رواية مهلكتي من جزء 1 : 18

الجزء_التالت (الحلقه الثانيه عشر) ( يا وقعه مربربه ) ❤ ❤

................
ف الحلقه السابقه :_
احمد : هههههههههههههههههههه مانت اللى بتقول كلام يخرج الواحد عن ادبه والله يا مالك ههههههههه
احمد 2 : هههههههههههههههههههههههههه
على : هههههههههههههههههههههههه مسخره عليا النعمه .. لا صحيح هتلعب مع مين
احمد : هنروح احنا كده بس . احنا كفايه مش عاوزين حد تانى
مالك : ناوى على ايه
احمد : هعلمك ازاى تصالح حد بتحبه بطريقه تخليه هو ييجى يصالحك هههههههههههههههههههههههههه
................. ( الثانيه عشر ( قبل الأخيره ) ) ❤
( بيت سلمى )
ساره : اهلا ازيك يا طنط . سلمى وصلت ؟
ام سلمى : اه وصلت انا مش عارفه جامعة ايه دى اللى انتو بترجعوا منها كل يوم متنكدين كده ليه يابنتى
ساره : هههههههههههههه والله مافيه حاجه يا حبيبتى دا شوية امور دلع بنات كده
ام سلمى : طيب اتغديتى
ساره : لا انا هشوف سلمى بس وربع ساعه وهروح انا
ام سلمى : ماتستنى تتغدى معانا
ساره : مش هينفع والله بابا وماما مأكدين عليا اجى بدرى عشان فيه ضيوف جايلنا
ام سلمى : ماشى يا سوسو على راحتك . ادخلى شوفى صاحبتك
..............
سلمى : انتى ايه اللى جابك . ( بترميها بالمخده )
ساره : هههههههههههههههههه لزقه انا صح اقعدى بقي على جنب بقي ابو شكلك
سلمى : عاوزه ايه مش عاوزه اشوف حد انا بيفكرنى بيه
ساره : على اساس انى لو مشيت هترتاحى يعنى وهتعرفى تنامى
سلمى : اه هنام عادى جدا
ساره : هههههههه كان زمانك غيرتى هدومك بدل مانتى واقفه قدام البلكونه كده بتبصى ع البحر وجمال البحر مش كده . ريحى نفسك مش هييجى
سلمى : نعم ؟ مش هييجى ليه ؟ قصدى يعنى هو مين ده وانا مش عاوزه حد ييجى اصلا
ساره : هههههههههههه قصدى يعنى محدش ممكن ييجى الساعه 4 العصر . ممكن على بالليل كده ييجى يقعد القعده بتاعته وانتى زى الهبله وعشان مدلوقه هتنزليله
سلمى : لا مش هبله انا ومش مدلوقه ومش هنزل
ساره : يابت ؟
سلمى : عاوزه ايه قولتلك مش هنزل . خلصنا بقي هى شغلانه . ويلا روحى روحى بيتكو يلا انا هغير هدومى واتغدي وانام شويه
ساره : هههههه ماشى .. هاتى حضن طيب
سلمى : لا .. امشى يلا
...............
لمياء : هههههههههههههه برافو اوى يا بنانيت الاداء ده اهو المنظر اللى شوفته ده لوحده يشرح القلب . بس احيه عليكى يابت يا لوجى سبكتى الموضوع بكل فن ههههههه
لوجى : اى خدمه ! بس بت الجزمه دى ايد امها تقيله دا شعرى كان هيتخلع ف ايديها
لمياء : ههههههههه منا خدت نفس العلقه دى قبلك . بس الواد يستاهل
لوجى : حمو ؟ هههههههههههه ده حتة سكره اصلا .. البنات صحابه اللى كانو معاه ف ثانوى بيقولوا عليه كنا مسميينه سكرة اسكندريه هههههههههه
لمياء : ههههههههههههههه انا ورايا محاضرة متأخره هسيبكو بقي عشان المسافه لسا
.......................
ام سلمى : سوسو انتى نمتى يا بابا
سلمى : هحاول انام شويه يا مامى
ام سلمى : طيب بابا جاي النهارده بالليل
سلمى : بجد ؟ هيوصل ف طيارة كام
ام سلمى : هيوصل 11 برج العرب . بس هو بيقول ان عبد الحميد رايح يجيبه قال ماتخلوش سلمى تيجى
سلمى : خلاص ماشى .. ييجى بالسلامه يارب
ام سلمى : ماشى يا روحى . نامى انتى شويه .. ههدى المكيف شويه ماشى
سلمى : ماشى
................
