رواية مهلكتي من جزء 1 : 18

الجزء_السادس (الحلقه العاشره ) ( إلعععععععب ) ❤ ❤

................
ف الحلقه السابقه :_
مصطفى : ( متنح هو كمان )
احمد : ولاه انت وهو . عليا الطلبات بالتلاته اللى هيفتح لسانه باللى قولته ده وخصوصا للست هانم سلمى ربنا يجعل كلامنا خفيف عليها لنا معلقه . انا مش ناقص جُرسه وفضايح . انا بقولكو اهو
مالك : بص يا كبير ! كده رايح ف داهيه وكده رايح ف داهيه
................. ( العاشره ) ❤
احمد : استنو دى بترن
الو !
سلمى : حمو ! عملت ايه يا بابا ف الشغل
احمد : انتى دعيتيلى بإيه ؟
سلمى : دعيتلك ان ربنا يحرسك ويعليك .. كنت لسا بصلى العشا من شويه ودعيتلك
احمد : طيب منا ربنا كرمنى بسببك ... الحمد لله هنبدأ من بعد بكره ... بكره هستلم الشغل ونروح نشوف اللى ناقصنا والتيشرتات ودوره كده تدريبيه على نظام المطعم وبعد بكره ربنا يكرم
سلمى : هييييييييييييه فرحتنى والله . احححم انا هكون أول زبونه
احمد : ده غصب عنك اساسا ....بكره هبقي اشوف الشيفت بتاعى من امتى لامتى وهبلغك .. تجيبو العيال كلها وتيجو ف بداية الشفت بتاعى وانا اللى هسرفس عليكو ههههههههههه اهو تعملولى صيت ويقولو انى وشى حلو ولا حاجه .. بس بقولك ايه .. هتحاسبوا انا مامعاييش غير 15 جنيه ف جيبى ههههههههههه
سلمى : عيييييييييييييب كل واحد هيدفع لنفسه . اشطا ؟
احمد : اشطا ... بس ماتبقيش تحاسبى لنفسك ...
سلمى : ليه بقي !
احمد : ماهو انتى بقيتى ملزومه منى خلاص
سلمى : ملزومه منك ليه بقي . ها ليه . مخطوبين مثلا ؟ قاريين فاتحتنا ؟ متجوزين ؟
احمد : هههههههههههه حاجه زى كده انتى مالك انتى اللى بقولك عليه تسمعيه
سلمى : طيب ياخويا ....قاعد مع مين
احمد : مع مصطفى ومالك .... باقية العيال مشيو شكلهم بيذاكرو ولا ايه معرفش انا
سلمى : ههههههههههه كنت بذاكر من شويه ... ببص ع المذكرات لقيت نفسي مشخبطه عليها وكاتبه اسمك ف كل حته ...
احمد : اسمى انا ؟ ليه خير بتفكرى فيا ولا ايه
سلمى : وانا افكر فيك بتاع ايه ان شاء الله .. عادى هتلاقينى افتكرت حاجه
احمد : اااه اصل افتكرتك انك كنتى بتفكرى فيا ولا حاجه . اصل بعمل الحركه دى بردو وانا بذاكر او ماسك اى ورقه وقلم
سلمى : وبتكتب اسمى ؟
احمد : يووووووووه كتير . دى اختى سالى فضحتنى من كم يوم
سلمى : اشمعنى بقي
احمد : قاعد متنح كده بتفرج ع التلفزيون وماسك كوباية الشاى ف ايدى ومتلفع بالبطانيه وساند ضهرى ع الكنبه .. لقيتها داخله ف بقولها خدى الكوبايه دى معاك وانتى خارجه يا سلمى ..هههههههههههههههههه
مره تانيه كنت بذاكر لقيتها بتقولى هى مين سلمى اللى انت كاتبها دى
قولتلها سلمى ايه انا كاتب اسمها فين قالتلى هنا وهنا وهنا وهنا ياخويا
سلمى : هههههههههههههه طب انا انام ازاى بعد الكلام الحلو ده
مالك : ياريتنى يا اخى اسمى احمد
سلمى : الواد اللى عندك ده بيقول ايه
احمد : ده عيل مالوش لازمه ماتشغليش بالك
سلمى : رايح فين بكره بما ان بكره الجمعه
احمد : مش عارف ! بس عاوز اشبع نوم ... وكمان هروح ع الساعه 4 كده المطعم الجديد اشوف بقي الكلام زى ما قولتلك
سلمى : طيب هتخلص امتى
احمد : الصراحه معرفش .. على حسب ما الاستاذه ال . ال .. الاستاذ صاحبة ال . ال صاحب ال مطعم . مطعم . الاستاذ صاحب المطعم . أيوه هى كده صاحب المطعم
مالك ومصطفى : ( بيقعو ع الارض من كتر الضحك وماسكين نفسهم بالعافيه )
سلمى : انت بتقول ايه مش فاهمه
احمد : يابنتى يعنى هنشوف بقي صاحب المطعم هيقول امتى وهنشوف مين هيبقي ماسك الصاله ومين كاشير ومين ومين ومين . احنا كتير ,, فهمتى ؟
