رواية مهلكتي من جزء 1 : 18

الجزء_السادس (الحلقه الثالثة عشر ) ( فيه حاجه هتحصل ..! ) ❤ ❤

................
ف الحلقه السابقه :_
ابو طارق : يعنى هو كل ده اللى حصل ؟ ومش اول مره ؟ لا دى كمان تانى مره ؟ انت حيوان يابنى ؟ ماجيبتليش اسم امه ليه من بدرى .. اسمه ايه الواد ده ؟
طارق : اسمه احمد . طالب عندى لسا ف اسنه أولى
ابو طارق : انت مش مكسوف على دم امك وانت بتقول ف سنه اولى وانت قد البغل كده .. غور من وشي .. انا ليا تصريفه تانيه
.................. ( الثالثه عشر ) ❤
ابو طارق اسمه ( معتز ) : الو ! ازيك يا دكتور يوسف
يوسف : اهلا اهلا معتز بيه , اخبارك يا فندم ؟
معتز : مش كويس والله يا يوسف .. انت سمعت عن اللى حصل ف الجامعه عندك وف المطعم . الحوار بتاع العيال
يوسف : اه للاسف سمعت . والعيال عيالنا هما اللى غلطانين .. وانا عن نفسي أدبت هدى
معتز : يعنى ايه أدبت هدى ؟ واحنا من امتى عيالنا بنيجى عليهم عشان شويه عيال مالهاش لازمه يا عم يوسف
يوسف : يا معتز بيه مالهاش علاقه بعيالنا ولا بعيالهم ولا بعيال حد ..
معتز : اومال ليها علاقه بإيه ؟
يوسف : ليها علاقه بإن اللى غلط يتأدب . والعيال غلطو .
معتز : يعنى طارق لما الاقيه داخلى من شويه وشه متخرشم ومش شايف قدامه . والدم بيسيل من وشه من كل ناحيه . المفروض اعمل ايه ؟
يوسف : اساله ايه اللى حصل ,,وشوفه هيقولك ايه ومين اللى عمل فيه كده ,, والاهم من ده كله تساله ليه اتعمل فيه كده ؟ اعرف من ابنك الحوار من الاول يا معتز وانت هتفهم الحكايه
معتز : هى حكايه يا يوسف ؟؟ الواد حب بنت ف الكليه وطلعت بنت معروفه بنت رجل اعمال كبير وله اسمه ,, ايه المانع او ايه اللى حصل بقي ؟
يوسف : اللى حصل ان ابن حضرتك حاطط نقره من نقر واد زميل البنت دى . ويبقي طالب عنده المفروض يكون اكبر منه سنا ومقاما . لكن لا هو حاطط الواد ده ف دماغه لما حس ان البنت ممكن تكون معجبه بالشخص ده ؟ ازاى بقي يحصل كل ده .. وانا طارق المرشدى ابن معتز بيه المرشدى بنت تقولى لا ... وعشان خاطر ولد مايسواش ؟ كل ده خلى ابن حضرتك يتصرف تصرفات مش كويسه الفتره اللى فاتت .... اخرهم كان حكايه المطعم . مش هنكر اه واقولك ان بنتى هى اللى دبرت الحكايه . وربنا يعلم انا عملت فيها ايه وعقابى ليها كان عامل ازاى . دلوقتى بنتى اتصاحبت ع العيال دى وبقوا اكتر من اصحاب واخوات لانها عرفت الغلط والصح !! المفروض اتصرف انا اعمل ايه بقي
معتز : يعنى هو ده كلامك يا يوسف ؟
يوسف : ياريت كان عندى غيره يا معتز
معتز : طيب انا حقى بردو انى ادافع عن ابنى واجيبله حقه
يوسف : ماتتدخلش بسلطتك ولا نفوذك يا معتز . الموضوع لعب عيال . سيب العيال منهم لبعض ... ماتتدخلش انت
معتز : منا فعلا ماكنتش هتتدخل الروايه ملك ل بيدج هو وهى والكاتب احمد سعد فقط. لكن منظر صعب يا يوسف انى اشوف ابنى الوحيد داخل عليا بالشكل والمنظر ده
يوسف : يا معتز احنا اصحاب من زمان ... ماتخليش حركه زى دى تخسرك كتير من احترامك لنفسك ... ماتجيش ع الواد ده ! الموضوع مراهقه ولعب عيال . وطارق دخل وسطهم غصب عنهم وعاوز يدخل غصبانيه .. البنت نفسها مش موافقه وانا اتأكدت من الموضوع ده
معتز : معلش يا يوسف ! هكلمك وقت تانى عشان مشغول دلوقتى
يوسف : معتز ! يا مع.... الو !
