Unicode
နောက်တနေ့မနက်တွင်မူ ဖုန်းမြည်သံကြောင့် ချီကျွင်း နိုးလာရသည်။ တုန်ဖန်းရုန်၏အသံ ကြားလိုက်ရချိန်တွင် အိပ်ချင်မူးတူးဖြင့် " မင်းကဘာလို့ အိမ်မှာမရှိတာလဲ"
ဗိုလ်ချုပ်မှာမူ သူသည်ရက်အတော်ကြာ ဇနီးလေးနှင့်အတူ အိပ်စက်ခဲ့ရပါသဖြင့် မနေ့ညကမူ လုံးဝမအိပ်ပျော်ပါကြောင်းသာ ပြန်ပြောနိုင်သည်။ ရုတ်တရက်ခွဲခွာနေရချိန်တွင် သူ့စိတ်ထဲ၌ လုံးဝရှုပ်ထွေးနေပြီး အနားတွင်တစ်ယောက်မှ မရှိခြင်းက သူ့ရင်ထဲတွင် တင်းကြပ်နေစေခဲ့သည်။ ယခုသူ့ဇနီးလေး၏အသံကို ပြန်ကြားလိုက်ရသောအခါ ချက်ချင်းတက်ကြွသွားရသည်။ "အရူးလေး မင်းက အဆောင်မှာလေ "
"အိုး....ဟုတ်သား " ချီကျွင်းအသိပြန်ကပ်သွားရသည်။ တုန်ဖန်းရုန်သည် ချီကျွင်းထက် မိနစ်အနည်းငယ်စော၍ အိပ်ရာထရသည်ကို သဘောကျသည်။ သို့မှသာ ချီကျွင်းမသိခင် အကြိမ်အနည်းငယ်မျှ ခိုးနမ်းနိုင်မည် ဖြစ်သည်။ " ဘာလို့အစောကြီး ဖုန်းဆက်တာလဲ။ ငါက အခုထိ အိပ်ရာကမထသေးတာကို"
အရှင်သခင်ဗိုလ်ချုပ်က ပြုံးလိုက်ပြီး " မင်းကို တစ်ညလုံး မတွေ့ခဲ့ရဘူးလေ။ ကိုယ်လွမ်းလို့ပါ "
" အာ...ငါကတော့ မျက်စိမှိတ်လိုက်တာနဲ့ အိပ်ပျော်သွားတာပဲ " ထထိုင်ကာ သူ့မျက်လုံးတွေကို ပွတ်သပ်လိုက်ပြီး ပြတင်းပေါက်အပြင်ဘက်ရှိ အုံ့မှိုင်းနေသောကောင်းကင်ကြီးကို မြင်လိုက်ရချိန်တွင် သူ့စိတ်က ပိုပြီးကြည်လင်သွားရသည်။ " ရေခဲသေတ္တာထဲမှာ အမဲသားနဲ့ဆော့စ်ရယ်၊ ကိတ်တွေရယ် ထားခဲ့ပေးတယ်။ ညကစားဖြစ်လား "
"ကိုယ် အကုန်စားလိုက်ပြီ။ လောက်တောင်မလောက်ဘူး "
"လာနောက်မနေနဲ့။ ငါသေချာ ချိန်ကြည့်ခဲ့တာ။ အမဲသားက ပေါင်၃၀ကျော်တယ်နော် "
"မင်းကိုလွမ်းတိုင်း နှစ်ကိုက်စီစားတယ်လေ။ ဘယ်ရှိတော့မလဲ "
ချီကျွင်း၏နှုတ်ခမ်းစွန်းများက ကွေးတက်သွားရသည်။ "အဆင်ပြေပြေ လုပ်ခဲ့တာပဲ။ ငါတို့တွေ ၉နာရီလောက် ပြန်လာခဲ့မယ်လေ။ မင်းက..... "
YOU ARE READING
အနာဂတ်သားရဲကမ္ဘာ၏ရှေးခေတ်သမားတော်
Fantasy***MC ချီကျွင်း ၊ တုန်ဖန်းရုန် မတော်တဆမှုတစ်ခုတွင် ချီကျွင်းသည် အနာဂတ်ကမ္ဘာသို့ ခရီးသွားခဲ့ပြီး ထိုကမ္ဘာမှ ချီကျွင်း ဖြစ်လာခဲ့သည်။ သူ့ဘဝတစ်သက်တာတွင် တရားမ၀င်ကလေးတစ်ဦးအဖြစ် မွေးဖွားခဲ့ရသောကြောင့် သူ၏ ဆွေမျိုးများကို မမြင်ဖူးခဲ့ပေ။ ဒီဘက်ကမ္ဘာတွင်တော့...
