رواية مهلكتي من جزء 1 : 18

الجزء الرابع (الحلقه الرابعه ) ( بشوفهم كلهم سلمى ) ❤ ❤

................
ف الحلقه السابقه :_
علاء : انت جبت الفلوس بسرعه كده ليه هو انا هطير يابنى
احمد : ههههههههههههه معلش . حركة الجدعنه بتاعتك دى لازم اكون جدع وقدها وخوفت اتأخر عليك واحرجك ف الفلوس
علاء : ف بيتها والله يا ابو حميد ... وتحت امرك ف اى وقت
احمد : حبيبى ! عن اذنك بقي عشان ورايا حسب عاوز اصفيه مع الكلاب اللى عملوا فيا كده
علاء : ههههههههههه ربنا معاك
...................... ( الرابعه ) ❤
( البنات خارجين من السيكشن )
منه : الواد المعيد ده عينه من سلمى يا بنات هههههههههه
فريده : هههههههههههه خدتى بالك !
سلمى : ده عيل مستفز وطرى كده ومش على بعضه
منه : لا بس كان مركز معاك اوى يعنى وعمال يبص عليك ... والواد مالك القرد ده خد باله .. كل شويه يبص عليه وعليك .. كان هيقوم يضربه .. احمدى ربنا ان احمد ماكنش موجود
سلمى : احيييييييييييه دى كانت هتبقى وقعه مزفته . محدش يقول لاحمد . انتو عارفينه بيغير علينا كلنا يعنى ومابيحبش الكلام ده
فريده : الواد اتلوح من جمالك يا سوسو هههههههههههه
سلمى : فريده انتى ومنه ! محدش يفتح ام السيره دى تانى وخصوصا قدام احمد . اشطا كده ؟
منه : لا والله عيب عليك هنقول لمين يعنى
................
مالك : دمى محروق من ام السيكشن ده
مصطفى : خدت بالك من اللى خدت بالى منه صح ؟
مالك : الواد المهزأأ عمال يبص لسلمى وهو بيشرح وبيتنحنح عليها . كان باين اوى . ام حرقة الدم ع الصبح
مصطفى : احمد ربنا ان احمد ماكنش موجود
مالك : هههههههههههه احمد لو هنا كان ممكن يعمل ايه
مصطفى : هههههههههههههههه كان كسر الكراسي على دماغه
مالك : ربنا يستر ! هتقوله ولا مش هتقوله
مصطفى : تقوله ايه يا مالك ؟ بقولك هيكسر الكراسي على نافوخه وفيها رفد وسين وجيم . هى سلمى هتبطل تدخل سيكشن الواد ده وخلاص كبر مخك بقي .. احمد مش هيعرف اوعى تقوله .. هاااا يا مالك اوعى
مالك : ياعم ده زعل مننا عشان موضوع الواد اللى كان جه سال على سلمى واحنا ماقولنالوش وفضل مخاصمنا ييجى اسبوع
مصطفى : مش مشكله .. لما يخاصمنا اهون من انه يتفصل م الجامعه . فهمت ؟
مالك : خلاص يبقى الواد ده يتعلم عليه بره الجامعه ... عشان انا دمى محروق والله من ساعتها
مصطفى : هنعلم عليه . بس سيبنى اخططلها كده والأهم انها تكون بعيده عن احمد
مالك : اشطا
مصطفى : وكويس ان على وحسن ومجدى مادخلوش معانا ... الواد احمد لسا ماجاش ولا ايه
مالك : رن عليه كده شوفه فين
....................
سلمى : بقولكوا ايه يا بنات عاوزين نعمل مقلب ف الواد احمد
فريده : مقلب ايه تانى حرام عليك كفايه اللى خده النهارده
سلمى : ههههه قلبك هيحن ولا ايه ... لا سيبيه ده واد قليل الادب ... بقولكوا ايه احنا هنشترى فار صغنن كده الابيض ده ونحطه ف شنطة واحده مننا وبعدين نقوله يفتح الشنطه ويجيب حاجه منها ويلاقي ده ف وشه . بس لازم نحبكها شويه
منه : انا معاك . شوفى هنعملها ازاى وانا معاك
ساره : وانا اشطا جدا
فريده : ع البركه
.................
