................
ف الحلقه السابقه :_
احمد : مين اللى بيخبط
سالى : افتح ياعم بنخبط بقالنا ساعه انا وندى
احمد : ايوه مين
سالى : هههههههه سالى
احمد : سالى مين
سالى : ههههههه سالى اختك افتح لسا راجعين م المدرسه
احمد : سالى اختك مين ؟
.............. ( السابعه ) ❤
سالى : ايه ياعم ساعه عشان تفتح
احمد : امك لسا مجتش ؟
سالى : وانا ايش عرفنى هى امك فين ؟
احمد : يعنى ايه .... ش كنتى هنا يبنت المجنونه من شويه . وبعدين انتى ايه اللى موديك المدرسه . وايه الشنطه دى . ايه اللبس ده ؟ فيه ايه
سالى : انت اللى فيه ايه ؟
احمد : مش انتى اللى كنتى نايمه جوه يابت
سالى : نايمه جوه فين .
احمد : دلوقتى من شويه ف اوضتى وخلتينى انام على الارض
سالى : بت يا ندى احنا نازلين المدرسه امتى
ندى : 7 ونص
سالى : ايه يا عم انت ناوى تلبسنى تهم هههههههههههههههه كنت بتحلم باين عليك
احمد : لا منا لسا ماتجننتش يا شوية كلاب .. فين امك
ام احمد : حمد الله ع السلامه يا بنات . غيروا هدومكو يلا وانا ف ربع ساعه هجهز الغدا
احمد : انتى كنتى فين ؟
ام احمد : كنا بنزور ام ليلى تعبانه يا عينى ادعولها
احمد : مين اللى كان نايم ف اوضتى النهارده
ام احمد : احيييييييييييييييييييييييه تصدق نسيت خالص ... هى فين ؟ اندهلها
احمد : انده لمين ؟ منا عاوز اعرف هى مين .. انا جيت من بره لقيت حد نايم ع السرير بتاعى افتكرتها سالى ..... وروحت ف النوم مالقيتهاش ... وبقوم لقيت سالى وندى بيخبطوا .. مين اللى كان نايم بقي
ام احمد : ايه ؟ انت بجد ماتعرفش ؟
احمد : مخدتش بالى انا والله . مين
ام احمد : دى البت ليلى سيبتها نايمه هنا وروحنا نشوف مامتها . البنت بقالها يومين مانمتش ومفحوته م العياط
احمد : ااااااااه . ربنا معاها يارب وتقوم بالسلامه يلرب .. وبعدين استنى ! ليلى ايه ليلى دى شبر ونص واللى كانت نايمه دى طويله
ام احمد : هههههههههههههههههههه يوه جاتك ايه ف ملافظك .. انت مانمتش ؟
احمد : غفلتلى ساعتين اهو حلوين بس حاسس ان جسمى مدغدغ
ام احمد : طيب اتغدى مع اخواتك وادخل نام شويه
احمد : ماشي
............
ساره : بقا كل ده حصل النهارده
سلمى : اه والله شوفتى بقي
ساره : نهار اسود . انتى اللى يقول عليكى بعد كده غلبانه يبقي هو اللى غلبان
سلمى : ههههههههههههههههههه براحتى
ساره : طيب هتعملى ايه مع منه . شكلها زعلانه جدا
سلمى : تتفلق ... ماليش دعوه . ماتعملش حاجه من ورايا وتزعل لما اخد حقى
ساره : سلمى ! محدش فيهم لسا عارف المشاعر اللى بينك وبين احمد
كلهم بلا استثناء بيتعاملو مع احمد على انه زميل بس ... محدش يعرف انك انتى وهو رابطين بعض
سلمى : انا فعلا انا وهو مش رابطين بعض بس بردو عارفين ان كل واحد عاوز التانى عشان كده مابحبش الاستهبال
ساره : ماهو محدشش عارف
سلمى : فيه فرق بين محد عارف ومحدش قادر يصدق
منه ولا فريده عارفين جدا احمد بالنسبالى ايه بس مش عاوزين يعترفوا انهم اتهزمو وكل واحده هتلعب لمصلحتها الفتره الجايه ... صحابي وانا عارفاهم
