................
ف الحلقه السابقه :_
احمد : انتى جبتى اسم حمو ده منين
لمياء : ههههههههههههههههههه لما هقابلك هقولك .. ( بتمد ايديها على كتفه وبتقوله ابقى رد بقي اوكى ؟ هرن عليك ع 8 كده
( سلمى بتمشى ناحيتها )
( احمد بيلمحها )
احمد : هتوحشينى والله يا لمياء
لمياء : بتقول ايه.......... ( سلمى بتجيبها من شعرها وبتوقعها ع الارض وبتقعد فوقيها )
.............. ( الثالثه عشر ) ❤
( مالك ومصطفى بيفرشوا على الارض من المنظر )
احمد : عيب يا بنات اللى بتعملوه ده احنا ف الجامعه ( بيشد سلمى )
سلمى : ( بتديله بالبوكس ف عينه ) ابعد انت سيبنى اربي بنت الكلب دى
احمد : اااااااااااااه عينى
( مالك ومصطفى ضايعين من كتر الضحك )
( منه وفريده وقعوا ع الارض من كتر الضحك )
احمد : قومى انتى يا لمياء
لمياء : ( بتديله بوكس ف العين التانيه )
احمد : يلا ياكش تقطعوا بعض
ماتيجو يا شويه جزم تحوشوهم عن بعض . دول قطعوا بعض
( البنات بتتلم وبتحوشهم عن بعض )
لمياء : ( منظرها يخوف وشعرها نصه طلع ف ايد سلمى ) والله العظيم لمربياكى يا متشرده انتى ومخليا بابي يعرفك مقامك .. هضيعلك مستقبلك
سلمى : يلا يا ماما من هنا .. ده درس صغير بس عشان ماتمديش ايدك على حاجه ماتخصكيش ولا تلفى وتدورى على حاجه ماتخصكيش
احمد : عيب يا سلمى
سلمى : هششش اخرس انت .. دورك لسا ماجاش
احمد : الله ! وانا مالى انا
لمياء : هنشوف
سلمى : اعدلى هدومك بس وخدى شنطتك
لمياء : ( بتعيط )
احمد : شكلك كسرتى دراع البت يا مفتريه حرام عليك
سلمى : عقبال دراعك التانى ان شاء الله .. عامللى فيها حبًيب . دنا هوريك انا دلوقتى
احمد : حد يكبر ف ودن البت دى يا جدعان . البت شكلها اتجننت
سلمى : ( بتعدل هدومها وبتظبط نفسها ) انا ماشيه مروحه .. هتيجى توصلنى ؟
احمد : ايه ! اصل !
سلمى : هتيجى توصلنى ولا لا ؟
احمد : اه طبعا اتفضلى يا انسه
( منه وفريده واسراء مابيتكلموش وخايفين يتكلمو من منظر سلمى العدوانى )
...............
منه : ايه يا بنات اللى حصل ده ؟
فريده : أول مره اشوف سلمى بالعدوان ده
ساره : ( بتضحك ) اهو ده الكلام
منه : كلام ايه انتى شكلك عارفه حاجه ومخبياها علينا يا سوسه انتى ... سلمى عملت ليه كده ف البت ؟
فريده : انطقى يا ساره ماهو مش اكيد عشان البت دى مدت ايديها على احمد .. احمد ياما هزر مع بنات زيها كده بالظبط وسلمى كانت بتبقى موجوده وبتضحك
ساره : لا اصل البت دى زودتها شويه
منه : طب انطقى يا روح امك انا مش هبقى عامله زى الاطرش ف الزفه انا
ساره : اااااااااااي ايه يابت ايدك تقيله كده ليه .. خلاص هنطق
فريده : اخلصى
ساره : البت دى راحت لاحمد المستشفى امبارح وخدت رقمه غصب عنه وبتكلمه وكده
منه : بت مين دى ؟ مش كنتى تقولى كنت كملت عليها مع سلمى
فريده : اهلا وسهلا .....بقا الهانم بقي بتحلو ع الواد وعاوزه تخطفه ؟ طب وحياة امى لنا مربياها انا كمان
ساره : ( بتستغرب من رد فعل منه وفريده وبتسهم ) هو فيه ايه ؟ انتو مازعلتوش من سلمى
منه : نزعل من سلمى ؟ ليه ؟
ساره : يعنى ! عشان هى اللى ضربت البت واتضايقت عشان احمد وكده
فريده : طب مانا واحده من الناس لو كنت عارفه حوار البت دى مع احمد كنت انا اللى جبتها من شعرها
منه : وانا كذلك .. ايه الغريب ف كده
ساره : ( بتستغرب أكتر )
منه : ههههههههههههههههههه مالك يا سرسور
ساره : بلاش اسم سرسور ده عشان ماتغاباش على امك انتى كمان
منه : ههههههههههههههه طب تعالى نجيب شاى واحكيلك
.................
