رواية مهلكتي من جزء 1 : 18

الجزء_السادس (الحلقه الثانيه ) ( عزله ) ❤ ❤

................
ف الحلقه السابقه :_
احمد : تمام .. وصلنى المطعم بقي
سيف : ايوه منا السواق اللى شغال عند أهلك حاضر
احمد : بتبرطم بتقول ايه يالا
سيف : هو انا فتحت بؤي دلوقتى
..............
هدى : هو ده المطعم اللى شغال فيه ,, المره اللى فاتت ماعرفتش أعلم عليه عشان كنا 3 بنات ,, لكن النهارده حاول تآمن على كلامى عشان هيترفد النهارده
طارق : تمام
..................... ( الثانيه ) ❤
الشيف محمد : حمد الله ع السلامه يا عم يخربيت نحسك يا أخى ,,, ولاه تخلى بالك من نفسك انا زهقت من أمك ههههههههههههه مش كل يوم تدخلى متجبس
احمد : هههههههههههه لا يا شيفنا اتطمن ,, كله على الله
الشيف محمد : طيب غير هدومك بقي .. انت ف الصاله النهارده .. خد مكان معتز ودخله المطبخ
احمد : حااضر تمام !
.............
احمد : تؤمر بإيه يا فندم ؟ هو انتو ؟
طارق : انت فاكرنى هسيبك بعد اللى عملته
احمد : آخرك اعمله ,, وكويس انك عرفت مكان شغلى اهو عشان يبقي علمت عليك ف كل حته بروحها
هدى : وانت فِكرك يعنى انى انا كمان هنسي اللى اتعمل فيا
احمد : هههههههههه لا انتى مش مشكله ,,, انتى انطحنتى يا ولداه واتعلم عليكى ,, المهم ماقولتوليش ! تشربوا ايه ولا تاكلوا احسن ترمو عضمكو
طارق : هات اتنين قهوه
.............
عمرو : فيه ايه يابنى كنت واقف مع دول ليه
احمد : ههههههههههههههههه الاتنين دول اتعلم عليهم النهارده وامبارح بما فيه الكفايه ,, بقولك ايه هاتلهم قهوه واديهالهم
.............
طارق : ايه يا هدى حصل ولا لا ؟
هدى : هههههههههههههههههه حصل ,,, حطيت ف جيبه الخاتم بتاعى من غير ما ياخد باله ,, وكسرت الخاتم عشان اقول انه كان مكسور وكنت حاطاه قدامى ع الترابيزه ومش لابساه
طارق : احححم طب استنى ,,, هتصل بالشرطه
هدى : لا خليك هتصل انا , عشان ييجو اسرع استنى
الو !
لو سمحت حضرتك كنت عاوزه ابلغ عن سرقه
اه يا فندم انا اللى اتسرقت .... مطعم اه والنادل هو اللى مد ايده . انا حضرتك دلوقتى قاعده مش مبينه حاجه خالص بس أخدت بالى انه اخد الخاتم اللى كنت حطيته على الترابيزه بعد ما اتقطم منى ... خد العنوان يا فندم .....
منتظره
طارق : تمام ؟
هدى : كله تمام ,, خليك هادى وماتحاولش تعمل أى أكشن غريب
...............
عمرو : ايه يا كبير مالك
احمد : مافيش ياعم كبر دماغك ,,, شوف ترابيزه 9 بسرعه وانجز شويه يا عمرو الصاله واقعه مننا
عمرو : حاضر حاضر .....
احمد : يا حسام طلب ترابيزه 1 جهز ولا لسا
حسام : دقيقه بس حاضر
الشيف محمد : يا احمممممممممد يا احمددددد الصاله واقعه منكو ليه ... شويه هميه يا رجاله والنبى .. ابعتلك معتز طيب يشيل معاك انت وعمرو ولا ايه
احمد : لا يا شيفنا تمام ... ماتقلقش ,, خلاص
حسام : بيكاب بيكاب يا احمد ... ترابيزه 7 و 1 مع بعض
احمد : عمرو ! هات 7 وتعالى
..............
( بعد 10 دقايق )
هدى : حضرتك انا انا اللى مبلغه
رائد شرطه اسمه ( خالد ) : تمام يا فندم هو فين ؟ وايه اللى اتسرق منك بالظبط
هدى : حضرتك اللى اتسرق منى خاتم الماظ كنت حاطاه على الترابيزه قدامى ,, جه الجرسون ده حط الاكل ومشي وبعدها مالقيتش الخاتم
خالد : طيب تمام ! .... فين الاداره ؟
.........