وائل : اوبااااااااا مين شلة البنات دى يا بت يا هند
هند : لا فكك منهم عشان هيعلموا عليك
وائل : يعلموا على مين يابنت الكلب انتى انا مش عارفه انا مين ؟
هند : ايه بنت الكلب دى ماتلم لسانك شويه . انت فاكر نفسك مين
وائل : مش وقته يا هند قوليلى بس مين شلة البنات دى
هند : شلة حلويات الجامعه . كلهم شلة زى القمر شبابهم قبل بناتهم
وائل : احلى منى يعنى ومن الشله بتاعتنا
هند : اه عادى احلى منك ومنى ومننا . عيب يعنى .. وبعدين عينك هتزوغ على واحده منهم ولا ايه ... دى اقل واحده فيهم ابوها دكتور جامعه . يعنى فوق اوى
وائل : هههههههههههه طب منا ابويا عميد كليه ... حتى عميد الكليه هنا يبقى صاحب ابويا . وفلوس لا اول ولا اخر انتى لسا مش عارفه قيمتى
ليلى : معاها حق يا وائل فكك منهم مش هتقدر عليهم
وائل : طب تراهنى انى هشقطها ؟ وهشقط احلى واحده فيهم ؟
هند : مين ؟ قصدك مين
وائل : احلى واحده فيهم ماهى باينه . البنت ام قميص اسود دى
هند : ههههههههههه
ليلي : هههههههههههههههههه سلمى ؟ انصحك بلاش
وائل : اسمها سلمى ! اشمعنى
ليلى : ههههههههههههه دى جابت البت لمياء من شعرها قبل كده هى والبت لوجى . عارف انت لمياء ولوجى طبعا
وائل : ايوه شوفتهم قبل كده . البنات الحلوه دى
ليلى : ايوووه بالظبط .. اهى سلمى دى جابتهم من شعرهم عشان كانو واقفين مع الواد حمو صاحبها وبيهزروا معاه
وائل : حمو مين ؟ قصدك الواد بتاع تجاره ده . هو ف الشله بتاعتهم
هند : طبعا ده صاحب الشله اصلا ...ده اساسا هو اصل الشله
وائل : هههههههههههههه وايه اللى لم دول على ده . ازاى بنات زى دى تعرف الواد ده ده اغلى تيشرت عنده ب 40 جنيه . دنا بشوفه ببقي عاوز اديله من معايا
هند : مين ياخويا ؟ طب والله حتة سكره وزي العسل
مافيش مره بدخل اسلم عليهم وانا ماشيه الا ويقولى عامله ايه يا ست البنات ويروح يجبلى شاى ويعاملنى على انى منهم وصاحبتهم ... ياعم روح
وائل : ماتخلنيش اقولك كلمه وحشه على اول النهار . انتى بتقارنى مين بمين ده ممكن افعصه
هند : يا بابا فوق يا بابا . تفعص مين ...؟ دا لو سلم عليك بايده وضغط على ايدك الطريه دى شويه هتتجبس انت طرى يا وائل هههههههههههههههههه فلوس ابوك مقوياك
وائل : ( بيضربها بالقلم )
هند : انت بتضربنى يا حيوان يا زباله بالقلم ... طيب وحياة امى لنا معرفاك . يا دلدول ياابن امك . ياعم غور ف ستين ف داهيه انت ومعرفتك
وائل : يلا يا رمه يا زباله انا غلطان انى عرفت اشكالات زيك ... ال حمو وزفت ال غورى ف داهيه
................
