رواية مهلكتي من جزء 1 : 18

الجزء الرابع (الحلقه الثامنه ) ( فين وامتى ؟ ) ❤ ❤

غير.مصرح.بنشر.القصة.الإ.معرفه.الكاتب.او.الناشر
................
ف الحلقه السابقه :_
سلمى : ( بتبتسم ابتسامه غصب عنها من المنظر ومن رد فعل احمد )
احمد : اروح افطر انا بقي عشان انا جوعت دلوقتى حالا
سلمى : ( بتبصيله وبترفع حاجبها ) تعالى ياخويا نفطر انا وانت ومنه مستنيينك من بدرى
مالك : ( لسا بيضحك ) ربنا معاك يا صااااااحبي ربنا معاك
مصطفى : الف سلامه عليك يا مولانا خدلك طسه الخضه
.................... ( الثامنه ) ❤
( احمد ومنه وسلمى رايحين يفطروا )
منه : شكلك وحشششششش اوى ياحمو
احمد : مش كده والنبى .. وبعدين ماشاء الله على صاحبتك عندها قدرة على الشم رهيبه . مش عارف انا ايه ده
سلمى : المثل بيقولك امشى عدل يحتار عدوك فيك . هااا امشى عدل ياسطا .. هتروح تفك دراعك ده امتى عشان اجي معاك
منه : وانا كمان
احمد : لا مش مستاهله .. ع العصر كده الواد اللى تحتنا ف البيت عنده صاروخ بتاع الشغل هروح اصروخه هههههههههههههه
سلمى : نعععععم ؟ دا لازم دكتور
احمد : هههههههههههههه دكتور ايه هو انا هعمل اللوز ؟ دنا لو عندى منشار ف البيت كنت عملته
سلمى : ماتهزرش . نروح لدكتور يفكهولك يا سيدى انت خسران ايه
احمد : بقولك ايه عاوزين نفطر بقي مش عاوزين قلبة دماغ
منه : طيب هدخل اجيب انا سندويتشات . هعزمكو النهارده
سلمى : لا لا العزومه دى على حسابي
منه : والله ما حد دافع غيرى النهارده
سلمى : بقولك ايه انا حالفه من بدرى انى انا اللى هدفع
منه : يابت احمد شكله مأشفر خالص كفايه عزومة امبارح اللى دبسناه فيها هههههههههههههه
سلمى : هههههههههههههههه اه والله
احمد : ايه خلصتوا ظرف ولطف ؟ من امتى بتدفعوا وانا موجود
منه : ياعم مره من نفسنا وبعدين احنا عارفين اللى فيها والحاله يعنى عادى يا احمد
سلمى : ( بتتخض وبتبص لاحمد اللى بدا يغضب )
احمد : حالة ايه ؟
منه : ( بتحس انها عكت الدنيا وبتبدأ تسحب لورا ) مقصدش والله انا بهزر يا رخم اتفضل انت حاسب يلا انا جوعت
احمد : لا استنى حالة ايه ؟ وانتى مالك ومال الحاله اللى انا فيها هو انا كنت اشتكيتلك انتى وهى ؟
سلمى : ( مابتتكلمش )
منه : انا اسفه طيب مقصدش
احمد : ماشى يا منه ! ( بيسيبهم وبيمشى )
منه : احمممممد ! يا احمممممد
سلمى : يا احمد استنى بقي مانقصدش والله
احمد : مافيش واحده فيكو تيجى ورايا اخفى من وشى انتى وهى
غير.مصرح.بنشر.القصة.الإ.معرفه.الكاتب.او.الناشر
...............
( فريده بتيجى على بوابة الجامعه ومعاها كيس فيه جاكيت جديد اشتريته لاحمد واللى كان نفسه فيه وبتلاقيه ماشى بينفخ ومش واخد باله من حد )
فريده : احمممممممد ! يا احمممممممممممد ! حمووو
احمد : اهلا يا فريده عامله ايه
فريده : الحمد لله . رايح فين
احمد : ف داهيه
فريده : بعد الشر ! مالك بس تعالى
احمد : عاوزه ايه انتى طيب مش طايق حد
فريده : عشان خاطرى ماتعصبش نفسك وتمشى وانت كده تعالى بس نقعد ف عربيتى
احمد : طيب
غير.مصرح.بنشر.القصة.الإ.معرفه.الكاتب.او.الناشر
..........