خالد : انت احمد ؟
احمد : اه يا باشا انا خير
خالد : طب تعالى معايا
احمد : اجى معاك على فين
خالد : تعالى معايا بس مكتب المدير بتاعكو ... عاوزك ف موضوع ,, امسكه يا أمين وهاته
.............
( مكتب إداره المطعم ,,, واقف مدير المطعم اسمه جلال والشيف محمد مدير المطبخ )
خالد : طلع اللى خدته
احمد : هو ايه ده اللى خدته انت بتتكلم عن مين انت
خالد : *** ماتخلنيش اتغابي على أهلك دلوقتى طلع اللى سرقته م البت ,,, اندهلى البنت اللى مبلغه يا عسكرى من بره
احمد : عليا الحلال من دينى لو لسان أهلك ده طول تانى لنا قاطعهولك ******* انت فاكر البدله دى هتحميك ؟ , اصحى لنفسك ......
خالد : طلع اللى خدته يالا,,, فتشه يابنى
.........
(أمين الشرطه بيفتش احمد وفعلا بيلاقى الخاتم محطوط ف جيبه )
خالد : اوبااااااااا ايه ده بقي
جلال ( صاحب المطعم الاصلي) : يافندم اكيد فيه حاجه غلط
هدى : ايه اللى غلط انا متأكده انه سرقه انا شوفته بعنيا بس عملت انى مش واخده بالى لغاية ما الشرطه تيجى عشان مايحاولش يخبيه
خالد : بالراحه كده ومن غير شوشره معايا ع القسم
احمد : اجى القسم ماجيش ليه يعنى ؟ طالما العمليه وسخه بالشكل ده ( بيبص ل طارق وبيتف علي وشه ) يالا يابن ال*** يا وسخ يحرق ميتين دى ام رجوله ماتعلمتوهاش ياولاد ال******** اصبر عليا اما اطلعلك بس وانا هربيك تانى عشان اعلمك تبقي راجل ازاى
..................
( ف القسم )
خالد : ايه يا ابو حميد مش سامع يعنى صوتك اللى كنت بتعليه علينا ف المطعم
احمد : وأعلى صوتى ليه طالما انت ساكت
خالد : يعنى المشكله فيا
احمد : بالظبط ,,, هتعمل باصلك وتبقي ابن ناس هتتشال ع الراس ,,, هتقل معايا هقل باللى معاك واللى يتشددلك
خالد : طب ندخل ف الموضوع بقي على طول عشان مافيش وقت والنبطشيه النهارده شكلها هتبقي حفله عليك انت بس
احمد : هههههههههههههههه انت م اسكندريه يا باشا ؟
خالد : لا والله ياريت ,, انا م مصر
احمد : اه طيب يعنى ابن بلد وفاهم ان الاسكندرانيه مابيتعملش عليهم حفلات .. احنا نعمل حفله اه لكن يتعمل علينا لا ,,,
خالد : ياسلام !! من إمتى الكلام ده
احمد : يووووه ده من بدرى ,,, خش ف الموضوع يا باشا اتفضل ,, الجماعه اللى بره قاعدين قلقانين
خالد : خدت الخاتم ليه
احمد : مخدتش حاجه ولا اعرف ايه اللى جابه ف جيبى
خالد : لا لو كنت هتعمل بقي ان احنا اللى حطينهولك ف جيبك واحنا بنفتش احب اقولك ان ده م,,,
احمد : لا لا لا الخاتم فعلا كان ف جيبى قبل ما تدخلوا
خاتم : تمام اوى ,,, خدته ليه بقي ؟
( المأمور بيدخل واسمه فاروق)
فاروق : ايه يا خالد الحكايه
خالد : تمام يا فندم ده شغال ف مطعم وسرق خاتم من واحده زبونه
احمد : هو مين ده اللى سرق ؟ انت تقول مُتهم ماتقولش سرق
فاروق : هششش خلاص ,,, كتبت المحضر ولا لسا يا خالد
خالد : تمام يا فندم اتفضل
فاروق : مين اللى بره
خالد : دى اللى اتسرقت مع صاحبها تقريبا
فاروق : انت يابنى هتجيب حد يحضر معاك ولا ايه حكايتك
احمد : لا مش جايب انا خارج
فاروق : طيب يا بابا حاول تجيبلك حد يحضر معاك التحقيقات دى انت شكلك ابن ناس ,,
احمد : طيب تليفونى الباشا خده ومش عاوز يديهونى
فاروق : مش عاوز تديهوله ليه يا خالد , اديله يتصل على اى حد
خالد : تمام يا فندم ,,, اتفضل
.....
