رواية مهلكتي من جزء 1 : 18

الجزء_الرابع (الحلقه الرابعة عشر ) ( الابله فاتن ) ❤ ❤

غير.مصرح.بنشر.القصة.الإ.معرفه.الكاتب.او.الناشر
................
ف الحلقه السابقه :_
يوسف : (بيبدا يملى بيانات احمد على الاستماره ) ها اسال . قول اللى ف نفسك
احمد : هههههههههه حضرتك التحقيق ده نتجيتة مُعلنه مسبقا واخدها من اصرها واخرج من هنا ع البيت اروح اشوفلى شغلانه ف اى حته واكون رافع دعوتى ل ربنا هو ياخدلى حقى .. ولا حضرتك صاحب عدل وحق هتحكم باللى بيمليه ضميرك بعيد عن الصحوبيه والزماله وبخس حقوق الناس زى منا عارف ومتأكد انك صاحب عدل
يوسف : ( بيسيب القلم من ايده )
غير.مصرح.بنشر.القصة.الإ.معرفه.الكاتب.او.الناشر
................ ( الرابعة عشر ) ❤
يوسف : اتكلم ! وبينى وبينكو ربنا
احمد : الله أكبر ! حضرتك مافيش مشكله اصلا
يوسف : يعنى ايه ؟ والمطوه ؟ والخناقه
احمد : منا جاى لحضرتك ف الكلام ! الموضوع كله كان هزار بين اتنين اصحاب وقلب بسبب سوء تفاهم
يوسف : بمعنى ؟
احمد : يعنى انا ووائل زمايل واصحاب يا فندم .. بنهزر بايدينا سوا الايادى تقلت قومنا متخانقين
يوسف : والمطوه ؟ انا مايهمنيش ف الموضوع ده كله غير المطوه . مين اللى دخلها وبتاعة مين منكو
احمد : ( بيبص ل وائل ) مش بتاعة حد ... لقيناها ف الجنينه .
يوسف : نعم ؟ يعنى ايه ؟ بتاعة مين يا استاذ وائل
وائل : زي ما احمد قال لحضرتك كده يا دكتور ! هزار وقلب .. والمطوه دى مانعرفش بتاعة مين وايه جخلها ف الموضوع
يوسف : ( بيبصلهم هما الاتنين ) بصوا ! الموضوع ده مايتبلعش ومش مصدق كلمه واحده من اللى قولتوها ... بس هكتفى بمنعكوا من دخول الكليه لغاية امتحانات نص السنه . وده لسببين .. الاولانى عشان انتو الاتنين داريتو على بعض ومحدش فيكو فتن ع التانى .. وتانى واهم حاجه هو عشان الباشمهندس اللبق اللى لسانه فالت منه ده ....
احمد : هههههههههههههههه طيب ما تخليها اسبوع يا دكتور بلاش لغاية امتحانات الترم . دا اكل عيشنا ف الجامعه دى والله وورانا اصحاب ومسؤليات هههههههههههه
يوسف : ههههههه انت هتشحت عليا يا صايع ؟
احمد : ههههههههههه
يوسف : يالا غوروا . وعلى الله اشوف حد فيكو هنا تانى وخصوصا انت يا استاذ وائل بيه ...
احمد : طب ايه يا دكتور هنتمنع كام يوم ؟
يوسف : كام يوم ؟ لا يا حدق لغاية الامتحانات
احمد : اتكلم يا اخ وائل شويه الله يباركلك
وائل : معلش اخر مره يا دكتور والله
يوسف : خلاص اخر مره .. غوروا من وشى
غير.مصرح.بنشر.القصة.الإ.معرفه.الكاتب.او.الناشر
................
