رواية مهلكتي من جزء 1 : 18

الجزء_التالت (الحلقه الحاديه عشر) ( انت فاكر نفسك مين ) ❤ ❤

................
ف الحلقه السابقه :_
احمد : بصى يا سلمى ! كان زمان يا ماما . مش انا اللى اسمع كلام حد وخصوصا لو كان كلام بنت . ومافيش بنت تقدر تمشى كلامها عليا اصلا .. انا احمد يابنتى . حمو ! نسيتى مين هو حمو .. مش انا يا ماما مش انا روحى اتكلى على الله
سلمى : ( بتبوسه من خده )
احمد : انهى مفتاح من المفاتيح دى اللى بيفتح الزفت البوابه ؟
................ ( الحاديه عشر ) ❤
( ع القهوه )
على : تصدق ان انت عيل رمه يالا .. كنت فين يا زفت
احمد : بس ياعم بقي انت كمان مش طالباك
حسن : مش طالباه ايه انت هستتهبل . احنا دمنا نشف . كنت فين انت وكنت بتتصرمح ف انهى داهيه
مصطفى : يا أخى حرام ع اللى خلفوك والله العظيم اتخضينا خضة عمرنا كله
احمد : ( بيرفع حاجبه ) طيب تمام ! نكد بنكد بقي ... مين فيكو اللى قابل الواد اللى جه سال على سلمى كذا مره
مصطفى : حمو حبيبى ! وحشتنى يا غالي عليا النعمه . طيب عن اذنكو يا شباب انا رايح اصلى العشا وافتكرت حاجه مهمه اوى هاخدها واروح البيت ... سلام يا غالي
على : خدنى معاك يا ابو الصاصات افتكرت انى ورايا مشوار مهم جدا ولازم اخلصه دلوقتى
حسن : وانا جدا يعنى
مالك : سبحان الله انا افتكرت بردو انى ماوراييش حاجه ولازم اخلصها دلوقتى
احمد : ( اقعد يابن الكلب انت وهو دانت هيطلع عين امك انت وهو دلوقتى )
مصطفى : طب هنجيلك بكره طيب
احمد : ولا يا كريم اقفل ميتين ام القهوه
كريم : هههههههههههههههه اديلو
مصطفى : وحياة امى ما حصل ولا شوفته
على : وانا شرحه اقسم بالله ولا شوفته
حسن : ورحمة ابوك وابويا ما شوفته
مالك : والعيش والبطاطس اللى واكلينها سوا ما شوفته
احمد : ( بيقفش مالك من قفاه ) تعالى يا حبيبى تعالى ! ماقولتليش ليه يا حيلة امك ع الواد ده من بدرى
مالك : انا ؟ انا يا احمد ؟ اخص عليك الناس بتتفرج عليك . وبعدين انا مصدوم فيك ازاى تصدق عنى حاجه زى كده دنا بقول عليك اخويا اللى ماجابتوش امى ... عيب .. عيب
احمد : انت هتلحن عليا يا روح امك ... انططططق واخللللللص .. ماقولتليش ليه ويبقى مين الواد ده بروح امك
مالك : طيب سيبنى طيب انت قافشنى قفشه سوده على فكره وشكلى زباله قدام الناس
احمد : انطق يا مالك وارحم نفسك . هعلقك والمصحف . اخلص
مالك : والله ما اعرف حاجه يا جدع . اهو واد ملزق كده وكنت واقف بالصدفه معاهم وهو جه سال عليها .. وهى خدته ومشيت بس كان شكلها متضايق جدا وتقريبا كانت بتقوله مايجيلهاش هنا ... ساعتها رنيت على مصطفى قولتله ياخدك وتمشو بعيد عشان عارفين دماغك ... بس . ادى كل الحكايه
احمد : وماقولتليش ليه ؟
مالك : ايه ؟
احمد : ماتزفتش نطقت وقولتلى ده ليه ؟
مالك : ايه ؟
احمد : ايه اتخرست دلوقتى ؟ .. امسك يا على معايا
على : اوامرك يا كبير هتعمل فيه ايه هههههههههههههههههه
احمد : هعلقه هنا ف القهوه عشان يتربي ونسيبه للصبح
مالك : مصطفى ! الحقنى يا مصطفى ده هيعملها بجد
مصطفى : وانا ولا اعرفك يا مالك .