( ف عربية فريده احمد بيقعد على الكرسي اللى جنبها وبيفرده لورا وبينام عليه )
فريده : مالك يا احمد
احمد : قوليلى يا فريده انتو شايفينى قليل جنبكو
فريده : ايه الهبل ده قليل ايه داحنا اللى قليلين جنبك
احمد : اومال فيه ايه بتعاملونى كده ليه
فريده : احكيلى بس ايه اللى مضايقك
احمد : الهوانم اللى اسمهم منه وسلمى رايحين نفطر لقيتهم بيعزموا على بعض انا هدفع لا انا هدفع وانا واقف سايبهم مش عاوز احرجهم ... والكلبه اللى اسمها منه تقول الحاله ومعرفش ايه
فريده : يا احمد وفيها ايه طيب زمايلك وبيعزموك مانت على طول بتعزمنا .. مالهاش علاقه ب مين قليل ومين مش قليل . احنا زمايل يا احمد واصحاب واكتر من اخوات وحبايب ليه واخدها بحساسيه كده معانا
احمد : الكلام ده ينطبق ع الرجاله بس يا فريده مع بعض او البنات مع بعض لكن طول ما الطرفين موجودين يبقى الراجل هو اللى يصرف ويتصرف ويباشر .. مالهاش علاقه بسي السيد ولا المجتمع الشرقي بس دى اصول .. ماينفعش مثلا اخد فلوس من اى بنت تحت اى مسمى ... هديه مساعده فطار غدا عشا . ماينفعش ... اقولك حاجه وأول مره تعرفوها .. امبارح لما دبستونى ف الفطار انا ماكنش معايا تمن كوباية شاى حتى بس محستوش بحاجه واتصرفت وطلعت نفسي من الورطه دى وكنت مبسوط طالما شايفكو مبسوطين ...حد تانى كان قال واحده تدفع او واحده تسلفنى .. لكن لا مابنفعش ..
فريده : ايه ده ؟ يعنى انت ماتقبلش ان واحده زميلتك صاحبتك جارتك تهديك بحاجه
احمد : هديه ؟ وتهادينى ليه ان شاء الله ؟ احنا مركبين قرون ولا ايه يابت
فريده : يعنى فرضا مثلا انك نفسك ف حاجه وانا او غيرى انى عرفت انك عاوزها او محتاجها وانت مش قا...... قصدى ماعندكش وقت تجيبها وانا فكرت . اقصد انا وغيرى يعنى فكرنا ان...
احمد : فيه ايه ماتخلصي انتى عاوزه تقولى ايه مش فاهم كلام أمك وعماله تتهتهى
فريده : ( بتعرق ) لا قصدى يعنى لو حبيت مثلا اجيبلك هديه انت عاوزها هتقبلها منى ولا هترفضها
احمد : لا مش هرفضها
فريده : الله اكبر
احمد : دنا همسح بكرامة أهلك الارض
فريده : حسبى الله ونعم الوكيل
احمد : ههههههههههههههههههههههههههه ال تجيبيلى هديه ال .... ضحكتينى يا ديدا والله كتر خيرك انا كنت شايط ( بيبص على كنبة العربيه ورا ) هو ايه ده اللى ف الكيس
فريده : ( بتمسك دماغها ) ده جاكيت كنت شارياه
احمد : جاكيت ايه ده باينه رجالى ( بيطلع الكيس وبيشوفه ) الله ! حلو اوى
فريده : ( بتشوف ف عينه فرحه بالجاكيت ) اتفضله ياخويا مايغلاش عليك
احمد : ههههههههههههههه ماتحرمش .. جايباه لمين
فريده : اخويا .. جايباه لاخويا
احمد : اخوك ايه ؟ انتى مش قولتى اخوك لسا ف اعدادى باين
فريده : اهو ذوقه عجبنى ياعم وبعدين الواد جسمه طويل شويه ماشاء الله .... ادعى يعجبه بس
احمد : هيعجبه ... ده فاجر يابنتى اشتريتيه منين ؟
فريده : من بياع ف ابن الوليد
احمد : بياع فين ده ف انهى مكان .. جنب بتاع السمك ؟
فريده : ايووووه هو ده
احمد : هههههههههههههههههههه عرفته ... المهم انا جوعت هنزل افطر بقي وماتقوليش لحد انك قابلتينى عشان مش طايقهم
فريده : خلاص ماشى وانا رايحالهم اشوفهم فين
احمد : ماشى ..سلام
غير.مصرح.بنشر.القصة.الإ.معرفه.الكاتب.او.الناشر
.......
فريده : حرام عليك يا اخى وعلى نشفان دماغك ههههههههههههههههه الحمد لله جات سليمه بدل ماكان هيتعلم عليا النهارده
غير.مصرح.بنشر.القصة.الإ.معرفه.الكاتب.او.الناشر
.................
مالك : الو ! فينك يا فنان مش داخل المحاضره
احمد : لا انا مروح . هفطر واروح اتخنقت من اشكالكو
مالك : هههههههههههههههه مالك بس بطل رخامه بقي يا اخى احنا مش عارفين نتلم عليك اليومين دول
احمد : ادخل انت المحاضره ياعم وبلاش قلبة دماغ بقي خلو بالكو م البنات
مالك : ماشى يا كبير هنتقبال بالليل ع القهوه ؟
احمد : ربنا يسهل .. يلا سلام
......
