................
ف الحلقه السابقه :_
ام سلمى : يعنى الشاب اللى احنا شوفناه واُعجبنا بيه وكان نفسنا ف واد زيه لبنتك هو هو يبقى نفس الشخص بس زميل بنتك ف الكليه .. شوفت بقي ترتيب ربك .... وبيغير على بنتك جدا وتقريبا كده والله اعلم الخناقه مش هتبقي بعيد عنه .. مستنيه سلمى تيجى عشان افهم منها بالتفصيل
ابو سلمى : انتى بتتكلمى جد ؟ طب ياريت .. انتى مش عارفه الواد ده بيفكرنى بنفسي اد ايييييييييييه
..................... ( الثانيه ) ❤
فريده : طيب يا جماعه انا عازماكو النهارده بقي على الغدا كلنا
احمد : ( بيبص لفريده )
احمد 2 : لا ده المفروض واجب علينا يا ست فريده
فريده : واجب على مين ياعم دانت ف بلدنا يعنى المفروض علينا من بدرى
سلمى : ( بتاخد بالها من احمد ) اححححم عيب يا فريده تقولى كده ... هنعزمهم يعنى والرجاله بتوعنا موجودين
منه : ( بتفهم نظرات احمد ) اححححم على طول كده لسانك متبرى منك يا ديده
احمد : لا سيبيها سيبيها .. يلا انتى وهى على بيوتكو مافيش لا غدا ولا دياولو . انا هاخد الشباب هغديهم انا .. يلا كل واحده على عربيتها ... معرفش انا ايه الكليه اللى بيتراحلها بعربيات دى
سلمى : ههههههههههههههههههه الله يحرقك يا فريده بوظتيلنا الخروجه
منه : ابو شكلك بت رمه
فريده : ههههههههههههههه طب بقولكو ايه ماتيجو كلنا نخرج بالليل نروح اى مكان احنا زهقانين والله
احمد : من هنا ل بالليل ربك يسهل ..يلا امشوا
ساره : ماشى ! سلام يا كبير .. سلام يا شباب .. يلا يا سلمى
سلمى : سلام يا جماعه .. ( بتسلم على احمد بعينيها )
عماد : ( بياخد باله من نظرات سلمى ل احمد ) اللهم صلى
................
عماد : بقولك ايه .. الواد حمو وسلمى بينهم كيميا وبيحبو بعض وبيداروا علينا
احمد 2 : بيداروا علينا ايه اللى يحرق اللى جابك .... دانت لسا عارفهم من ساعتين ربنا يهدك
عماد : هههههههههههههههه عيال عسل اوى يا جدع داحنا مضروبين بالنار ف البلد عندنا اسكت اسكت خلينى اعيش
احمد 2 : الفلاح التى ابهرته اضواء المدينه هههههههههههههههههه ربنا يخيبك يا خايب يا أهطل
.............
احمد : ايه يا شباب مش يلا ولا ايه ....
مالك : انا هخلع انا يا كبير بقي ... ورانا مشوار كده انا وميجو
احمد : على فين ؟ عليا النعمه رايحين تصيعوا يا شويه اوساخ
مالك : ههههههههههههههههه حبيبى حبيبى ! لا والله انا رايح مشوار يخص امى كده هجيبلها حاجات من هنا عشان نازل اخر الاسبوع ... واعمل حسابك هتيجى معايا
احمد : ياعم اجى معاك فين
مالك : ياعم اخلص وحياة امك هتيجى معايا . هما ساعتين رايح وساعتين جاى ومش هنقعد هناك ساعه . هتتغدى معانا وابقى امشى ياعم هبقى ارجع معاك
.............
احمد : ايه يا شباب مروحين ولا وراكو حاجه
احمد 2 : اه هنروح نرتاح شويه كده ....
احمد : انتو فين صحيح
احمد 2 : ف سيدى بشر بس ورا شويه
احمد : اللهم صلى ع النبى .... لا باين انها صحوبيه جامده ههههههههههههههههه عارف خالد ابن الوليد
احمد 2 : اه طبعا
احمد : طيب عارف قهوه العزيزيه اللى ع البحر هناك ورا الشارع
احمد 2 : اكيد
احمد : احنا بنروح نقعد ف الكافتيريا اللى وراها على طول ف ضهرها من جوه ابن الوليد او احيانا بنكون قاعدين ع العزيزيه نفسها من بعد العشا . ابقوا تعالو
احمد 2 : ياسلام ! داحنا هنبات هناك من دلوقتى
احمد : ههههههههههههههههه نورتونا يا شباب والله ... ربنا معاكو . يلا اتوكلوا على الله
.......................