( ف العربيه )
احمد : يا كابتن ممكن تفك البوز ده بقي
سلمى : خليك ف حالك لو سمحت
احمد : طب مانتى حالى على فكره
سلمى : انت ازاى يا افندى انت تخليها تمد ايديها عليك
احمد : افندى ؟ ايه افندى دى ؟ وبعدين انا كنت شايفك جايه من بعيد ف قولت اكيد اكيد سلمى هتقوم بالواجب هههههههههههههههههههههه بس انتى ايدك تقيله اوى على فكره ايه ده
سلمى : تستاهل الحيزبونه دى
احمد : حيزبونه ايه انا بقول ع البوكس اللى انا كلته منك . العصب السمبتاوى ضاع خالص
سلمى : ( بتضحك ضحكه عاليه جدا غصب عنها ) ههههههههههههههههههههههههههههه
احمد : الله اكبر ! ايه الضحكه دى .. بزمتك دى ضحكة واحده لسا طالعه من خناقه فيها عجن وطحن ... ماهى المشكله ان دراعى متجبس ومش قادر احوش عنكو . وكل ما ادخل اشد واحده من ايديها الاقى بوكس ف ام عين اللى خلفونى .. والعيال الواطيه كل واحد ماسكلى بطنه وعمال يضحك على جنب
سلمى : هههههههههههههههههههههههههه كان منظرى زباله ؟
احمد : جدا هههههههههههههههههههههههههه مش عاوز اقولك .. كان منظركو يفطس م الضحك على فكره . شوفت خناقات بنات كتير بس بالشكل ده ماشوفتش
سلمى : اعوذ بالله دى بت هجمه وعامله زى ضلفه الباب
احمد : بس قمر تنكرى ؟
سلمى : ( بتعض على شفايفها وبتبص لاحمد )
احمد : قمر بالستر والله انا مش عاوز اغلط فيها اصلا عشان هى خلقة ربنا . انما هى ولا قمر ولا نيله . اسكتى اسكتى انا مش عاوز اغلط ف حد عشان عيب
سلمى : ( بتبتسم غصب عنها )
احمد : يخربيت حلاوتك
سلمى : مش طايقاك على فكره .. انت اللى تعرفك لازم تخلى عينها وسط راسها لاحسن هتاخد صابونه
احمد : ههههههههههههههههههه طيب يلا انزلى وادى عربيتك اهى وانا هرجع انا هاخد مشروع وارجع
سلمى : ترجع فين مش فاهمه ؟ منا هطلع اغير هدومى وارجع معاك
احمد : اهاااا انا فكرتك خلصتى كده وعاوزه تروحى
سلمى : لا يا بابا واسيبك يعنى ؟ ههههههههههههههههههههه خمس دقايق ونازلالك .. ولا اقولك تعالى اطلع معايا . عشان مامى تصدق ان مافيش حاجه لاحسن هتقعد تقولى فيه ايه وفيه ايه وهتتصل ببابي وهتعمل شغلانه .. انت بكلمتين منك تهًديها
احمد : لا اطلعى انتى بسرعه وتعالى
سلمى : تؤتؤ انزل يلا تعالى معايا
احمد : يا سلمى بس اسمعي...........
سلمى : يلا بقي
..............................
( ف الجامعه )
منه : حطيلى شويه قرنفل والنبى يا كابتن
ساره : الله اكبر ! بتشربي الشاى بالقرنفل من امتى
فريده : هههههههههههههههههههههههه وانا كمان يا كابتن
ساره : يعنى هو انا اللى مش هشربه كده .. وانا كمان يا كابتن
.......