سلمى : ايوه ايوه فهمت . طب ماتيجى ندخل سيما بكره عشانى وحياتى وحياتى
احمد : طاااااايب لو خرجت بدرى بكره قبل 9 هبلغك اشطا كده ؟
سلمى : اشطا كده .. يلا قوم روح الجو برد النهارده
احمد : حااضر ... هلعب جيم مع العيال وقايمين
سلمى : هما بيضحكو ليه انا سامعه صوت ضحكهم
احمد : بيلعبوا ماتشغليش بالك بيضحكو مع بعض . عيال متخلفه مانتى عارفه
مالك : ههههههههههههههههه إلبس يا ..... يا مصطفى هااا إلبس عشان خارجين
مصطفى : إلبس انت يا .... ماالك . هاا يا مالك عشان مروحين
احمد : ماتخرس يا كلب انت وهو مش عارف اكلم سلمى . اهو شوفتى ياسلمى . مع بعض هما اهو بيتخانقو مع بعض ماتشغليش بالك انتى
سلمى : ههههههههههههه ربنا يصبرك ... ماتتأخرش بقي ها وهكلمك بالليل
احمد : حاضر . قومى اضربيلك حاجه دافيه كده تدفي جسمك
سلمى : ماشي هخلى إلهام تعمل نسكافيه
احمد : إلهام مين انتى غاويه تعذبى الناس جنبك . سيبيها نايمه قومى انتى الجو برد
سلمى : يوووه . طيب ياعم ماتزعقش قايمه . أعملك معايا ؟
احمد : ياريت
سلمى : امممم طب هعملك كوبايه معايا واشربهالك
احمد : ( بيسكت ثانيتين )
سلمى : حمو !
احمد : ايه يا لوم
سلمى : سكتت يعنى
احمد : مافيش ! معاك يا وزه اهو ... قومى يلا انتى اشربيلك حاجه ودفى نفسك وانتى قاعده
سلمى : حاضر .. باي يا كبدتى
احمد : سلام
....................
مالك : بص ! انا حرفيا كنت بموووت من شويه لما انت اتحرست على نفسك وكنت هتقول الاستاذه صاحبة المطعم
احمد : اووووووف ! دنا جيبت عرق من كل حته
مالك : ههههههههههههههه هههههههههههه هههههههههه هههههههههههههه هههههههههه يانهار اسود . بتخاف منها ؟
احمد : جدا . دى مربيالى الهسهس
مصطفى : ههههههههههههههههههه اقسم بالله احلى علاقة شوفتها ف حياتى
مالك : روااااااااااااااايه . انت تكتب روايه عن قصتك مع البت دى
احمد : ايوه ! واسميها مُهلكتى مش كده
مصطفى : هههههههههههههههههههههه بالظبط
احمد : هههههههههه عليا النعمه ما حد هيصدق وهيفضلو يقولو فين ده ومين ده ومافيش كده وبطلو تلعبوا بدماغ الشباب والبنات وانهم لازم ينزلو على ارض الواقع هههههههههههههههههه
مالك : ياعم اللى يفكر يفكر اكتبها انت بس وماللكش دعوه ... وانا هشتري اول نسخه وطبعه كمان
احمد : تعرف يا مالك ! انت دِيتك معايا اكتب عنك روايه
مالك : الله ! حبيبى يا شقيق طب وربنا بتفهم
احمد : وتموت فيها
مصطفى : هههههههههههههههههههههههه همووووووت
مالك : طب ليه كده طاااايب
احمد : استنى بس ! مانت مش هتموت . هتصحى على اخر لحظه .. واكتبلك جزء تانى مليان بنات ومزز وحلويات . بعد ما تتجوز طبعا اللى هتحبها ان شاء الله
مالك : حبيبى حبيبى حبيبى
احمد : واطلع ف اخر الجزء التانى ده ان انا اللى كنت بحلم انك عايش وتطلع انت فطسان من زمان ههههههههههههههههههههه
مصطفى : ( الكرسي بيقع بيه من كتر الضحك )
مالك : ياعم ارحم أمى بقي . دى ايه الشوره الهباب دى .. وبعدين انت فاكر انك هتفتكر كل حاجه وكل ذكرى ؟
مصطفى : احمد بيسجل ف اجنده معاه كل يوم بيمر بيه قبل ما ينام ... يعنى يوم ما يفكر يكتب روايه ولا يكتب قصه ولا يكتب حتى اى موضوع . هيلاقى خير كتير
احمد : بالظبببببط . عرفت بقي
مالك : طب لو كتبت عن مصطفى . هتكتب ايه بقي
احمد : مصطفى ! مصطفى هدلعه احلى دلع هكتبله احلى كلام واحلى حكايات بس لما يلاقى اللى يحبها .... المهم انا قايم بقي . مش قايمين ولا ايه
مصطفى : لا قايمين ياعم انا بدات ابرد
احمد : يلا نتقابل بكره الضهر .. سلام يا غجر
.....................