احمد : الو ! ايه يا درش فينك
مصطفى : ع القهوه انا والعيال
احمد : الواد سيف معاك
مصطفى : اه متلقح اهو بيلعب طاوله هو والواد مالك
احمد : طيب هاته وتعالى القسم ,, ماتقولش لحد ...مصطفى ماتقولش لحد خالص ولا حتى على وحسن
مصطفى : طب انت ف انهى قسم
احمد : بتاعنا بتاع المنطقه .... انجز بس لما تيجى هفهمك الحكايه
مصطفى : طيب طيب احنا ف السكه
...........
مصطفى : سيف بقولك
سيف : ايه يا ديشه
مصطفى : تعالى بس هنجيب طلب كده من هنا وجايين تانى
سيف : ياعم طلب ايه انت مجنون استنى اخلص الدور
مالك : بطل رخامه ياض الدور هيخلص
مصطفى : ياعم الدور مش هيطير تعالى بس الله يكرمك ,,, ( بيشده من دراعه ) تعالى تعالى
.....................
سيف : ايه ياض انت مجنون بتشدنى كده ليه قدام العيال
مصطفى : الواد احمد ف القسم ممسوك
سيف : *** ازاى ؟ ممسوك ازاى
مصطفى : معرفش مفهمتش حاجه هو اتصل بيا وقالى هات سيف وتعالى
سيف : طيب اركب اركب ,,,,,
مصطفى : بتتصل على مين
سيف : استنى بس يا مصطفى .... الو ! بابا
ابو سيف : ايه يا سيف مالك
سيف : واحد صاحبي ممسوك ف قسم سيدى بشر
ابو سيف : مين ؟
سيف : الواد حمو
ابو سيف : بتهزر ؟ ممسوك ف ايه ؟ ومالقوش غيره ؟
سيف : معرفش بس شكلها تلفيقه يعنى الواد مالوش ف اى قلق
ابو سيف : طب انت فين
سيف : انا داخل ع القسم اهو اشوف ايه الموضوع
ابو سيف : طب ادخل اعرف وكلمنى وانا هحاول أكلم اللوا الدميرى اشوف ايه الحكايه ويكلم المأمور هناك
سيف : تمام حاضر
................
( مصطفى بيدخل بيلاقى طارق واقف مع هدى بره غرفة التحقيق )
مصطفى : انتو ايه اللى جابكو هنا ؟ انتو ليكو علاقه بالموضوع ؟
طارق : هششش اسكت انت كمان بدل ما احبسك زي صاحبك
مصطفى : عليا الحلال من دينى لو كنتو ليكو يد ف الحوار ده لنا مخلى اكبر حته فيكو اد كده يا ولاد الكلب
( عسكرى بيتدخل وبيبعدهم عن بعض )
سيف : ايه الحكايه يا حضرت الامين
(امين شرطه اسمه محمود ) : سرقه . الهانم دى بتتهم اللى جوه انه سرق منها خاتم وهو ف المطعم اللى شغال فيه
سيف : اهاااا يعنى تلفيقه يعنى ,,,, ( بيبص ل هدى وطارق ) طيب احبكوها شويه عن كده يا شويه ****** فين الواد يا حضرت الامين
محمود : تحت ف الحجز
سيف : حجز ! حجر ايه .. طب ممكن اشوفه
محمود : لا مش ممكن ادخل كلم الباشا المامور الاول واحسن لو جيبتو محامى
.........................
سيف الو !
ابو سيف : ايوه يا سيف ايه الموضوع
سيف : بابا ! الموضوع موضوع سرقه وتلفيقه بنت كلب ,, واحده متبليه عليه وقالت انه أخد منها خاتم ف المطعم وهى زبونه
ابو سيف : طب اسمع انا كلمت اللوا الدميرى دلوقتى وهو كلم فاروق بيه المأمور وقاله يتوصى بالواد , لغاية ما نجيب محامى وجايلك .. انا هنزل وجايلك حالا ,, ماتبلغش أهله ولا حد من معارفه
سيف : لا طبعا مش هبلغ ,, بسرعه بس الله يكرمك انا لايص انا ومصطفى لوحدنا
...........