ساره : ها بقي احكيلى . ليه ماتضايقتيش من سلمى على اللى عملته وبتقولى انك لو مكانها هتعملى كده واكتر من كده
منه : هقولك بس بحق الصحوبيه اللى بينى وبينك محدش يعرف ولا حتى سلمى
ساره : عيب يا منه . سلمى صاحبتى وانتى صاحبتى وفريده كمان ويعلم ربنا انكو معزه واحده عندى وبحبكو اد ايه
منه : هقولك يا روحى
شخصيه زى شخصيه احمد دى يا ساره هى اللى تملى دماغ اى بنت
سواء كانت بنوته على قد حالها او بنوته غنيه او بنوته بتحب على روحها ورومانسيه او حتى بنوته معرفتش قبل كده معنى الحب
هتسالينى وتقوليلى بتحبي احمد يا منه ؟ هقولك بعشقه
نفس الكلام ده لو قوليه لفريده او لاى بنت من البنات اللى معانا دول وشايفاهم بيتقربوا مننا وده مش حبا فينا ولا فلوسنا .. لا ده حبا ف احمد نفسه
السر هنا ف احمد نفسه . هو اللى بيحب مين
طب لو مال قلبه لواحده .. الباقى مننا يتفرج ويسكت ولا يحاول يحارب على حبه ده ويحاول يشده ناحيتها
مش هكدب عليك انا ساعات بحس ان احمد مهتم بيا زياده بيعاكسنى لسانه حلو معايا مابيقدرش على زعلى . وساعات تانيه بحس انى مش ف دماغه
يمكن هو كده مع كل الناس او يمكن دى اساسا شخصيته
احمد فيه كل حاجه ممكن تكون بنت بتتمناها ف شريك حياتها
كبير شلته وحضوره بيلغى وجود اى شخص تانى جنبه .. رغم ان لو اتكلمنا ف الماديات والمستوى المادى هنلاقى احمد هو اقل واحد ف الشله كلها وممكن يكون اقل واحد ف الجامعه كلها
الا ان عينه عمرها ما اتكسرت
وجوده بيدينى انا كبنت شعور بالامان .. شعور غريب جدا لما بتيجى سيرته او لما بيكون موجود حوالينا .. ليه بتطمن ؟ وليه بحب يكون موجود ؟ مش عارفه
اسئله كتيره بفكر فيها يوميا ومالقيتش اجابه عليها غير الكلام اللى قولتهولك من شويه
شخصيه صعب تلاقيها ف حياتك بالشكل ده
وانا عن نفسي هعمل المستحيل انه يكون من نصيبى .. والكلام ده انا بقوله قدامك وقدام فريده اهو
احكيلكو حاجه يا بنات عن احمد وده السبب اللى خلت قلبى يتهالك عليه
ساره : ( متأثره بكلام منه وعينيها بتلمع ) احكى يا منون
منه : ف يوم كده لبست هدومى وجيت الجامعه بدرى .. جيت الساعه 7 الصبح .. معرفش ليه وعشان ايه جيت الوقت ده ولو سالتينى هقولك معرفش ايه اللى جابنى دلوقتى ..
وانا جايه ف السكه فضلت ادعى واقول يارب الاقيه .. لانى عارفه انه احيانا مابيكونش عنده شغل وبييجى الجامعه بدرى بدل ما يروح
واللى حسبته لقيته
داخله بدور يمين شمال زى المجنونه اقسم بالله
لقيته نايم ف الجنينه اللى جوه مغطى وشه م الشمس بدراعه ونايم .. بجد كان رايح ف النوم .. قربت منه شويه عشان بردو اتأكد انه هو .. لقيته هو
ملاك نايم على الارض ف منتهى البراءه محتاج اللى يطبطب عليه .. فضلت قاعده جنبه ييجى 10 دقايق باصاله بس وهو مش دارى بالدنيا
نومته ماكنتش نومة طالب جامعى تعب من اليوم او جه بدرى وقرر ينام .. لا دة نومة واحد شايل على حِمله هم الدنيا كله ومابيصدق يخطف من الزمن لحظات يرتاح فيهم
حبيته أوى .... حبيت بساطته واعتزازه بنفسه وانه عمره ما فضل يلعن ف ظروفه
حبيت التيشرت البسيط اللى لابسه واللى ممكن يكون ب 15 جنيه
حبيت الجزمه بتاعته واللى واضح انها مش غاليه بردو
اقسم بالله فضلت اعيط جنبه طول منا قاعده وادعى ربنا بس انك تكون من نصيبى يا احمد ... بعدين مسحت دموعى وقومت ع الكافتيريا جبت كوبايتين شاى وحطيتله قرنفل فيهم وجبت سندويتشين وروحت اصحيه وافطر معاه
حطيت الحاجه جنبى وروحت اصحيه
حمو !