مالك : الواد ده غطسان فين ياعم مش باين من ساعة الفطار
مصطفى : انت مش كلمته يابنى وقالك جاى
مالك : اه .. والواد على وحسن بردو مش باينين
مصطفى : هههههههههههههههههه اه لو طلع اللى ف دماغى صح
مالك : هو ايه اللى ف دماغك
مصطفى : ماتستعجلش الاحداث
سلمى : ايه يا شباب فينكو وفين احمد
مالك : ماهوش باين من فتره لا هو ولا على وحسن ومجدى
منه : طب ايه فينه ياعم
مصطفى : الله ! ماحنا واقفين جنبك اهو يا نيله انتى ايه البت دى
منه : انت بتزعقلى يا صاصا .. لا يا حبيبى مش انا اللى تزعقلى محدش اساسا يقدر يزعقلى فاهم ولا لا ههههههههههههههه
مصطفى : وحياة امك ؟ اومال بتبقى عامله زى الكتكوت المبلول ليه والواد احمد بيكلمك وبيزعقلك انتى والتخينه فيكو
منه : ايه ايه ايه يا بابا مين ده اللى يقدر يزعقلى . لانت ولا احمد ولا اى حد فيكو .. انت مش عارف انا مين يا بابا
مالك : ( بيعمل نفسه بيكلم احمد وراها ) بالراحه يا احمد ماتضربهاش هى عرفت غلطها
منه : يا فضيحتى .... ايه ده هو فين ؟
(سلمى وفريده وساره بيسخسخو م الضحك )
سلمى : دانتى جبانه جبن يا منون
مالك : ابقى اتكلمى على قدك والنبى ... اشطا ... دانتى كنتى هتعمليها على نفسك
منه : هاه لا يا بابا ... شيلو احمد ده من المعادله . انا بسكتله بس عشان هو ايده تقيله حبتين دا عليه ضربة قفا بتخلى عينى تنور
سلمى : طب بجد هو فين حد ييرن عليه
مالك : ماترنى عليه انتى
سلمى : ايه ! ( بتبصيله بعنيها بحده ) لا رن انت يا فالح
مالك : ماتبصيش كده والنبى هرن اهو
الو ! انت فين ياعم
احمد : جرى ايه يابن الجزمه انت كمان . تن تن تن خيلت أمى فيه ايه عاوز ايه
مالك : ههههههههههه انت فين يابنى مش باين لانت ولا على وحسن . حتى الواد مجدى
احمد : معايا كلهم . جايين اهو ... ( بيوشوش مالك ) بقولك ايه البنات جنبك ؟ لو جنبك عرفنى بس من غير ما يعرفوا
مالك : اه يا كبير الحمد لله
احمد : طيب بص اسحبهم ع الهادى كده وهاتهم ورا الكافتيريا . من غير ما يحسوا ها
مالك : ليه
احمد : ياعم اسمع اللى بقولك عليه . قولهم اى كلام المهم تجيبهم ومن غير ما حد يحس
مالك : خلاص اشطا . هاتلى معاك شاى وانت جاى
احمد : لا صايع يا ولا وبتعرف تتصرف ههههههههههههههه
مالك : حبيبى
...
سلمى : ايه فين ؟
مالك : جاى اهو ف الكافتيريا كان واقف مع واحده بيقولى ماتخليش البنات تيجى دلوقتى
مصطفى : ههههههههههههههههههه عليا النعمه انت هتجيب آجله ف يوم يابن الجزمه
سلمى : بتقول ايه يا عنيا . هو احنا هنفضل نجرى وراه طول النهار . تعالى ورينا تعالى
منه : ههههههههههههههه ابو شكله مش عاوز يركز بقي
ساره : ايه يا بنات رايحين على فين
سلمى : تعالى معانا . انتى كنتى فين
ساره : هههههههههههههههه ماكنتش ف حته كنت هنا وراكو
سلمى : طب تعالى عشان هصور قتيل المرادى وكتاب الله
....
( بتلاقى يافطه كبييييييييييييييييييييير متعلقه بين شجرتين وفيه بلالين كتير وشباب وبنات بتهيص مكتوب ع اليافطه .. بكره عيد ميلاد أجمل بنت ف الكون واحمد واقف تحت اليافطه مع على وحسن ومجدى واسراء وايمان )
منه : احييييييييييييييييييييييه ده عيد ميلادك بكره يا سلمى صحيح
سلمى : ( عينيها متعلقه ب أحمد وبتعيط )
فريده : ( بتتغاظ شويه بس بحب لصاحبتها ) يابن اللعيبه . يااااابن اللعيبه وفاكر كمان عيد ميلادك
سلمى : ( عينيها مابتتحركش من على احمد )
احمد : ( بيقرب من سلمى ) بزمتكو يا شباب ويابنات فيه أرق من كده ف الدنيا . كل عام وانتى عيدنا كلنا يا لوم ويارب نشوفك ف خير وصحه وسعاده وراحة بال دايما ياست البنات
سلمى : ( بتبص لعينه )
احمد : ( بيغمزلها وبيوشوشها ) احنا قدام الناس على فكره ركزى شويه وبطلى تبصيلى كده هتفضحى أمى .... على فكره هجيلك الساعه 12 بالليل احتفل باليوم فيه معاكى واكون أول واحد يقولهالك ف اليوم .. هتعرفى تنزلى ؟
سلمى : وحتى لو مش هعرف ... هعرف عشانك يا جزمه ياللى مطلع عينى
احمد : هههههههههههههههههههههههه ايه يا جماعه مش هتعيدوا ع القمر ده ولا ايه
......