......
يوسف : هدددددى ! بنت يا هدددددى ؟
هدى : ايوه يا بابي !
يوسف : معاكى رقم احمد ؟
هدى : لا ! نسيت اخده المره اللى فاتت
يوسف : طب رنيلى على سلمى صاحبتكو وهاتيلى رقمه
هدى : ليه خير ( بتوتر )
يوسف : معتز ابو طارق مش ناوى يسيبه ف حاله ! احمد شكله ضرب طارق امبارح وخرشمه
هدى : ايه ! يادى المصيبه ! طيب خد حضرتك اهى سلمى .. الو !
سلمى : الو ! ايوه يا هدى بترنى ليه بدرى دلوقتى ؟
هدى : معلش يا سوسو . خدى بابي كان عاوز يكلمك
سلمى : خير يارب . هاتيهولى !
ابو سلمى : فيه حاجه يا سلمى ؟
سلمى : مش عارفه يا بابا دى هدى بنت عميد الكليه بتقول ان باباها عاوز يكلمنى
ابو سلمى : طب ردى خير ان شاء الله
يوسف : الو !
سلمى : اهلا ! صباح الخير يا دكتور
يوسف : صباح النور يا سلمى عامله ايه يا حبيبتى واخبارك واخبار بابا
سلمى : بخير والله الحمد لله بنفطر دلوقتى اهو
يوسف : بتفطروا ؟ طيب معلش الروايه ملك ل بيدج هو وهى والكاتب احمد سعد فقط هتدى تليفونك لبابا خلينى اكلمه بس الاول قوليلى هو بابا على علم بأحمد والحوار بتاعه ؟
سلمى : اه يا دكتور على علم بكل حاجه بس خير . احمد ماله وفيه ايه ؟
يوسف : ههههههههه اتطمنى ! هاتيهولى بس اكلمه
سلمى : بابا ! دكتور يوسف عاوز يكلمك !
ابو سلمى : تمام ! هاتيهولى ... الو !
يوسف : حبيبى واحشنى والله مابنشوفكش غير م السنه للسنه كده
ابو سلمى : عامل ايه يا دكتور يوسف انت اللى واحشنى كتير والله
يوسف : طب هستاذنك بس تقوم تاخد التليفون وتتكلم بعيد شويه عن سلمى
ابو سلمى : اه طبعا اتفضل . ثوانى
يوسف : ( بشويش ) هدى ! سيبينى من فضلك دلوقتى
هدى : حاضر !
....
ابو سلمى : خير يا دكتور يوسف ؟
يوسف : انت عارف بالحوار بتاع المعيد اللى كان حاطط عينه على سلمى واتخانق هو وزميل بنتك ف الكليه والحجز اللى دخله بسببه وبسبب بنتى كمان
ابو سلمى : اه يا دكتور . بنتى حكتلى كل حاجه ... وانا فعلا كنت هلعن سلسفيل جدوده هو وابوه بس لقيت سلمى بنتى بتهدينى وبتقولى انها خلاص وقفته عند حده ومابقاش يتعرض ليها تانى
يوسف : الحوار ماخلصش عند كده ... الولدين اتخانقو مع بعض تانى امبارح . وتقريبا الخناقه كانت كبيره . كان الواد صاحبهم بيرد على اللى اتعمل فيه ودخوله الحجز بسببه وووووو
ابو سلمى : معاه حق بصراحه . وواد راجل
يوسف : دلوقتى معتز المرشدى ناوى يدخل ف الحكايه وياذى الواد ده بطريقه غبيه . لسا مكلمنى من شويه وبيهدد الواد عينى عينك
ابو سلمى : يمين بالله اللى هيقرب من شعره منه لاشيله من وش الدنيا ... مش هيبقي واد ببيغامر بمستقبله عشانها وهسيبه يتاذى ... معتز المرشدى يبطل الشغل بتاعه اللى كلنا عارفينه . عشان يسلم من اذايا وانت اكيد عارف انا مين واقدر اعمل ايه
يوسف : عارف يا حبيبى ! عشان كده انا بكلمك ...