( بيت منه )
مى ( اخت منه الكبيره ) : منوش . القمر بتاعى اللى سرحان .. مالك يابت
منه : هههههههههههه يويو وحشتينى .. جيتى امتى
مى : لسا راجعه انا وابراهيم امبارح وقولت اجى اشوفكو واتغدى معاكو ؟؟ ايه بقي مالك ؟
منه : ايه مالى !
مى : مامى بتقول انك بقالك فتره كده مسهمه وتيجى تقفلى على روحك الباب اول ما تدخلى من بره .. هو حصل ولا ايه
منه : هههههههههه هو ايه ده اللى حصل
مى : ههههههههه يابت ! يابت مش عليا دنا امك مش اختك .. ابن مين بقي
منه : محدش يعرفه
مى : طيب ايه طيب ؟ معيد ؟ دكتور ؟ عربيته شكلها ايه ؟ شكله هو عامل ايه
منه : هو زى القمر ! محدش ف الجامعه مش بيحبه
مى : اوبا شكلك وقعتى واقفه يابنت الجزمه هههههههههههههههههههه اه لو امك تسمعنا . احكيلى احكيلى
منه : لما بييجى يركب عربيتى واركب جنبه ونروح هنا ولا هنا نشترى اى حاجه مثلا ببقى طايره من الفرح وبحس انى بنته مش زميلته
مى : وهو يركب عربيتك ليه ؟
منه : ايوه وفيها ايه نروح نركب تاكسي يعنى
مى : هههههههههههههههه لا قصدى عربيته هو . المفروض انه جنتل يعنى
منه : هههههههههههههههههههه اه فهمت . لا هو ماعندوش عربيه ولسا زميلنا ف سنه أولى وابن ناس حالهم على قدهم جدا فوق ما تتخيلى
مى : اهاا ( بتشيل ايديها من على رجل منه ) يعنى ايه يا منه ؟
منه : ايه اللى يعنى ايه ؟
مى : ناويه تتجوزى وتحبى وتتعلقى بواحد اقل منك
منه : مى ! اسكتى والنبى بس هو يرضى
مى : يعنى ايه هو كمان مش راضى ؟
منه : لا بس مش شايفنا خالص . هو بيتعامل معانا كلنا على اننا صحاب واخوات . جدع معانا ونفسه عزيزه ويجبرك تحبيه غصب عنك
مى : يا بابا كلهم كده .. كلهم كده . الولاد بيتلونو على حسب شخصيات البنات اللى معاهم
فيه اللى بيرسم دور الواعظ وفيه اللى بيرسم دور ابن الناس وفيه اللى بيرسم دور انه مش عاوز منك حاجه عشان انتى اللى تجرى وراه .. وبما انكو لسا مراهقين صغيرين بتتخدعوا ف المناظر دى
منه : ممكن بردو .. والنبى يا مى سيبينى ف حالى الله يكرمك
مى : فكرى ف كلامى .. محدش مضمون اليومين دول وكلهم بقوا بتوع مصلحتهم . انا عاوزالك الخير وعاوزه جوازه زى اللى اتجوزتها انا دى
منه : مي انتى مبسوطه مع ابراهيم
مى : اه . وماتبسطش ليه
منه : يعنى ! اصلك كنتى بردو وانتى قدى كده كنتى بتحبي خالد
مى : بس لما كبرت عقلت وعرفت ان مصلحتى مع ابراهيم مش خالد لانه هيقدر يحمينى وهيقدر يعيشنى ف نفس المستوى اللى كنت عايشه فيه هنا
منه : انتى بتضحكى على نفسك ... انتى عمرك ما حبيتى ابراهيم وانا مش هبقى زيك . وهحاول على قد ما اقدر اتجوز اللى هحس معاه انى بنت وانى متطمنه .. ومافيش غير اللى بحكيلك عنه ده
...................
( ع القهوه بعد المغرب )
احمد : منورين يا بقر . قاعدين من امتى
مالك : انا لسا جاي اهو . ومجدى بيجيب سندويتشات عملنا حسابك
احمد : لا انا كلت ف البيت
مصطفى : هتعمل ايه هنروح نلعب امتى
احمد : بالليل يابا على 10 كده
مالك : طيب ما تيجى اغلبك عشرتين دومينو
احمد : دومينو ايه وافضل احسب ومش فايق انا . لو فيه طاوله ماشى . حجر شيشه يا كريم والنبى
مالك : خلاص طاوله . ماتتحججش
احمد : بس ماتقرصش ع ميتين ام الزهر . انا شايف مصطفى بيعلمك تقرص ازاى
مالك : ههههههههههههههه عليا النعمه فنان دنا بتوهم . ونفسي اعرف بيعملها ازاى
احمد : فنان ايه ده عيل نصاب ... على وحسن فين يا درش
مصطفى : جايين اهو واحمد وعماد مشيو العصر ع بلدهم
احمد : بالسلامه يارب ... استنى ارن عليهم اتطمن اشوفهم وصلو ولا لا
...............