مالك : ايه يابنى ده . دانت كافر . عملته امتى
احمد : يا حبيبى بقالى اسبوع بحضر لليوم ده
مصطفى : يعنى ايه يعنى . انا ومالك اللى كخه يعنى انك تعرفنا . وعلى وحسن اللى بقوا حبايبك
احمد : ههههههههههه بصراحه اه انتو عيال واطيه وكنتو هتبيعونى . على وحسن لسا عارفين النهارده . محدش كان يعرف اصلا .. الوحيد الوحيد اللى كان عارف غيرى هو الواد احمد قبل ما يسافر .. زمانه جاى صحيح وجايبلنا بط من عندهم . امه اتصاحبت على امى وبقوا يكلمو بعض بالساعه هههههههههههههههههههههه ناس أصلا بحق وحقيقي يا جدع وطيبين جداااا وهنزروهم قريب ......
مالك : ( بيبص ل احمد )
احمد : ده طبعا بعد ما نزول المعلم مالك
مالك : وعلى ايه ماتخليك احسن دنا بتحايل على امك بقالى سنه
احمد : مانت شايف اهو يا مالك الدنيا ... هاجى والله معاك ولو عرفت اجيب سالى اختى معايا هجيبها . البت ملك اختك كم سنه
مالك : صغيره لسا قد سالى اختك
احمد : خلاص اشطا
مصطفى : هههههههههههههههه سلمى لسا بتسلم على الناس . ايه الناس دى كلها وايه البنات الحلوه دى ...
على : سلمى طلع معارفها كتير يا جدعان وتعرف مزز كتير ههههههههههههههههه اشطااااااا
مالك : سلمى مين ؟ وحياة امى كلهم جايين يعملو الواجب عشان ابن الجزمه اللى رزقه ف رجله ده
احمد : ههههههههههههههههههههههه ( بيقع ع الارض م الضحك ) ليه بروح امك شايفنى مين يعنى . ياعم اجرى
مالك : يالا انا لو كنت بنت ودينى ماكنتش عتقت أمك هههههههههههههههههههههههههه
احمد : يالا يا شواذ ياولاد الكلب من هنا . دى اشكالات الواحد يبصلها دى
مالك : لا سيبك انت الباى اللى طالعلك ف دراعك ده يحول اى بنت . ماتشغلنى معاك ف الحديد
احمد : انا راجع الشغل الاسبوع الجاى ان شاء الله اما افك الجبس . ابقى تعالى
مالك : انت بتشتغل كام شغلانه كده
احمد : ليه انت م الضرايب
مالك : لا بجد كام
احمد : اهو من 7 ونص لغاية 111 ف الوكاله . بيسيبنى ساعتين تلاته اجى فيهم الجامعه . وبعدين برجع تانى من 3 لغاية 6 .... وهنزل المطعم شيفت بالليل من 9 ل 2 .. ده غير بقي لو ربك كرم بنقلة طوب نقلة اسمنت اى حاجه بتقضي .. بس العمليه ريحت شويه لما اتكسرت
مالك : عليا النعمه ياعم انت انا بتعلم منك كل يوم حكايه وحكايه ربنا يباركلك
.............
