Huling Sayaw
Pag nanaginip ka daw tungkol sa demonyo na gustong makipagsayaw sayo, wag na wag ka dawng makikipagsayaw dito kung gusto mo pang magising.
(c) SPOOKYsm facebook page
Pero si Lory?
Mukhang nakipagsayaw siya.
***
Alas dos pa lang ng madaling araw pero umalingawngaw na sa buong kabahayan ang tili ni Lory. Dali daling bumalikwas ng bangon ang mag-asawang Flor at Ely para puntahan sa kwarto ang anak. Sigurado silang nananaginip na naman ito ng masama.
Pagkabukas na pagkabukas ni Mang Ely sa kwarto ng anak ay nadatnan nila itong iyak ng iyak habang nakatalukbong ng kumot. Agad itong dinaluhan ni Aleng Flor at niyakap.
“Ma, yung demonyo. Gusto na naman niyang makipagsayaw sakin. Natatakot ako sa kanya Ma!"
Hinaplos nalang ni Aleng Flor ang likod ng anak para pakalmahin ito.
Simula nung nag18 si Lory ay palagi na itong nananaginip ng demonyo na gustong makipagsayaw sa kanya. Naaawa na sina Mang Ely at Aleng Flor sa anak dahil nangingitim na ang mga eye bags nito dahil ayaw na nitong matulog. Naapektuhan narin pati ang pag-aaral ng anak nila dahil parati nalang itong tulala.
“Ma, ano ho bang gagawin ko kung mapanaginipan ko ulit yung demonyo?” Tanong ni Lory sa ina nung kumalma na ito.
“Kung gusto niyang makipagsayaw sayo, makipagsayaw ka. Mabait naman siguro yun. Nakakatakot lang yung mukha. Malay mo, baka sa pagpayag mo na makasayaw ka niya eh hindi mo na siya mapanaginipan ulit.”
Pero lingid sa kaalaman ni Aleng Flor ay mali pala ang ipinayo niya sa anak.
Nanaginip nga ulit si Lory tungkol sa demonyong gustong makipagsayaw sa kanya at dahil sa ipinayo ng ina ay pumayag siyang makipagsayaw dito.
At dahil sa pagpayag na yun ni Lory ay hindi na siya muling nagising pa. Hanggang sa mamatay sina Aleng Flor at Mang Ely ay hindi na muling nagising pa ang dalaga.
Araw ng paggawa- March 29, 2014