ابو سلمى : اتطمن ماتقلقش ... محدش هيقرب منه . وكويس انك ماكلمتنيش قدام البنت . وياريت ماتعرفش بنتك انت كمان ... مش عاوزين العيال يقلقوا . خليهم ف امتحانتهم ومذاكراتهم وجامعتهم
يوسف : تمام يا حبيبى . هسيبك تكمل فطارك بقي .
ابو سلمى : تعالى اتفضل طيب
يوسف : هههههههههههه ان شاء الله قريب لينا زياره عندك .
ابو سلمى : لا مابحبش كلمه قريب دى اللى ممكن تقعد عليها سنه . انا هستناك التلات الجاى انت والمدام والعيال ع الغدا
يوسف : وهو كذلك .. مقدرش اتاخر عنك
ابو سلمى : حبيبى يا دكتور ! اتفضل حضرتك
يوسف : مع السلامه
.................
( الساعه 10 صباحا )
سلمى : الو ! حمو !
احمد : ايه يا بابا
سلمى : ايه يا حب فينك
احمد : ف الشغل عند عم طاهر . م الصبح هناك وطلعان عين امى هههههههههههههه انتى روحتى الجامعه ولا لسا
سلمى : لا انا لسا نازله حالا قولت اكلمك . مش عاوزنى اعدى عليك ؟
احمد : لا لا انا ساعه كده وهتلاقينى هناك . هاجى افطر معاكو واقعد شويه عشان هطلع على المطعم على طول الساعه 12
سلمى : طيب خلى بالك من نفسك . وهستناك
احمد : ماتقلقيش ! انتى بالراحه وانتى سايقه
سلمى : حاضر ... باي باي
احمد : سلام
...........
طاهر : واد يا احمد ! الطلبيه اتأخرت ليه ؟
احمد : على وصول يا حاج . كلمتهم من خمسه قالو داخلين الحى . يعنى ربع ساعه بالكتير وهيبقوا هنا
طاهر : طيب الله يرضى عليك ابقوا نزلو البضاعه بسرعه
احمد : حاضر يا حجيجه ( بيلمح راجل غريب واقف بعيد بيبص عليه ... بيعمل مش واخد باله منه )
احمد : انا بره ع القهوه يا حاج هشرب كوباية شاى بس على ما العربيه تيجى
طاهر : ماشي
...................
( احمد بيخرج من باب الوكاله وبيستخبى ... بيلاقى الراجل الغريب ده بيجرى يلتفت عليه وبيدور عليه ... بيظهر احمد من وراه وبيمسكه )
احمد : انت مين ياااض ؟
س : انا انا . وانت مالك ؟
احمد : انا مالى ؟ انطق يا ابن الكلب انت مين ومتابعنى من بدرى ليه ؟
س : ياعم قولتلك انت مالك . وانت مين اصلا عشان اتابعك . شيل ايدك
...
طاهر : فيه ايه ياض يا هاشم بره
هاشم : الظاهر الواد احمد بيتخانق بره يا حاج
طاهر : بيتخانق ؟ طب تعالى !
..