( سلمى قاعده متغطيه ع سريرها بتبص ل صورة احمد على تليفونها .. باباها بيدخل عليها . بتخبى التليفون تحت البطانيه )
ابو سلمى : سوسو نمتى يا روحى ولا لسا صاحيه
سلمى : لا يا حبيبى لسا صاحيه
ابو سلمى : اجى اقعد معاك شويه
سلمى : هههههههه ياسلام ! هو انا أطول . تعالى يا حبيبى
ابو سلمى : ها بقي . بنوتى عامله ايه واخبارها ايه
سلمى : كويسه الحمد لله . مبسوطه اوى اليومين دول
ابو سلمى : خير يارب
سلمى : احححم عارف احمد ؟
ابو سلمى : امممم ماله ؟
سلمى : النهارده الحمد لله لقا شغل تانى ف مطعم اكبر من اللى سابه امبارح
ابو سلمى : وساب المطعم امبارح ليه ؟
سلمى : مافيش حصل حوار كده . واحده زميلتنا كانت عملت عليه فيلم انه خد منها الخاتم بتاعها وانه معرفش ايه . وطلبت الشرطه ...وفعلا راحو القسم . بس البنت اعترفت بغلطها واتاسفت والموضوع كله كان كيد مش أكتر ...بس صاحب المطعم اللى احمد كان شغال فيه . محبش ان احمد يكمل . واحمد اساسا كان عامل حسابه ومجهز استقالته
ابو سلمى : امممم . هو باين عليه واد ذكى وبيفهم ...
سلمى : انت حضرتك رد فعل صاحب المطعم ده انه يمشى احمد كان كويس ولا غلط
ابو سلمى : هههههههههههه احمد قالك ايه
سلمى : احمد قال انه بالعكس . رايه فعلا يُحترم وان اى رجل اعمال محترم وبيحب شغله ف مكانه كان هيعمل كده .. واتهم نفسه هو بالتقصير انه مخدش باله وانه كان لازم يبقي فايق . عشان زى ما حركه زى دى اتعملت بسهوله ممكن اوى حركه اكبر تتعمل والمطعم كله يتخرب .
اببو سلمى : طيب ! انا موافق 100 % ع الكلام ده ... العمل كله عباره عن منظومه متكامله . تروس ومتركبه جنب بعض . لو فيهم ترس واحد شغال ببطئ او عِطل كل المنظومه هتقف
سلمى : بس احمد مكنش بطئ . بالعكس ده يعتبر سبب من اسباب نجاح المطعم وكان فيه زباين كتير جدا بيحبوه وبيروحو ياكلو هناك خصوصا لطريقته ف التعامل معاهم وبشاشته
ابو سلمى : عشان كده كان لازم احمد يتعلم الدرس ده .. انه مايثقش في حد بسهوله وانه لازم يكون على مسافه واحده من كل الناس
سلمى : هو فعلا بيقول كده وبيقول مبسوط انه حصله كده عشان يتعلم وياخد باله ف اللى جاى
ابو سلمى : بالظبط
سلمى : عارف يا بابا !