سلمى : ايه يا مالك جاى ؟
مالك : لا شكله مقفل كده معرفش ماله وبعدين قال انه رايح يفطر انتو مش كنتو معاه ولا ايه ماتفهمونا
سلمى : مافيش خير خير شدينا شويه
مصطفى : هههههههههههههههه انا مش عارف انتى عاوزه ايه من احمد يا سلمى كل يوم خناق وشد كده فيه ايه
سلمى : ياعم والله ماليا دعوه المرادى دى البت دى هى اللى شدت معاه وانت عارفه بيقوم مطربقها على دماغنا كلنا
مالك : هههههههههههههههه دى احلى حاجه فيه احنا بردو لما بنشوفه مجنون كده بنقوم نسلت نفسنا من جنبه واحد ورا التانى ... ربنا يكفينا شر قلبته اعوذ بالله . المهم ماتزعلوش نفسكو بس بالليل هنشوف ماله
سلمى : لا انا مروحه هاخد عربيتى واروح
منه : وانا كمان .. عن اذنكو
فريده : خدونى معاكو انا كمان اتعكننت النهارده اخر عكننه
ساره : ايه البواخه دى . خلاص خدونى معاكو
مالك : طب عليا النعمه منا حاضر ومروح
مصطفى : يلا وانا كمان اساسا انا بقعد ف محاضرة الرياضه دى زى الطور هههههههههههههههههههههههه
على : يلا يا جدع بلاش هم محاضرات ايه وكليات ايه
حسن : على بركة الله .. راكن عربيتك فين يامالك
احمد 2 : الله جاب الله خد الله عليه العوض ...
عماد : حيث كده بقي اروح انام تانى
غير.مصرح.بنشر.القصة.الإ.معرفه.الكاتب.او.الناشر
...........
سلمى : (بتبعت رساله لاحمد على تليفونه ) " احمد ! انا ماليش ذنب ماتاخدنيش بذنب منه وبعدين هى ماتقصدش والله هى بتتكلم بتلقائيه انا عارفه ان الكلمه بايخه بس والله ماحد فينا يقصد . البت نفسيتها تعبت اصلا وانا كذلك وكلنا مروحين مش هنحضر "
احمد : ( بيشوف الرساله وبيرد ) " محصلش حاجه خير انا كمان مروح عشان تعبان اصلا وعاوز انام خلو بالكو من نفسكو وبالليل كلمينى لو عاوزين تخرجوا "
غير.مصرح.بنشر.القصة.الإ.معرفه.الكاتب.او.الناشر
.....
سلمى : اوباااااااااااااااااااااااااااااااا شوفى الرساله دى يابت بقي وبطلى عكننه
منه : رسالة ايه ورينى ( بتفرح ) ابو شكلك واد معفن
ساره : هو ايه اللى حصل يا سلمى حد يفهمنى
منه : ماتفكرنيش بقي انا معرفش والله نطقت وقولت كده ازاى ؟ دنا فعلا بهيمه زى ما احمد بيقولى
غير.مصرح.بنشر.القصة.الإ.معرفه.الكاتب.او.الناشر
.......
( احمد قاعد بيشرب شاى على كرسي جنب الكافيه وسندويتش وبتيجى جنبه واحده اسمها " لوكا " معرفة اللى اسمه وائل " )
لوكا : صباح الفل على مز الجامعه كلها
احمد : نعم ؟ انتى بتكلمى مين ؟
لوكا : هههههههههههههههههههه انت . انا مش بعاكس والله انا حابه اتعرف عليك مش اكتر ومستجدعاك مش عارفه ليه
احمد : ربنا يكرمك ... تشربي شاى ؟
لوكا : ياريت ! انا عارفه انك جنتل
احمد : عمرو والنبى كوباية شاى للانسه
لوكا : متشكره جدا يا ....
احمد : احمد
لوكا : متشكره جدا يا احمد ... قولى بقي انت منين
احمد : سيدك بشر
لوكا : هههههههههههه انا من جليم
احمد : اهلا بيك
لوكا : بتخرج تسهر فين بقي
احمد : ع قهوه كده جنب البيت ع البحر انا وصحابي بنروح نشيش
لوكا : ههههههههههههه لا اقصد خروجات فسح سينمات كافيهات بناات هههههههههههههههههههههههه
احمد : لا للاسف انا بشتغل ف مافيش وقت كتير يعنى للموضوع ده
لوكا : غريبه مع ان صحابك بيخرجوا يعنى انا مفكره انهم بيخرجوا معاك
احمد : انهى صحاب
لوكا : البنات ! اللى دايما بلاقيهم معاك
احمد : اه بيخرجوا مع بعض كل يوم
لوكا : احححم مش دايما بيكونوا خارجين مع بعض
احمد : ازاى
لوكا : يعنى مثلا انا اعرف سلمى وفريده واعرف ان سلمى بتخرج احيانا مع واحد صاحبنا هنا ومصاحبين بعض جدا
احمد : ( بيبصلها وبيرفع حاجبه ) بتخرج معاه فين وامتى ؟؟
غير.مصرح.بنشر.القصة.الإ.معرفه.الكاتب.او.الناشر
..............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020