احمد : يا كبد امك ! مانت كمان هتتعلق معاه يا روح امك مانت خبيت عليا بردو
مصطفى : ليه كده يا بسيونى . دنا اتغيرت عشانك هههههههههههههههههه
احمد : ههههههههههههههههههههه اه يابن الجزمه
مصطفى : ههههههههههههههههههههههههههه وحياة امى حبيبى حبيبى ! خلاص بقي قلبك ابيض . دانت زعلك غبي
احمد : منا عمال اقول مش وقته وخلاص وخلصنا وانتو مصمممين تفتحولى وصلة نكد .. ابو اشكالكو عيال رمم
حسن : ههههههههههههههههه لا بس غيبتك ماثره فينا كلنا يا صاحبي والله . ربنا ما يغيبك عننا تانى ياعم
احمد : ولا اتحرم منكو يارب . انا قايم مروح بقي
مصطفى : كلمت امك
احمد : اه كلمتها وانا جاي من عند سلمى طمنتها ... يلا سلام
مالك : ايه يا كبير جاى بكره
احمد : معرفش . انا عاوز انام .. طول النهار بلف على رجليا .. سلام
مصطفى : سلام يا حب
مالك : سلام يا كبير
......................
( تانى يوم ف الجامعه)
هند : لوووومى وحشانى يابت ايه اللى جابك تجاره
لمياء : بقولك ايه انا عاوزاكى ف خدمه
هند : خدمة ايه اؤمرى
لمياء : بقولك ايه انتى عارفه الواد احمد بتاع المشكله الاولانيه اياها اللى حصلت هنا
هند : اه بتاع تجاره .. ماله
لمياء : عاوزاكى ف موضوع كده . هضرب كرسي ف الكولوب بينه وبين البت اللى ماشيه وراه دى
هند : سلمى ؟ دى حتة سكره هههههههههههههههههههههه
لمياء : اهى السكره دى كلتنى علقه ماكلهاش حمار ف مطلع هههههههههههههههههه بس هردلها الضربه والنهارده
هند : عاوزه ايه بس . رسينى ع اللى ف دماغك
لمياء : بقولك ايه انتى عندك صحبات حلوين قمرات كده يعملو اللى نقولهم عليه
هند : يووووه كتير . كلنا نحب نخدم . وخصوصا لو الخدمه تخص الواد ده .. ده علامه يا بنتى علامه من علامات الجامعه ههههههههههههههههههههه قوليلى بس هتعملى ايه
لمياء : اسمعى يا ستى
.................
منه : اخيراااااااا . اول ما البت ساره كلمتنى وقالتلى اتطمنو على احمد ساعتها بس عرفت انام كنت متنكده والله
فريده : الحمد لله .. هو هيتأخر ولا ايه يا مصطفى
مصطفى : يعنى ممكن ييجى ع الضهر كده يعنى نخلص اول محاضره .. عشان شكله ماكنش نام خالص طول النهار
منه : طب عرفتو طيب ايه الحكايه ولا ايه ...
مصطفى : لا هو قال انه كان عنده شغل وتليفونه فصل
منه : ربنا يطمنا عليه دايما .. ماتيجو نعملهاله مفاجأأه ونروحله البيت
سلمى : فكره حلوه والله انا موافقه
مالك : فكره حلوه
مصطفى : فكره حلوه ايه لا ماينفعش ( بيغمز لسلمى ) ماينفعش يا جماعه
منه : ليه طيب
سلمى : خلاص يا منه مصطفى أدرى مننا بأحمد ومش عاوزين نعمل حاجه تضايقه
منه : طب رنولنا عليه طيب شوفوه جاى ولا مش جاى . استنو هرن انا عليه
اهو بيرن
سلمى : شغلى الاسبيكر
منه : استنو ده رد
الو !