منه هتحاول بكل شكل انها توقعنى ف احمد .تضربنى فيه . تحاول توصللى كلام انهم بيعمل غلط من ورايا . هتروح توصله كلام من ناحيتى . ف الوقت اللى هتحاول هى تقرب منه وتبرز مفاتنها وحياتها بين ايده
ضربى ل منه ده ماهو الا انى بقولها انى فايقه . وهتبدا ف الحرب بتاعتك انا هبدا .... بعد كده هتخاف تروح هناك لوحدها
فريده بقي من نوع اضرب المربوط يخاف السايب هههههههههههههههههه هتخاف . ولو بتفكر ف حاجه اصلا ف دماغها ف هى هتبدأ تفكر مره واتنين قبل ما تعمل حاجه
ساره : كل ده ؟
سلمى : نيجى بقا لاحمد .... احمد مش عينه زايغه ولا بصباص ولا وحش . انا عارفه ومتأكده من كده ... انا ضربته عشان بس اضايقه اقوله بطًل طريقتك دى وحاول تصد اى حد بيكلمك شويه
ساره : بالعكس يا سلمى .. انا مش معاكى ف الموضوع ده ... احمد جدع جدااااااا وعمره ما اتأخر عن واحده ولا واحد مننا ... ودى حاجه اللى مخلياه هو كبير الشله كلنا بنحس اننا ملزومين منه .. بغض النظر عن الفوارق اللى بينا وبينه
سلمى : عارفه ! والله عارفه بس طريقته دى مقربه منه بنات كتير . نفسي أغيره
ساره : هههههههههههههههههه مش هيتغير . وحياة امى مش هيتغير وهتفضلى ف الضغط والتوتر ده على طول .. الا اذا تريحى نفسك وتثقى فيه
سلمى : واثقه فيه بس مش واثقه ف غيره ههههههههههههههه البنات عندها قدره انها توقع اى حد مهما كان
ساره : فعلا ! صحيح الدكتور يوسف نيًم الموضوع . وتقريبا كده غلًط بنته وقالها ايه اللى جابك هنا ..
سلمى : ماهو ده اللى انا كنت برتبله . انى اجيبها لغاية عندى ف مكانى وكليتى ... يعنى هى اللى متهجمه عليا مش انا ..... وعشان كده ابوها عدا الموضوع
ساره : بس انتى ايدك تقيله اوى جاتك ضربه حرام عليك ... البت كان شعرها بيتخلع ف ايدك
سلمى : انا مش صعبان عليا غير احمد ههههههههههههههههههههه كان منظره مسخره وهو بيقول للعيال حد يكبر ف ودن البت دى كنت هضحك اصلا واتفضح . ابو شكله واد رمه
.......................
( ع القهوه المغرب )
مصطفى : مش رايح شغلك ؟
احمد : لسا . شويه كده
مصطفى : امال مالك عمال تفكر ف ايه . مابستريحش انا لبصتك دى . مش ساره طمنتك على سلمى انها رجعت
احمد : اه الحمد لله ... مافيش بالى مشغول شويه ... بشوف انا عملت ايه ف حياتى عشان يحصل معايا كل ده هههههههههههههههههه احنا اتعجننا عجنه محترمه اوى يا بوحه
مصطفى : طب مين هوديك الشغل
احمد : انت محسسنى انى عاجز يا مصطفى . ايه يابنى منا كويس . هى التزكيكه دى بس بتاعة الجبس . لكن بخرج وبمشى وبتعامل
وائل ( ف عربيته ) : ولا يا حمووووووو
مصطفى : مش ده وائل
احمد : هههههههههههههههه اه . مخه فوت الواد ده
مصطفى : ايه ياسطا ماتنزل تشدلك نفسين
وائل : حبيبى يا ديشه ... عاوز احمد بس ف موضوع . دقيقتين وهرجعهولك
احمد : انا كنت ماشي اصلا رايح الشغل تعالى وصلنى
وائل : طب تمام . اركب ... عن اذنك يا ديشه
مصطفى : سلام يا لول
.........