هند : كل سنه وانتى طيبه يا سوسو وعقبال ما اشوفك احلى العرايس يا قمرايه . بس ايه الجو ده مين اللى عاملك المفاجأأأه دى
سلمى : ههههههههههه هو فيه غيره . حمو
هند : ياشيخه انا بحسدكو على الواد ده عرفتوه ازاى وامتى
منه : لا دى حكايه كده نبقى نحكيهالك على روقان
هند : هههههههههههههههه المهم فيه حد حاططكو ف دماغه ومش ناويلكو على خير وعاوز يشقط اى واحده فيكو وخصوصا المزه دى ههههههههههههههه
منه : هههههههههههههههههه مين الحبوب ده ؟
هند : الواد وائل .. وائل الخياط
فريده : ههههههههههههههههه يعنى مش لاقى غيرنا يعنى . انا مش عارفه الكم بنت اللى حواليه دول طايقينه ازاى وطايقين دمه ازاى
هند : اححححم . ما بلاش غلط بقي . ظروف يا بت يا فريده يا عسل انتى ظروف
فريده : ياسلام ! طب ماتخليكى معانا ف شلتنا
هند : هو انا اطول . اعتبرونى لزقتلكوا واهو بالمره احاول اقرب من احمد شويه هههههههههههههههههه
سلمى : تصدقى هكرهك قبل ما تقربي منا
هند : هههههههههههه وربنا عارفه انك انتى اللى هتقولى كده
احمد : بقولكو ايه يا بنات احنا ماشيين بقي ... زى ما قولتلك يا سلمى بقي
هند : ايه ده انت مش واخد بالك منى ولا ايه يا واد انت
احمد : ايه ده ايه ده البت البيضا ام شعر اصفر هههههههههههههههههههههه عامله ايه ياستنا
هند : ههههههههه بخير يا حمو انت اللى عامل ايه
احمد : تشربي شاى ؟
هند : هههه انت كل ما تشوف خلقتى تقولى تشربي شاى . ايه ياعم وبعدين اتعود عليا بقي انا بقيت معاكو ف شلتكو خلاص
احمد : هو احنا نطول ياعم . المهم هستاذنكوابقي عشان ورايا كم حاجه كده
هند : نسيت اقولك صحيح
احمد : خير
هند : الف حمد الله على سلامتك بخصوص ايدك يعنى معرفتش اشوفك عشان اقولك والله
احمد : لا ولا يهمك الحمد لله متعوضه . شايلك للتقيله نبقى نجيلك يوم صباحيتك نتطمن عليك ونباركلك ههههههههههههههههههههههههه
هند : احيييييييييييييه هههههههههههههههههههههه انت بتقول ايه انت
سلمى : اتكل على الله يا احمد وامشى من قدامى دلوقتى
احمد : هههههههههههه يلا مع السلامه . زى ما قولتلك يا سلمى 12 ها
منه : 12 ايه ؟
احمد : 122 علبة جاتوه تشيلهملى على جنب بكره عشان بحب الجاتوه
منه : ايوه وليه 12 يعنى
احمد : انتى مالك انتى . انا بحب الرقم ده .دى مصيبة ايه دى
سلمى : ههههههههههههههه
....................
مصطفى : رايح على فين ؟
احمد : هعدى ع البنات اجيبهم من مدارسهم وهروح اتغدى معاهم وهنزل ع المطعم عشان فيه شغل زياده عندنا النهارده والواد عمرو معكوك يا عينى لوحده ف الصاله هو وطه
مصطفى : طيب ربنا يعينك انت لسا ف المطبخ ؟
احمد : اه لغاية ما افك الجبس
مصطفى : هههههههههههههههههههه انت يالا وانت بتشتغل ف الصاله كده مايتكتبلكش ارقام كده ولا حاجه
احمد : يابنى دى نسبة اشغال المطعم قلت النص من ساعة منا دخلت المطبخ ههههههههههههههههه الشيف محمد بيقولى مستعد ادفعلك عشر تلاف جنيه وافكلك الجبس ده . هيتخرب بيوتنا هههههههههههههههه
مصطفى : ههههههههههههههه كلهم مزز والنبى
احمد : اقسم بالله حاجه توهان
مصطفى : مابتديش رقمك لواحده فيهم
احمد : لا
مصطفى : ليه ؟
احمد : " بشوفهم كلهم سلمى "
..........................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020