رواية مهلكتي من جزء 1 : 18

الجزء_التانى (الحلقه الثامنه ) ( اوضه 105 ) ❤ ❤

................
ف الحلقه السابقه :_
مصطفى : يابنت المجانين ههههههههههههههههههههه استنوا استنوا ولاد حلال اهو احمد بيرن تانى ... الو !
طاهر : واد يا مصطفى حصلنى ع المستشفى اللى جنب الشغل بتاعى بسرعه وماتجيبش سيره لحد . فيه رصة حديد وقعت ع الواد احمد بس ان شاء الله خير
مصطفى : ( بيسيبهم وبيجرى ومالك وعلى وحسن ومجدى بيجروا وراه مش فاهمين حاجه )
................. ( الثامنه ) ❤
مالك : مصطططططفى فيه ايه استنى يا مصطفى طمنى يا اخى
على : مش وقته يا مالك ابعد بس من هنا
مالك : طب تعالى تعالى عربيتى هناك اهى ...
مصطفى : ( بلهوجه وخوف ) هات المفتاح انا هسوق انا
مالك : احكى بقي فيه ايه يا أخى حرام عليك دمى نشف
مصطفى : احمد يا جماعه
على : نعم ماله احمد يا لا
مصطفى : عم طاهر بيقول ان فيه رصة حديد وقعت عليه
( كلهم بيتصدموا وبيسكتوا )
مالك : بسرعه شويه يا مصطفى والنبى
................
فريده : تعالو تعالو ف عربيتى مش هنلحقهم كده
سلمى : ( بتعيط ) بسرعه والنبى يا فريده انا مش فاهمه حاجه .. حد يرن على على او حسن يا جماعه يفهم منه انا مرعوبه
ساره : استنى !!!!!
الو ! ايوه يا على فيه ايه يا اخى
سلمى : ( بتشد التليفون من ساره )
( بعياط ) على ! فيه ايه يا على
على : خير ان شاء الله يا سلمى .. احمد بس وقع على كتفه شويه حديد وان شاء الله خير بإذن الله
سلمى : ( بتنهار م العياط )
منه : ( بتشد التليفون من سلمى ) على ! انتو فين يا على رايحين فين
على : بصى ! اميره معاكو
منه : اه معانا . احنا كلنا انا وسلمى وساره وفريده واميره ومروه واسراء وايمان
على : طيب خلى اميره توديكو عند شغل احمد هى عارفاه .. فيه مستشفى على اول الطريق احنا هنكون هناك
منه : طيب تمام خلاص ... احنا وراكو اساسا
..............
( المستشفى )
طاهر : خير يابنى
الدكتور : ههههههههههههه لا كل خير يا حاج الحمد لله اتطمن .. هو بس كان غاب عن الوعى من شدة الالم اللى كان موجود ... مافيش اى كسور ولا اى حاجه غير ف دراعه الشمال حصل كسر مضاعف .. احنا جبسناه وانشالله هيبقى احسن من الاول بس لما يفك الجبس
طاهر : بجد يا دكتور ؟
الدكتور : بجد يا حاج .. شويه راحه بس عشان فيه شوية تهتك ف العضلات ويقدر يخرج من هنا اخر النهار ... وهيرجع لحياته الطبيعيه بس من غير شيل حاجه
طاهر : ربنا يجبر بخاطرك ويطمنك زى ما طمنتنى هو صاحي دلوقتى
الدكتور : اه فاق دلوقتى
طاهر : متشكر يا غالي
الدكتور : صحيح هو يعرف واحده اسمها سلمى . شكله بيعزها أوى ... جوزهاله يا حاج هههههههههههههه
طاهر : هههههههههههههه ياسيدى يشاور بس واحنا نجوزه سلمى واللى يتشددلها
الدكتور : ربنا يخليلك ابنك يا حاج
طاهر : ده مش ابنى يا دكتور بس زى ما تقول كده اكتر من ابنى
الدكتور : ربنا يبارك .. عن اذنك
........