احمد : ايه ياض عاوز تتضرب تانى هههههههههههههههههههه مايغركش انى متجبس عليا النعمه افك الجبس واديلك اللى فيه النصيب
وائل : ههههههههههههههههه لا عيب عليك . انا استجدعتك يالا وبقيت حبيبى . المهم جايبلك خبرين انقح من بعض
احمد : خير يا بومه
وائل : المهم انا تدينى الآمان . انا ماليش اى علاقه
احمد : ياعم انطق واخلص
وائل : فيه حركه ف الجامعه ناحية سلمى
احمد : بمعنى ؟
وائل : الواد اللى اسمه طارق . المعيد اللى علينا بتاع المحاسبه
احمد : ماله سى خرا
وائل : بيطوف حواليها وبدأ يشاغلها بل وبدا يكلمها ف التليفون بعد ما جاب رقمها من واحده م البنات .. طبعا سلمى كارفاه وموقفاه عند حدوده
احمد : اها ! وبعدين ؟
وائل : ده الخبر الاولانى .... الخبر التانى بقي بخصوص ديشه ومالك اصحابك هههههههههههههههههههههههههههه
احمد : مالهم هما كمان
وائل : عارفين وساكتين هههههههههههههههههههه انا بهدى النفوس
احمد : عارفين ايه ؟
وائل : عارفين ان الواد ده بيلف حوالين سلمى ... بس معرفش هما ساكتين ولا مش راضيين يقولولك ولا ايه
احمد : ااااااها . ايه تانى
وائل : لا شكرا لغاية كده .... البت علياء السلحدار لسا مبلغانى الاخبار دى حاااالا . وبتقولى كمان ان طارق ده واقع لشوشته وهيتجنن على سلمى
احمد : طب بس اخرص .... حسك عينك تبلغ الكلام ده لاى حد تانى . فاهم
وائل : ناوى على ايه
احمد : كل خير .... بقولك ايه يا وائل انا عاوز منك خدمه
وائل : اؤمر
احمد : تعرفلى فين بيت طارق ده ؟ ولا صعب
وائل : صعب ايه ؟ عليا النعمه انت لو عاوز طارق ده شخصيا اجيبهولك .... ادينى لغاية بكره الصبح وانا جيبلك عنوان بيته
احمد : تمام .. نزلنى انا هنا المطعم اهو .... زى ما قولتلك اوعى تجيب سيره لحد
وائل : لا تمام ...... هدخل بقي تعزمنى على حاجه جوه
احمد : بفلوس يا بابا بفلوس يا حبيبى . يلا طريقك اخضر
وائل : ماشى يا صاحبي .. سلام
.........................
سلمى : اما نشوف الاستاذ ده هييجى امتى .. والله لاطلعلك عينه بس اما ييجى
ساره : هههههههههههههههههه ولا هتعملى حاجه دانتى قاعده مستنياه .. ايه ده احمد بيرن
سلمى : طب ردى ولو سالك عنى قوليله نايمه
ساره : طيب استنى اسكتى ..... الو !
احمد : ادينى سلمى يا ساره
ساره : سلمى لسا ن....
احمد : ساره ماتخلنيش اولع فيك دلوقتى . ادينى ست زفت من عندك
ساره : ايه ! طيب ...... سلمى كلمى احمد ... شاااايط
سلمى : نعم ؟ طب هاتى ...( بحذر ) الو !
احمد : ربع ساعه وتكونى ف المطعم انتى والزفته اللى عندك . فاهمه ؟
سلمى : اشمعنى
احمد : ( بيقفل السكه )
سلمى : انتى فاهمه حاجه ؟
ساره : ولا اى حاجه بس قالك ايه
سلمى : قالى ربع ساعه ونكون هناك انا وانتى
ساره : هتنزلى ؟
سلمى : ايه .......! ايوه تعالى . ربنا يستر
.....................
عمرو : مالك يابا عمال تعفر ليه اهدى .. بطل سجاير
احمد : مافيش يا عمرو ادخل انت شوف شغلك
عمرو : طيب يلا الاوبريشن ابتدى يابا
احمد : ياعم داخل . اخلص بقي انت كمان هخلص السجاره دى وادخل .. خف عجلك يا عمرو
..........
احمد : الو !
مصطفى : الو ! ايه ياسطا
احمد : عامل ايه ؟
مصطفى : عامل ايه ايه منا كنت لسا معاك
احمد : اه انت كويس يعنى مش كده .
مصطفى : اه
احمد : انت ومالك كويسين يعنى ؟
مصطفى : ايوه
احمد : طيب تمام ... سلام بقي عندى شغل
.................