( بعد المغرب )
منه : الو ! لوم انتى فين
سلمى : ف البيت نايمه . بتتصلى ليه دلوقتى
منه : انا زهقانه ما تيجى نتصل ع العيال ونخرج
سلمى : لا ماليش نفس
منه : يابت يلا بقي هتصل على العيال والواد احمد ونخرج
سلمى : احمد ؟ انتو كلمتوه ؟ كلمتوه بعد اللى حصل النهارده ده ؟
منه : احيييييه وربنا نسيت هههههههههههههههه انا بردو لسا صاحيه ومش مركزه . ده واد سافل . فاكر نفسه ايه يعنى
سلمى : واحنا مستنيينه طول النهار ومش عاوزين نفطر من غيره وهو شغال هئ ومئ وقلة ادب وسفاله . هو شايف نفسه على ايه يعنى
منه : اه والله مش عارفه شايف نفسه على ايه .. انا زهقت .. تيجى نكرهه يا سوسو
سلمى : عليا النعمه انتى بنت كلب اصلا بتقوليلى تيجى نكرهه وتلفى انتى من ورايا تتملحسيله يابنت الكلب
منه : ههههههههههههههههههههههه ( ضحكة رقاصات عاليه جدااااااااااااااا ) هههههههههههههههههههههههههههه والنبى حبيبتى يا لووووم ماتجيبى بوسه يابت
سلمى : اقفلى اقفلى ابو اشكالكو كلكو عيال رمم اقفلى
منه : ههههههههههههههههههه بطناااااااااااااى . حرام عليك
..............
فريده : الو ! سوسو وحشتينى
سلمى : اهلا يا ديدا وانتى كمان
فريده : بتعملى ايه كده
سلمى : مافيش لسا ع السرير
فريده : بقولك ايه ماتيجى نخرج انا زهقانه
سلمى : نروح فين انا مش قادره اتحرك ..
فريده : انا بردو حاسه ان جسمى مكسر من نومة المكيف دى بس تعالى نغير جو شويه بدل حرقة الدم بتاعة الصبح
سلمى : ايوه والنبى يا ديدا اسكتى دا واد بايخ
فريده : جدا ! انا ماعدتش مكلماه تانى
سلمى : احسن بردو وانا كمان .. خليه يلف حوالين نفسه كده شويه لغاية ما يعرف قيمتنا
فريده : ايوه والله احسن ... تعالى نقاطعه كلنا بجد لا نشوفه ولا نسلم عليه وامسحى رقمه من عندك
سلمى : اه طبعا وماله ! وانتى كمان هتمسحى رقمه صح
فريده : طبعا .. اومال ايه
سلمى : امممممم وايه تانى نعمل ايه تانى فكرى
فريده : بس كفاية عليه ... انا هرن عليه دلوقتى اقوله مش عاوزين نعرفك تانى وسلمى بتقولك مش عاوزه تعرفك تانى ولا انا ولا منه
سلمى : اممممممم وايه تانى يا روحى
فريده : بس ! انتى مهما يرن عليك اوعى تردى
سلمى : لا عيب . ارد ازاى بس هو باعتلى رساله دلوقتى بيقولى البسي وهاتى فريده وتعالو ندخل سينما
فريده : بتتكلمى بجد ؟ فوريره ربع ساعه هتلاقينى قدامك بالعربيه
سلمى : روحى نامى يابنت الكلب انتى كمان هى ناقصه امك .. ده ايه الاشكال اللى تجيب المرض دى
فريده : ههههههههههههههههههههههههههههههههه هههههههههههههه هههههههههههه هههههههههه يخربيت معرفتك بس والنبى عسل
سلمى : عسل مين يا شويه كلاب بتضربونى ف الواد . طب ايه رأيك بقي هلبس واتصل بيه وهخرج معاه لوحدى يا كلاب .
فريده : ههههههههههه لا عيب انا انتيمتك حبيبتك عيب
سلمى : غورى يابت امشى هقوم اخد شاور واعملى نسكافيه عشان اصحصح
فريده : ماشى بايباي يا قلبي هتصل على حمو وادخل معاه سينما
سلمى : ما تغورى يا كلبه
فريده : ههههههههههههههههه
..............
