ရုန်ပိုင်သည် စုန့်ချီ ဤမျှကြောက်လန့်နေသည်ကို မြင်လျှင် စိတ်ထဲ သဘောမကျဖြစ်သွားသည်။ သူ မျက်မှောင်ကြုတ်လိုက်သည်။
" အရင်ထပါ "
စုန့်ချီ ကြမ်းပြင်ကနေ ကပျာကယာထရပ်လိုက်သည်။
ရုန်ပိုင်သည် သူ့ထံသို့ တစ်ချက်မျှဝေ့ကြည့်လိုက်ပြီး သူ့လက်ထဲတွင် လက်ချည်းဗလာဖြစ်နေသည်ကို သတိထားမိလိုက်သည်။
"ထီးလေးရောဘယ်မှာလဲ "
" ကျွန်တော်မျိုး အကြီးအကဲဟွားကို ပြန်ပေးလိုက်ကြောင်းပါ "
စုန့်ချီ လေသံတိုးတိုးလေးဖြင့် ပြန်ဖြေလိုက်သည်။
"အဲ့ဒီထီးက အရှင်မင်းမြတ်ပိုင်ဆိုင်တာလို့ သူကပြောပါတယ်.သူကနေ အရှင်မင်းမြတ်ဆီ ပြန်ဆက်သပါလိမ့်မယ် "
ထိုစကားကိုကြားလျှင် ရုန်ပိုင်က ရုတ်ခြည်း တိတ်ဆ်ိတ်သွားသည်။ ထို့နောက် သူ့မျက်နှာအမူအရာက တဖြည်းဖြည်းအေးစက်လို့လာသည်။
" သူ့အလုပ်သူ သေချာသိသားပဲ "
စုန့်ချီ ပြန်မဖြေရဲတော့ပါချေ။
"ဘာလို့ အသံတိတ်သွားတာလဲ "
ရုန်ပိုင်က လှစ်ခနဲ ပြုံးပြလာသည်။
" အဲ့ဒီထီးက မင်းလက်ထဲကို ရောက်လာခဲ့တာမလား"
သူ ဘာရည်ရွယ်ချက်နှင့် မေးသည်လည်း မသိသဖြင့် စုန့်ချီ ခေါင်းကိုသာ တဆတ်ဆတ်ငြိမ့်ပြလိုက်သည်။
"ဒါဆို ဘာကြောင့်ပြန်ပေးပစ်ရသလဲ..ကိုယ့်ပုံစံက ဘယ်နေရာမှ မကောင်းတဲ့လူနဲ့ တူနေသလား..မင်းအတွက် ပေးပြီးသားလက်ဆောင်ကို ပြန်ယူခဲ့လို့ ကိုယ် တခြားလူကို အမိန့်ပေးပါ့မလား "
ရုန်ပိုင် မျက်လုံးများ ပိတ်ဆို့လိုက်သည်။ သူ့စိတ်ခံစားချက်များ ထိန်းချုပ်မှုအောက်မှ လွှတ်ထွက်သွားလုဆဲဆဲပင်။
သူ့အတွေးထဲတွင်မူ_ သည်တစ်ခေါက် ဟွားဝူနမ် လုပ်ချသွားသည်က တကယ့် ပြဿနာကြီးတစ်ခုဖြစ်သွားချေပြီ။
သူ စုန့်ချီနှင့် မတွေ့ရသည်မှာ တစ်ခဏလေးသာရှိသေးသည်။ ဟွားဝူနမ်သည် သူ စုန့်ချီအား ပေးခဲ့သည့် လက်ဆောင်ကို ပြန်တောင်းခဲ့ရုံမျှမက သားတစ်ယောက်ပါ အဆစ်ရအောင်လုပ်လိုက်သေးသည်။ ထပ်မံ၍ ထိုသားတော်မောင်က အမွှေးနံ့သာများဖြင့် ထုံမွှန်းနေသေးသည်။
YOU ARE READING
FOX DEMON CULTIVATION MANUAL
Romance[FDCM] 【2nd book of a Trilogy】 It's just a fan translation. I don't own anything of this story. Full credit to original author Feng Ge Qie Xing & English translator Lianyin. - အင်္ဂလိပ်ဘာသာပြန်ဆိုသူထံမှ ခွင့်ပြုချက်ရရှိထားပြီး -