واد يا حمو !
انت يا واد انت اصحي افطر معايا
بيفتح عينه كأنه طفل صغير بيفتح ويغمض ويفتح ويغمض ويفتح ويغمض هههههههههههههههههههههههههه فضل كده بتاع دقيقه كده وبعدين قام قايلى بمنتهى التلقائيه . انتى مين ؟
ساره : ههههههههههههههههههه يا قلبي
فريده : ههههههههههههههههه يخربيته
منه : ههههههههههههههههههههههههههههههه ساعتها ضحكت ضحكة عاليه اوى
وقولتله انا الحوريه بتاعتك . قوم يلا افطر معايا
احمد : ساعتها قام ومارضاش يكسفنى وفعلا فطر معايا .. واحنا قاعدين ف الجنينه بنفطر كده كنت بشوفه بيبصيلى كتير وبيركز ف عينى .. اقسم بالله اتكسفت وحسيت لاول مره انى عينى جميله اوى كده . الناس كلها كانت تقولى عينك احلى عيون ف الدنيا بس ماكنتش بصدق . انا صدقته هو بس
قولتله بتبصيلى كده ليه ياعم
قالى عينك حلوه اوى يا مفعوصه انتى يخربيت كده
هزرت معاه وقولتله يعنى عينى ولا عين سلمى
قام ضاحك وقالى انتو الاتنين عاوزين ضرب النار ... انا كان ايه اللى خلانى اعرفكو المعرفه الهباب دى .. قالى انتى جايه بدرى ليه .. وعرفتى منين انى هنا
قولتله قلبى بقي . قالى اه ! قلب الام
قولتله انت ابنى يا حمو
ههههههههههههههههههههههههههههههه بس عمل حركه غريبه اوى عرفت ساعتها انه مختلف عن ناس كتير
لقيته بيطلع 10 جني وبيديهانى وبيقولى خدى حساب الفطار .. كنت لسا هزعل بقي واقوله انت بتعمل معايا كده ليه
بس هو سبقنى ورد على كل سؤال انا كنت هقوله وقالى كده بالنص " منه ! الراجل راجل والست ست يا منون احنا اصحاب وافديكو بعمرى بس ماتتعدوش حدودى وكبرياءي كراجل . فاهمه ؟ " قولتله فاهمه وخدت ال 10 جنى وبوستها ولسا محتفظه بيها لغاية دلوقتى ههههههههههههههههههههههههه حاجه ف منتهى الهبل يعنى
فريده : عامل فينا حاجه ابن الجزمه ده على فكره ههههههههههههههههههههههه شكله عملنا عمل
ساره : معاكو حق ! حاجه ف منتهى الفلاوله يعنى ههههههههههههههههههههه اوعدنا يارب
...................