ابو سلمى : يا روح قلب بابا
سلمى : هههههههههههههههه روحنا انا والبنت صاحبة مشكلة المطعم واتكلمنا مع صاحب المطعم عشان يرجع احمد الشغل وفعلا الراجل وافق وقال فعلا انه غلط انه مشى احمد .... احمد لما عرف زعل جدا وقال خلاص ده موضوع اتقفل بالنسباله وانه مش هيسمح على نفسه مليم واحد مبصوصله فيه عليه ولا على اهله
ابو سلمى : هههههههههههههههههههههه طيب متوقعه ايه من واحد زى احمد . اكيد ده الصح .. واللى المفروض يحصل طبعا
سلمى : " نحن رجال لا نملك من العيش الكريم الكثير .. ولكن لدينا قلوبا خفاقه تنبض بكل ما هو حى . واكتر حاجه حيه ف قلوبنا هى كرامتنا "
ابو سلمى : الله ! ايه الكلام ده هههههههه
سلمى : هو اللى قالهولى النهارده وعماله افكر ف الجمله دى من ساعة ما رجعت
ابو سلمى : طيب يا بنوتى يلا اتغطى عشان تنامي وبلاش سهر انتى بقالك كم يوم بتسهرى ومافيش نوم .. مامتك قلقانه عليك
سلمى : حاضر . هخلص النسكافيه ده وهنام على طول
ابو سلمى : طيب يلا تصبحى على خير
سلمى : وحضرتك من اهله يا حبيبى
.............
ام سلمى : ايه البنت نامت ؟
ابو سلمى : لا شويه وهتنام
ام سلمى : ايه مالك مبتسم كده
ابو سلمى : متطمن
ام سلمى : يارب يا حبيبى على طول تفضل متطمن بس ليه خير طمنى معاك
ابو سلمى : سلمى بنتك ماعدتيش تقلقى عليها فاهمانى ؟ ربنا كرمنا احنا كعيله بانسان راجل يقدر يحافظ على فلوسنا زى خطيب بنتك
ام سلمى : اه طبع..... خطيب ايه يعنى ايه ؟
ابو سلمى : هههههههههههههههههه اقعدى بقي عشان اقولك على سر . اوعاكى تفتحيه ف يوم من الايم قدام بنتك .. هقولهولك وتنسيه . عشان لو جرالى حاجه تفتكرى انتى فاكراه ..
ام سلمى : بعد الشر عليك يا حبيبى . قول قول شكل الموضوع يفرح
ابو سلمى : لما كنت قاعد مع الواد من كم يوم تحت قدام البيت ع البحر وفضلت اتكلم معاه
لقيتنى بتكلم مع نفسي
كأنك حطيتى مرايه قدامى وبتكلم معاها . لقيت حد نفسه ومُنى عينه ف نجمه ف السما وقلبه متشعلق بيها . بس خايف يا ولداه يمد ايده رجله تتكسر ومايلحقش يفرح والنجمه تروح منه
لقيت دموع طالعه من عيون راجل بتتوسلنى انى ماقتلش حلمه ولا اقتل أمانه ف الدنيا . لقيته وىمنت بعنفوانه وعافيته ونشفان دماغه . وحِدة عينه . وقلبه الرقيق جدا بس مع الدنيا بيبقي حديد . قالى انا مش عاوز اربط دماغ سلمى بأى كلمه او بحبال دايبه لان ظروفى وظروفى وظروفى بس اوعدك انى ههدلها الجبل لو تطلب الامر انها تكون دُره ثمينه بحافظلك عليها . بس اصبر عليا . ولو بعدت يا عمى ولا الدنيا بعدتنى غصب عنى وعنها وعنكو اعرف انى راجل . وهدور عليها . خليها هى تعيش حياتها طبيعى . تسافر وتروح وتيجى ولو عاوزه تتخطب تتخطب . هتكون بتهرب منى انا لاى حد بس ساعتها هرجع وهى هترجع وهنتلاقي وانا اللى هدور عليها .. ووعدته على الاساس ده وبناءا عليه انا طلبت منه هو اننا نقرا الفاتحه
ام سلمى : طيب يعنى ازغرط دلوقتى وافضحك وافضح نفسي هههههههههههه ايه الاخبار الحلوه دى
ابو سلمى : انتى مش زعلانه عشان مستواه المادى يعنى والكلام ده
ام سلمى : ازعل ؟ ده ف كل صلاه كنت بدعى واقول ان ربنا يجعله من نصيبها . يا حبيبى انا أم مايهمنيش غير سعادة بنتى .. وبنتى بشوف ضحكتها طالعه من القلب لما بس يتذكر ف المكان اسمه . او عينيها بتبرق وبتلمع ازاى وهى بتحكى عنه .. انا كأم هحتاج ايه اكتر من كل ده .. قولى انت هحتاج ايه اكتر من كده ...
ابو سلمى : انا عاوز حد يحميها يا ام سلمى ويحبها ويحافظ عليها . انا تعبي ابتدا يشغلنى شويه وبطلب من ربنا انها تخلص دراسه عشان تيجى تشوف مالها وتحافظ عليه وارتاح انا بقي

ام سلمى : بعد الشر يا أخى بقي حرام عيك ماتقولش كده تانى ... نام يلا ريح جسمك شويه
................
