Nginig! (Compilation Of Horror Stories) KAKATAKUTAN part 2! [COMPLETED]

STORY #72 (True Story)

This story is from @ElleannaR.

(This story give me chills. Such a creepy story. Kaya kahit masyado siyang ma-ikli, tinanggap ko pa din. Hehe! Enjoy reading loves! <3)

Lubid

September 2013. Nasa classroom si @ElleannaR nun kasama ang kanyang kaklaseng si Tonette. Sila lang dalawa ang laging kumakain ng tanghalian sa classroom dahil pareho nilang ayaw sa canteen at baka mapagastos sila.

Akala nila, isang normal lang iyon na tanghali pero hindi pala.

Patapos na sila sa kinakain nila nun nang may biglang pumasok na matandang lalake sa classroom nila. Sa tantiya ni @ElleannaR ay nasa 50 anyos ang lalake. Agad nila iyong nilapitan at tinanong kung anong sadya nito at kung may hinahanap ba ito na kaklase nila pero ang sabi nito ay manghihiram lang daw ito ng lubid.

Tama naman dahil may lubid na nakatago sa class drawer nila @ElleannaR kaya agad niya iyong kinuha at ibinigay sa matanda. Pagkatapos nun ay dirediretso nang naglakad ang matanda paalis sa classroom nila.

"Ang creepy naman niya." Maya maya pa ay narinig niyang sabi ni Tonette.

"Oo nga eh! Ano kayang gagawin niya sa lubid?"

"Nakakacurious no? Tara! Sundan natin nang malaman natin!" Ang sagot ni Tonette sa tanong niya at agad na siyang hinila nito palabas.

Agad na nakita nila sa hallway ang matanda na may dalang ladder. Dirediretso lang itong naglakad papunta sa ground ng school. Nung nasa ground na ito ay agad itong lumapit sa isa sa mga punong mangga na nasa ground. Agad na inilagay doon ng matanda ang ladder at umakyat. Pero hindi inaasahan ni @ElleannaR at Tonette ang mga sumunod na nangyari.

Bigla nalang itinali ng matanda ang lubid sa isa sa mga sanga ng punong mangga pagkatapos ay itinali din nito sa leeg ang kabilang dulo ng lubid pagkatapos ay tumalon ito sa hagdan.

Noong mga oras na yun ay parang nilisan si @ElleannaR at Tonette ng kanilang mga kaluluwa dahil sa halo halong emosyon. Gulat, takot, at pagka-awa sa nakikita nilang matanda na unti unti nang nangingitim at nalalagutan ng hininga. Gusto man nilang tulungan ang matanda ay hindi sila makakilos. Tulala sila.

Pero agad na bumalik ang kanilang mga diwa nang may biglang sumigaw sa likuran nila.

"Oy! Computer subject na natin! Anong tinatayo tayo niyo diyan?!" Boses iyon ng isa sa mga kaklase nila. Agad silang napalingon sa sumigaw na iyon at paglingon nila ulet sa matandang nagbigti ay wala na ito doon.

Dahil doon ay ilang araw na hindi maka-usap ng matino si @ElleannaR at Tonette. Lage nalang silang umiiyak at lageng bukambibig ang lalakeng nagbigti.

Ilang araw pa ay inamin na din ng mga guro na ang nagmumultong iyon ay ang dating janitor sa eskwelahan. Problemado daw ito kaya nagbigti sa isa sa mga punong mangga na nasa ground ng school at nagpapakita daw ang kaluluwa nito sa mga estudyanteng nagpapahiram ng lubid sa kanya.

Rest In Peace, Manong Janitor.

Araw ng paggawa- March 01, 2015.