان انا اشوفه واتفرس واتغاظ
احمد : طيب طالما انتى عارفه كده . هتديلها الفرصه دى ؟ كبرى مخك كده وسيبك من لعب العيال ده
سلمى : انت شايف ان ده لعب عيال ؟
احمد : طبعا !
سلمى : اومال خبيت عليا ليه
احمد : عشان عارفك مجنونه وكان ممكن تكسريلى دراعى التانى
سلمى : ( بتبتسم )
احمد : ايوه يا شيخه بقي اضحكى ...
يا شيخه ملعون ابو اللى يزعلك ولا يحرمنى من الضحكه دى
سلمى : ايوه ثبتنى ثبتنى
احمد : ههههههههههههه يا خواتى ..ايه يا جماعه ده . ايه البت حبيبتى دى
سلمى : قولت ايه ؟ ح ايه ..؟ قولها تانى
احمد : ايه ده مش انتى اختى ؟ يعنى حبيبتى
سلمى : تصدق وتؤمن بالله .... انا شكلى هكسرلك دراعك التانى
احمد : ههههههههههههههه ( بيمسك ايديها بايده السليمه )
اعتبرى انى مسكت ايدك التانيه بايدى المكسوره عشان عاوز اقولك كلمتين
سلمى : هههههههههههههه يخربيتك ... يخربيت كيانى اللى متزلزل معاك يابن الناس
احمد : اقعدى طيب
سلمى : اهو ! عاوز تقول ايه بقي .. انطق .. انطق والنبى
احمد : بصى يا مُهلكة قلبى
انا حياتى واضحه وكتاب مفتوح للكل
يمكن اكون اجتماعى وبنزل وسط الناس كتير
ف ده لانى اتحرمت من أمانى ف الدنيا دى كلها وهو ابويا
ف باخد من الناس عزوه
حياتى عباره عن أهلى امى اخواتى
اصحابي جيرانى
وقبل كل دول المُهلكه بتاعتى اللى هلكتنى وجابت قلبى الارض
واستحاله كنت ف يوم من الايام هقع على بوزى الوقعه المنيله اللى انا فيها دى
سلمى : هههههههههههه طيب
احمد : ياخواتى يامه . مش بقولك مُهلكتى
سلمى : الله ! هو انا جيت جنبك ياعم
احمد : يابنتى انتى ام الرقه دى جايباها منين .. شكلك دلوقتى وانتى شفايفك مضمومين على بعض مكسوفه من الكلام ده وبتقولى طيب يفطس م الضحك
زى ماهو جايب قلبى الارض معاك يا سلمى
سلمى : بجد يا حمو ؟ يعنى مافيش حاجه بينك وبين البت دى
احمد : هههههههههههههههه ياساتر يارب . هو احنا كنا بنقول ايه دلوقتى
سلمى : خلاص سيبهالى بقي
احمد : ناويه على ايه دى بنت دكتور ف الجامعه معانا
سلمى : ههههههههههههههههه يا حبيبى احنا نشترى الجامعه دى باللى فيها
انت ناسي بابي يبقى مين ولا ايه
احمد : طيب يلا قومى
سلمى : ماتيجى ندخل سينما النهارده . عشان خاطرى والنبى والنبى .. مش عاوزه اليوم يخلص على كده ... انا اول مره اقضى معاك يوم من أوله كده
احمد : حاضر مقدرش ارفضلك طلب بس هروح بس اطمن امى شويه واقعد معاهم ونبقى نتقابل تانى . اشطات ؟
سلمى : اشطات طبعا .. هبقى ارن عليك كمان ساعتين كده على بعد العشا
احمد : تمام ! حلو أوى
سلمى : طيب يلا عشان أوصلك
احمد : يلا ... ايه ده ؟
سلمى : ههههههههههههههههههههههه اعوذ بالله عليهم عيال شوف بيبصولنا ازاى
مالك : الله يسهلوووو يا عم النااااااااظر مانتو واقفين شويه كمان
احمد : اتنيل يا بغل ... اسبقونا ع القهوه بقي هوصل وجاي
مالك : ماشى يا هندسه
مصطفى : هههههههههههههههههههه ماتتأخرش ها
سلمى : سيبو الواد يستريح شويه ياض انت وهو ياض
مالك : ياعم ماتحوش البت دى عننا ياعم . ايه الافترا اللى هى فيه ده
احمد : اسمها سلمى هانم يا كلب .. وبعدين تقول اللى هى عاوزاه
مالك : لا بقولك ايه دراعك مكسور دلوقتى يعنى سيبك من شويه العضلات اللى كانو عندك . خلاص راح زمانهم دلوقتى يابا