( بعد صلاة الجمعه )
مالك : بقولك ايه يا كبير ماتيجى نلعب كوره
احمد : والله فكره . روحو جهزوا حالكو ونتقابل هنا الساعه 2 ونص .
احمد 2 : ايوه ادونا فرصتنا بقي . هتشوفوا مواهب الاقاليم على حق مش اللعب النايتى بتاعكو
احمد : لعب نايتى ؟ طيب تمام . روح جهز حالك . وهتبقي ف الفريق اللى قصادى ..
احمد 2 : لا انا معاك
احمد : لا يابا انا معايا مصطفى وحسن وعلى ومجدى هيقف جون . احنا كده خمسه
انت بقي مع عماد ومالك وهنجيب الواد سماره والمحمدى ...
مالك : مالك ايه لا انا هلعب ف فريقك مش ناقص غباوه
احمد : لا وحياة امك انت وهو هتلعبو مع بعض وقصادى عشان نشوف مين فينا اللى نايتى يا شويه عيال مهزاه
احمد 2 : موافق ... واللى خايف من الدحح مايقولش ايه ؟
احمد : اححح يا روح امك احححح
مصطفى : هههههههههههههههههه الطف بينا يارب
...................
( الساعه 2 ونص )
احمد : جاهزين يا رجاله ؟ انا مش عاوز اجوان . انا عاوز غباوه . هكلم الونش هوقفه جنبنا هنا عشان شوية العيال دى . اللى يطول فيكو رجل بنى ادم يشيل ابوه مش عاوز اجوان عاوز غبااااااوه
مصطفى : اعلى الله
..
احمد 2 : بقولكو ايه بقي انت وهو صحصحو معانا . مش عاوزين نتغلب عاوزين مهاره ومسخره . عاوزين ناخدهم ع الهادى . واللى يطول يدى للواد احمد ده كبارى يديله عاوز اذله النهارده شهر قدام
سماره : تدى لمين كبارى ياا ؟
احمد 2 : لاحمد ياعم سماره . ايه ياعم
سماره : ااه لاحمد . طيب تمام ربنا يعينك . ابقي اقفل رجلك انت بس وانت داخل عليه الله يسترك
..............
احمد 2 : ااااااااااااااااااااااااه رجلى ياعم
احمد : قوم يا ***
مالك : ههههههههههههههه
احمد 2 : ياعم ايه الغباوه دى رجلى كانت هتتمزق
احمد : مش قولتلك قوم يالا . انشف كده لسا كتير
..............
احمد 2 اااااااااااااااااااااااااااااه ضهرى . وربنا ضهرى قفش وربنا وربنا ااااااااااااه
احمد : طقطقله ضهره يا مصطفى
............................
احمد 2 : ااااااااااااااااه ياعم بالراحه كوعك جه ف عينى . ايه ده ياعم ؟
.............
احمد 2 : ااااااااااااااااه وشى طار منك لله . الكوره بتلسع ياعم . والمصحف انت قاصد تشوطها ف وشى
......
مصطفى : احيييييييييييييييييييه اي الكوبرى ده الله اكبر انا لو منك ياض يا احمد2 ماعدتش العبها تانى ف حياتى
احمد 2 : انا ماعدتش لاعبها فعلا ..
...........................
مالك : ايه يا شباب هتعملو ايه النهارده
احمد : انا رايح استلم الشغلانه ف المطعم ده وهشوف هرجع امتى النهارده وهبقي اكلمكو
احمد 2 : المطعم ده فيه مزز ؟
احمد : ملياااان . وحياتك شغال معايا ييجى 4 بنات كده حاجه اخر عناب ههههههههه ابجي تعالى صيف عندنا
عماد : انا هبقي اجى
احمد : تعالى ياخويا وهات مجدى معاك
مجدى : اه والنبى الواحد عنده نقص ف هرمون الشخلعه اليومين دول
احمد : ياعم اجرى دانت كنت واقف جون ونفسك مقطوع ومش قادر تجرى مربي كرش انت يا مجدى
مجدى : فين ده ياعم كرش ايه ماعنديش كرش انا
احمد : المهم صلو بينا ع النبى
مالك : عليه الصلاه والسلام
احمد : كلككككككو كده بلا استثناء عاوزكو معايا ف حكايه ... عشان هتبقي حكاية اسكندريه كلها اليومين الجايين
مالك : حكايه من انهى نوع
احمد : حقى مع طارق
مصطفى : إلعععععععععععب
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020