مصطفى : جاى يا احمد ولا ايه
احمد : لا يا حب اتوكلوا انتو على الله انا ورايا مشوار كده
مصطفى : خلاص تمام . نتقابل بالليل ع القهوه
على : سلام يا كبير
حسن : سلام
احمد : مع السلامه يا حبايب
.....................
( الساعه 3 ف مطعم معروف )
احمد : اتأخرت عليكو يا شباب معلش
عمرو : ماينفعش كده يا احمد انت يدوب بقالك اسبوعين شغال . حاول تمسك ف الشغلانه شويه وتيجى قبل ميعادك مره يا اخى .... ايه ده مال دراعك ؟
احمد : وقع عليا امبارح شويه حديد بس الحمد لله ربنا لطف
عمرو : طيب الله يباركلك انا ما صدقت انك اشتغلت هنا .. والشيف محمد مابيهزرش
احمد : ياعمى خلاص بقي ... قولى بقي هعمل ايه وانا هعمله
عمرو : والله انت المفروض انت اللى كنت هتخش ع الصاله النهارده بس دراعك ده هتقابل بيه الناس ازاى ... بقولك . تعالى خد مكانى بسرعه وانا هدخل انا اخد الطلبات . ابو معرفتك معرفه بنت كلب هههههههههههههههههههههه
احمد : هههههههههههههههههههههه نطلع بره بس وانا ودينى لابطحك بالجبس اللى ف دراعى ده
عمرو : يلا يا واطي
......................
فريده : بس حلو المطعم ده وشيك يا بنات ... انا لسا البت غاده قايلالى عليه النهارده
سلمى : فعلا معاكى حق حاجه فخمه كده والمبهج اللى فيه الوانه .. الوانه حلوه ... تعرفوا ان احمد حلم حياته انه يشترى مطعم
منه : ههههههههههههههه هيشترى مطعم انا عارفه ومتأكده
سلمى : وايه اللى اكدلك ف كده يا حلوه
منه : اصراره رهيب انه يبقى حاجه .. يابنات احمد ده ماشوفتش العينه بتاعته دى قبل كده .. طب اقولكو حاجه غريبه شوفتها النهارده
سلمى : خييييييييييييييييييييييييييير
منه : النهارده لما فريده اتسحبت من لسانها وقالت يلا عشان اعزمكوا كان احمد هيضربها بس مسك نفسه هههههههههههههههههههههه وانا بصوا كنت هموت
سلمى : ( ضحكة رقاصات ) ههههههههههههههههههههههههههه انا بردو حسيت بكده واتحرك من مكانه كده كان هيديها بالقفا بس راح واقف كده ومغمض عينه وكاتم غيظه وسكت ههههههههههههههههههههههههههههههههه يانهارى على منظره
فريده : طب اقولكو حاجه .....
ساره : ههههههههههههههههه قولى
اميره : هههههههههههههههههههههههههه قولى يا ديدا
فريده : اقسم بالله انا اول ما قولت الكلمتين المنيلين دول ومعرفش انا نطقتهم اساسا ازاى وبصيت لاحمد لقيت " حرفيا " عينه بتطلع شرار . كأنك لمستى سلكين عريانين ف بعض كده وبيطلعوا شرار كهربا هههههههههههههههههههههههههههههه انا حسيت انى هعملها على روحى وقولت يا ارض انشقى وابلعينى
منه : طب بزمتكو احنا عمرنا خوفنا كده ف حياتنا من حد ؟
سلمى : خالص
فريده : هههههههههههههههههههههه دى العيال اللى كانت معانا ف الثانوى كانو براشوتات وكانو بيقبلوا اى حاجه .. مافيهمش روح كده . مافيش حد شخصيته زى شخصيه احمد كده
منه : اسكتو اسكتو انتو عارفين اسراء وامانى وايمان زمايل احمد ف الثانوى
سلمى : مالهم
منه : يا لهووووووووووووووووى دول كانو بيحكولى حكايات عنه ف الثانوى واللى كان بيعمله حاجه كده تخطف قلبك ... بيقولك ميس الرسم وميس الموسيقى كانو بيحبوه وبيجيبولو فطار وبيفطر معاهم ههههههههههههههههههههههههههههه