طاهر : فيه ايه يا احمد
احمد : الواد ده يا حاج مراقبنى من صباحية ربنا وعمال يبص علينا من بدرى . وعينه عليا
. عملت انى رايح اشرب شاى ومسكته
طاهر : انت مين ياض ؟
س : ياعم سيبنى . ( بيحاول يخلص نفسه من ايديهم وبيجرى ... احمد بيطير وراه وبيمسكه تانى ) طب تعالى بقي الروايه ملك ل بيدج هو وهى والكاتب احمد سعد فقط يا روح امك طالما جريت .. على جوه
طاهر : هاته جوه هاته ... اربطوه يا رجاله
..........................
طاهر : انطق يابنى مين اللى مدبقك علينا
س : يا حاج انا ماليش دعوه بيك .
احمد : طيب . بيا انا ؟
س : معرفش
احمد : لا مانت هتنطق وتقولى مين اللى باعتك بدل وكتاب الله ما هطلب الشرطه دلوقتى
س : اطلب الشرطه .. انا عاوز الشرطه
احمد : يا حمار افهم ! الموضوع خلص خلاص . واللى بينى وبين طارق خلص
س : خلص ازاى . اللى مبلغنى مبلغنى لسا النهارده انى اجيبله قرارك
احمد : ههههههههههههههههههه حبيب قلبي . يعنى هو طارق ؟ طيب تمام
طاهر : ههههههههههههههه ماشاء الله . واد نبيه اوى
س: ايه ! انا ماتكلمتش
احمد : فكه ونزله يا حاج . مايستاهلش ده واد غلبان
طاهر : نزلوه يا هاشم .. خد ياض هنا ؟ ايه طارق ده ؟
احمد : ده حوار كده يا حاج هبقي احكيهولك على رواقه . هننزل الطلبيه بس عشان العربيه شكلها جات
.............
( الجامعه )
سلمى : الو ! هدى انتى فين
هدى : انا لسا نازله م البيت حاااااالا . وعاوزه اعرف منك حكاية النهارده ايه
سلمى : انا اللى عاوزه افهم . ابوك قال ل بابا ايه انا كل ما اسال بابا يقولى خير ماتشغليش بالك .
هدى : نفس اللى قالهولى بابا . وقالى مالكيش دعوه ... بقولك ايه انا مش طالعه كليىتى . انا جايالكو .. انتو وراكو محاضرات ؟
سلمى : وحتى لو ورانا . مابنحضرش . احنا كلها ربعايه كده واحمد هييجى .. واعملى خسابك احنا كلنا هنتغدى ف المطعم الجديد اللى هو اشتغل فيه النهارده .. يعنى على الساعه 5 كده هنكون هناك
هدى : لا ماتهزريش .. انا معرفش المكان . هتبقي تعدى عليا ولا اعدى عليك قبلها
سلمى : انتى عرفتى بيتى صح ..
هدى : اه العنوان مايتتهوش وانتى وصفتيهولى المره اللى فاتت
سلمى : على 4 ونص تكونى هناك . لانى لسا هعدى على ساره ومروه واميره ... ومنه وفريده هييجو ورانا ... تمام ؟
هدى : تمام اوى ... وانتى عارفه المطعم فين ؟
سلمى لا . هنعدى على مالك ومصطفى والشباب وهنجيبهم معانا ونروح . هما عارفين المطعم فين
هدى : تمام . وانا جايالكو اهو . ماتمشوش بقي
سلمى : تعالى مستنياك
.........................
مصطفى : ازيك يا عم طاااااااااهر
طاهر : ازيك يا كلب انت !
مصطفى : ليه بس كده دانت حبيبى ههههههههه
طاهر : حبيبك مين يا *** . انت لسا فاكر تيجى تسال عليا ياض ؟
مصطفى : هههههه والله غصب عنى حتى اسال العيال دى
على : حبيبى يا حجوج . ههههههههه ماتضربش . ماتضربش احنا جايين نشوفك اهو
حسن : ههههه قلبك ابيض يا حاج
طاهر : ماشي يا كلب انت وهو ودينى لمعرفكو .. ازيك ياض ؟
مالك : اهلا ! ازيك يا حاج
طاهر : انت مالك ياض خرع كده ماتنشف زي البغال دول
مالك : ههههههه دول بياكلو أكلى يا حاج متعرف عليهم السنادى ومش ملاحق
طاهر : انت مصراوى
مالك : اه م المعادى
طاهر : اها ... طيب خلى بالك على نفسك م العيال دى .