ام سلمى : ايه يا بنتى قايمه تتخانقى مع مين على اخر الليل
سلمى : الكلبتين اللى اسمهم صحابي دول عاوزين يشلونى ,, عيال سوسه اقسم بالله . مافيهمش غير ساره حبيبتى
ام سلمى : هههههههههههههههههه طب قومى صحصحى يلا واقعدى معايا شويه
سلمى : ايوه هقوم اخد شاور الاول
.....................
( ع الكورنيش )
مصطفى : بقولك ايه بما انك كده فاهم دماغ بنات حوا بشكل كبير تقدر تفنطلى دماغهم
احمد : دماغ ايه هما عندهم دماغ . يابنى دول تاخد على قد قلوبهم مش على قد عقولهم دول ماعدنهمش عقل اصلا هههههههههههههههههه ودى حاجه ماتعيبهمش على فكره دى حاجه تخليهم فوق .. فوقينا كمان
بص يا ابو الصحاب هقولك على حاجه
عاوز تكسب قلب بنت يبقى لازم تشيل كل الوشوش من على وشك
خليك طبيعى مش متلون ولا منافق ولا مجامل ولا نحنوح ولا بتفكر ف مزاجك وبس . خليك هادى . طبيعى جدا اتعامل معاها زي مانت بتتعامل مع اخوك واختك
ساعتها هتبص عليك من جوه هتلاقيك مش مقشر ولا من جواك غير براك وهتبدا تشك فيك وتحاول تجيب اخرك وكل ما تجيب اخرك هتلاقى اخر تانى وهتلاقيها ف ثانيه بتنهى العلاقه وبتقولك انا مش مرتاحه ...
فهمت حاجه ؟
مصطفى : يعنى ! بحاول
احمد : عليا النعمه انتو هتنقطونى ف يوم من الايام
مصطفى : طب انت ايه السر ان اى بنت بتتعامل معاك بتنجذب ليك والغريبه انى انا بجد شاي ان مافيش حاجه انت بتعملها ممكن تكون ملفته
احمد : اهو انا الوحيد اللى بشوف موضوع الانجذاب ده مش موجود . يابنى دى تهيؤات انجذاب ايه وبتاع ايه . ممكن يكونو بيتبسطو بس انى بهزر معاهم وكده لكن انجذاب واعجاب وبلا بلا بلا مافيش الكلام ده
مصطفى : ههههههههههههههههههههههههه طب تيجى نتراهن
احمد : على ايه ؟
مصطفى : الحمد لله الحمد لله ودى حاجه من عند ربنا انا وانت شكلنا حلو شويه الحمد لله
احمد : الحمد لله ! بلدك كلها شباب حلوه واحلى منك ومنى هههههههههههههههههههه ايه الجديد
مصطفى : منا هثبتلك انها مش بالحلاوه . بالكاريزما .. يعنى مثلا هتختار اجمد بنتين قاعدين ع الكورنيش دلوقتى وانا هدخل عليهم احاول ألطف معاهم . وبعدها انت هتدخل ونشوف هيسلكو مع مين ههههههههههههههههههه
احمد : ماشى ! البنتين اللى هناك دول اظن حاجه مافيش بعد كده هههههههههههههههههههه
مصطفى : احييييييه يا جدع لا انا مش داخل عليهم دول شكلهم عليوى اوى وهيكرشونى وحلوين اوى يا لمبى
احمد : هههههههههههههههه اجمد وادخل . وانا هجيب كوبايتين شاى وهستناك هنا .. ورينى هتتعامل ازاى
مصطفى : طيب تمام .. استنى
...
مصطفى : مساء الفل
تاليا : مساء النور . فيه حاجه ؟
ليليان : فيه حاجه يا باشمهندس .. جاى تقعد يعنى ولا كأنك داخل شقتكو . قوم يا بابا
مصطفى : استنو بس انا مش بعاكس والله احنا عاوزين نتعرف بس
تاليا : لا والله مابنتعرفش . وقوم بقي .. ايه ده هو الواحد مايعرفش يقعد براحته شويه ف ام البلد دى . ايه ده
..........