( مصطفى ومالك بيدخلو زى المجانين المستشفى )
مصطفى : ايه يا حاج طاهر فين أحمد ... ماله ؟
طاهر : هههههههههه اتطمن ياض انت وهو هو الحمد لله كويس . دراعه بس اللى اتكسر ربنا قدر ولطف
على : بجد ؟ طب هو فين ؟
طاهر : جوه يابنى انت وهو فيه ايه منا واقف بضحك معاكو اهو الحمد لله
مصطفى : طب هو فين الدكتور نساله
طاهر : هو لسا مطمنى
هو بس كان غاب عن الوعى لان الحديد اللى وقع عليه كان تقيل ومصبب . والحمد لله هو كويس . مجبسين دراعه بس الحمد لله
مالك : طيب يا حاج احنا هندخل نشوفه الدكتور هيمانع ؟
طاهر : لا ده بيقول عادى . هيخرجه النهارده اوعى حد يكون قال لامه ولا حاجه . الخبر اللى زي ده وهو مش قصادها ممكن يخضها ولا ياثر عليها .. خلوها لما يدخل عليها واهى تبقى الصدمه اخف بكتير
مصطفى : صح .. ربنا يكرمك يا حاج
طاهر : انتو عيالى يا غاليين يا ولاد الغاليين ... ابوك يا مصطفى وابو احمد كانو اعز الناس على قلبى ( بيدمع ) يلا ادخلو اتطمنو على صاحبكو وخليكو معاه وانا هروح احاسب المستشفى وهاجى اتطمن عليه
( البنات بتدخل المستشفى )
سلمى : مصطفى هناك اهو .. ( بتجرى عليه ) مصطططططططططططفى
مصطفى : بس بس ماتتخضوش . الحمد لله جات سليمه احنا كنا لسا داخلين
طاهر : زمايلكو دول يا مصطفى
مصطفى : اه يا حاج
طاهر : ماشاء الله ربنا يخليكو لبعض
مصطفى : هندخل احنا يا حاج لاحمد
طاهر : ماشى يا حبايبى
مصطفى : تعالو يا بنات .. تعالى يا سلمى
طاهر : انتى اسمك سلمى يا حبيبتى
سلمى : اه يا عمو ( بتمسح دموعها )
طاهر : ماشاء الله يابنتى ... يلا ادخلو انتو اتطمنو
.................
( اوضة أحمد )
( سلمى أول ما بتشوفه بتجرى عليه وكفرانه م العياط )
سلمى : حموووووووووو ! ( بعياط ) اخبارك يا بابا عامل ايه
احمد : انا كويس يا لوما الحمد لله .. عمر الشقى بقي .. ( بيمسح دموعها ) بس يا بت بقي
منه : ( بعياط بجد ) خضتنا عليك يا اخى حرام عليك . كنا جايين ع الطريق زى المجانين
فريده : ( بتمسح بايديها على شعره ) والله العظيم حسيت ان الدنيا سوده مره واحده . انت عامل فينا ايه يابنى انت بس
مصطفى : ( بيمسك ايده وغصب عنه دموعه واقفه ف عينه ) يا اخى الله يحرقك خضتنى
احمد : ههههههههههههههههههه مش قادر اضحك يا متخلف عاوز ايه منا حلو اهو قدامك
مالك : حلو ايه بس داحنا قطعنا الخلف
( كل ده وسلمى عينيها متشعلقه ب أحمد )
على : ماتشوفش وحش ابدا يارب .. اقسم بالله خضة عمرى .. والواد ابن الجزمه ده عمال يقول الحديد وقع عليه الحديد وقع عليه
حسن : ايه اللى حصل يابنى مانت كنت لسا مكلمنى قبلها بدقيقتين
مجدى : الف سلامه عليك يا غالي .... ايه اللى حصل يابنى
احمد : نصيب !