مالك : ربنا يستر
طاهر : طبعا جايين عاوزين صاحبكو صح
مصطفى : اه والنبى قولنا نعدى عليه ناخده ف سكتنا واحنا رايحين الجامعه
طاهر : طيب هو جوه بيحاسب العربيه وهيقفل وجاي . هاتلهم شاى يا هاشم من بره
مصطفى : شاى ايه يا حاج طاهر هو انت هتعزم علينا . احنا هنخرج نجيبلك معانا . شاى تقيل صح
طاهر مانت فاهم اهو وفاكر ...
مصطفى : بلاش تقطيم بقي يا حاج .احنا هنستناه ع القهوه ماشي
طاهر : هو علمكو شرب الشيشه
مصطفى : شيشه ؟ حد الله بحدود
طاهر : هههههههههههههههه الله يرحم ابوك . امشو امشو جاتكو غوره
............................
طاهر : ولا يا احمد ماشي ؟
احمد : اه يا حاج هروح معاهم الجامعه ربعايه . وبعد كده هستلم الشغل ف المطعم
طاهر : طيب على خيرة الله ! معاك المفاتيح ابقي عدى شقر ع الوكاله وانت مروح . فيها فلوس كتير والبنوك قافله النهارده .
احمد : خلى هاشم بس يقفل كويس بالليل وانا هعدى وانا مروح هتطمن ع الحاجه والبضاعه والفلوس .
.................
( ف العربيه )
مالك : ايه يا ابو الشباب سرحان ف ايه
احمد : مش عارف ! بس بقلبها ف دماغى كده . طالما وصل لشغلى هنا يبقو ناويين على حاجه ... استنو كده ( بيدور على مفاتيح الخزنه الكبيره بيلاقيها معاه ) الحمد لله معايا ومافيش نسخه تانيه غير مع الحاج طاهر
مصطفى : هما مين دول يابنى ماتفهمنا
احمد : هفهمكو يا عم بس واحنا بنفطر عشان انا واااااااااااااااااااااقع م الجوع وعاوز اكل بطريقه بشعه
مالك : سلمى هناك هى والبنات مستنيينا
حسن : اسمها مستنيين احمد يا بأف ماتصدقش نفسك
مالك : ههههههههههههههههههههههه الله يحرقك .
احمد : ايه مستنيين احمد دى ياض . مستنيينا كلنا
حسن : هششش اسكت انت . ماحنا بنروح محدش بيعبرنا ولا بيفطروا معانا ويفضلو يقولولنا مش جعانين . فاكر من كم يوم يا على ايه اللى حصل ؟
على : احيييه . دى كانت حتة دين كسفه
احمد : كسفة ايه
على : دخلنا لقينا سلمى ومنه وفريده وساره واقفين . دخلنا عليهم سلامات وعاملين ايه واخباركو وصباح الفل . تفطروا .الروايه ملك ل بيدج هو وهى والكاتب احمد سعد فقط . سلمى تقولى لا مش جعانه انا شربت نسكافيه وقفلنى . ومنه تقول لا مش جعانه انا بقعد ساعتين كده على ما ابدا اكل وساره تقول لما سلمى والبنات تفطر بقي هبقي افطر وفريده تقول لالا مش هفطر دلوقتى انا مامى عملتلى كوباية لبن قبل ما انزل قفلتنى خالص وفيها ساعتين تلاته على ما ابدا اكل ... مافيش دقييقه لقيناك داخل بتزك بام الجبس بتاعك ورجلك المكسوره . هوب مره واحده لقيناهم جاعو ويلا نفطر احمد جه .... احمد مين ياولاد الجزم اومال احنا كنا بنقول ايه من شويه
احمد : هههههههههههههههههههههههه مانتو مش ملهمين يا علوه . خليك ملهم انت وهو وهو
مالك : ايووووه انت لمست كده يا فنان . انا عاوز ابقي مُلهم . إلهمنى
احمد : ألهمك ؟ ياعم غور ف داهيه هى ناقصه غباء
.........................