( ف الحجز احمد بيدخل يقعد وراسه ل ورا ع الحيط وعينه شبه فيه دموع محبوسه مش عاوزه تنزل )
( واحد من المنطقه محبوس معاه يعرف احمد اسمه خليل ) : ايه ده ! ايه اللى جابك هنا يا ابو حميد
احمد : مين مش شايف
خليل : انا خليل يا باشا ههههههههههههه
احمد : الواد خِله ؟ هههههههههههههههه فينك ياض مابقتش اشوفك كتير
خليل : الحاله صعبه اوى يا حب ويدوب بنخرج نستلقط ارزاقنا ف اى حته مابنجيش غير اخر الليل نتكفى على وش اللى خلفونا ,, انت ايه اللى جابك هنا
احمد : اهو ! الزمن
خليل : احكى يا حب احكى الليله طويله .. هنا بنعدى الليالي بالكلام
احمد : اقولك ايه بس يا ابو خليل . الدنيا دايه عليا دامد
خليل : هههههههههههههههههههههههههههههه طول عمرك ابن نكته وواد سكر . ربنا يحميك احكى بقي يمكن اقدر افيدك .. يوضع سره ف اضعف خلقه . انا بردو دخلت جامعات وعارف شويه ف القانون قبل ما اطلع من تانيه حقوق والدنيا تيدى عليا دامد زيك
احمد : هههههههههههههههههههههههههههه ماشي يا سيدى اسمع ,, هات بس سيجاره من معاك
....................
( بعد 20 دقيقه )
خليل : الموضوع مش متعقد ولا حاجه . الموضوع محلول ان شاء الله . انت بتقول ان ابو البنت دى راجل محترم ومش هيقبل بكده .. من كلامك عنه خمنت كده
احمد : تقصد ايه ؟
خليل : طب ما تكلمه ! هو اكيدد مايعرفش حاجه عن الكلام ده وهو اللى هياثر على بنته تتنازل ... ومعارف ابو سيف كبيره والمحضر هيتقطع طالما فيها تنازل يعنى الموضوع مش هيروح نيابات
احمد : بجد ؟
خليل : اسمع منى . اتصرف وكلم ابو البنت دى .. استنى خليك .( بيخلى احمد يكتب رساله ل مصطفى مكتوب فيها " كلم ابو البنت الدكتور يوسف وبلغه كل حاجه ". يا حضرت العسكرى الهى ربنا يكرمك دقيقه بس
العسكرى : نعم !
خليل : ( بيديله ف جيبه 50 جنيه ) عاوزك بس توصل للجماعه اللى بره لو لقيت واحد اسمه سيف او مصطفى اديلهم الورقه دى .. وكتر خيرك يارب
العسكرى : ماشي بس دى اخر مره عشان ماتعمليش مشكله انا هبعتها
..............
مصطفى : استنى يا سيف ! احمد باعتلى ورقه من الحجز .
سيف : ورقة ايه اقرا
مصطفى : عاوزنى اكلم الدكتور يوسف . تصدق معاه حق . الراجل ده الوحيد اللى هيخرجه .... استنى استنى دلوقتى الرقم مش معايا .. الوحيده اللى رقمه معاها ممكن يكون فريده . فريده ابوها دكتور ف الجامعه واكيد هتتصرف وهتجيب الرقم
سيف : طب ما ترن ياعم على فريده دى اخلص
مصطفى : طب ماتتكلمش . عشان مش عاوز حد يشك ف حاجه
......
مصطفى : الو ! ازيك يا ديدا
فريده : ايه يا ديشه بترن عليا متأخر ليه كده فيه حاجه ولا ايه خير قلقتنى يابنى
مصطفى : هههههه لا يا قمرنا مافيش حاه اتطمنى ... انا بس كنت عاوز رقم الدكتور يوسف لو معاك
فريده : الدكتور يوسف ! عميد الكليه ؟
مصطفى : اه هو ياريت
فريده : ليه خير ! احكى يا مصطفى فيه ايه بجد .. حد جراله حاجه ... احمد كويس ؟ فيه ايه انطق
......................................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020