عشان اخضكوا الخضه دى وتيجو تشوفوا صاحبكو
سلمى : ( سانده ب ركبتها على الارض وماسكه ايد احمد )
احمد : ايه يا سلمى ماسكانى كده ليه مش هقوم اجرى انا
مصطفى : ههههههههههههههههههه
مالك : سيبها يا عم دى فضلت تصرخ وتصوت ف الجامعه واحنا بنجرى وجاينلك . فضحت اللى جابونا
احمد : براحتها ! دى تعمل اللى هى عاوزاه
منه : ( بتيجى تقعد الناحيه التانيه وبتمسك دراع احمد ) خضتنى عليك حتة خضة يا حمو ( بتقرب من وشه ) قوم يلا معانا انت كويس بطل دلع . قوم والله الجامعه والدنيا كلها مالهاش طعم من غيرك ياعم
سلمى : شيلى ايدك يا منه من على دراعه شكله تعبان
منه : ماتقلقيش انا مش سانده على دراعه جامد
سلمى : لا شيلى ايدك احسن وشه ازرق خالص من التعب
منه : الله مانتى ماسكه ايده اهو من ساعة ما دخلتى ومحدش قالك حاجه فيه ايه ماحنا لينا فيه زى مانتى ليكى بالظبط
مالك : ( بيوشوش مصطفى ) انا هيحصلى حاجه مش قادر
مصطفى : هههههههههه هفطس
سلمى : الله ! هو اى تناحه وخلاص شيلى ايدك
منه : اشيل ايدى ايه انتى مالك اساسا هو اللى يقول لو كنت مضايقاه
سلمى : ( بتشيل ايد منه من على دراع احمد ) ايوه كده احسن
فريده : لا انتى ولا هى . الواد لسا يدوب متجبس حرام عليكو يا شويه بقر ( بتحط ايديها ع دراعه وبتشيل ايد سلمى وايد منه وبيخبطوا ف دراعه المتجبس )
احمد : اااااااااااااااه . اطلعوا بره يا ولاد الجزم مش عاوز اشوف خلقة نفر فيكو
( مالك ومصطفى وعلى وحسن ومجدى بيقعوا على الارض من كتر الضحك )
(اسراء وساره ومروه واميره كل واحده بتقعد ع الارض من كتر الضحك وصوت عالى ف المستشفى )
مالك : يخرب عقلك يا احمد بجد
والله العظيم بجد حسينا ان الدنيا اسودت ف وشوشنا مره واحده
سواء احنا ولا البنات كلنا جايين ف العربيات زى المجانين
ياخرااااابي . ده كله الا انت ياعم
الحمد لله انها جات على قد كده
احمد : تسلملى يا حبيب اخوك ..... واد يا مصطفى قاعد بعيد كده ليه ياض
على : سيبه ياعم هو اللى خد الصدمه الاولى ... ماشوفتش انت الحاج طاهر كلمه قاله ايه
احمد : هههههههههههههههههههه هو الحاج طاهر كده طول عمرك .. اتصل قاله ايه ؟
على : قاله حصلنى بسرعه ع المستشفى احمد وقع عليه رصة حديد وماتقولش لحد من اهل احمد . الكلمه لوحدها تخض
احمد : معاك حق . دى خضتنى انا شخصيا هههههههههههههههههههه تعالى يا درش هات حضن
مصطفى : ولاااه ! ماتعملهاش تانى ... وتخلى بالك من نفسك . اقسم بالله احنا مالينا غيرك ولو حصلك حاجه حياتنا كلها مش هيبقالها طعم
احمد : طب تعالى هات حضن
مصطفى : حبيبى والله ( بيحضنه )
احمد : ( بيوشوش مصطفى .. خد العيال دى واطلعوا بره وسيبلى سلمى )
مصطفى : ههههههههههههههههههههههههههههههههههه
منه : الواد ده متخلف ولا ايه .. ماله ده مانت كنت بتعيط دلوقتى
مصطفى : ههههههههههههههههههههههههههههههههههههه لا اصل افتكرت موضوع كده
احمد : حبيبى يا مصطفى انت ومواضيعك
سلمى : ( سمعت وشوشه احمد مع مصطفى وبتضحك هى كمان )
فريده : الله اكبر . سلمى كمان شكلها افتكرت نفس الموضوع
سلمى : ههههههههههههههههههههههههههههههه لا انا افتكرت موضوع تانى خالص
فريده : هههههههههههههههه طب ما تضحكونا معاكو
مصطفى : طيب يا شباب عن اذنكو ثوانى بس عشان الحاج طاهر بينادى عليا بره
........