هدى : هو ده اللى كل اللى سمعته . بابا قالى اتصلى على سلمى هاتى منها تليفون احمد عشان هما شكلهم مش هيسيبوه ف حاله
سلمى : نعم ؟ يعنى ايه يعنى . وحياة ربنا اولع فيه وف ابوه ... ع العموم بابا طمنى وقالى خير ماتقلقيش .. وطالما بابا قالى كده يبقي فعلا الموضوع مافيهوش قلق .. انتى مش عارفه بابا او علاقاته
هدى : يلا ربنا يستر . اوعى تجيبى سيره لاحمد مش عاوزين نقلقه ع الفاضي
سلمى : اه احسن ... استنى دول داخلين اهو تعالى نرجع نقف مع البنات بقي عشان نروح نفطر كلنا
.........
احمد : اهلا ! ( بيطبل على شنطه ماسكاها ساره )
على وحسن : اهلا اهلا اهلا اهلا باعز الحبايب
احمد : اهلا
مالك ومصطفى : اهلا اهلا اهلا اهلا بالقمر اللى غايب
احمد : يا قطه وحشتينا .. نورتو ليالينا
على وحسن : واتلمو الحبايب . واتلمو الحباااايب
سلمى والبنات : ( ضحك هيستيرى من المنظر )
سلمى : مسخرررررررررررره هههههههههههههه شكلكو مسخره اقسم بالله
منه : هههههههههههههههه لا وكله كوم واحمد وهو بيطبل على شنطه ساره
احمد : ايه رايكو ننفع يعنى
سلمى : ههههههههههه إلا تنفعوا
احمد : فاكرين فيلم عبود ع الحدود . لما كان علاء ولى الدين بيشتغل ف الكباريه . والمغنى وهو بيقول " قولى عملك ايييييه " قولى " اهو احنا هنبقي زيهم
سلمى : ههههههههههههههههه بتتنطط وبتمشي بعيد شويه من كتر الضحك
منه : عيينيها بتتقفل من كتر الضحك
فريده وساره : ( بيخبطوا ف بعض من كتر الضحك )
هدى : ( ضحكة رقاصات عاليه مع عدم القدره على اخد النفس ) عليا النعمه شله فقر كلكو اعوذ بالله
ماليكا : اهلااااااااا هههههههههههههههههههههههه انا سامعه الاغنيه من بعيد وفطساااااااااااانه
احمد : اهلا يا لوكا . فينك يابت
لوكا : ههههههههه موجودين اهو . جايه ابرشط وافطر معاكو . لو ماعندكوش مانع يعنى . ولا فيه مانع ؟ لا والنبى حد يقولى فيه مانع
احمد : محدش يقدر يقولك فيه مانع طول منا موجود هنا يا مزه .. ( بيسبلها بعينه عشان يغيظ سلمى )
سلمى : ايوه ! وماله
احمد : الا سلمى . ليها الحق انها تقول اى حاجه
منه وفريده : ههههههههههههههههههههههه هموووووووت
احمد : المهم هتفطرونا ايه النهارده . انا بصوا . جاى واااااقع مش شايف قدامى من كتر الجوع
هدى : انا وسلمى فطرنا الصبح
سلمى : انتى مالك ومال سلمى ؟ ماتتكلمى عن أمك بس ولا عاوزانى اطبقلك وشك ده هو انا ناقصاكى انتى كمان !
احمد : ههههههههههههههههه ياختااااااااى
كل اللى واقفين : ضحك بصوت عالى وبيتفرقوا من كتر الضحك على كلام سلمى واحمد
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020