( بيت سلمى )
سلمى : استنانى بقي هنا هدخل اغير وجايالك
ام سلمى : ( بتبص على احمد من بعيد وبتفتكر انه الشاب اللى كان بيطلعلهم رمل واسمنت من فتره ... مع العلم انه ماكنش شافها )
ام سلمى : صباح الخير ايه اللى رجعك بدرى
احمد : اهلا صباح النور يا ست الكل ( ابتسامه هاديه وعينه ف الارض )
ام سلمى : ايه اللى عمل فيك كده يا بنتى
سلمى : مافيش يا مامى وقعت على الارض وانا ماشيه بس وهدومى اتوسخت ف نديت على احمد صاحبي جه يوصلنى بس عشان ماكنتش مركزه
ام سلمى : الكلام ده حصل يا احمد ؟
احمد : لا طبعا
سلمى : هييييييييييييييييييييييه اخص عليك بطل هزار
ام سلمى : هههههههههههههههههههههههههههههه طب ايه الحقيقه بقي
احمد : الحقيقه ان بنت حضرتك مفكره نفسها جون سينا ومسكت بنت معانا النهارده اديتلها حتة دين علقه .. عجنوا بعض الاتنين النهارده
ام سلمى : هههههههههههههههههههههههههه احيييييييه . خناقه يا سلمى ؟ دى اول مره تتخانقى مع حد اساسا
احمد : مش بس كده . البنت اللى اتخانقت معاها تبقى بنت دكتور عميد كلية صيدله والبت شكلها مش هيعديها على خير وكده
ام سلمى : لا لا ماتقلقش يا ابو حميد .. انتى هتنزلى تانى الجامعه ولا ماعدتيش نازله
سلمى : لا هغير هدومى ونازله
ام سلمى : طب تعالى عاوزاك ف حاجه .. اقعد يا ابو حميد تشرب ايه
احمد : لا ولا حاجه متشكر
......
( ف اوضة سلمى )
ام سلمى : بنت يا سلمى ! هو ده احمد اللى بتحكيلى عنه ؟
سلمى : هههههههههههههه اه يا مامى ايه رأيك ؟ انا قولت فرصه اخليكى تشوفيه وتشوفى اد ايه ابن اصول
ام سلمى : ( بتحضن سلمى وبتضحك ) ههههههههههههههههههههههههههههههههههههه
سلمى : ايه يا مامى بتضحكى على ايه
ام سلمى : هههههههههههه مبسوطه يا عيونى . غيرى انتى هدومك وانا هطلع اقعد معاه شويه على ما تخلصى
سلمى : بقولك ! انا هلبس البنطلون ده وهطلع . عاوزاك تشوفى رد فعل احمد
ام سلمى : ههههههههههههههههههههههههههههههههههههه ماشى
.............
ام سلمى : ايه يا ابو حميد انت حالف ماتشربش حاجه عندنا ولا ايه
احمد : والله ما اقدر يا فندم احنا لسا فطرانين ف الجامعه قبل ما نيجى على طول
ام سلمى : بالهنا يا ولاد . خلى بالك من سلمى ماعندناش غيرها
احمد : بتوصينا على مين بس . دى الفاكهه بتاعتى . بتاعتنا كلنا يعنى
ام سلمى : انا عارفه يا حبيبى انكو بتحبوها دايما تكلمنا عن صحابها الجداد اللى عرفتهم ف الجامعه وعن سي حمو صاحبكو
احمد : ههههههههههههههههههههه
ام سلمى : اوعى تكون انت حمو
احمد : هو بتشيرته والله هههههههههههههههههههههههههه
ام سلمى : هههههههههههههههههههههه بتعزك اوى سلمى .. ربنا يحلى ايامكو يا حبايبى
احمد : يااارب
سلمى : يلا بينا ! انا خلصت
احمد : ( بيلاقيها لابسه بنطلون ضيق بيبصلها ورافع حاجبه )
يلا ايه ؟
سلمى : ايه انا خلصت يلا بينا ع الجامعه
احمد : ( بيبص لام سلمى ) على طول بتهزرى انتى يا سلمى . ادخلى يلا اتأخرنا غيرى وتعالى واحترمى نفسك . احنا ساكتين عشان امك بس قاعده
سلمى : ( بتضحك هى ومامتها ضحك من القلب )
................
ابو حاتم ( شريك ابو سلمى ف الشركه وصاحبه الروح بالروح ) : يابنى طلع سلمى من دماغك انت ماسمعتش ابوها قال لسا بدرى ع الكلام ده
حاتم : يا بابا خليك عارف انى لو ماتجوزتش سلمى مش متجوز غيرها .... على الاقل اخطبها .. دنا لما بروح اقرب منها بس بلاقيها بتهرب منى وبتسيب الجامعه خالص كانها خايفه منى
ابو حاتم : طيب انا هكلم ابوها تانى .. والمرادى عندى اللى يقنعه !
...........................
الي اللقاء في الحلقه القادمه
كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587
لينك بيدج/ هو و هي
https://www.facebook.com/howa.weheyaa/
لينك بيدج/ stories and novels
https://www.facebook.com/StoriesAndNovels2020