အနာဂတ်သားရဲကမ္ဘာ၏ရှေးခေတ်သမားတော်

အပိုင်း(၃၁) (ကိုယ်တို့ရဲ့စိတ်ကူး)

Unicode

မာရှုအနည်းငယ်ထည့်လိုက်ပြီးနောက် စွပ်ပြုတ်၏ရနံ့မှာ ချက်ချင်းပြောင်းလဲသွားသည်။ နောက်တစ်ကြိမ် ပွက်ပွက်ဆူလာသောအခါ ချီကျွင်းက အနည်းငယ်ခပ်မြည်းကြည့်လိုက်သည်။ ထို့နောက် ရေနွေးဇလုံလိုက်ကြီးကို ထပ်ရောထည့်ပြီး ပြန်မြည်း
ကြည့် လိုက်ပြန်သော်လည်း တစ်ခုခုလွဲနေသေးပြန်သည်။ အကယ်၍ သူ့တွင်စမုန်နက်၊သစ်ကြံပိုးနှင့် ငရုတ်ကောင်းတို့သာ ရှိပါက အရသာပိုကောင်းလိမ့်မည်ထင်သည်။ တိရစ္ဆာန်သားရဲတို့၏အသားသည် သာမန်အသားများကဲ့သို့ သိပ်မကောင်းမွန်ကြောင်းကိုတော့ လက်ခံရပေလိမ့်မည်။ ထို့ပြင် အညှီနံ့ကလည်း ပြင်းထန်လွန်းလှသည်။ သို့ဖြစ်၍ လက်ရှိအခြေအနေကိုသာ ကျေနပ်လိုက်မှကိုရပေမည်။ " မင်းထပ်မြည်းကြည့်ချင်လား"

        "အင်း မြည်းကြည့်တာပေါ့ " တုန်ဖန်းရုန်က ပါးစပ်ဟလိုက်သော်လည်း လက်က ဇွန်းဆီရောက်လာမည့်ပုံ မပေါ်ပေ။

       ချီကျွင်း၏ နှုတ်ခမ်းထောင့်လေးက တွန့်သွားပြီး "ငါက အရမ်းအပျင်းထူတာ" ဟုပြောပြီးနောက် စွပ်ပြုတ်ကို ဇွန်းအပြည့်ခပ်လိုက်ကာ ပါးစပ်နားတွင်တေ့၍ လေဖြင့်မှုတ်ပေးလိုက်ပြီးနောက် ကမ်းပေးလိုက်သည်။ "ငါက အရပ်သိပ်မမြင့်ဘူးလေ။ အဲ့တော့ ခွံကျွေးဖို့က ငါ့အတွက် အခက်အခဲရှိတာပေါ့။ မင်းသိမှာပါ "

    ဗိုလ်ချုပ်ကြီးက ချက်ချင်းပင်ဒူးကိုကွေးချလိုက်ပြီး ဇွန်းကိုလှမ်းမယူဘဲ ပါးစပ်ဟပြီးသာ လှမ်းသောက်လိုက်သည်။

" ရှောင်ကျွင်းကတော့ အံ့သြစရာကောင်းနေတုန်းပါပဲသိလား "

        တုန်ဖန်းရုန်၏ကိုယ်နေဟန်ထားကြည့်ပြီး ရှောင်ကျွင်း လန့်သွားသည်။ ဒီလူက တော့ အတော်ဉာဏ်နီဉာဏ်နက်များတာပဲ။ ဒီလိုပုံစံ ခြေထောက်ကိုကွေးပြီးနေလိုက်တဲ့ပုံအရဆိုရင်တော့ လှည့်စားတတ်တဲ့နေရာမှာ နှစ်ယောက်မရှိတဲ့ ဆရာကြီးအနေအထားပဲ မဟုတ်လား။ ချီကျွင်းက မဲ့ပြုံးပြုံးလိုက်ပြီး "မင်းသောက်ထားနှင့်ဖို့ တစ်ပန်းကန်အရင်ပေးထားမယ် ဟုတ်ပြီလား"

        ထိုအခါ တုန်ဖန်းရုန်က ချက်ချင်းငြင်းလိုက်ပြီး"ကိုယ်တို့အတူစားကြတာပေါ့။ အခုတော့ ဘေးနားကရပ်ကြည့်ပြီး ဘယ်လိုချက်ရလဲ သင်ထားမလို့။ နောက်ကျရင် မင်းကိုပဲ အပင်ပန်းခံပြီး မချက်ခိုင်းနိုင်ပါဘူး "