طاهر : ايه يا درش احمد تمام
مصطفى : اه يا حاج
طاهر : طب تعالى نتطمن
مصطفى : بقولك ايه يا حاج هى خدمه بس صغننه ... ياريت وانت جوه تقول لينا كلنا يلا يا جماعه خلوه يستريح شويه
طاهر : عاوز توزعهم يعنى
مصطفى : اه ماعدا البنوته اللى زى العسل البيضا دى
طاهر : هههههههههههههههههه اه قولتلى بقي ... دى اللى اسمها سلمى صح
مصطفى : هههههههههههههه بالظبط . قارينى انت يا عمى .
طاهر : طيب يلا ادخل انت وانا هدخل وراك عشان مايقولوش انك انت اللى قايلى
............
( بعد 10 دقايق )
طاهر : حمد الله ع السلامه يا غالي
احمد : تسلملى يا حجيجه ماتحرمش يا حبيبى
طاهر : انا هرجع ع الشغل بقي بعد ما اتطمنت عليك
احمد : ف امان الله يا حاج
طاهر : يلا يا شباب معايا بره شويه عشان يستريح ساعتين قبل ما يخرج
منه : لا احنا معاه يا عمو مش هنقلق هنفضل معاه لغاية ما يخرج
طاهر : يا بنتى خلوه ينام ساعتين بس ده حلو عشان التهتك اللى عنده . الدكتور اللى قال كده
فريده : طيب هنستنى بره
طاهر : ماشى مش مشكله المهم خلوه ينام
مصطفى : يلا يا بنات يلا . يلا يا شباب
مالك : ياعم خلينا شويه
مصطفى : يلا يابن الجزمه انت كمان
( كلهم بيطلعوا بره واحمد بينادى على سلمى )
احمد : سلمى ! دقيقه بعد اذنك
سلمى : عيونى
منه : خير يا حمو عاوز حاجه
احمد : ماتحرمش يا منون . كنت هسأل سلمى على حاجه كده . هخرجهالكو على طول ثوانى
فريده : طيب نستنى طيب ولا ايه ؟
ساره : احححم يلا يا دودو يلا يا منون خلوه يستريح . بسرعه يا سلمى خلى احمد يستريح
سلمى : حاضر .. هشوفه عاوز ايه بس وجايه وراكو
..........
سلمى : ( بتدمع وبتمسح على شعره وهى بتكلمه ) حمد الله على سلامتك يا قلبي
احمد : هشششش بطلى عياط بقي
سلمى : ( بتطلع منديل وبتمسح عينيها ووشها ) ( مش قادره تتكلم من كتر النهنهه )
حرام عليك يا احمد والله دى حركه تعملها فيا
انا كل ذره ف جسمى اتنفضت
قلبى حسيت وانا جايه انه هينط من مكانه ويسيب صدرى
كان بينبض بطريقه غريبه اوى حسيت بنبضاته طلعت لغاية جوفى
صورتك فضلت قدامى طول منا جايه ف الطريق
ياااااااااااااااااااااااه ايه الشعور المرعب اللى انا حسيته ده
ومصطفى يا عينى كان زى المجنون اول ما عرف وده اللى خضنى اكتر .. اترعبت
يا حبيبى الدنيا لو انت مش فيها ماتبقاش دنيا ولا عاوزاها ( بتلعب ف شعره وبتبوسه من خده )
احمد : انتى بتتسفردى بيا عشان مش هقدر ابعدك ..