احمد : طب ماتنزل م العربيه وتورينى
مالك : بلاش ! عشان معلمش عليك بس قدام سلمى وهيبقى شكلك وحش
احمد : لا وحياة امك لانت نازل تعلم عليا .. دى اساسا سلمى هتموت وحد يعلم عليا .. صح يا سوسو
سلمى : اه طبعا . انزل يا مالك انزل ورينى
مالك : لا بلاش بقي
مصطفى : انت مش عامل فيها دكر . ماتنزل تعلم عليه يا حيلتها
احمد : ايوه وانت كمان يا مصطفى يلا معاه
مصطفى : هههههههههههههههههه اوبا دانت شكلك عاوز تصفى حسابات يا معلم
احمد : وعلى وحسن ومجدى بردو
على : يلا ياشباب نمشى يا شباب الواد ده مش حلو وقلبه اسود ههههههههههههه
ربنا معاك يا حموووووووو
سلمى : هههههههههههههه
........
( ف العربيه )
سلمى : حمو !
احمد : عيونه
سلمى : ( بتمسك ايده ) شكرا
احمد : على ايه ؟
سلمى : شكرا وخلاص . على حاجه ف دماغى كده
احمد : ايه التنقيط ده منا لازم اعرف يإما ماكنتيش تفتحى بؤك من الاول
سلمى : ههههههههههههههههه بعينك .. مش وقتها .. لما ييجى وقته هقولك انا قولتلك شكرا ليه
احمد : يابت انتى اقسم بالله هديك بوسه ف شفايف أمك دى اللى عاوزه تتاكل اصلا
سلمى : ههههههههههههههههه يا خرااااااابي .. انا مش عارفه انا لو ماكنتش قابلتك كان ممكن يحصللى ايه
احمد : تحبى تتفرجى على فيلم ايه النهارده
سلمى : مش عارفه .. هنبقى نروح ونشوف بقي
احمد : ماشى ياعم ... انا وصلت .. العماره دى بتاعتنا
سلمى : ماشى .. ماتوقفش هنا بقي وقف عند محل الموبايلات اللى تحت بلكونتك بالظبط عشان اعرف اطلع بالعربيه
احمد : يعنى ايه ؟ هو انتى جيتى هنا
سلمى : ايه ؟ اجى هنا ازاى
احمد : اومال ايش اعرفك ان محل الموبايلات تحت البكونه بتاعتى وثم اساسا ايش اعرفك ان فيه محل موبايلات من اصله
سلمى : ياعم ايه ياعم انا شوفت اليافطه منوره هناك
احمد : ياسلام !
سلمى : اه ياخويا
احمد : مش عارف ليه مش مستريحلك يا انسه
سلمى : هههههههههههههههههههه لا اتطمن يا روح الانسه
احمد : طيب يلا . اطلعى بقي من هنا يمين ف يمين تانى
سلمى : ايوه من عند القهوه اللى ورا هنا
احمد : يا مثبت العقل والدين يارب ... انتى ايش اعرفك ان فيه قهوه يابنتى ....
سلمى : هههههههههههههههههه شميت ريحة الشيشه
احمد : هههههههههههههههههههههههههههههههه يابنت المجانين ...
سلمى : اه صح قبل ما امشى نسيت اقولك
احمد : ايه
سلمى : انت مسمينى ايه على تليفونك ؟
احمد : انتى مالك انتى .. ما مسمى اللى مسميه ايه اللى مزعلك
سلمى : على فكره انا مسميه نفس الاسم بس بصيغه الذكر طبعا هههههههههههههههههه باي باي يا مُهلكى
احمد : هههههههههههههههههههههههه خلى بالك من نفسك . وطمنينى لما توصلى
سلمى : حاضر ... ساعتين كده وهرن عليك عشان اشوفك اشطا
احمد : اشطا .. بقولك ماتطلعى تتغدى معايا انا واخواتى وامى فوق وبالمره تتطمنيهم عليا لاحسن مش هخلص
سلمى : هههههههههههههههههههههه هاجى والله بس المره الجايه .. سلملى على مامتك وقولها سلمى بتسلم عليكى
احمد : على اساس انها تعرفك يعنى
سلمى : هو انت مش كنت قايلى انك بتحكيلها عنى ؟
احمد : اهاااا لو من ناحيه انى بحكيلها ماشى .. خضتينى افتكرتها عارفاك وشافتك
سلمى : ههههههههههههههههباي باي يا حمووو
احمد : باي يا لووم
.........................