سلمى : والله ؟؟ خير خير لا ماهو مرزق الصراحه .. مرزق اوى محاكاليش يعنى عن الموضوع ده
ساره : بس عشرى وواد جدع ف زمن مابقاش فيه جدعان كده .. ربنا يرزقه ويعوضه خير الوحيد اللى باخد تريقته وهزاره معايا على انها حاجه اسبيشيل وتخصنى ومابزعلش منها
منه : دانتى كنتى رمه صح .... اى واحده مننا كانت تقولك يا اوزعه ولا يا اى حاجه كنتى تقلبى وشك وتفضلى بالشهور مخاصمانا ... الا الواد ده بيهزقك كل تهزيق واخوه وانتى جبله مابتحسيش ولا بتنطقي ... لا ومسميك علبة تونه ههههههههههههههههههههههه
ساره : براحته ... ده يقول اللى هو عاوزه . بس كلبه فيكو تقولها نيفر ايفر هههههههههههههههههههههه
فريده : اضحكوا على حاجه بس وحياة اهاليكو مافيه واحده تشمت فيا
سلمى : احكى احكى انا مبسوطه بيكو يا بنات جدا . انطقوا انطقوا
منه : ههههههههههههههههه عليا النعمه سلمى دى سوسه كبيره وعندها اخبار اااااد كده بس سوهنه مابتتكلمش ... احكى يا فريده احكى
فريده : من حوالي 4 ايام كده لقيت نفسي صاحيه على الساعه 3 بالليل كده ... ماكنتش عارفه كنت قلقانه ليه ومش جايلى نوم ... قولت ارن على اى واحده فيكو ادردش معاها شويه لقيت نفسي برن علي احمد ههههههههههههههههههههههههههههه
اححححم ومستنيه الرد بتاعه بقي هيشتمنى هيهزقنى مش مشكله
لقيت اخته اللى ردت عليا وبتقولى " اخويا بيقولك هو نايم وبطلو سفاله بقي يا ولاد الكلب " هههههههههههههههههههههههههههههههههههههههههههههههههه
سلمى : هههههههههههههههههههههههههههههههههههههههههههههههه اااااااااااااااااااه مش قادره
منه : همووووووووووووووووووووووووت هههههههههههههههههههههه هههههههههههههههههههههههههههه قلبى هيقف
ساره : هههههههههههههههههههههههه ( ضحكة رقاصات عاليه ) بطناااااااااااي
اميره : هههههههههههههههههههههههه الله يحرقكوا .. الله يحرقكوا فضحتونا . الناس بتبص علينا
فريده : انا كانى خدت دش بارد . قومت قافله السكه وقفلت التليفون خالص وكنت هكسره .. تانى يوم بقي قولت اتأكد هو اللى قايل لاخته تقولى كده ولا هى البنت كانت سهرانه مثلا وردت عليا . عشان مظلموش حرام
سلمى : هههههههههههههههههههههههههههه ايوه . كملى ! كملى والنبى ههههههههههههههههههه
فريده : داخله عليه كده وببصله من تحت لتحت .. لقيته قام رافعلى ام حاجبه اللى مدوخنا ده وكاتم الضحكه ومش قادر الصراحه .. قولتله انت اللى قايلها صح .. وهو مش قادر يتكلم اصلا من كتر ماهو كاتم الضحك ... مره واحده قام واقع ع الارض من كتر الضحك وانا هاتك يا شد شعر ف وسط الجامعه ... يااااااااااااااه كان يووووم
سلمى : هههههههههههههههههههههههههههههههه انا متخيله المنظر على فكره
منه : وانتى بقي يا سهتانه يا بهتانه انتى مش ناويه تقوليلنا حاجه حصلت بينك وبينه
سلمى : حاجه ايه يعنى . ولا حاجه
منه : علينا احنا ... احكى احكى مش هنحسدك ههههههههههههههههههههه
سلمى : كل اللى ممكن اقوله على احمد انه " روح "
منه : " روح " يعنى ايه ؟
سلمى : يعنى قادر يشكل روحه على روحك ..