سلمى : ههههههههههههههههههه يا قلبي ربنا يخليك ليا ويكفيك شر الدنيا ويديك خيرها
احمد : ههههههههههههههههههههه ايه الدعاوى الحلوه دى يا سوسو . بتفكرينى بأمى
سلمى : امك دى حته سكره اصلا
احمد : يعنى ايه ؟ هو انتى شوفتيها فين ؟
سلمى : ايه ؟ شوفتها ايه انا بقول هى اكيد حتة سكره يعنى عشان تجيب للدنيا العسل ده
احمد : اها ... عاوز منك طلب بقي
سلمى : ده مش طلب يا باشا . ده اسمه أمر
احمد : حضن . انزلى احضنينى
سلمى : ( بتحضنه بطريقه غبيه )
احمد : ( بيكلمها وهى حاضناه )
قفلت معاكو السكه من هنا وفضلت مسهم وساكت وصوتك ف ودنى وانتى بتناغشينى وبتقوليلى بالمفهوم كده ليلتك سوده عشان كنت بعاكس البنات
فضلت اضحك بصوت عالى
وانا ناسي نفسي خالص
وناسي انى واقف جنب عربيه نص نقل كانت جايه تحمًل شويه حديد
مره واحده لقيت الونش اللى بيرفع الحديد ... هوًت منه الرصه بتاعته وجات عليا ... الحمد لله ان الونش ماكانش اترفع لفوق اوى
لما وقعت فضلت بتاع 30 ثانيه فايق وواعى باللى حواليا
اقسم بالله مافيه ف راسي غيرك .... انتى وبس
اخر حاجه فاكرها قبل ما اغيب عن الوعى صوت ضحكتك امبارح وانا شايلك
( بيلعب ف خدها بايده )
يا سلمى انتى لو اتخضيتى عليا قيراط
ف انا ممكن اروح فيها لو حسيت للحظه انى مش هشوفك تانى
سلمى : بعد الشر ... ممكن بقي يا استاذ انت تاخد بالك من نفسك بعد كده
بس اصحابك كلهم بيحبوك يا احمد
اقولك سر . وهو سر مضايقنى جدا
احمد : مع انى عارف اللى هتقوليه بس قولى
سلمى : شلتنا يا احمد . منه وفريده وانا وساره واميره ومروه وغيرهم كتير اللى عرفوك ف الفتره القريبه دى اتعلقوا بيك جدا
تشوف منظر منه وفريده واحنا جايين يصعبوا عليك
فريده كانت بتسوق زى المجنونه
ف لحظه نسيو خناقتنا ونسيو سلمى اللى احمد متعلق بيها هى وكانو بس عاوزين يتطمنو عليك
احنا عمرنا ما كنا كده
احنا طول عمرنا قلبنا جامد والله مابنحبش غير الفساتين وغير الموضه وغير الفسح وغير السهرات وغير العربيات
لكن معرفش لما شوفناك اتغيرنا ليه
زى ما يكون كده انت جيت طلعت الحاجه الحلوه اللى جوانا
اديت لحياتنا طعم وشكل جديد
انت حياتى كلها وأمانها وتاج راسها
احمد : طب هاتى حضن تانى بقي وقومى اخرجى اقعدى معاهم شويه عشان مايحسوش اننا كنا بنوزعهم هههههههههههههههه وروحى البيت كده استريحى شويه واتغدى وابقى تعالى انا هخرج ع المغرب كده
سلمى : هههههههههههههههههههههه انا هعمل كده فعلا . هخرج معاهم واقولهم يلا يا جماعه نروح بقي ونبقى نيجى المغرب نخرجه ونيجى نسهر معاك ف اى مكان .. بس لما يخرجوا انا هلف وارجعلك تانى ههههههههههههههههههه هروح اجيب عربيتى من عند الجامعه وهرجعلك . وهجيب غدا واجيلك
احمد : هههههههههههههههه يابت مش عاوز اتعبك
سلمى : تصدق هضربك
دنا ما هصدق انى اقضي اليوم كله معاك هنا . ياخواتى دنا مش مصدقه انى هكون معاك هنا لوحدنا هههههههههههههههههههه
احمد : والله مجنونه
سلمى : ( بتبوسه من خده )
احمد : بس بقي
سلمى : ههههههههههههه حاضر . انا هخرج وساعه بالكتير هجيب عربيتى وهعدى اجيب غدا واجيلك . اشطا
احمد : اشطا .. اندهيلى مصطفى يا سلمى والنبى عشان اخليه يجيبلى تليفونى ارن على امى عشان ماتتخضش
سلمى : حاضر يا بابا .. باي يا قلبي
احمد : باي يا سوسو
( بيكلم نفسه ) انا مش عارف انا كنت عايش قبل ما اشوفك ازاى يامفعوصه انتى
................
( بعد ساعه ف المستشفى )
لمياء : لو سمحتى فين اوضة الاستاذ احمد اللى جه من ساعة كده
الممرضه : اه اللى وقع عليه حديد
لمياء : اه هو
الممرضه : اوضة 105 اتفضلى هو لوحده
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020