( أمام غرفة عميد الكليه احمد ووائل نازلين السلالم مع بعض )
وائل : انت ليه ماقولتلوش ان المطوه بتاعتى ؟
احمد : هكسب ايه يعنى لما اقوله ؟ انا كانت مشكلتى معاك انت وخلاص خدت حقى . مالوش لازمه اشلوحلك مستقبلك
وائل : هههههههههههه والله هم يضحك وهم يبكى .. من ربع ساعه ماسكين مقطعين بعض ودلوقتى بنضحك
احمد : هما مين دول اللى مقطعين بعض يالا . بص لنفسك يا بابا دنا افيش غير القميص بس اللى اتخدش
وائل : الله يخربيتك يا اخى هروح ازاى انا دلوقتى
احمد : هو انا اتغابيت اوى كده ؟
وائل : ههههههههههههههههههه انا اسف طيب .. ومش هنسي اللى عملته جوه دلوقتى وانك خوفت اترفد .. بس السؤال بس .. اشمعنى سلمى اللى عملت كل ده عشانها
احمد : اسمها سلمى هانم يا شيلحف
وائل : هههههههههههههه اشمعنى سلمى هانم ياعم ؟
احمد : مالكش فيه .. بعد كده تشوفها انت او غيرك ماشيه ف شارع تدور وشك وتلف من الشارع التانى
وائل : شارع ايه ؟ وحياة امى هسيب البلد كلها واعدى من البلد التانيه ... عشان خاطرك بس ... تصدق بالله انت خلتنى اكره حياتى يا اخى من 5 دقايق
احمد : ايه ده هو انت كنت لسا مش كارهها ؟ انا معرفش اصلا انت طايق نفسك ازاى ؟
وائل : ههههههههههههههه لا بجد . كرهت نفسي لما لقيتك بتدارى على موضوع المطوه ده ... اى حد غيرك . لو انا حتى كنت هفضل اقول واعيد وازيد واطلعك شيطان . لكن انت ف ثانيه نسيت كل ده وطلعتنى منها .. ليه وازاى معرفش ؟
احمد : الموضوع بسيط . اولا زى ما قولتلك كده ان الموضوع كان بينى وبينك وهو كبر مره واحده كده لوحده ... تانى حاجه عمرى ما كان بينى وبين اى حد مشكله الا لو حد هو عاوز يعمل مشكله معايا ... المهم ؟ سلمى بالنسبالك ايه ؟
وائل : اختى
احمد : ولا حتى اختك
وائل : ههههههههههههههه ياعم معرفهاش
احمد : اخرس بقي المفروض اننا كنا طاحنين بعض من شويه والعيال بره اهو . بص مش عاوزك تنطق ولا كلمه ولا حتى لاى حد من اصحابك واى حد يسالك قوله تمام تمام بس .. هربي انا الناس بتوعى الاول
غير.مصرح.بنشر.القصة.الإ.معرفه.الكاتب.او.الناشر
...................
مالك : احمد نزل يا جماعه
سلمى : ( بتجرى عليه ) ايه يا احمد مالك عملوا ايه ؟ ( بتبص ل وائل ) اما انت بقي يا زباله والله لمربيااااك
احمد : هشششششششششششششش نزلى ايدك من عليه هو ماله ... انتى تحت اى صفه بتتدخلى اساسا ؟
سلمى : يعنى ايه ؟
مصطفى : انت كويس يانبنى عملو ايه فوق ؟
احمد : مالكوش دعوه ولا حد فيكو له علاقه من اساسه ( بيسيبهم وعلى بوابة الجامعه وبيمشى )
غير.مصرح.بنشر.القصة.الإ.معرفه.الكاتب.او.الناشر
...................
على : ايه اللى حصل ياعم وائل فوق ؟
وائل : تمام تمام
على : ايوه هو ايه اللى تمام ؟
وائل : تمام يا على تمام
على : تمام ايه الله يحرقك انت كمان
غير.مصرح.بنشر.القصة.الإ.معرفه.الكاتب.او.الناشر
..................
مصطفى : تليفونه مقفول . راح فين ده ؟
سلمى : انا رايحاله البيت
مالك : بيت ايه انتى كمان هى ناقصه .
فريده : انا عن نفسي رايحاله البيت انا كمان . حد جاى
سلمى : هو انتى عارفه بيته ؟
فريده : اه عارفاه .