سواء كنتى بالنسباله صاحب او أخت او أم او صديقه او زميله او اى حد بيتعامل معاه لاول مره .... بيتعامل معاك بمعاملتك انت مش بمعاملته هو
بيطلعلك او بينزلك على حسب مستواك الثقافى او الاجتماعى
وبيتكلم معاك بلسانك انت .. مش بيحسسك بأى فوارق .. لحظه هتعدى عليك وانت بتكلمه تحس فيها انه هو اللى اغنى منك او انه هو اللى متنازل ومتواضع عشان يتكلم معاك . مع ان الحقيقه العكس . بس ده لانه مابيتكسرش لحد
انتو عارفين ! تتخيلو واحد لسا طالب ف اولى كليه ويكون بيتكلم 3 لغات ؟
مثقف جدا وقارى كتب كتييييير واغلبها تراجم وكتب من بره
عمره ماكان لعًان بيلعن ظروفه
ولا شكًاى بيشتكى الظروف اللى اتحط فيها .... ماشوفتش حد بيتسم قده
ماشوفتش حد قادر يزلزل كيانك من صفاء وحلاوة الضحكه بتاعته قده
ماشوفتش حد قادر يرهبك ويخليك خايف تغلط قدامه حباً فيه مش خوف ولا جهجونه وعبط ع الفاضى ... لا دا بيخليك خايف تغلط عشان مايزعلش منك .. لانك عارف ان زعله وبعده عنك هياذيك شخصيا
بحب اوى ف كلامه لما نكون كلنا مع بعض وهو بيقول هتنزلوا وانا معاك
هتروحو وانا معاكو
هناكل وانا معاكو ... دايما مسبق الصُحبه بتاعته عليه هو
بحب اوى ف وشه طريقة كلامه ونُطقه لشويه كلام بقيت حرفيا مابعرفش انطقهم غير زيه
اللى زي ده يا بنات شخصيه تتحب وهو يستاهل انه يتحب
ودى أول واخر مره اتكلم فيها عنه يا كلبه منك ليها
منه : هههههههههههههههههههههههههه اتفضحتى يا سوسو وقولتى اللى مخبياه عننا . بس هو فعلا زى ما قولتى كده
ساره : ههههههههههههههههههههه انا تنحت م الكلام حرام عليكو
فريده : وانتى يا ميرو ؟ مافيش حاجه كده حصلت معاكى
اميره : فيه . واحلى موقف كمان
سلمى : طب ماتحكى ابو شكلك وانتى ساكته كده مستخبيه تحت الترابيزه
اميره : كنت قاعده معاكو وهو قاعد قصادنا ع السور ... هو مع الشباب وانا معاكو عادى زى ماحنا بنقعد على طول
المهم انتو قومتو مش عارفه روحتو فين وقولتلو للشباب يا احمد احنا رايحين الشئون او مش عارفه كنتو فين يا ربي .. المهم انتو مشيتو وانا فضلت قاعده لوحدى قصاد احمد والعيال
دقيقتين بالظبط لقيت مالك ومصطفى قامو ومشيو وسابو احمد معرفش بقي راحو يجيبو ايه او راحو يجيبو شاى او حاجه
والمعلم رفع عينه وفضل باصصلى ومتنح
يا لهووووووى انا بينى وبينكو فضلت احلم بفستان الفرح هجيبه منين ههههههههههههههههههههههههههههه ايده على خده وباصصلى ومسهم .. يا نهار اسود دا الواد غرقان فيا وف عنيا .... حسيت ان جسمى كله نمًل
احمد ؟ حموووو بيبصيلى وبالشكل ده
سلمى : ( متابعه الحوار ووشها بيحمًر وبتطلع نار من عينيها )
اميره : حسيت بشويه مشاعر كده بتحصل للبنات ف المواقف اللى زي كده . جسمى كله قشعر وايديا خدًلت .. يا جدعان ده بيبصيلى وغرقان والله العظيم
قولت يابت اتشجعى دى فرصه مابتجيش غير ف العمر مره روحى كلميه وهاتيه على حجرك نتى واخطفيه من البنات دى ههههههههههههههههههههههههههههههههههههههههه
منه وفريده : ( متغاظين جدا وهما بيسمعوا الكلام )
اميره : وفعلا قومت من مكانى وفضلت اتحرك ببطئ .. بدات اقلق شويه لان عينه لسا على المكان اللى كنت قاعده فيه ومابتتحركش معايا
يادى النيله انا داخله على الواد وهو لسا باصص على مكانى هناك . ياعم انا هنا .. ياسيدنا انا اهو حبيبتك اللى كنت مسهم معاها وسرحان ف عيونها وهتتجوزها
فيه ايه ؟
دخلت عليه وبقوله حمو !! واد يا حمو !!
انت يابنى
يا احممممممد
لقيته بيرد عليا وبيقولى " هه ! ايه فيه ايه ؟
الباشا كان سرحان ومش باصصلى اصلا ولا فاكر انا مين
سلمى : هههههههههههههههههههههه انا هيجرالى حاجه والمصحف هههههههههههههههههههههههههههههههه
منه : ( ضحكه رقاصات وكباريهات عاليه جدا ) ههههههههههههههههههههههههههههههههههههه
ساره : اااااااااااااااااااا يا قلباااااااااااااااااااااااااااااي . البت خدت صدمه عمرها يا جماعه
فريده : ههههههههههههههههههههههههههه يا فضيحتنا . اتفضحنا والحمد لله . الناس بتقول علينا كلام بطًال دلوقتى الله يهدك يا اميره . انا مضحكتش كده قبل كده من زمان استنوا بقي الجرسون جاى علينا بطلو فضايح
عمرو : مساء الخير ! اختارتو حاجه يا فندم ؟
...........
الي اللقاء في الحلقه القادمه
كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587
لينك بيدج/ هو و هي
https://www.facebook.com/howa.weheyaa/
لينك بيدج/ stories and novels
https://www.facebook.com/StoriesAndNovels2020