احمد : هههههههههههههههههههههههههههههههه عليا النعمه اتجرست دانت اتفضحت فضيحة المطاهر . احيه عليك يا درش انت وشك محمر كده ليه
مصطفى : اسكت بقي دنا اتشطفت واتبهدلت ههههههههههههههههههههه لا بس البنتين حلوين
احمد : طيب يلا نمشى
مصطفى : نمشى فين يا رمه دنا مستنيك .. خش ياخويا خش
احمد : اخش فين الله يحرقك
مصطفى : وحياة امى هتدخل تشقطهم .. وياتتبهدل زيي كده يا تجيب ارقامهم هههههههههههههههههههههههههههههههه ورينى بقي هتعملها ازاى
احمد : يابنى مانت عارف انى ماليش ف الجو ده
مصطفى : ماليش فيه . اومال سيبتنى اتبهدل ليه
احمد : اممممممممم ( بيفكر )
مصطفى : انت هتفضل باصصلى كده . ماتخلص وانا هستناك هناك
احمد : لا استنى هنا خليك واقف هنا انا عاوزهم يشوفوك
مصطفى : ولاه عليا النعمه مش مستريحلك يالا انت وشكلك هتعمل عليا نمره قدامهم يا رمه
احمد : ههههههههههههههههههههههههههه استنى واتقل .. قوينا يارب
.........
احمد : هو ايه اللى عملتيه ده انتى وهى
تاليا : انت بتكلمنا احنا
احمد : اه انتو مبسوطين يعنى باللى عملتوه ده .. شكلكو ولاد ناس يعنى مش بتوع الكلام والحركات دى ( بيقعد جنبهم )
ليليان : ياعم ماتقول هببنا ايه احنا . قول جمله مفيده
احمد : ولا اقول ولا اعيد بقي مالهاش لزوم . يا خساره .. عن اذنكو ( بيقوم وبيديهم ضهره وباصص ل مصطفى من بعيد )
تاليا : يا استاذ . انت يا حضرت . يا كابتن
احمد : ( بيبص ل مصطفى وبيغمزله وبعدين بيكشر تانى وبيبصلهم )
احمد : بتنادوا عليا انا ؟
تاليا : اه على حضرتك .
احمد : وانتو تعرفونى منين عشان تنادو عليا . عيب يا حلوه انتى وهى عيب . عيب تفضلو تبصبصو ع الرايح والجاى كده احنا ف الشارع
ليليان : هههههههههههههههه ( بتبصله من فوق ل تحت ) انت عاوز ايه
احمد : وهى دى خلقة الواحد يعوز منها حاجه هههههههههههههههههههههههههههههههه
تاليا : ههههههههههههههههههه ( ضحكة رقاصات )
ليليان : ههههههههههههه يلا يا بابا دنا نص الكورنيش عمال يعاكسنا من ساعة ما قعدنا
احمد : ماهو بسبب لبس الرقاصات اللى انتو لابسينه جاتكو شلل
ليليان : ( بتفرش على الارض من كتر الضحك )
تاليا : هههههههههههههه لا حلوه .. والنبى سكر ياسمك ايه
احمد : مصطفى . اسمى مصطفى
تاليا : هات رقمك بقي
احمد : ايه ده انا بتشقط ولا ايه ؟
ليليان : هههههههههههه اه مش عاجبك ؟ هات رقمك واخلص يا عم بقي عشان ماشيين دلوقتى والله
احمد : ماشى . اكتبى عندك ..
ممكن بقي خدمه صغننه كده قبل ما تمشوا
ليليان : عيونى !
احمد : بصى انا همشى هناك عند بتاع الشاي ده وبعلو صوتك قوليلى هتوحشنا يا صاصا بصوت عالى
تاليا : هههههههههههههههههههههههههه اعتبره حصل
.....
مصطفى : مش بقولك كل البنات بتحبك كل البنات حلوين الله يحرقك بجاز
احمد : بيحبونى ايه بس دول طلعو معجبين بيك انت بس عملو معاك الحركه دى عشان كانو مكسوفين منك ... استنى بس وهتسمع بنفسك
تاليا وليليان بصوت عالى : هتوحشنا يا صاصااااااااااااا
مصطفى : ايه ده . ده بجد
احمد : وهيكلموك بالليل ياعم واديتهم رقمك ههههههههههههههههههههههههههه
مصطفى : عليا النعمه اجدع صاحب ف الكون كله
احمد : انت حبيبى يا صاصا . حبيبى جدا انت مش عارف ... يلا بس عشان نلحق نروح ل سلمى
................
( عربية تاليا )
ليليان : عليا النعمه واد عسل ههههههههههههههههههه
تاليا : اه والنبى سكر انا مش عارفه العيال دى مابنلاقيهاش ليه نواحينا كده كلهم عيال دمها تقيل
ليليان : طيب بسرعه بس يلا عشان شكلنا كده هنتأخر ... طنط ام سلمى بهدلتنا بما فيه الكفايه المره اللى فاتت .. هنروح نقعد ساعه ونشوف سلمى ونمشى تانى
....................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020