احمد : ( بيرد وهو نايم ) الو !
منه : ايه يا مز جاى ولا مش جاي
احمد : انتى مين اصلا
الجميع : ( ضحك )
منه : يابنى قوم يابنى ماتطيرش البرج اللى فاضل ف نافوخى
احمد : اهااا .. ام عيون زرقا
منه : ههههههه اه هى . قوم وصحصح والبس وتعالى يلا . الجامعه دمها تقيل من غيرك والله
احمد : كلكو موجودين
منه : كلنا . وكلهم حواليا اهو وانا بكلمك
احمد : طيب هلبس وجاى ...
منه : ماتتأخرش بس
احمد : خلصنا بقي
..............
( قدام الكافتيريا بشويه بعد ساعه )
لوجى : حموووو ! يا حموووو
احمد : انتى بتكلمينى انا ؟ انتى مين
لوجى : ههههههههههههه انت متسيط تسييطه جامده ياعم . ع العموم انا زميلتكو هنا ف تجاره
احمد : والمطلوب ؟
لوجى : ( بتحط ايديها على ضهر احمد من غير ما يحس وبتقرب منه وبتساله على حاجات ف الجامعه )
...
هند : صباح الخير يا قمرات
منه : اهلا صباح النور يا هند منوره
سلمى : صباح النور
هند : ماشوفتوش البت لوجى صاحبتى كانت هنا وتليفونها فاصل
منه : لوجى مين
هند : اها انتو ماشوفتوهاش قبل كده صح .. بت عسل كده ... ايه ده احييييه دى واقفه هناك اهى شكلها شقطت واد ههههههههههههههههههههه ده شكله احمد ده ولا ايه
سلمى : ( بتبص بسرعه بتلاقيهم احمد واقف مع لوجى )
فريده : احيييييييه .. احمد بيتشقط فعلا ... تعالو تعالو نشوف الحفله دى
منه : احيييييه . احيييييييه . واحنا ايه اكياس حرنكش ولا ايه ... تعالى يابت انتى وهى
سلمى : ( بتمشى بسرعه ناحيته )
....
لوجى : ( بتلمح سلمى جايه من بعيد ) لا بس انت عسل زي ما سمعت عنك ياواد يا حمو ( بتحط ايديها على كتفه )
احمد : شيلى ايدك يا ب.......
سلمى : ايه اللى انا شايفاه ده ( بتجيب البت من شعرها وبتبكسلها ف وشها ) انتى ماده ايدك كده ليه يابنت الكلب انتى . هى ايه شغلانه
احمد : بس بس سلمى انتى فاهمه غلط مافيش حاجه لكل ده
سلمى : اسكت انت مالكش دعوه بيا شيل ايدك
" انت فاكر نفسك مين
حتة واد دمه تقيل لامملي شويه بنات حواليه وفرحان بنفسه
حلو شويه ؟ الحلوين كتير ياخويا
دمك خفيف ؟ شايفاه تقيل وسم ومش بطيقك
انا مش عاوزه اعرفك تاني " ( بتزقه من كتفه وبتسيبه وبتمشى )
احمد : ( بيكتم الضحكه ومتنح ) سلمى . يا سلمى استنى انتى فاهمه غلط
ساره : ياسلمى استنى رايحه فين
سلمى : محدش ييجى ورايا مش عاوزه اشوف حد . قرفت منكو كلكو
مالك : ايه يابنى فيه ايه
احمد : ( بيضحك من قلبه ) يابنت المجانين
منه : انتى مين يابت
لوجى : عاوزه ايه انتى كمان هى ناقصاكى
منه : ( بتجيبها من شعرها هى كمان )
احمد : ( بيقع على الارض من كتر الضحك )
..................