سلمى : ياسلام ؟! وعرفتيه منين ان شاء الله
فريده : ايه يا سلمى مالك . حد وصفلى البيت وعرفته . وبعدين هو على إمه والحته معروفه
سلمى : حد مين ده اللى وصفهولك
مصطفى : عيا النعمه الواد له حق يطفش م الدنيا كلها . هو ده وقته انتى وهى ؟
سلمى : بسسسسس استنى انت ... كملى يا حلوه عرفتى مكان بيته منين ؟
مالك : ( ماسك نفسه م الضحك بالعافيه ) يا بنت المجانين
فريده : مش وقته اما نتطمن عليه
سلمى : وحياة امهاتكو كلكو محد متحرك من هنا الا لما اعرف مين عارف بيته م البنات غير فريده
منه : ايه يا سلمى فيه ايه مالك ؟ وفيها ايه لا نعرفه ؟
ساره : اهدى يا سلمى وتعالى نمشى دلوقتى
سلمى : ها انطقى . عارفاه يا منه ؟
منه : اه . فريده سالت وقالتلى تعالو نروحله
مالك : يا جماعه لسا بدرى مش عاوزين نخض والدته افرضوا هو ماروحش البيت
سلمى : طيب انا هعرف اتصرف مع اشكالكو كويس لما نتطمن عليه . مين جاى معايا بيته
مصطفى : بردو هتروحى ؟
سلمى : اه
غير.مصرح.بنشر.القصة.الإ.معرفه.الكاتب.او.الناشر
..................
( عند بيت احمد )
سلمى : ازيك يا طنط وحشانى
ام احمد : اهلا ! ايه الزياره دى . بدرى اوى فيه ايه . ازيك يا ساره
ساره : ازيك يا طنط
سلمى : بقولك ايه هو احمد هنا ؟
ام احمد : احمد ! لا هو مش معاكو ولا ايه ؟
سلمى : لا هو قال انا مروح وسابنا ومشى بس .. احيه العيال طالعين . بقول لحضرتك ايه يا طنط انا أول مره اشوفك النهارده ماشى مش عاوزه حد يعرف انى جيتلك هنا قبل كده
ام احمد : طب تعالو اقعدو طيب خضتونى على ابنى
منه : اهلا بحضرتك يا طنط . حضرتك مامت أحمد
ام احمد : اه يا عسل انا خير يا جماعه خضتونى .. مصططططفى . فيه ايه يا مصطفى
مصطفى : مافيش والله يامه الاستاذ بس طحن واحد ف الجامعه وسابنا ومشى ف بندور عليه لاحسن يروح يطحن حد تانى
ام احمد : يعنى ايه اومال هو فين دلوقتى . تعالو ادخلو يا عيال تعالو انا هتصل عليه
مصطفى : تليفونه مقفول برن عليه مش مجمع الخط
ام احمد : قلقتونى كده ! انا هدخل البس وجايه معاكو
مالك : خليكى يا ماما احنا نازلين وهنتطمنك
ام احمد : ماشى يا عيال ( بتغمز ل سلمى ... والغريب ان سلمى مابتفهمش معنى الغمزه وبتنزل معاهم )
غير.مصرح.بنشر.القصة.الإ.معرفه.الكاتب.او.الناشر
...................
احمد : ايه نزلوا ؟
ام احمد : اه .. ناوى على ايه
احمد : اهو يلفوا شويه زى المقاطيع .. بس تعالى هنا . هى سلمى عارفاك ولا ايه
ام احمد : عارفانى ازاى انت م قولتلى يابنى لو حد جه سال عليا بنات او ولاد تقوليلهم ماجاش من ساعة ما نزل
احمد : عليا انا ؟ لا يا حلوه انا سامعها بتسلم عليك ولا كأنها بنتك . بتقولك ازيك يا طنط وحشانى
ام احمد : سلامة السمع ياعنيا وحشاها منين هى كانت تعرفنى ؟ دى بتقولك ازي حضرتك يا طنط دى شقة احمد ؟
احمد : ياسلام
ام احمد : اه .. اعملك تفطر ؟
احمد : لا فطرت .. هريح شويه عشان هنزل اجيب البنات
ام احمد : طيب ادخل ناملك شويه لسا بدرى . وبعدين خناقة ايه دى
احمد : خناقة ايه منا كويس اهو
غير.مصرح.بنشر.القصة.الإ.معرفه.الكاتب.او.الناشر
.................