سلمى : الو ! سرسور انتى فين ؟
ساره : ايه يا روحى هتروحى لاحمد ولا ايه
سلمى : ههههههههههه انا روحت لاحمد واتغديت انا وهو وخدته ووصلته البيت . انا مبسوطه اوى يا ساره . النهارده احمد قالى كلام كتير
ساره : اه يا ندله يا واطيه كده تروحى من غيرى
سلمى : هههههههههههههههههه دى فرصه كنت عاوزه استفرد بالواد بعيد عنكو شويه بلا لزقه بقي ههههههههههههههههههههههههههه
ساره : طب ايه الدنيا
سلمى : هو الحمد لله كويس زمانه ف البيت دلوقتى بس عاوزاكى ف حاجه تانيه
ساره : خير يا حبي
سلمى : البت الواطيه اللى جات سالت علي احمد الصبح واحنا وزعناها تخيلى انها راحت لاحمد النهارده المستشفى قبل منا اروحله
ساره : بتتكلمى جد ؟
سلمى : اه والله
ساره : طب واحمد قالك ايه
سلمى : ههههههههههههههههههههههههههه لا احمد ده حكايته حكايه هبقى احكيلك عمل ايه هو واصحابه بس لما اشوفك ....
المهم دلوقتى الواطيه دى خدت رقم احمد بالغصب وبترن عليه وبتكلمه
انا عاوزاكى ف مصلحه
ساره : اؤمرى يا كبيره وانا معاك
سلمى : انتى فاضيه دلوقتى .. انا ف العربيه مروحه اهو . أعدى عليك اخدك ونروح سوا ؟
ساره : اشطا ياريت عشان قاعده زهقانه مابعملش حاجه
سلمى : طيب انا ربع ساعه بالظبط هكون تحت البيت عندك . اجهزى بقي
................
( ع القهوه بعد المغرب )
مصطفى : ايه يا فنان ام احمد اتطمنت ؟
احمد : اتطمنت ايه بس دنا سمعت كلام ف جنابى قد كده ههههههههههههههههههههههههههه ربنا يرحم قلوب امهاتنا يا أخى ويكفيهم شر الصدمه والوجع
مصطفى : أمين يارب ...
احمد : فين العيال
مصطفى : الواد مالك هو ومجدى راحو الشقه بتاعتهم .. وعلى راح مع حسن مشوار تبع ليلى اخته .. وانا اهو زهقت كنت همشى بس لما اتصلت عليا قولتلى انك نازل استنيت
احمد : اه انا خارج مع سلمى دلوقتى .