مصطفى : البنات كلهم مشيوا يا جدع انت عملت ايه
احمد : عملت ايه ف ايه ولا اعرف ههههههههههههههه انا فجأه لقيت الدنيا طربقت فوق دماغى من كل حته . مش عارف الضرب كان جاى منين هههههههههههههههههههههههه
مالك : وبتضحك ؟ يا قلبك يا أخى
احمد : ومضحكش ليه ؟ حتة بونبونى متضايقه وغيرانه عليا .. مضحكش وازقطط ليه .. يابنى يا حبيبى انت وهو انتو لسا قدامكو كتير على ما تحسوا باللى انا بتكلم عنه ده
مالك : عليا النعمه انا لما بتكلم معاك بحس انى مش ف الدنيا ههههههههههههههههههههه طب ناوى تصالحها
احمد : منا بفكر ف طريقه اهو اصالحها بيها
مالك : طب وبقية البنات . ماهما شكلهم زعلو هما كمان
احمد : منا دماغى هتضرب من ساعتها طب سلمى ماشى معاها عذرها . منه وفريده يتقمصوا منى ليه . دول كان هاين عليهم يخبطونى بحاجه ف وشى وهما ماشيين . دنا خوفت من منظر البت فريده اقسم بالله . بتجز على سنانها كده كأنها عاوزه تاكلنى ...
مالك : طب عندك فكره طيب تعملها تصالحها بيها
احمد : اتتتتقل . لسا بتكتك
على : يا حلاوتك ف التكتكه يا زميل
احمد : فين الواد احمد وعماد .. وفين الشحط اللى اسمه مجدى
مالك : مجدى رًوح من شويه تعبان عاوز ينام . واحمد وعماد بيشتروا شويه حاجات عشان هينزلو البلد بكره
احمد : مجدى ماله ! حد فيكو عمل فيه حاجه
مالك : هههههههههههههه بس يا فقر
احمد : طيب وسايبينه يمشى لوحده ليه . تعالو نتطمن ونطب عليه الاول وبعد كده ناخده وننزل نقعد ع القهوه ولا نروح نتغدى ف اى حته .
مصطفى : يلا ..
.............
( عربية سلمى )
ساره : ما كفايه نفخ بقي وترتينى فيه ايه ... مالك قفشتى ع الواد ليه مره واحده
سلمى : ده واد سافل عاوز يتربي . انا هربيه من أول وجديد . ال ايه انت عسل اوى يا حمو . دمك خفيف اوى يا حمو ... ده دمه يلطش مش عارفه انا بتحبوه على ايه جاتكو نيله
ساره : هههههههههههههههههههههههه
سلمى : بت ! ماتستفزنيش لاحسن يمين بالله هنزلك وسط الطريق .. اقولك على حاجه انزلى يلا روحى على بيتك
ساره : لا هروح معاك
سلمى : مش عاوزه حد . انزلى اركبى وروحى
ساره : لا
سلمى : سااااااااااااره بقولك انزلى ( بتوقف العربيه )
ساره : كده تبيعينى ! ههههههههههههه اه يا واطيه
..................