( ف عربية سلمى )
ساره : مالك سرحانه ف ايه ؟
سلمى : مش عارفه ! مامت احمد كانت بتغمزلى ولا انا بيتهيالى
ساره : بتغمزلك ليه ؟
سلمى : مش عارفه استنى ارن عليها كده
غير.مصرح.بنشر.القصة.الإ.معرفه.الكاتب.او.الناشر
.......
احمد : اماااه تليفونك بيرن
ام احمد : ناولوهونى كده ايدى مش فاضيه .. شوف مين كده ورد
احمد : واحده اسمها ابله فاتن
ام احمد : احيييه طب اوعى ترد هات التليفون
احمد : ماردش ليه ؟
ام احمد : كان ليها 170 جنيه كنت واخداهم منها من يومين ومواعداها النهارده
احمد : ياسلام مانتى بتقوليلى اى حاجه أول بأول وخصوصا لو عليكى فلوس .. وبعدين فلوس ايه دى اللى خدتيها منها .. ثم اساسا مين ابله فاتن دى انا اول مره اسمع ان ليك صاحبه اسمها فاتن من اساسه
ام احمد : هات التليفون بس
احمد : طب خدى ردى ...لارد انا واهزقهالك
ام احمد : يووووووه ! الو!! ازيك يا ميس فاتن
سلمى : فاتن ايه ؟ انا سلمى يا طنط
ام احمد : اه يا حبيبتى فاكره مانسيتش والله . النهارده هعدى عليك بعد العصر كده واجيبهملك
سلمى : يا حبيبتى انا سلمى . سلمى
ام احمد : والله العظيم عارفه خلاص بقي ... بعمل الغدا للبنات بس عشان زمانهم جايين م المدرسه والدلعدى احمد ابنى معايا اهو . تعالى اتغدى معانا
سلمى : ههههههههههههههههههههه خلاص فهمت .. عليا النعمه اجدع ست ف المجره كلها . انا بحبك اوى يا ست انتى والله
غير.مصرح.بنشر.القصة.الإ.معرفه.الكاتب.او.الناشر
.........
سلمى : عليا النعمه سككككككككر الست دى هههههههههههه
ساره : ايه قالتلك ايه
سلمى : ههههههههههههههههه كانت بتتكلم باللوغارتمات مسميانى فاتن على تليفونها . انا حاسه ان الست دى عيله معانا كده وطفله .. دى هى كمان خايفه من احمد ههههههههههههههههه
ساره : ههههههههههههههههههههههه عسوله ماشاء الله ... ماهو لازم تبقي عسل يابنتى طالما خلفت البنى ادم الرخم ده .. طب ايه هتطلعى ولا ايه ؟
سلمى : لا اطلع فين دلوقتى . انا كويس انى اتطمنت عليه بس . بلاش يشوفنى دلوقتى لاحسن يعلقنى زى ما علق الواد احمد امبارح
ساره : ههههههههههههه دنا كل ما افتكر منظر احمد 2 وهو بيحكى عن اللى حمو عملوا فيه بفطس
سلمى : بس بردو انا مش هرتاح غير لما اعرف منه وفريده عرفوا بيت احمد ازاى ؟ ومين تانى يعرف بيته
ساره : انا عرفت مين ممكن يكون قالهم
سلمى : مين ؟
ساره : مافيش غير ايمان او اسراء ؟
غير.مصرح.بنشر.القصة.الإ.معرفه.الكاتب.او.الناشر
.................
ام احمد : ايه يابنى موترنى ماتسيبنى اشوف طبيخى بتبصيلى كده ليه
احمد : معرفش ! انتى مخبيه عنى حاجه انتى كمان مش مستريحلك
غير.مصرح.بنشر.القصة.الإ.معرفه.الكاتب.او.الناشر
..................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020