مصطفى : هههههههههههههههههههههه ربنا يجمعك بيها على خير ... البت دى هيمانه يا احمد .. هيمانه بيك بشكل غبى .. اقسم بالله ما شوفت كده ف حياتى كلها
زى منا بردو ماشوفتش حد يحب واحده زى ماشوفتك بتحبها كده . ايه يا أخى الجبروت ده
احمد : انا ما صدقت لقيتها يا درش ..... كرمله شوية شاى بالقرنفل وحجر معسل يا كريم
كريم : عيونى يا هندسه
مصطفى : طب ايه . موضوع البت بنت الدكتور دى عدا على خير ولا ايه
احمد : ( بيشرب ميه وشرق من كتر الضحك ) هو مين ده اللى عدا
مصطفى : موضوع البت دى مع سلمى
احمد : ههههههههههههههههههههههههههههه دى سلمى هتربيلها الخفيف .. داحب اقولك ان سلمى مش هتسكت وهتطربقها فوق دماغ اللى خلفوها وخلفونى انا كمان معاها ههههههههههههههههههههههههه وخلفوكو كمان
يابنى سلمى ف الحب تكون او لا تكون
يعنى طالما هى اتكتبت على اسمى وانا اتكتبت على اسمها ف هى هتدافع عن حبها ده بغشوميه
واللى انا عرفته من سلمى انها هتعمل اى حاجه وكل حاجه
انت عارف انا مسمى سلمى ايه على تليفونى
مصطفى : اااه مانت قولتلى . مُهلكتى باين ؟
احمد : لقيتها هى كمان مسميانى مُهلكى
مصطفى : ياعم عقدتو ميتين اللى خلفوا خلفونا يا اخى والله
احمد : ههههههههههههههههههههههههه بكره تحب وتتحب يا درش ... وماتستعجلش الحب يا صاحبي .. هييجى لوحده ومن غير ترتيب ولا جرى
لا ! دانت هتقابله وتملى عينك من عينه من غير حول لك ولا قوه
وماترهقش نفسك بالتفكير انى بحب دى ولا بحب دى .. ولا بحب مين
اللى هتحبها هتلاقى نفسك بتفكر فيها ليل نهار . شاغله تفكيرك وهتفضل تدور عليها
لغاية ماهى اللى هتلاقيك
وهتلاقيها ساكنه قصادك وقصاد قلبك
زى ما سلمى لقتنى كده ولطفت بحالى
مصطفى : قول يا مولانا قول
احمد : ههههههههههههههههههههههه يا درش اعمل من قصة حبك روايه
حب وعًلم الناس تحب ازاى
ماتخليكش زيهم روتينى ممل . عيش انت وافرح انت وسيبلهم النكد والعكننه
اوعاك تطفيها وهى معاك سواء بشعور ولا بكلمه ولا بنظره
عارف !
انا مدى لسلمى مساحه كبيره اوى انها تتصرف وتهددنى وتدافع عنى ههههههههههههههههههههههه مع انى بنظره واحده مممكن اخليها ماتفتحش بؤها خالص ولا تشغل بالها بمين كلمنى ومين مكلمنيش
لكن لا .. ده ابسط حقوقها انها تدافع عنك
تدافع عن حلمها وعن حبها
اوعى تبخسها حق من اى حق اصيل ليها
رجولتك ماتمارسهاش عليها بعنفوان وبجاحه
خليك حلييييييييم .. حليييييييم أوى معاها
يابنى تفكيرهم غير تفكيرنا
قلبهم ومشاعرهم غيرنا خالص
انت بالنسبالها الكون كله
فاهمنى يعنى ايه ؟ يعنى هى حياتها كلها بتبقى متمركزه عليك
هياكل ايه هينام امتى هيخرج ايه هيشرب ايه ....
انما انت فله . ولا بتفكر اصلا فيها غير لما هى تكلمك ههههههههههههههههههههههه عليا النعمه انتو شويه عيال مهزأين
نصيحه من أخوك يا درش
لما تحب .. زى ما هتاخد خيرها اديها خيرك ..
مصطفى : عليا النعمه حبيبى وابن حبيبى هههههههههههههههههههههههههه
احمد : سلمى بترن ! انا قايم اشوفها بقي
مصطفى : ماشى ياعم سلملى عليها
احمد : دى ماتعرفكش اساسا غور يالا
..............
( ف عربية سلمى ع البحر قصاد كورنيش سيدى بشر )
احمد : اهلا وسهلا . ايه اللى جابك معانا يابت انتى
ساره : هههههههههههههههه رجلي على رجليكو
سلمى : ههههههه اركب يالا
احمد : طب نطى يلا ع الكرسي التانى . هسوق انا
سلمى : اه معلش نسيت هههههههههههههههه تعالى
...
احمد : بس انا مش مستريح للمه دى يا ساره على فكره
ساره : ههههههههههههه ليه ها ؟ عملت انت حاجه غلط مثلا
احمد : اهو كلامك ده اللى أكدلى انى مش لازم استريح هههههههههههههه ياترى اتفقتوا على ايه
سلمى : كل خير يا حمو كل خير ههههههههههههههههههههههه ركز انت بس ف الطريق بدراعك المكسور ده.
احمد : هتعملى فيا ايييه هتعملى فيا اييييييه ؟
................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020