احمد : بقولكو ايه عاوزين تسمعوا وصلة ردح معتبره من بنوته بنت ذوات وعسل ف نفسها كده وحتة بونبونى وهو متعصب ههههههههههههههههههههههه
مالك : ورينا
مصطفى : هههههههههههههههه سمعنا
احمد : محدش يتكلم اسكتو
( بيرن على سلمى )
سلمى : عاوز ايه انت
احمد : يا سوسو اسمعينى بس انتى فاهمه غلط والله
سلمى : بلا سوسو بلا زفت وانا دخلى ايه اصلا
انت اشترتنى
ايه كمية التوتر اللى انا فيها دى
انا مش عارفه هلاقيها منين ولا منين جاتك داهيه
اجيبك من هنا تروح هنا اجيبك من هنا تروح هنا . ايييييييييييه .. ايييييييه ياعم
شايف نفسك على ايه انت
( احمد واصحابه ماسكين نفسهم م الضحك بالعافيه )
سلمى : ماترد عليا . شايف نفسك على ايه .... انا شايفاك دمك يلطش بجد ومحدش بيطيقك وعامل لنفسك حكاية ع الفاضى وبارد وجبله
انا مش عاوزه اعرفك تانى وماتحاولش تكلمنى ولا تيجى ناحييتى
ويمين بالله لو شوفتك قاعد قدام بلكونتى تانى لنا جايبه جردل ميه ومغرقاك بيه
فاهمنى ولا لا
احمد : ( ضايع من كتر كتمة الضحك ) طب انا عاوز الخاتم بتاعى اللى جبتهولك
سلمى : مافيش خواتم .. خاتم ايه يابو خاتم اللى جبتهولى . ضاحك عليا وبتشبكنى بخاتم ب 2 جني ؟
احمد : طيب ماشى انا عاوزه بردو . أنا أولى بال 2 جني دول . هبيعه لواحد صاحبي جايلى فيه سعر كويس
سلمى : مافيش خواتم وزى ما قولتلك ماتكلمنيش تانى فاهم ولا لا وحسك عينك اشوفك عند البيت ...
احمد : الله ! وانا مالى ومالك انا ببقى قاعد ف امان الله ع البحر . ايش حشرك انتى ف الموضوع
( مالك ومصطفى وعلى وحسن واحمد 2 وعماد ) ضايعين من كتر الضحك وحاله هيستيريا من الضحك المتواصل المكتوم )
سلمى : احيييييه عليك يا جدع . يعنى هو الكورنيش كله مافيهوش غير العماره الحزينه بتاعتى اللى تيجى تقعد قدامها
احمد : الله ! برتاح ف المكان ده انتى مال اهلك انتى
سلمى : ولاااه ! لم لسانك مش هسمحلك تغلط تانى . كان زمان ... اقفل يلا مع السلامه
احمد : ومع السلامه ليه بقي ما تقولى ف داهيه احسن
سلمى : ( ف سرها : بعد الشر ) براحتك سلام
( ضحك بشكل غبى ومتواصل من كل الشباب .. واحمد بيقع ع الارض من كتر الضحك )
احمد 2 : احيييييه يا جدعان . احييييييه . احييييييييه
مالك : مالك يا متخلف انت مسكت ف احيه
احمد 2 : هههههههههههههههههههههههههه احنا عاوزين الحب ده يا جماعه . يا جدعان اقسم بالله البنت دى انا ماشوفت زيها ف حياتى من كل ناحيه .. ياعم ربنا يحفظهالك . حتة سكر كده
احمد : ايوه ابتدى غنى بقي عشان هتتعبط دلوقتى . دخل لسان امك ده جوه بؤك واكتم
احمد 2 : ههههههههههه تبيع صاحبك يا زناتى
احمد : دنا ابيعك انت والزناتى . المهم جهزوا نفسكو عندنا ماتش كورة النهارده
مالك : هنلعب فين
احمد : اححححم
مصطفى : ههههههههههههههههههههههههههههههههههههههههههه
مالك : تصدق ان انت عيل ابن جزمه يالا وسافل ومنحط ههههههههههههههههههههههههههههه
احمد : هههههههههههههههههههه مانت اللى بتقول كلام يخرج الواحد عن ادبه والله يا مالك ههههههههه
احمد 2 : هههههههههههههههههههههههههه
على : هههههههههههههههههههههههه مسخره عليا النعمه .. لا صحيح هتلعب مع مين
احمد : هنروح احنا كده بس . احنا كفايه مش عاوزين حد تانى
مالك : ناوى على ايه
احمد : هعلمك ازاى تصالح حد بتحبه بطريقه تخليه هو ييجى يصالحك هههههههههههههههههههههههههه
.....................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020