Nginig! (Compilation Of Horror Stories) KAKATAKUTAN part 2! [COMPLETED]

STORY #37 (True Story)

This story is from @guwapoakoquinatadcan.

Puno

Madami ang hindi naniniwala sa mga engkanto lalo na sa mga duwende. Isa na dito si @guwapoakoquinatadcan.

Naalala niya pa, he was grade 3 at that time. May napapansin siyang puno sa school nila na hindi pinuputol kahit na nakakasagabal na ito sa kanila. At yung puno na yun ang pinagbabalingan niya ng galit sa tuwing may nakakaaway siyang kaklase niya.

Isang araw, pagkatapos na pagbalingan ng galit ang puno ay napansin ni @guwapoakoquinatadcan na biglang sumama ang pakiramdam niya. Nahihilo siya at parang nasusuka. Hanggang sa uwian niya ay ganun pa din ang nararamdaman niya. Sabi ng mga kaklase niya nun ay putlang putla daw siya pero hindi nalang niya iyon pinansin at umuwi na. Pagdating sa bahay nila ay agad siyang sumuka. Walang tigil na pagsuka. Pakiramdam niya ay may gustong lumabas sa bibig niya kaya siya sumusuka pero wala naman.

Ilang araw na ganun lang si @guwapoakoquinatadcan hanggang sa napagpasyahan ng mga magulang niya na ipatawas siya. At doon nga nila nalaman ang dahilan.

May nakatirang duwende sa puno na pinagbubuntunan niya ng galit kaya hindi iyon pinuputol. At dahil daw sa pagsuntok suntok niya doon sa puno ay nagambala ang mga duwende kaya nagalit din ito sa kanya at pinarusahan siya.

Sa ngayon ay lubos na siyang naniniwala sa mga engkanto lalong lalo na sa duwende.

Kayo ba? Naniniwala din ba kayo sa mga engkanto lalo na sa mga maliliit na lamang lupa na tinatawag nating duwende?

Araw ng paggawa- October 20, 2014