مالك : مالك يا ديشه
مصطفى : مش عارف .. بس شكله مش مظبوط بيسال عليا وعليك
مالك : عليا انا ههههههههه وانا مالى
مصطفى : ماهو طالما اتصل عليا وسال عليا وعليك واحنا لسا سايبينه من عشر دقايق معناها ف عرفنا احنا انه عرف حاجه .مهلكتى حق حصرى للكاتب احمد سعد وبيدج هو وهى فقط اى حد بينشر الروايه بدون اذنه ف هو حرامى وفاشل.. بس حاجة ايه بقي اللى عرفها ... وحاجة ايه اللى ممكن يعرفها من الواد وائل
مالك : وائل مين
مصطفى : وائل . بتاع الخناقه ماهو اللى جه وخد احمد ووصله الشغل النهارده . شوف بقي قاله ايه ف العشر دقايق
مالك : لاحسن يكون وائل بيشتغله
مصطفى : لا لا لا لا . وائل دلوقتى بقا مننا .. بس هو ايه طيب الموضوع اقولك حاجه . انا مش متفائل
..............
( ف المطعم )
عمرو : اهلا ! ازيك يا استاذه سلمى ...
سلمى : عمرو هو احمد جوه
عمرو : اه . ده حتى مبلغنى اول ما توصلى انى أعرفه
سلمى : طيب بلغه وشوفه كده هيقولك ايه
عمرو : تمام حاضر
............
عمرو : يا فنان . الجماعه بره مستنيينك
احمد : ( مابيبصلوش ولا بيرد عليه )
عمرو : يابنى ! الجماعه بره . صاحبتك بره
احمد : ( مش بيبصله ولا معبره )
عمرو : ولا يا حموووووووووووووووو اقولهم ايه
احمد : قولهم غار ف داهيه . قولهم مشى
عمرو : بوراحه طه . انا مالى انا
...............
عمرو : بقولك ايه يا انسه سلمى . قومى روحى
سلمى : هو مش مظبوط صح
عمرو : جدا .. قالى اقولكو انه مشي . بس بجد هو ضايع . مش طايق نفسه
سلمى : طيب يا عمرو متشكره جدا . انا ماشيه
..............
سلمى : وبعدين . هو مين اللى كان زعلان من مين . الواد ده بيشتغلنى صح
ساره : لا ! فيه حاجه . وحاجة كبيره كمان
سلمى : هيكون فيه ايه يعنى ,
ساره : مش عارفه . بس ياريت تعرفى فيه ايه بسرعه
سلمى : تفتكرى منه بدأت تلعب لحسابها او قالتله حاجه
ساره : وهى منه ممكن تكون عارفه ايه يعنى تقوله لاحمد يزعله منك كده .. وبعدين منه مش كده ...
سلمى : طب ايه . ايه الموضوع
ساره : من هنا ل بكره بقي
سلمى : بكرة ايه انا لسا هستنى .. هو هييجى النهارده عند البيت عندى انا متأكده
ساره : لا مش هييجى
سلمى : هييجى ... تراهنينى
ساره : اراهنك
....................
( الساعه 12 ونص بالليل ع القهوه )
احمد : ازيكو يا غجر
مصطفى : ايه يا فنان لسا راجع
احمد : لا دنا استاذنت نصايه بدرى . رجلى نقحت عليا وماكنتش قادر اقف ولا حتى اقعد ... قولت للشيف محمد انى ماشي . كانت الدنيا خفت
مالك : اشطا ... العيال لسا مروحين من شويه
احمد : ( بيبصلهم وهو ساكت جزء من الثانيه ) ايوه تمام . وانتو قاعدين ولا مسهرين
مصطفى : انت هتروح ؟
احمد : اه هروح . فاصل مانمتش كويس . حتى الضهر قلقت ومعرفتش انام
مصطفى : اااه .. طيب تمام رايح بكره الجامعه
احمد : اكيييييييد
مالك : الصبح يعنى ؟
احمد : امااااااال
مصطفى : هو فيه ايه يالا
احمد : انا مافيش حاجه . انت فيه حاجه ؟
مصطفى : حاجة ايه لا
احمد : انت فيه حاجه يا مالك
مالك : خاااااااالص . عمر ماكان فيه حاجه
احمد : طيب ... يبقى على خيرة الله ..
..............
الي اللقاء في الحلقه القادمه
كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587
لينك بيدج/ هو و هي
https://www.facebook.com/howa.weheyaa/
لينك بيدج/ stories and novels
https://www.facebook.com/StoriesAndNovels2020